- 5,758
- 13,139
- 189
UPDATE 42
Megha:- Ye Vivek kaun hai?
Kirti:- Mera dost hai...Best friend.
Megha:- Wo Cartoon...Aur tera best friend.
Hanste hue Megha ne kaha...Aur iss tour me aane ke baad ye shayad pehli baar tha jab Megha ke chehre mein hansi tha.
Kirti bas Megha ko ghurti hai.
Megha:- Usse kahi to dekha hai.
Kirti:- Kaha?
Megha:- Yaad nahi aa raha hai...Cartoon Network mein dekha hai yaa fir Pogo mein...Soch rahi hun.
Kirti:- Maar khaayegi abb!!
Megha:- Ohho...Itna chhidh rahi hai? Sirf dost hai yaa fir dosti se bhi aage...Mera matlab kahi tu bhi uske rang mein rang kar koi cartoon character to banne ki nahi soch rahi hai?
Kirti kuch jawaab nahi deti hai...Bas apna munh ghuma leti hai.
Megha:- Kya hua? Naraaj ho gayi kya?
Kirti:- Nahi...Sab usse aise hi chidhaate hai...Bas yahi soch kar bura lag raha hai.
Thoda alag hai Vivek...Jyada logon se baatein nahi karta...Apne mein hi laga rehta hai...Sirf padhaai par hi dhyan hai uska...Bas issi vajah se log isse chidhaate hai...Jo mujhe accha nahi lagta.
Aur wo Sumit...Kya keh raha tha...Vichitra Praani huh
Dil to kar raha hai uska gala hi daba dun.Megha:- Aur uska iss akelapan par taras khaa kar usse tune apna best friend bana liya?
Kirti:- Nahi...Uski tarah mujhe bhi padhna bahut accha lagta hai...Bas issi se dosti ki shuruwaat ho gayi...Jo vakt ke saath aur bhi gehri hote chali gayi.
Megha:- Kitna padhti hai? Abhi tour mein aayi hai...Aur khabardaar jo abb padhaai ki baat abb kiya to !!
Kirti:- Padhaai jaruri hai...Warna dekh rahi hai uss Sumit ki haalaat? Aise hi nikamma ban kar ghumna padega.
Megha:- Ye baat kis par le kar aa gayi...Jis baare mein baat karna chaahti thi wo hi bhul gayi.
Uss cartoon ko iss tour par kyu le kar aayi? Bahut boring type hai wo.
Kirti ko apni taraf ghurti dekh...
Megha:- I mean wo vichitra praani...Ohh sorry...Teri best friend Vivek.
Kirti:- Jab tune tour ke baare mein puccha tab mein library mein thi...Vivek bhi wohi tha...Usko bhi bata diya...Usne hi suggest kiya ki hume chalna chahiye...Itne dino ka vacation hai...Thoda refresh ho jayenge.
Uss vakt Sumit ke baare mein pata nahi tha tab maine bhi tour ke liye haan kar diya.
Megha:- Ek to wo Sumit aur upar se ye Vivek...Tour start hone se pehle hi satyanash ho gaya.
Kirti:- Sumit se compare kar hi mat...Vivek dil ka saaf hai...Dhire dhire samajh jaayegi.
Megha:- Aisa lagta to nahi.
Kuch sochte hue Megha ne jawaab diya.
Kirti:- Kya matlab?
Megha:- Bahut ajeeb hai wo...Ek do baar notice kiya hai...Sumit ko alag najar se ghur raha tha...Bahut hi gusse mein...Shayad Sumit ka kuch nukshaan karna chaahta hai.
Jab tu Sumit ko lunch ke liye car mein puch rahi thi...Uss vakt bhi.
Aise log bahut khatarnaak hote hai...Andar se kuch...Baahar se kuch.
Kirti:- Kuch bhi bol rahi hai tu...Aur uss Sumit ko defend karne ke liye tu Vivek par ilzaam laga rahi hai.
Megha:- Sumit to hai hi kamina dhokhebaaz aur bahut kuch..
lekin iska ye matlab nahi ki Vivek galat nahi ho sakta.
Kirti:- Kuch jyada hi soch rahi hai.
Itna keh kar Kirti waha se chali gayi.
Kirti baat sunne ke liye taiyaar nahi thi...Megha abb aur bhi soch mein pad gayi.
After Dinner
Ye tu? Ye kya kar raha hai?
Washroom se aane ke baad room ka najaara dekh hairaani se Vivek ne pucha.
Sumit:- Peg bana raha hun? Piyega?
Cup aage badhaate hue Sumit ne pucha.
Vivek:- Mai drink nahi karta.
Sumit:- Mujhe kya!!
Itna keh kar Sumit pura cup khaali kar deta hai.
Sumit:- Majaa aa gaya.
