Romance Ek Bhool 2 (Completed)

[Champ_AK_81]

UPDATE 63​

Megha:- Abb tumhe kya hua?

Sumit:- Bas aaj ke class se...Jaisa socha tha waisa nahi tha.

Megha:- Tum to kehte thhe aashani se padh loge.

Sumit:- Kuch jyada hi aashaan hai.

Megha:- Matlab?

Sumit:- Socha tha surgery ka class hai...Kuch surgery wergery karne ko milega...Lekin surgery to dur ki baat hai sirf procedures ka naam hi padhne ko mila...Aur kuch ajeebo garib dikhne wale instruments.

Sumit ko aise dekh Megha ko hansi aa gaya.

Megha:- To kya socha tha pehle din hi neursurgeon ban jaaoge

Sumit:- Vakt lagega jaanta hun...Lekin itna jyada vakt lagega ye pata nahi tha.

Megha:- Tum hi to kehte thhe intejaar ka phal meetha hota hai.

Megha abhi bhi Sumit ki maje le rahi thi.

Sumit:- Aisa kab kaha maine?

Megha:- Kabhi to kaha hai...Lekin yaad nahi aa raha hai.

Sumit:- Nahi aisa dialogue kabhi nahi keh sakta hun mai.

Megha:- Itna yakin?

Sumit:- Haan abb ye dialogue kuch khaas nahi raha...Bacche bacche bolte hai...Mera dialogue hai to kuch unique hona chahiye.

Megha:- Unique...Hmm...Yaad aaya Sumit SFS.

Ye sunte hi Sumit kuch pal ke liye chup ho gaya.

Sumit:- Kaahe ki SFS...Abb SBS bolo...Straight backward Sumit...4 saal se ek hi jagah atkaa hua hun...Yaa fir kaho kaagi piche chhut gaya hun.

Ek alag hi irritation tha Sumit ki aawaj mein...Abb Megha bhi majaak ke mood se baahar aa gayi.

Megha:- Piche reh gaye ho? Ye kisne keh diya.

Sumit:- Khud ne...Mujhe sabse acche se mai hi jaanta hun.

Megha:- Abhi bhi acche se khud ko nahi jaan paaye ho.

Sumit:- Aur wo kaise?

Megha:- Abhi tum aage badhne ki soch to rahe ho naa...Aur aage badh bhi rahe ho...Abhi ke liye ye bhi bahut hai.

Sumit:- Badh to raha hun...Lekin kacchua ki raftaar se.

Megha:- Bhulo mat...Agar apna manjil ki aur dridh nischay ke saath aage badhoge to issi raftaar se apne uss manjil ko haasil kar loge jo bahut se careless khargosh apne ghamand me haasil nahi kar sakte.


Sumit:- Ye kacchua aur khargosh ki kahani aur saccha pyaar...Abb to kahani mein hi accha lagta hai.

Megha:- Har baat ko itna negatively kyu lete ho?

Sumit:- Sach hai ye...Bhale hi kadhwa hai...Lekin sach se dur bhaagne ki jagah abb isko swikaar kar raha hun.

Sumit:- (In his mind) Tumhare saamne aur looser banna nahi chaahta hun...Lekin abhi positivity...Wo dur dur tak dikh nahi raha hai...Bas kisi tarah ye vakt nikal jaaye aur kaash pehle ki tarah confident aur straightforward ban saku...Kabhi kabhi to khud se nafrat hota hai ki itna negative kyu ban gaya hun?

Megha:- Aur bhulo mat...Jitne bhi galtiyan karoge wo bhi yahi sikhayega ki aage se ye galti nahi karna hai...Jab jaago tab sabera...Khone ke liye kuch nahi hai abb aur paane ke liye bahut kuch.

Aakhir ke wo line...Sidha Sumit ke dimaagh mein asar kar gaya.

Fir kuch der baat karne ke baad.

Sumit:- Achha chalta hun.

