Update ~~ 12
Bathroom mein ghuste hi samne lage aine mein khud ke chehre ko dekh supriya use hi dekhti rahi. Ek mahine pehle jab vo ghar chhod kar hostel ayi thi tab uske chehre par glow hua karta tha lekin ab chehri par khubsurti kam hoti jaa rahi thi. Use apni ankhon se itna pyar tha aur unhi ankhon ke niche kalla-pan aa gaya tha jo hostel akar kam sone ki wajah se tha. Chehra bhi pehle se kam ho gaya tha aur sirf chehra hi nahi badan bhi dhalta jaa raha tha. Pehle inhi chatiyun par pehna top kasa hua karta tha aur aaj dhila pan chadh gaya tha. Supriya ne kuch der tak apne sharir ko niche tak dekh kar uska anklan kiya aur apne sharir ko dhalta dekh chinta chai jaa rahi thi. Khud ko dekhte hue use achanak waqt ka yaad aya aur usne nazre piche ghuma kar ghadi mein time dekha. 1 bajne mein jada waqt nahi bacha tha.
" tanu ya uske friends dhundte hue kabhi bhi yahan tak aa sakte hain, mujhe yahan aise khada dekha to ghasit kar le jayenge " supriya ne ghadi ki aaur dekhte hue apni bayein aaur dekha jahan ek transparent sheet thi jiske piche chote chote cubicles the jahan par ladkiyan naha sakti thi aur bayein taraf bane the toliet jis jagah vo khadi thi. Aaj bhi seniors yahin nahana pasand karte the aur nahane ke baad isi aine ke samne khade hokar apne aap ko niharte the jahan par supriya is samay khadi thi. Vo aine ke samne se hatti aur apne dayein taraf mudi jahan par panch cubicles bane hue the. Supriya ne pehle cubicle ke kiwad ko dhakela par vo nahi khula, " andar se band hai, koi hai isme " supriya ne socha " mere ane se pehle hi koi aya hoga aur kahin usne vo to nahi sun liya jo mene khud se kaha? " supriya ab man mein hi khud se baat karne lagi thi " itne chup-chap se baithi hai " supriya piche hatti aur dusre cubicle ki taraf badhi aur usne uske kiwad ko dhakela par vo bhi nahi khula. " ye bhi band hai? " vo hairan hui aur pareshan bhi, fir vo sochte hue aage badhi aur usne tisre darwaje ko dhakela vo bhi band, fir chautha vo bhi band. Ab sirf ek hi cubicle bacha tha aur supriya ke man mein veham aane laga tha. " kahin tanu ko malum to nahi chal gaya ki mera kya plan hai? " uske chehre ki chinta badhti jaa rahi thi. " vapis chali jati hun " supriya ne socha aur piche ghadi ki taraf nazar dali, ek bas bajne hi wala tha. Vo janti thi ki abhi corridor mein nikli to pakdi jayegi aur agar yahan aise khadi rahi to bhi pakdi jayegi. " please ye wala khula ho.. " usne kisi bhi cubicle ko khat-khata kar puchna sahi nahi samjha vo nahi chahti thi ki kisi ko bhi uske wahan hone ke bare mein pata chale isliye wapis jane ka plan cancel karte hue usne akhri cubicle ki taraf hi badhna sahi samjha. Aur dhire-dhire hi sahi jab usne cubicle ko dhakela to vo khul gaya jise dekh uski sans mein sans ayi. Vo cubicle mein ghusi aur usne kiwad ki kundi andar se band kar di aur jaise hi cubicle band hua ghadi ki chalti suiyan ruk gayi, abhi 1 bajne mein panch minute baki the.