Fir wo dusra peg banane laga.
Vivek:- Mere room mein ye drinking nahi chalega.
Sumit:- Khandaani room hai kya ye tera?
Vivek:- Mujhe room change karna hai? Tujh jaise bewde ke saath mai nahi reh sakta.
Sumit:- Ek kaam kar...Room se baahar nikalne ke baad 20 meter aage jaa...Waha siddhi (ladder) hai...Fir niche jaa...Counter dikh jaayega...Waha jaa kar baat kar...Dusra room mil jaayega tujhe.
Sumit ne abb cigarette jalaate hue kaha.
Vivek:- Abhi jaata hun.
Sumit:- To jaa na.
Fir Vivek chala gaya...Aur kuch der mein laut aaya.
Vivek:- Hotel bhi teri tarah hi ghatiya hai...Koi nahi hai counter mein abhi?
Sumit:- To fir chhat mein jaa kar soo jaa...Chaandni raat mein thandi thandi hawaaon ke lahar mein.
Vivek apne bed par chala jaata hai.
Sumit:- Abb tere paas do option hai...Pehla chup chaap soo jaa...Dusra mujhe aa kar company de.
Vivek:- Irritate mat kar.
Itna keh kar Vivek sone ke liye bed mein lait jaata hai aur kuch hi der mein neend ke aaghosh mein chala jaata hai.
Dusri taraf Sumit...Kuch der aise hi nasha mein jhulne ke baad wo apna camera nikaalta hai...Aur usme se Kirti ka photo nikalta hai...Jo usne chhup kar khicha tha.
Sumit:- (With smile) Ye camera bhi feenka pad gaya...Tumhare khubsurti ke saamne...Ismein bhi itni aukaat nahi ki tumhari saari khubsurti ko kaid kar sake.
(Camera ko side rakh kar) Tum to aise hi mere dil mein chhap gayi ho...Camera ki kya jarurat.
(Khidki se baahar dekhte hue) Kuch alag plan kiya hai iss tour ke liye...Ummeed hai tumhe pasand aayega aur ye tour tumhare jindagi ke khubsurat pal mein se ek hoga.
Aise hi khushi mein Sumit ne naa jaane kitne der tak khud se hi baat kiya...Aaj uske hontho mein har pal mushkaan hi tha...Shayad Kirti ko apne itna kareeb mehsus kar ke.
Ek baar najar ghadi par dekha to raat ke 12:00 am baj rahe thhe.
Sumit:- Abb soo jaata hun...Kal jaldi bhi to uthna hai...Aur subah subah apni jaan Kirti ke darahan bhi to karna hai.
Next Morning
Sumit:- Sonee do naa jaan...Din bhar to hume saath hi rehna hai.
Aadha neend mein Sumit bola.
Abe utth...Kaun tera jaan? Aur kya bakwash kar raha hai.
Fir Sumit dhire se saamne dekhta hai...Saamne Vivek tha...Usse dekh wo utth kar baith jaata hai.
Sumit:- Socha tha...Kirti aayegi mujhe uthaane...Lekin pata nahi subah subah kis vichitra praani ko dekh liya...Saara din bekaar jaayega abb.
Vivek taiyaar hone lagta hai.
Vivek:- Tujhe ready nahi hona hai?
Sumit:- Tu chup hi reh...Saara mood off kar diya...Kitna khubsurat sapna dekh raha tha Kirti ke saath...Aur tune bich mein hi satyanaash kar diya.
Vivek:- Tu Kirti ke piche kyu pada hai?
Thoda gusse ke saath Vivek ne pucha.
Sumit:- Tujhe kya matlab? Ye hum do prem ki pancchiyon ke bich ki baat hai.
Vivek:- Tu aur Kirti...Wo bhi lover...Subah subah nasha kar liya kya?
Sumit ne kuch jawaab nahi diya.
Vivek:- Accha ye bataa...Kirti ne tujhe kabhi pasand bhi kiya hai?
Sumit:- Haan Past mein.
Vivek kuch bolne hi wala tha ki...
Sumit:- Aur future mein bhi.
Confidence ke saath Sumit ne jawaab diya.
Vivek:- Lekin present mein nahi...Present hi asli vakt hota hai...Past sirf ek memory hai aur future sirf imagination.
Vivek ne hanste hue kaha jaise wo Sumit ka majaak udaana raha ho...Aur ye baat jaa kar Sumit ke dil par laga.
Sumit:- (In his mind) Sach hi to hai...Kirti mere vartaman mein nahi hai...Jaha uski jarurat hai.
Lekin isse possible mai banaunga...Aur bana kar hi rahunga.
Vivek:- Kirti tera intejaar kar rahi hai...Jaa jaldi se.
Sumit:- Sach mein...Pehle bataya kyu nahi?