Fir Megha hostel chali jaati hai aur Sumit apna ghar.


At Dinner Time


S. Dad:- Chal bata aaj ki update?

Sumit:- Update kis baat ki?

S. Dad:- Cigarette aur Daaru ki count.

Sumit:- 8 cigarettes aur daaru aaj piya nahi hai.

8 cigarettes ki baat sunn kar sabhi ko bahut hairaani hua.

S. Dad:- Aur kal tak kitna peeta tha?

Sumit:- 30 ke aas paas cigarettes aur daaru 1 peg se 1 bottle tak.

S. Mom:- Itna jyaada?

Wo Sumit ko darte hue dekhti hai...Sumit iss baar kuch nahi bolta.

S. Dad:- Ye bhi kam hi hai...Aise haalaath ko maine bhi dekha hai.

Iss baar Sumit ki Papa bhi kaafi serious ho kar bole.

S. Mom:- Aise haalaath? Matlab aap bhi peete thhe? Mujhe to kabhi pata nahi chala.

S. Dad:- Are nahi nahi...Mera ek dost tha aisa hi...Din bhar nashe mein hi rehta tha.

Sumit ki Maa to chup ho gayi lekin Sumit ko Papa ki baat par kahi na kahi shak ho gaya.

Wo apne Papa se bhale hi kitna bhi close tha...Lekin unke ateet se bilkul hi anjaan tha.

Jald hi Papa se iss baare mein baat karne ka usne man bana liya.

Rashmi:- 30 hi kyu? Half century pura kar lete.

Sumit:- Uss mein to tera copyright hai...Daily 50 chugli karne ki copyright.

Sumit ki iss baat par Rashmi apna munh ghuma leti hai...Uske Maa aur Papa dono abhi bhi serious dikh rahe thhe.

S. Mom:- Apna sehat ka to soch.

Sumit:- Ussi liye to chhod raha hun ye sab.

Sumit ne kisi soch mein doob kar ye jawaab diya.

Sumit:- (In his mind) Cigarette mein COPD ka dar to nahi hai filhaal lekin Lung Cancer. Aur Alcohol se Liver Cirrhosis.

Iss soch ne Sumit ko andar tak hilaa diya.

Sumit:- (In his mind) Pehle hi itna late ho chuka hun...Abb aur nahi...Dhire dhire sabhi nashe se dur hone ke baad apna health checkup karwaunga.

Kaash jyada der naa hua ho.

 

[Champ_AK_81]

Friends Update 63 is posted... Please read and give your valuable feedbacks.

 

[Champ_AK_81]

Index 3


Update 37
Update 38
Update 39
Update 40
Update 41
Update 42
Update 43
Update 44
Update 45
Update 46
Update 47
Update 48
Update 49
Update 50
Update 51
Update 52
Update 53
Update 54
Update 55
Update 56
Update 57
Update 58
Update 59
Update 60
Update 61
Update 62
Update 63



​

Index Updated.

 

[Chinturocky]

behtareen update,
Progress bhi bahut Achchha hai Sumeet ka.

 

[Nevil singh]

UPDATE 37​

Sumit ek bada sa paper, pen aur pencil le kar room se nikal hi raha tha ki.

Raj:- Kaha jaa rahe hai aap?

Sumit:- Chhat mein...Room lock kiye bina hi soo jaa...Waapas aane mein late ho jaayega.

Fir Sumit waha se nikal gaya aur chhat mein pahunch kar light on karta hai.

Tabhi uska najar 350 meter dur girls hostel ke chhat mein padta hai...Jaha chhat ke ek kone mein Megha akeli thi...Light on hote hi Megha ko bhi Sumit dikh jaata hai.

Sumit ko dekhte hi Megha ki chehre mein nafrat ke bhaaw aane lagta hai...Wo apna munh ghuma leti hai.

Sumit ye dekh mushkuraata hai.