Supriya ek pal khadi rahi aur fir pot ka dhakkan band karke uske uppar baith gayi. Kuch der use yun hi baithe rehna tha, phone sath mein hota to mera waqt beet jata, na jane kitni der yahan baithe rehna padega. Apni boriyat ke bare mein sochte hue uska dhayan apne bagal walle cubicles par gaya. Abhi bhi wahan se koi halki awaz tak nahi thi. " aisa kaun baith sakta hai itni shanti se? " khud ke sawal par usne dhayan diya to samajh aya ki vo bhi wahi kar rahi hai, khud bhi itni shanti se baithi hai ki kisi aur ko malum nahi chalega ki andar koi hai. " par meri majburi hai inki kya? " supriya ki nazar uppar ki taraf gayi jahan se cubicle thoda sa khula hua tha. Agar vo pot par khade hokar dekhne ki kosish kare to us taraf dekh sakti thi, usne aisa socha jarur lekin aisa karne ki himmat uske andar na hui. Vo chup chaap thodi der bas yun hi baitha rehne ka faisla karke apne man se is chiz ka khayal nikal diya aur ankhein band kar piche tanki se tek lagaye vo baith gayi. Ankhein band hote hi andhkar mein vo ek baar fir wahin ja khadi hui jahan vo pichli raat khadi thi. Asman mein bizli kadak rahi thi aur baairsh mein wo us khandar ghar ke samne khadi thi jiski khidki se ati pilli roshni ne uski nazar ko wahin bandh rakha tha. Us pili roshni ke piche koi parchai khadi usi ki taraf dekh rahi thi. Kiski thi vo parchai aur kyun dekh rahi hai vo meri taraf? Supriya ka dil zoron se dhadak raha tha. Baarish ke shor ke piche bhi use har samay lag raha tha ki koi awaz uske kano ko chunne ki kosish kar rahi hai. Itna hi nahi vo awaz jo use samajh nahi aa rahi thi lekin use mehsus ho rahi thi vo samne se hi aa rahi thi. Ye awaz kano mein chub rahi hai, kya kehna chahti hai? Koi band karwao ise.. Supriya kuch pal tak shant thi awaz samajhne ki kosish kar rahi thi lekin kuch hi pal baad vo awaz uske kano ko chubne lagi. Usne apne kaan band bhi kiye lekin vo awaz band hone ka naam nahi le rahi thi. " Stop please... stop.. band karo vo awaz.. " supriya ne us roshni ki taraf dekhte hue chillai aur tabhi darwaje par dastak se uski ankh khul gayi. Mathe par pasine ki bundein zama thi, ankhein band karte hi jo bhi kuch usne dekha, ankhein khul jane ke baad bhi vo sach jaisa mehsus ho raha tha. Darwaje par fir dastak hui tab use samajh aya ki uski ankh kyun khuli thi.
Dastak itni zor se di jaa rahi thi mano darwaja todne ka irada ho. Supriya ke sharir mein harkat to hui lekin usne koi awaz nahi ki, chehre par chai ghabrahat, hathon ke nakhun mein fanse kapde, sine mein dahdakta tez dil, mathe se fisalta pasina ye gawah thi ki supriya kis tak dari hui hai. Darwaje par dastak band hone ka naam nahi le rahi thi aur uspar padti har thok ki awaz gunj rahi thi. Supriya ka ye manna tha ki darwaje ke piche tanu ya uske dost hai aur vo isliye nahi bol rahi hai taki unke hone ke bare mein malum na chale, isliye vo khud bhi chup thi. Uski nazar bar-bar jis taraf drwaje par dastak hoti uske sath uppar tak jati jahan se jhankne par dekha jaa sakta tha lekin uske liye unchai ki jarurat thi jo wahan uplabhd nahi thi aur na hi aise koi dekhta hai, vo bas yahi soch rahi thi. Ek pal ke liye dastak ruki to supriya ko laga ki bahar wala chala gaya usne abhi chain ki sans li hi thi ki ek