- 5,758
- 13,139
- 189
UPDATE 95
Bike thoda aage badha hi tha ki bike ka balance bigadne laga.
Sumit bhi bike se jump karne ki koshish karne laga lekin kar nahi raha tha.
Megha:- Utro jaldi.
Darte hue aawaj mein Megha ne kaha.
Sumit:- Nahi nahi...Mujhe dar lag raha hai.
Fir thoda aur aage jaake bike ruk jaata hai.
Bike se utar kar.
Megha:- Bahut darpok ho yaar tum.
Itna keh kar Megha piche mudti hai aur Sumit ko hansta dekh chaunk jaati hai.
Megha:- Puri mehnat barbaad kar diya.
Sumit:- Aise kaise barbaad ho gaya...Darne ki bahut accha acting kiya tha.
Megha:- Tumhe sach mein dar nahi laga.
Sumit:- Acting karte vakt
Megha:- Lekin koshish to bahut accha kiya tha bike ke balance bigaadne ke liye.
Sumit:- Galti tumhari nahi hai...Cricketke baad bike hi aisa cheej hai jise aaj bhi pyaar hai...Sirf insaan ka hi nahi bike ka bhi Anatomy aur Physiology pata hai.
Turant pat chl jaata hai bike ka balance bigda hai yaa bigaadne ki koshish ki ja rahi hai
Sumit ki iss baat par Megha kuch der ghurti hai fir hasne lagti hai.
Megha:- To fir Bike ki Pathology mein Pharmacology bhi jante honge...Ban jaao Bike ke doctor.
Sumit:- Ban chuka hun...Aur kai baar to Surgery bhi kar chuka hun...Bahut paise bachaye hai
Megha:- Tum se jeet nahi sakti.
Itna keh kar Megha hasne lagti hai.
Sumit:- 2 din enjoy karna hai...Pehle se hi form mein hun.
Megha:- Accha ye bataao sach mein bike ka balance bigad jaata to kya karte?
Sumit:- Jo kar sakta tha wo karta...Pehle piche se hi balance banane ki koshish aur agar nahi kar paaya to tumhare saath hi gir jaata.
Abb saath chal pade hai to saath to nibhana padega na.
Sumit ki iss baat par Megha sirf usko hi dekhti hai.
Sumit:- Abb itna bhi senti hone ki jarurat nahi hai...Bhale hi Surgery padh raha hun lekin Orthopedics aaj bhi acche se aata hai...Aise land karta jisse fracture hota hi nahi aur ho bhi jaata to bina jyada complication ke acche se treat ho jaata.
Megha:- Tum se baatein karna hi bekaar hai
Fir dono nikal padte hai aage ki anjaan manjil ki aur...Iss baar balance nahi bigadta.
Aur bike dusre sehar mein jaa kar rukta hai.
Sumit:- Yaha par rukne ki vajah.
Megha:- Iss touur ke mastermind mai hun.
Sumit:- Wo to hai.
Megha:- Fir chalo jaha mai le chalti hun bina kisi sawaal jawaab ke.
Sumit:- Jo aagya.
Fir dono ek cinema hall ki taraf jaate hai.
Movie chal pada...Movie ke dauran Megha ki najar kabhi movie par hota to kabhi Sumit par...Sumit ka bhi kuch waisa hi haal tha.
Bich bich mein Sumit ki muskaan dekh Megha ko laga ki Sumit ko movie pasand aa raha hai.
Movie khatm hone ke baad.
Megha:- Kaisa laga?
Sumit:- Accha tha.
Megha:- Bas accha?
Sumit:- Haan accha hi tha.
Megha:- Bas accha hi?
Sumit:- Accha tum kya sunna chaahti ho wo hi bol deta hun.
Megha:- Tumhe jaisa laga waisa hi bataao.
Sumit:- Nahi movie accha hi tha lekin ending aisa laga jaise koi fairytale type movie hai.
Megha:- Aur aisa tumhe kyu laga?
Sumit:- Aisa bhi happy ending ho sakta hai...Real life mein impossible.
Megha:- Aur tumhe kyu laga ki ye real life mein impossible hai?
Sumit:- Kyuki aisa maine hote kabhi nahi dekha.
Megha:- Lekin maine to dekha hai.
Sumit:- Lekin mere saath to nahi hua.
Thoda sa gussa Sumit ke chehre par aa gaya.
Megha:- Abb ye mat kehna ki angoor khatte hote hai
Megha ne hanste hue kaha...Sumit bi kuch der baad saatb dene ke liye muskuraane laga.
Sumit:- Abhi bhi viswash nahi hota...Agar real life mein fir kabhi hua to mujhe bhi dikhana.
Megha:- Dikhana kyu? Khud hi dekh lo.
Sumit:- Kisko?
Megha:- Khud ko hi.
Sumit:- Kya matlab?
Megha:- Jis love story ko tum fairytale samajh rahe ho...Wo tumhare saath hi hone wala hai.
Sumit:- Mai aur fairytale love story
Impossible...Mai to abb inn cheejon se dur bhaagta hun.Megha:- Duniya gol hai...Bhaagte hue wohi aa jaaoge.
Sumit bhi iss jawaab par chup ho gaya...Megha ki baat galat to nahi laga usse..Lekin kya sach mein aisa ho sakta hai...Bas yahi sawaal uske dimaag mein chalne laga.
Sumit:- Mai exception hun.
Bas itna hi jawaab de paaya Sumit.
Megha:- Har insaan ko lagta hai wo special aur exceptional hai.
Megha ki iss baat ka bhi jawaab nahi tha Sumit ke paas.
Sumit:- Bas mere life mein fairytale lovestory nahi hoga.