Aur fir chhat mein pehle se hi rakha chair par baith jaata hai...Table par paper, pen aur pencil rakh kar wo apna kaam par lag jaata hai.

Megha ko hairaani ho raha tha ki Sumit ne abhi tak usse irritate nahi kiya.

Jab wo Sumit ki taraf dekhti hai to wo apne kaam mein laga hua tha...Paper mein kuch likh raha tha.

Iss sab mein Megha ko koi interest nahi tha...Sumit ko dekh kar uska mood aur bhi off ho gaya tha...Fir wo light off kar ke niche apne room mein chali jaati hai.

Aaj neend bhi aankho se gaayab tha...Bahut se angdaayi lene ke baad aur chhat ko ghurne ke baad jaa kar neend aati hai.

Raat ke 2 baje thhe ki achanak se Megha ki neend toot jaati hai...Fir se sone ki koshish bhi asafal hi raha...Aise mein usse achanak se khayal aata hai.

"Sumit abhi bhi chhat mein hoga yaa fir chala gaya hoga?"

Fir khud hi jawaab deti hai.

"Chala gaya hoga...Waise bhi mujhe kya matlab usse."

Fir kuch der aise hi khud se sawaal jawaab karne ke baad usse raha nahi jaata.

Ek baar fir wo chhat ki taraf nikal padti hai...Iss baar wo light on kiye bina hi chhat mein jaati hai.

Chhat mein jaate hi wo chaunk jaati hai...Sumit abhi bhi maujud tha.

Chair mein peeth ke bal laita Sumit apne ungliyon se cigarette funk raha tha...1 cigarette khatm dusra suru...Dusra khatm teesra suru...Aise karte karte wo 5 cigarette funkta hai.

Chehra kaafi serious tha...Pehli baar Megha ko laga ki ye ladka serious bhi ho sakta hai.

Cigarette funkne ke baad Sumit waapas pen uthaye paper work mein lag jaata hai.

Ye sab Megha ektak Sumit ko dekh rahi thi.

Megha:- (In her mind) Itna masoom chehra aur itna bada kaand...Logon ka abb koi bharosha nahi...Kabb kiska mukhauta utar jaaye.

Itna keh kar Megha waapas niche apne room mein chali jaati hai.

Next Day​

Megha aaj last row mein baithi thi...Shayad wo akeli rehna chaahti thi.

Wo bas intejaar kar rahi thi ki kab lecture start hoga...Hairaani usse tab hoti hai jab Sumit gate se class ke andar aaya.

Jab Sumit Megha ki taraf badha aur uske paas pahunch gaya to Megha Sumit ki aankhon mein dekhti hai...Bahut laal tha...Jo ye bataa raha tha ki Sumit raat bhar soya nahi hai.

Fir Megha ki ummeed ke thik ulta Sumit uske paas naa baith kar paas mein hi baithi Divya ke paas chala jaata hai.

Sumit:- May I sit here?

Divya:- Off course.

Sumit:- Agar bura nahi maanogi to mai tumhara naam puchh sakta hun?

Sumit ki iss sawaal par Divya Sumit ko ghurti hai.

Sumit:- Mai yaha student kam guest jyada hun ...Iss vajah se pata nahi.

Divya:- I am Divya.

Fir Divya aur Sumit ke bich baatein suru ho jaata hai...Paas mein hi baithi Megha irritate ho rahi thi dono ke baat cheet se...Abb to Megha ko Sumit ki aawaj se bhi nafrat ho gaya tha.

Achanak hi Divya puchti hai.

Divya:- Kya tum dono ka break up ho gaya hai?

Sumit:- (With smile) Kya lagta hai tumhe?

Divya:- Kuch dino se tum dono ko ek dusre se alag dekh kar aur jo bhi halla fail raha hai usse sun kar to sach mein lag raha hai ki breakup hua hai.

Sumit:- Iss baar halla sach hai.

Udhar Megha soch rahi thi.