baar fir dastak hone lagi is bar pehle se jada. Supriya ki cheekh nikal jati lekin usne kisi tarah khud ko roka aur darwaje ko hi dekhne lagi. Us thokne ke andaz se use aise lagne laga ki abhi kundi tut kar gir jayegi. Bas kuch aur dastakk aur kundi tutne wali thi. Supriya ko samajh nahi aya ki vo isse kaise bache aur tabhi dastak band ho gayi bilkul us samay jab vo kundi tut kar girne wali thi. Supriya ko laga ki dastak fir se hogi isliye vo usi tarah baithi rahi, ek minute... do mnute... teen minute... panch minute..... das minute.... Supriya usi tarah ek dum sthir baithi rahi. Karib satrah minute baad jab koi shor nahi aya to supriya apni jagah se khadi hui, usne apne kampte hue hath aage badhaye aur kundi kholi. Uski sansein tez thi aur vo aisa kyun kar rahi thi ye use samajh nahi aa raha tha lekin jigasya purvak usne darwaja khola aur piche ho gayi taki agar koi samne ho to uspar hamla na kar de lekin darwaja khulte hi samne use apna hi chehra dikha jo aine mein uski parchai thi. Cubicle ke samne washbasin aur aine lage hue the yani uske samne koi bhi maujud nahi tha. Na hi koi halchal thi aur na hi kisi ki maujudgi ka koi bhi sanket use mil raha tha. Usne kiwad ke chaukhat ko pakda aur apni gardan aage ki taraf nikal kar bathroom ke andar jhanka, jaisa use mehsus hua tha wesa hi nikla wahan par koi bhi maujud nahi tha. " shayad thak kar vo chale gaye honge.. megha ka idea kaam aya varna.. " supriya ki nazar darwaje par gayi jahan ek nishan bana hua tha. Lakdi ka darwaja ek jagah se dab gaya tha jaise usi jagah par bar-bar mara gaya ho. Un logon mein itni takat kaise ho sakti hai? Supriya khud se sawal karti tabhi use apne pairon mein kuch mehsus hua. Usne fauran nazar niche ki to pani ne uske pairon ko bhigo diya tha. " ye pani kahan se ... " vo apne cubicle se bahar ayi tab usne dekha ki baki jo teen cubicle band pade the ab unke darwaje khule the aur andar koi nahi tha. Pani purre bathroom mein bhara tha jisme ediyun jitna pani bhar chuka tha. Farsh se pani jane ke liye kai naliyan wahan bani thi lekin jaise pani unme jaa hi nahi raha tha. " pani kahan se gir raha hai? " supriya ne washbasin ki taraf dekha to vo band the, cubicle ke andar bhi nal chalu nahi the " lagta hai koi nahane wala nal khula chhod gaya, par mujhe kyun koi shor sunai nahi diya? " supriya ko laga jaise pichla adha-ek ghanta beeta hi nahi kyun ki us bich kya hua use kuch malum hi nahi chala tha. Supriya ne curtain ko hataya to use pani girne ka shor sunai diya, is hisse mein koi light nahi thi isliye andhera tha. Curtain band hote hi roshni bhi na ke barabar thi. Pani yahan bhi bhara hua tha aur halki roshni mein vo farsh ke uppar chamak raha tha, bhale hi pani ki matra kam thi lekin is tarah chamakne par supriya ke man mein ghabrahat hone lagi thi. Usne pani girne ki awaz ka picha kiya aur ant walle cubicle tak pahunch gayi. Jaisa andaza tha wesa hi hua, wahan se pani gir raha tha. Supriya ne fauran uske nal ko band kiya aur pani girna band ho gaya. " ab pani nikal jayega, pata nahi kaun bevkuf khula chhod gaya " supriya ek dafa wahin khadi rahi aur fir wapis chal di. Jaise jaise vo aage badh rahi hi farsh par pada pani wahan se aise hatt gaya mano kabhi tha hi nahi.