Vivek:- Jyada khush mat ho...Tour ke baare mein puchna hai usse tujhse.
Sumit:- Kuch to puchna chaahti hai...Kaafi hai.
Itna keh kar Sumit waha se nikal gaya.
Kirti:- Ye kaunsi jagah hai...Map mein check kiya maine...Ghumne laayak koi jagah hai hi nahi...Pahaadi mein basa ek gaanw hai...Niche ek nadi aur thoda bahut jungle...Isse jyada kuch nahi hai.
Kirti bahut gusse mein thi...Aur saath mein Megha bhi.
Sumit:- Itna kuch to hai? Tumhe kya kami laga?
Kirti:- Sirf ye nadi aur jungle...3 hafte sirf yahi dekh kar gujaarenge?
Kirti ki baat se hi uska gussa jhalak raha tha.
Sumit:- Tumne kuch der pehle hi to kaha hai...Yeh ek gaanw hai.
Kirti:- Toh?
Sumit:- Gaanw hai...Yahi to kaafi hai.
Kirti:- Matlab tum hume gaanw ghumaane laaye ho...Bullshit.
Sumit:- Haan...Lekin kuch alag tarah se.
Kirti:- Mai bahut se gaanw ghum chuki hun...Aur 3 hafte ka vacation...Sirf ek gaanw mein reh kar bitaa nahi sakti.
Megha:- Haan aur mai to khud gaanw ki hun...Ye koi naya experience nahi hai?
Kirti:- Teri hi galti hai...Vacation planning ka kaam isse nahi dena chahiye tha...Aur de bhi diya to pehle hi pata kar lena chaahiye tha.
Kirti ka gussa badhta hi jaa raha tha.
Megha:- Mai iske munh lagna nahi chaahti thi...Aur ye ummeed se bhi jyada bewkuff nikla.
Abhi abhi waha aa pahucha Vivek ne bhi mauka par chauka maarne ka socha.
Vivek:- Mai to kehta hun isko yahi chhod kar hum log kahi aur vacation ke liye chalte hai.
Sabhi Sumit ko gusse se dekh rahe thhe.
Sumit:- Mera bhi kuch sunoge.
Kisi ne kuch jawaab nahi diya.
Sumit:- Soch samajh kar maine vacation ko iss tarah se plan kiya hai...Aur ye bahut jaruri hai hume personally bhi aur professionally bhi.
Abhi tak ke tour mein hum log na jaane kaha kaha gaye hai...Hill Station...Historical Place, Religious Place, Aur beautiful geographic locations...Jo ki bahut log aise hi sochte hai.
Issi liye kuch naya socha...Hum log 3 hafte iss gaanw mein rahennge.
Hum sab apne life mein aise busy ho chuke hai ki hume apne passion, hobbies ke liye bhi time nahi hai...Ye pura duniya hi materialistic ban gaya hai...Sirf aur sirf carrier aur paise ke baare mein sochte hai...Iske alawa aur kuch nahi...Khushi ke naam par kuch parties, ek dusre ke saath majaak, kabhi movies aur comedy videos...Sirf itna hi.
Paisa aur Career bahut jaruri hai...Lekin sirf yehi duniya nahi hai.
Issi liye 3 hafte iss gaanw mein rahenge...Gaanw walo se ghul mil kar rahenge...Unse jaan pehchaan banayenge...Jo bahut jaruri hai.
Kahi ka kahi iss fast forward duniya mein hum kuch aise ho gaye hai ki jise hum jaante nahi usse hum insaan hi nahi mante...Uski alag duniya...Humara alag duniya.
Issi liye socha hum yaha gaanw mein reh kar communication skill develop karenge aur saath hi communication participation...Agar aata hai tab aur majbut banayenge inn skills ko...Khud ko aise banayenge ki dusro ki jarurat mein hum madad karenge aur humari mushibat mein wo hume help kar sake.
Human being is a social animal...Society aur community ke alawa humara kya aukaat hai ye sirf tabhi pata chalta hai jab hum akele pad jaate hai.
Issi liye community participation skill develop karte hai wo bhi nature ke saath.
Aur as a future doctors agar kabhi kisi gaanw mein kaam karna pada to humaare liye aasani hoga?
Kya kehte ho?
Sabhi ek dusre ko dekhne lage.
Sumit apne room mein jaa kar 4 Blood Pressure measuring device le kar aa gaya.
Sumit:- Issi se shuruwaat karenge...Free ka health service kise pasand nahi.
...Aaj kuch ghar mein blood pressure measure karenge aur agar kisi ka bahut jyada aur kam measure aaya to unhe health post ya hospital jaane ke liye motivate karenge.Koi medicine recommend nahi karega? Abhi hum sirf medical students hai doctor nahi.
Come on...Lets explore ourself.