Megha:- (In her mind) Relationship suru hi kab hua tha jo breakup hoga?

Divya:- Lekin kyu?

Sumit:- Bore ho gaya tha.

Laaparwahi ke saath Sumit ne jawaab diya.

Dono kuch aur baat karte usse pehle professor class mein aa jaate hai.

Fir sabhi padhaai par dhyan dete hai Sumit ke alawa.

Megha ko bhi ajeeb lag raha tha Sumit ka badlaaw...Kal tak kuch jyada hi irritate karne wala Sumit abb usse ekdum se ignore karne laga tha.

Megha:- (In her mind) Accha hi hai...Isse pichaa to chhuta.

Anatomy ka class tha...Udhar professor padha rahe thhe...Idhar students padh rahe thhe...Aur Sumit...Wo sone ki taiyari kar raha tha.

Ye dekh kar Sumit.

Proffesor:- Hey you...Boy at last row...Kya naam hai...Haan Sumit?

Ye sunte hi Sumit utth kar khada hota hai.

Sumit:- Jee sir.

Proffesor:- Tum hamesha last mein hi kyu baithte ho? Aur abhi kya kar rahe thhe.

Sumit:- Kisi mahapurush ne kaha tha...Last row mein baithne se neend accha aata hai...Aur upar se aapka lori jaisa surila aawaj...Sone mein suhaaga ka kaam kar raha hai.

Ye sunte hi sabhi hasne lagte hai.

Professor:- Aur ye mahapurush hai kaun?

Sumit:- Chhodiye naa Sir...Hai koi Sumit naam ka.

Professor:- Tum lecture mein dhyan nahi de rahe ho...Matlab sab kuch aata hoga.

Sumit:- Shayad.

Professor:- Shayad ka kya matlab...Aaj tujhe abhi ka lecture related puchta hun.

Fir Professor questions puchte hai aur Sumit sahi answer bhi deta hai.

Professor:- Accha last question...What is the epithelial lining of bronchus?

Sumit:- Squamous Epithelium.

Ye sunte hi Professor gusse mein kehte hai.

Professor:- Humaare jamaane mein to humne ciliated columnar epithelium padha tha.

Sumit:- Aapke jamaane mein wo trend utna jyada nahi hoga...Lekin abb jamaana badal raha hai.

Professor:- Jamaana bhale hi badla ho...Lekin mere question ka answer badla nahi hai.

Sumit:- Lekin sir ye answer mujh par apply nahi hota...Maine apna body related answer diya hai.

Professor:- Aisa kya hai tumhare body mein.

Professor ke saath sabhi students confused thhe ki Sumit kehna kya chaahta hai.

Sumit:- Samjha kijiye sir...Chronic smoking...Aur metaplasia.

Ye sunte hi Professor bhi kuch pal ke liye chup ho jaate hai.

Professor:- Jyada smoking mat karo...Warna ye metaplasia neoplasia (cancer) mein kahi badal na jaaye.

(Lambe time tak smoking karne se respiratory tube mein stress ki vajah se cell tyoe badal jaata hai.)

Sumit:- Dhyan rakhunga.

Fir professor padhaane lagte hai.

Sumit:- May I sit sir?

Professor:- Haan baith jaa abhi...Viva mein chhain se baithne nahi dunga.

Fir Sumit baith jaata hai.

Tabhi side mein baithi Divya kehti hai.

Divya:- Lagta nahi tum sir ko pareshan karna band karoge...Collehe ke first lecture se le kar har lecture mein sir ko pareshan karte hi rehte ho.

Sumit:- Favourite lecturer hai...Majaa aata hai sir ka majaa lena...Aaj neend nahi lagta to jarur dhyan deta.

Divya:- I like your sense of humor.

Sumit:- My pleasure.

Udhar Megha sab dekh rahi thi...Usse lag raha tha ki Sumit ki baaton mein aa kar Divya kahi dusri Megha naa ban jaaye...Lunch time mein Megha Divya se baat karne ka sochti hai.