Supriya ne curtain hataya aur roshni mein atte hi usne chain ki sans li. " ab mujhe chalna chahie, kafi der ho gayi hogi, time kya hua hai " supriya ne ye soch kar time dekha ki vo andaza laga sake ki jitni der se vo yahan hai utni der kafi hoga tanu se bachne ke liye lekin jab usne ruki hui ghadi dekhi tab use samsya ho gayi " ye to band padi hai, jab ayi tab to chal rahi thi, ajeeb baat hai, ek bhi nahi baja isme to abhi tak. Ab..? ab kya karun.. thodi der aur rukun... " surpiya soch mein padh gayi aur sochte hue uski nazar farsh par padi, jahan abhi itna pani bhara hua tha ab wahan par pani nahi tha lekin supriya ne us baat ko nahi socha kyun ki uski nazar farsh par pane peron ke nishan par ruki hui thi. Pani se bane peron ke nishan jo bathroom ke darwaje ki taraf se aa rahe the. Supriya ne pehle vo nishan kahan se bante hue aa rahe hain vo dekha aur fir kahan tak jaa rahe hain us taraf dekha. Nazre dhire-dhire us taraf badhi jahan se nikal kar vo ayi thi. Bathroom ke usi cubicle ki taraf vo nishan jaa rahe the jahan vo chup kar baithi thi aur jo cubicle ka kiwad ko khulla chhod kar nikli thi vo is samay band pada tha. Supriya dar gayi, use ab laga ki kuch gadbad hai isliye usne zara bhi waqt nahi lagaya ye sochne mein ki use yahan se ab jana hai, lekin vo bahar ki taraf jati use pehle flush chalne ki awaz ne uski soch ko rok diya. Vo apni jagah se hil hi nahi payi kyun ki use malum tha ki ab darwaja khulega aur andar se koi bahar ayega par aisa hua hi nahi, ek minute... do minute... teen minute..... char minute..... panchh minute.... Supriya wahin khadi rahi jaise kisi chiz mein kho gayi ho. Jab use hosh aya aur ye samajh aya ki andar se koi nahi aya hai to vo bahar jane ke liye hi badi par fir se uske kadam ruk gaye par is baar kisi ke hone ki wajah se nahi balki isliye kyun ki jo kanch washbasin ke uppar laga hua tha vo hilne laga tha. Supriya ek nazar usi ko dekhti rahi aur fir jaise vo halka sa chatka tab uska dhayan tuta aur tab samajh aya ki sirf kanch hi nahi balki zameen bhi hil rahi hai, jo ki pehle behad dhire thi par dhire-dhire tez hoti jaa rahi thi.
" earthquake aa raha hai ?" supriya ki nazar ghadi par gayi to vo bhi deewar par tangi hui hilne lagi thi. " sach mein aa raha hai.. " supriya ko ab zameen ka hilna tezz mehsus hone laga tha. Vo bhagna chahti thi lekin jaise ek icha thi ki bhukamp band ho jaye tab vo wahan se nikle aur itne mein uski nazar usi kanch par gayi jo chatka tha aur dhire-dhire uska chatkna badhta jaa raha tha. Aine par chatkne ki ek lakeer ek kone se dusre kone ki taraf badhti jaa rahi thi aur dekhte hi dekhte kanch mein se se jada kai chatakne ki lakrein banne lagi. Supriya ko aine mein khud ka chehra bhi alag-alag hisson mein dikhne laga tha. Ek pal aur shayad aise hi chala fir sab shant ho gaya, supriya ne gheri sans khinchi aur is baar bathroom ka darwaja khol kar bahar nikalne ka faisla kiya.
" supriya... " supriya ne bathroom ka darwaja khola hi tha ki ek awaz ne use dara diya aur usne darwaje ko wapis band kar diya. Use laga tha awaz bahar se ayi hai aur kisi ne use dekh liya par asal mein aisa nahi tha. Awaz wahin se ayi thi jahan vo khadi thi use kuch dur se hi. Ye baat use tab samajh ayi jab uska naam dubara pukara gaya " supriyaa..... " awaz jab dubara ayi to bathroom mein lagi light bhi 'jar-jar'
karti hui lubjhub hone lagi.
" the fu.ck... " supriya ek kadam piche hui aur jab light lubh-jhub jada hone lagi to vo ek kadam aur piche ho gayi aur piche mirror se takra gayi. " band nahi hona please... band nahi hona... " supriya ki nazar light par hi thi lekin uske prathna ke bavajud light band ho gayi aur ghup andhera cha gaya. " fuckk.... shit.... " supriya ek pal usi tarah khadi rahi. Per ke anguthe se apni ungliyan nochti rahi. " supriya... " is shanti ke bich dabi awaz mein jab use apna naam fir sunai diya to is baar vo cheekh padi. Andhere aur kisi hone ke abhas ne hi use kanpne par majbur kar diya tha. " kaun hai.. kaun hai...? " kanpti awaz mein supriya ne pucha to turant jawab aya.