Sumit excitement mein bole jaa raha tha.
Megha:- (Kirti ko dekh kar) Nice idea.
Kirti:- Tum to khud hi decision liye jaa rahe ho...Humse jaane ki koshish bhi nahi kar rahe ho ki hum interested hai bhi ya nahi.
Ye kya bacchon jaisa gyan de rahe ho? Bhala kise dusre logon se baat katna nahi aata jo hume iss ganw mein ye bewkufi karke sikhna ki jarurat pad gaya.
Kirti ki ye jawaab Sumit ke ummeed se bilkul baahar tha...Kirti ki nafrat se to wo parichit tha lekin ye jawaab? Sumit ko kitna bura laga hai wo uske chehra mein maayusi ka bhaaw saaf dikha raha tha.
Vivek:- Aur tere jaise doctor hi honge jo gaanw mein kaam karenge...Hume koi jarurat nahi...Talented hai...Accha khaasa naukri mil jayega shehar mein hi.
Itna keh kar dono apne apne room chale gaye...Baahar sirf Sumit aur Megha reh gaye thhe.
Megha:- Idea accha hai tumhara.
Sumit hairaani se Megha ko dekhta hai...Dono ke reject karne ke baad Megha se ye appreciation kisi hairaani se kam nahi tha.
Megha:- Nafrat abhi bhi hai tumse aur hamesha rahega...Bas ye idea sahi laga.
Sumit:- Thank you.
Fir Megha ek device utha kar aage jaane lagi.
Sumit:- Ruko.
Sumit:- Saath chalenge...Akele jaane mein problem bhi aa sakta hai.
Megha:- Kya matlab? Mujhe akele mein problem hoga aur tumhare saath hote hi problem solved? Samajhte kya ho khud ko?
Sumit:- Tum mere saath rahogi...To mera bhi problem solved ho jaayega...Anjaan hai iss jagah se aur yaha ke log se...Agar kisi ghar mein humari baaton se misunderstanding ho gaya aur wo gussa ho gaye to dusra sambhaal sakta hai...Aur kisi aur problem mein bhi help mil sakta hai.
Megha Sumit ki baat ko sochti rahi.
Sumit:- Tumhari marji.
Megha:- Thik hai.
Fir dono aage saath chalne lage...Raasta mein decide kiya ki aaj 10 ghar wo visit karenge.
Megha notice kar rahi thi ki Sumit bevajah usse abb irritate nahi kar raha hai...Sirf kaam ki baatein hi kar raha hai...Aur iske alawa Sumit ka wo blank face...Jo dikha raha tha Sumit ko abhi bhi Kirti ki baaton ne niraash kar diya hai.
Sumit bhi niraash ho kar aage badh raha tha...Kitna kuch socha tha usne iss tour ke baare mein...Lekin Kirti ka wo berukhi wala jawaab...Uske saare khwaab ek pal mein hi tut gaya.
Megha:- Blackmailing ke liye aage kya socha hai?
Gussa bhari aawaj mein Megha ne pucha.
Sumit:- Kuch nahi...Abb koi blackmailing nahi.
Megha:- Itni jaldi pichaa chhut gaya...Yakin nahi ho raha.
Sumit:- Tumhara kaam tha Kirti ko iss tour mein laana...Wo tumne kar diya...Abb Kirti ko manaana mera jimmedaari.
Tum ajaad ho abb se...Aur tumne jo bhi kiya mere liye uske liye Thanks.
Sumit ne bhi berukhi se jawaab diya jisse Megha aur gussa ho gayi...Abb wo bhi chup ho gayi.
Dhire dhire dono sabhi ghar visit karne lage...Megha notice kar rahi thi ki gaanw walo se baat karte vakt Sumit achanak se acche mood mein aa jaata aur ghar se nikalne ke baad wohi mood off wala chehra.
Laghbhag sabhi ghar ke log dono se baat kar ke bahut khush thhe...Kayi ghar mein accha khaasa swaagat bhi hua unka.
Dono ke liye ye bahut accha anubhav tha.
Fir 10 ghar complete kar ke dono waapas hotel mein aa jaate hai.
Iss bich Sumit aur Megha ke bich koi baat nahi hua.
Kirti:- Tumne humara pura tour barbaad kar diya Sumit.
Nafrat bhari aawaj mein Kirti ne kaha.
Kirti:- Kal hi hum sab waapas jaanrahe hai...Tour cancel.
Ye sun bahut bada sa jhatka laga Sumit ko...Wo kuch alag karne ka soch raha tha jise Kirti ko ek accha experience mile iss vacation mein lekin hua kuch aur.
Sumit:- Tumhari marji.
Haara hua aawaj mein Sumit ne jawaab diya...Aur apne room mein chala gaya.
Last edited:
:claps2