Jab lecture khatm hota hai...Megha class se baahar jaati hai.

Mauka milte hi,

Sumit:- Chaaku tarbuj par gire yaa fir tarbuj chaaku par...Katna tarbuj ko hi hai.

Divya:- Matlab?

Sumit:- Tum mujh par fislo yaa mai tum par...Nukshaan tumhara hi hai.

Divya:- Kya matlab?

Sumit:- Megha ki tarah itna bhi mat impressed ho jaana mujh oar ki kahi baad mein tumhe bhi pacchtaana naa pade.

Divya:- Chhee...Aise ho tum...Mai to tumse dosti karna chaahti thi...Bahut accha samajhti thi tumhe.

Sumit:- Accha aur mai...Dur dur tak koi relation nahi hai.

Itna keh kar Sumit muskuraane lagta hai...Divya abb koi jawaab nahi deti.

Megha jab waapas aati hai tab,

Divya:- Sahi kiya tumne jo isse breakup kar liya.

Megha:- Tum bhi dur hi raho...Psycho hai ye aadmi.

Ye sun Sumit muskura kar ignore kar deta hai.

Jab lunch time hota hai tab Divya pehle hi waha se chali jaati hai.

Sumit:- Kya keh rahi thi mujhe...Psycho...Psycho matlab paagal...Haan Paagal to hun...Lekin Kirti ke pyar mein.

Megha koi jawaab nahi deti.

Baaki sabhi lunch ke liye chale jaate hai Sumit, Megha aur Raj ke alawa...Kuch row aage baitha Raj dono ki kuch baatein sun raha tha aur samajh raha tha.

Raj:- Megha agar koi insaan jaan bujh kar kisi ke dil mein apne liye nafrat bhar raha ho to samajh jaana koi makshad hai iske piche...Acche se sochna...Kuch majburi bhi ho sakta hai.

Megha:- Makshad to hai...Wo bhi khatarnaak wala.

Megha ki har ek shabd mein nafrat tha Sumit ke liye.

Sumit:- Raj tu kehta tha na tu Anatomy samajh nahi paa raha hai...Aaj raat bahut acche se samjhaunga...Aise samjhaunga ki kabhi bhul nahi paayega....Abhi tu jaa.

Sumit ne to baat ishaara mein kaha tha...Lekin Raj bhi samajh gaya aur waha se chala gaya.

Sumit bhi bag uthaa kar jaane hi wala tha ki.

Megha:- Kirti bahut acchi ladki hai...Please usse...

Sumit:- Acchi hai issi liye to pyaar karta hun.

Itna keh kar Sumit aage chal gaya...Saath hi wo ye bhi soch raha tha ki aage kya karna hai.

Behtreen update hai dost.

 

[Nevil singh]

UPDATE 38​

Bhai aise kya dekh rahe hai aap?

Kuch der se Sumit ko apni taraf ghurta dekh Raj ne hairaani se pucha.

Sumit:- Anatomy ka comparison kar raha hun...Tujh mein aur kutte ki puchh mein.

[Anatomy:- Study of body structure]

Raj:- Matlab?

Sumit:- Tujhe samjhaane ki koshish aur kutte ki punchh ko sidha karne ki koshish...Dono bekaar hai.

Raj:- Kya aap Megha wali baat ke baare mein keh rahe hai.

Sumit:- Haan...Aisa kaun sa sach bataane ka bukhaar chadh gaya tha tujhe?

Sumit ki aawaj mein thoda gussa tha.

Raj:- Accha nahi lag raha tha bhai...Megha ko galatfehmi mein aur bhi jyada nafrat ho raha tha aap se.

Sumit:- Yahi to koshish kar raha hu mein.

Raj:- Apna hi imaage giraana chaahte hai?

Sumit:- Haan...Yeh to suruwaat hai...Abhi to Megha ki dil mein aur nafrat bharna hai khud ke liye.