" supriya... idhar.. idhar.... ye khul nahi raha.... " awaz abhi bhi bahut dhimi aur dabi hui thi par uske sath ek aur awaz bhi thi jaise koi chiz ko bar-bar band khol kia jaa raha ho.
" kaun ho tum.. ? batao kaun ho... " awaz usi taraf se aa rahi thi jis taraf us per ke nishan the isliye supriya bhi udhar dekhte hue puch rahi thi lekin himmat nahi thi ki vo us taraf jaye ya fir darwaja khol kar bathroom se nikal jaye.
" main hun.. main.. kholo ise.... "
" main kaun? kaun ho tum.. " supriya ek kadam aage badhi jaise use laga ki sach mein koi hai jo uski madad mang raha hai. Vo fir bhi wahan tak aa khadi hui jahan se vo bahar bhi jaa sakti thi aur madad ke liye cubicle ki taraf bhi badh sakti thi. Usne hath washbasin par rakha hua tha vo bahar bhi jana chahti thi aur awaz ke piche chupe shaks ko bhi dekhna chahti thi jo musibat mein fansa tha lekin usne ye socha ki jab tak roshni nahi hogi tab vo aage nahi jayegi aur bahar nikal jayegi. Usne aisa socha hi tha ki bathroom ki bhuji hui light jal uthi. " kuch aur hi mang leti... " supriya ko majburan abhi apni baat par kayam rehna pada aur vo cubicle ki taraf badhi. Roshni aa jane par darwaje par lage uske kunde ko ghumte hue saaf dekh paa rahi thi yani jo bhi tha andar vo bahar ane ki kosish mein tha par khol nahi paa raha tha.
" tanu tum ho andar? " supriya ne apne dar ki wajah se pucha lekin jawab mein kuch aya hi nahi. Pehla,dusra,tisra cubicle khali tha uske darwaje bhi khule hue the. Supriya chauthe cubicle ke samne aa khadi hui, kunda abhi bh gol-gol ghum raha tha. Darwaje ke piche kaun tha use nahi malum, na hi koi bol raha tha lekin koi andar tha ye use samajh aa raha tha. Usne us kunde ko hath se pakad liya kyun ki usko ghumta dekh use ajeeb sa mehsus ho raha tha. " kholne ki kosish kar rahi hun ruko " supriya madad isliye kar rahi thi ki agar vo uski jagah hoti aur koi uski help nahi karta to bahut bura lagta isliye is lalch mein vo kiwad ke piche khade shaks ki madad kar rahi thi. " please bhagwan tanu na ho bas.. lagta to nahi fir bhi request kar rahi hun.... " supriya kosish kar rahi thi lekin kunda atak gaya tha ya kiwad use samajh nahi aa raha tha. " khul nahi raha.. " kuch ek aad minute ki kosish karne ke baad vo boli aur sochne lagi.
" thoda piche hato, dhakke se kholna padega... " supriya ke pas ab koi chara nahi tha, use samajh aa gaya ki jis tarah se kiwad pitta tha uske andar hone par uski wajah se kahin atak gaya hai ye kiwad isliye ab khul nahi raha. Supriya thoda piche hui aur usne apne kandhe se kiwad ko dhakka dete hue kholne ki sochi.
" supriya.... " awaz fir usi tarah dabi hui ayi.
" kosish kar to rahi hun ruko... " supriya ne kandhe se ek baar darwaje par mara lekin kiwad ko kuch nahi hua aur uske kandhe par dard ho utha " behen... " vo bolte hue ruk gayi. " ek baar aur " vo fir piche hui aur usi andaz mein kholne gayi.
" supriya.... " supriya is baar awaz ko nazar-andaz karna chahti thi lekin use tabhi kuch mehsus hua aur vo dhakka dene ki jagah vo kiwad ke najdeek aa khadi hui aur usne apna kaan kiwad par lagaya.