Megha:- (In her mind) Lekin meri life mein to hoga...Aur baat ek hi hai.
Megha:- (To Sumit) Jarur hoga...Mein daave ke saath keh sakti hun.
Sumit:- Accha mere life par tum itna sure kaise ho sakti ho?
Megha:- Kyu ki tum se jyada tumhe mai jaanti hun...Ye baat to tum bhi kehte ho.
Megha ki baat par Sumit bhi hansta hai...Aaj Megha ki baaton ka tod Sumit ke paas nahi tha.
Sumit:- Haan lekin iss baar tum galat ho.
Megha:- Lagaao shart.
Megha ki confidence par abb Sumit ko hairaani hone laga.
Sumit:- Shart...Bataao kya shart lagaaogi.
Megha:- Jis din jeet jaungi uss din bataungi.
Sumit:- Tumhara confidence accha laga.
Megha:- Jis din shart jeetungi uss din tumhe aur accha laga.
Sumit bhi chaahta tha Megha hi ye shart jeete...Apni khushi kaun nahi chaahega...Lekin kahi na kahi vishwaas hi kami tha.
Iss maamle mein Sumit se aur kuch nahi bola jaaa raha tha...Kuch der aise hi chalne ke baad.
Sumit:- Tum to merw baare mein sab kuch jaanti ho....Mai hi kuch nahi jaanta tumhare baare mein.
Megha:- Kabhi jaanne ki koshish bhi ki ?
Ye bat Megha ki dil se nikli jisne Sumit ko clean bowled kar diya.
Sumit:- Shayad mulakaat hi aise samay par hua tab se apne hi baare mein soch raha hun...Tumhe bhi lag raha hoga kitna khudgarz hun mai.
Megha:- Are tum to senti ho gaye...Mai to bas aise hi keh tahi thi.
Agar sach mein tumhe khudgarz ya galat sochti to tumse baat karna to dur apne aas bhi aane nahi deti.
Iss jawaab se Sumit ko thoda raahat mila.
Sumit:- Accha ek baat bataao...Jo bahut dino se puchna chaahta tha.
Pehli najar mein mai kaisa laga tha tumhe?
Anatomy ka first class jab Sumit ne professor ke saath sabhi student ko hairaan kar diya tha aur Megha ko beauty queen keh kar pareshan kiya tha ussi din ko yaad kar ke Sumit ne pucha.
Megha:- Prince.
Sumit:- Kya?
Megha:- Prince matlab Rajkumar.
Sumit:- Sach mein.
Megha:- Bilkul.
Sumit:- Yaa to sense of humor wala sochna chahiye yaa faaltu ke comedy karne wala joker...Lekin prince kaise.
Megha:- Lekin maine to Prince hi socha tha.
Megha ne Sumit ke haalat ke maje lete hue kaha.
Sumit:- Prince...Kis angle se?
Megha:- Angle sahi tha...Bilkul 360° sahi.
Sumit:- Abb to reham karo...Kuch samajh mein nahi aa raha hai.
Megha:- Chalo bataa hi deti hun.
Sumit bahut excited lag raha tha.
Megha:- Kya lagta hai tumhe? Wo college ke pehle din hi hamari mulaakat hua tha?
Abb sumit sach mein chaunk gaya.
Sumit:- Matlab tumne bhi mujhe notice kiya jab mai Kirti ke saath Mandir aaya tha. [Update 31]
Ek do baar mera najar tum par pada tha lekin tumhara bhi.
Hairaani mein Sumit ne kaha.
Megha:- Usse bhi pehle.
Abb to Sumit ka haal behaal ho gaya...Usse pehle to Sumit ne Megha ko kabhi nahi dekha...Lekin Megha ne kaise?
Sumit ke expression dekh.
Megha:- Kyu hila daala na? (Rajinikanth Style)
Sumit:- Kab se?
Megha bas muskura rahi thi.
Sumit:- Bataao bhi?
Sumit se raha nahi jaa raha tha.
Megha:- Bataungi...Lekin sahi vakt aane par.
Sumit ki maja lete hue Megha ne kaha.
Sumit:- Nahi abhi.
Megha:- Vakt se pehle aur kismat se jyada kisi ko kuch nahi milta.
Hanste hue Megha ne kaha lekin Sumit se bilkul bhi sabr nahi ho raha tha.
Sumit:- Abb raha nahi jaa raha hai.
Megha:- Ye kya tumhara favourite movie genre to Suspense Thriller tha...Lekin lag to nahi raha hai.
Sumit ka shakl dekh kar lag raha tha abb. wo kabhi bhi roo dega.
Sumit:- Kaise mera majaa lena hai acche se jaanti ho tum
Chalo koi baat nahi....Intejaar kar lunga...Dekhte hai kya thrilk hai ismein.
Megha:- Bas movie ko reality mein badal rahi hun...Mera favourite fairytale story to sach hoga hi aur dekhna tumhara favourite genre ko bhi rweal life mein feel kara dungi.
Sumit:- Kya sach mein itna thrilling hai?
Megha:- Tumhare soch se bhi kahi aage...Bas intejaar karo...Intejaar ka ye fal bahut hi meetha hai.
Sumit:- Intejaar rahega.
Excitement se bhari aawaj mein Sumit ne kaha.
Kuch dur aage chalne ke baad.
Megha:- Iss tour ka mastermind mai hun to aise thrill tumhe tour bhar milte rahenge.
Sumit ke ummeed se bhi jyada majedaar tour nikla...Abb uska excitement badhta hi jaa raha tha Megha aage kya kya bomb fodegi.
Sumit:- Aur thoda mujh bechaare par reham bhi karna.
Megha:- Biljul nahi.
Last edited:
.such a cute friendship between Megha and sumit