Raj:- Lekin kyu?

Sumit:- Pyaar.

Muskuraate hue Sumit ne jawaab diya.

Raj:- Abb aap ko Megha se pyaar ho gaya?

Chaunkte hue Raj ne pucha.

Sumit:- Nahi re...Pyar to hamesha Kirti se hi karta tha aur karta rahunga.

Pyaar...Aisa dard hai jiska ilaaj kisi analgesic (pain reliever) mein nahi...Megha ko bhi yahi beemari ho gaya hai.

Iska ilaaj mere paas bhi nahi hai...Ek koshish hai nafrat ki...Jo shaayad kaam kar jaaye.

Jitna wo mujhse nafrat karne lagegi shymayad utni jaldi bhul sake.

Ummeed bhari aawaj mein Sumit ne kaha.

Raj:- Bahut ajeeb lag raha hai mujhe yeh sab...Khud ko har haal mein sahi dikhaane ki jamaane mein aap khud ko hi galat dikha rahe hai.

Sumit:- Chhod naa ye sab baatein...Mujhe apne family aur Kirti ke alawa kisi ko prove karne ki jarurat nahi.

Haan Megha ke saath galat kiya...Iska afsosh jindagi bhar rahega...Aaj bhi khud ko koshta hun aur aage bhi koshta rahunga jab rak Megha ki life fir se patri par nahi aa jaata...Shayad yahi sajaa hai mere iss paap ka.

Garv tha khud par...Kabhi kuch galat nahi kiya...Lekin abb...Ek bojh sa baith gaya hai dil par...Ek Bhool ko thik karne ke liye ek aur bhool kar baitha.

Kehte kehte kuch boond aansu bhi chalakne laga Sumit ki aankho mein.

Raj:- Lekin bhai...Aapne baat ko itna aage badh jaane kaise diya? Vakt rehte sambhaal lete.

Raj ne Sumit ki kandha par haath rakh kar kaha.

Sumit:- Sab planning ke saath kiya tha...Kuch aisa plan tha ki Megha ko sirf attraction ho aur mera kaam bhi ho jaaye...Yaani ki Megha ke through Kirti se fir se mulaakat ho jaaye.


College mein 1 week late entry issi ka suruwaat tha.

Ause hi normally Megha ke saath friendship karne se baat ban jaane par doubt tha...Bahut khubsurat hai wo...Bahut se ladko ne approach kiya hoga usse...Mai bhi unme se ek nahi banna chaahta tha...Thoda alag thoda stylish.

Issi vajah se plan ke hisaab se 1st class Anatomy ka attend kiya Dr. Mahesh sir ka...Seniors se suna tha ki wohi ek lecturer hai jo har baat ko ego par nahi lete.

Aur chal pada apne new mission par...Mahesh sir se aise baat kiya ki thoda different dikhu...Aur iska asar bhi hua.

Fir dhire dhire Megha ke saath karibi badhana suru kiya...Thoda pyar ka jhutha ehsaas dilaata aur thoda irritate karta...Socha aise karunga to Megha ka attraction badhega.

Aur badha bhi...Lekin itna badh jaayega ki ye pyaar ka roop lega pata nahi tha.

Achanak se uss din pata chala jab gaanw mein mai usko dhundhte hue mandir gaya tha...Wo waha akeli thi...Aur piche se jab uska wish suna to bahut bada sa jhatka laga.

Megha:- Bahut bahut shukriya bhagwaan ji aap ka...Jo Sumit ko mere jindagi mein bheja.

Apne pyaar apna jeevan saathi ke roop mein jis ladke ke baare mein sochti thi bachpan se wo saari khubiyan hai Sumit mein.

Bahut alag...Dil ka saccha...(Muskuraate hue) Thoda handsome bhi...Aur sabse jaruri...Mujhse bahut pyaar karta hai...Kabhi akelapan mehsus nahi karaata hai...Apne andaaj mein mujhe hasaane ki aur khush rakhne ki har ek koshish karta hai.