" tum theek ho? " supriya ko jawab sunna tha kyun ki jo use mehsus hua tha vo dekhna chahti thi ki sahi hai ya galat. Usi khamoshi ke bich jawab aya " supriyaa.... " sirf uska naam jo kuch der se liya jaa raha tha. Naam sunte hi supriya ek dum se piche hath gayi kyun ki jo use mehsus hua tha vo ek dum theek tha " awaz kiwad ke piche se nahi aa rahi balki mere piche se ayi thi " supriya ki ankhein dar ki wajah se khuli hui thi. Vo piche ghumi wahan uske alawa koi nahi tha, vo aur tute hue aine mein dikhta uska chehra. Uski sansein tez thi jise vo khud hi sun paa rahi thi. Awaz piche se hi ayi thi pakka yakeen hai mujhe lekin kaise? Supriya khud ke sawalon mein ghiri thi ki ek baar fir use apna naam sunai diya " supriyaa.... " awaz aa rahi thi lekin kahan se ye baat use samajh nahi aa rahi thi " supriya... " abki baar dubara awaz jaldi ayi aur fir bar-bar ane lagi. Supriya ki ghabrahat badhti jaa rahi thi use samajh hi nahi aa raha tha ki ye sirf uska veham hai ya hakikat? Aur isi udhebhun mein uski nazar washbasin par gayi. Jo vo soch rahi thi vo impossible tha aur uske liye bevkufi bhi par fir bhi vo aage badhi aur aage badh kar usne apna kaan washbasin ki taraf jhukaya aur jaise ek baar fir intezar karne lagi..
" supriyaa.a..... " apna naam sunte hi uske muh se cheekh nikal gayi aur vo piche hote hue kiwad se ja takrai jise takrate hi vo kiwad khul gaya aur supriya piche pot ke uppar ja giri. Ek pal use samjhne mein laga lekin jab usne dekha ki wahan koi nahi hai to vo dar ke marre uth khadi hui. " yahan to koi nahi hai.. koi nahi hai... " vo bhagti use pehle jis washbasin ki nali se use apna naam sunai diya tha usme se ek ajeebo garib awazein hone lagi jaise kuch nikal raha ho. Supriya ki sansein tez thi aur ghabrahat ke mare uska dil zoron se dhadak raha tha, washbasin se ati awaz ne uske dar ko aur badha diya. Usne kiwad ko hathon se pakad liya tha taki vo band na ho jaye aur fir washbasin ke andar se kuch nikla, ek gadhi ajeeb si chiz jo nikal kar washbasin mein bharne laga jiski gandh se supriya ko ubkai ane lagi aur vo use bardasht nahi kar saki aur pot khol kar ulti karne lagi. " ughh... chiii... ughhh... " supriya ulti karti aur washbasin ki taraf dekhti jo ab pura bhar gaya tha aur jo bhi nikalna tha vo shayad band ho chuka tha.
Supriya ulti karke khadi hui aur washbasin ki taraf badi jise pura bhara dekh use ubkai aa gayi aur usne apni naak hath se chupa liya lekin fir bhi uski ubkai band nahi hui. Vo kuch aur samajh pati ki dusre washbasin ke sath bhi kuch aisa hi hua aur baki bache washbasin ke sath bhi. Supriya apni ubkai ko rok na saki aur uske muh se ulti ki bochar nikal gayi jo pehle kuch to wahin farash par giri aur fir vo pot ke andar karne lagi. Jaise jaise vo ulti kar rahi thi use lag raha tha mano uske sharir se uski atma khinch rahi ho. " aahh-h....hhh " hanfte hue vo ek pal wahin deewar ke sahare baith gayi aur himmat jutane lagi kyun ki usme itni himmat nahi thi ki vo uth kar ja sake. Washbasin se ab vo padart bahar aane laga tha aur ab vo chiz andar se nikale jaa rahi thi. Supriya ko jald se jald bahar nikalna tha, par uthne ki kosish mein bhi vo jab nahi uth payi to uski ankh se ansu nikal aya. Par tabhi ek aur awaz ne uske emotions ko badal diya, ansu nikalne band hue aur dar ne uske sharir mein takat de di. Vo deewar ka sahara lete hue khadi hui kyun ki awaz usi pot mein se aa rahi thi. Pot mein se awaz ke sath uspar dhire-dhire crack padne lage isi ke sath kuch aisi hi awaz bahar se bhi ane lagi. Usne washbasin ki taraf dekha to usme bhi crack hone laga tha yani jo chiz andar se nikal rahi thi uska pressure itna tez tha ki vo use sambhal nahi paa raha tha. Supriya janti thi ki use wahan se jaldi nikalna hai aur usne theek kiya bhi waise hi vo bahar ki taraf bhagi lekin uska per apni ki hui ulti par padh gaya aur padte hi fisal gaya. Fisalte hi vo ghutne ke bal giri aur dard mein chilla padi. Jaise hi vo dubara uthne ko hui sabse akhri wala washbasin fut pada aur itni zor-dar awaz hui ki supriya dar ke marre cheekh padi, uski cheekh bata rahi thi ki vo kitni sehmi hui hai. Vo apne aap ko kisi tarah uthane ki kosish karte hue bar-bar fisal rahi thi ki itne mein vo pot bhi fut pada aur usme se nikalta padart failne laga, Supriya ke uppar bhi uske chintte girne lage the. Supriya ne us taraf dhayan na dete hue apne aap ko uthaya aur utne mein baki bache washbasin aur pot futt pade jiski wajah se bathroom mein har jagah us padart ki chaap padne lagi par supriya waqt rehte bathroom se bahar nikal gayi warna vo uske andar hi dub jati. Supriya ke bahar nikalte hi deewar par tangi ghadi jispar bhi us padart ka lep laga gaya tha vo chal padi..
Supriya dar ki cheekh ke sath bhagte hue sidiyan utarne lagi aur utarte hue uska dhayan bar-bar piche hi jata mano koi uske piche aa raha ho aur isi bedhayani mein usne aage nahi dekha aur vo samne takra gayi aur takrate hi uske sar par itni zor se lagi ki piche girte hi usne apna sar pakad liya.
" behen ki lodi sarkar se jada tez hai tu, madarchod hath tod dia mera.. "
" kyun be itni jaldi kya thi? " kaamini boli.
" iski maa chudegi abhi isliye itni jaldi hai ise, sali hadi tod di lagta hai is chut ki chutiya aurat ne " komal apni elbow sehlate hue boli.
" chalo uth ab... " supriya ne jab apne sar se hath hataya aur awaz ki taraf dekha to uske muh se pehla sawal yahi nikla " kaise ? "
" kaise? kya.. ye sab tu tanu se puchio chal khadi ho ab " komal ne uska hath khinch khada kiya " chal ab ya teri gand par baam lagaun tab aag niklegi teri gand se? " komal ne usko kandhe se dhakka diya aur dono use tanu ke kamre ki taraf le gayi. Kaamini ne darwaje par khatkhataya to andar se awaz ayi " khana kya hai ?"
" rasmalai "
" billi kiski hai? "
" teri maa ki "
" marni kise hai ? "
" tere baap ke bhai ko "
" khol dun fir? "
" khada hai mera " sonam ne jawab diya aur andar se kiwad khul gaya. Supriya ko kuch samajh nahi aa raha tha ki kya ho raha hai. Use kaamini ne andar khincha aur dusri ladki jo pehle se andar maujud thi usne darwaja band kar kunda laga diya. Tanu pipe ko muh mein liye andar sans khinch rahi thi fir supriya ko dekhte hi usne pipe hataya aur muh se dhuan chhodte hue boli.
" aja janeman aja... bilkul sahi samay par ayi hai, manna padega tujhe... aja.. baith.. chal apni chutad utha " tanu ne laat mar kar bagal mein padi ladki se kaha jo bina kuch kahe zameen par jaa padi. 'Sahi samay' supriya ke dimag mein is baat ne aisa asar kiya to vo idhar udhar dekhne lagi aur kamyabi milte hi jaise hi uski nazar diwar par tangi ghadi par gayi to use yakeen nahi hua.
" 1 baja hai.. par kaise? " vo kuch sochti use pehle tanu ne use khinch kar apne pas baitha liya.