Aap hum dono ka saath aise hi banaaye rakhiye...Jindagi bhar ke liye.


Ye sunte hi aascharya ke saath mai waha se nikal gaya.

Aur bhi bahut saari baatein tha jisse mujhe pata chalne laga tha ki Megha abb mujhse pyaar karne lagi hai.

Jyada se jyada vakt mere paas rehna...Mujh par apna adhikaar jataana...Indirectly apna pyaar ka ehsaas karaana.

Aur kuch dino baad 5 star mein dating ke vakt...Uski aankhein...Uski aankhein bahut kuch keh rahi thi...Ye dekh mujhe khud se hi nafrat hone lag gaya.

Pyaar...Maine isse khel ke roop mein liya tha aur jald hi isne mujhe ehsaas dilaaya ki mai Megha ke saath saath apne antar aatma ke saath bhi kehl raha hun.

Aur khela nahi gaya ye khel...Mauka milte hi Megha ko apna sacchaayi bata diya...Kirti ke paa to sakta tha lekin aise aur bhi gir kar nahi.


Paschataap bhari aawaj mein Sumit ne kaha.

Raj:- Abb to Kirti aap par aur bhi gussa hogi?

Sumit:- Hona bhi chahiye.

Raj:- To fir aap?

Sumit:- Tere saamne jo khada hai uska naam Sumit hai...Jo haara to bahut baar hai iss pyar mein...Lekin haar abhi tak nahi maana.

Koshish karta rahunga aage bhi dil se...Raasta kabhi na kabhi to jarur milega.

Muskuraate hue Sumit ne kaha...Jiski baaton mein waapas puraani confidence aa gaya tha.


Sumit:- Accha sun...Anatomy baad mein padhaaunga...Abhi mood nahi hai...Aur haan ye le papers...Kuch questions likhe hai...Jo iss exam mein important hai.

Itna keh kar Sumit chhat mein chala gaya...Aaj bhi chhat mein Megha thi.

Wo Megha ki taraf ki chhat mein gaya aur

Sumit:- Hi beauty queen.

Megha jo abhi chhat se niche ki taraf dekh rahi thi...Gusse se Sumit ki taraf dekhti hai.

Sumit:- Raat mein to aur bhi khubsurat lag rahi ho.

Sumit ne daant dikhaate hue kaha.

Megha fir gusse mein waha se chali gayi.

Sumit bhi waha chair mein baith gaya.

Aaj bhi der raat mein jab Megha ka neend tuta to dimaag mein ek hi insaan ka chehra tha...Jise kabhi wo bahut pyaar karti thi.

Aaj bhi utshuktaa bas wo chhat mein gayi.

Abhi bhi Sumit chhat par hi tha...Kal ki tarah aaj uske paas paper aur pen nahi tha...Wo muskaan ke saath upar aasmaan mein chaand aur taraa dekh raha tha.

Kuch der aise hi Sumit ko dekhne ke baad Megha waapas apne room mein laut gayi.


Next Day


Hello Beauty Queen.

Ek baar fir Megha ko apne kaan mein kisi ke garam tel daalne ki ehsaas hua...Jagah tha library.

Saamne dekha to Sumit wohi aage ki chair par baith gaya tha.

Sumit:- Aaj college kyu nahi aayi.

Megha:- Tumhe isse koi matlab?

Sumit:- Nahi aise hi utshuktaa bas...Kaano mein khujli ho raha hai ye sunne ke liye ki raat bhar mere yaadon mein neend nahi aaya tumhe.

Megha kuch nahi bolti.

Sumit:- Waise bhi yeh to normal hai...Dil jo tuta hai tumhaara...Aur mai hun bhi charming...Itna charming, intelligent aur handsome boyfriend miss karne ka gham mein neend thodi naa aayegi.

Megha bahut hi nafrat ke saath Sumit ko dekhti hai...Itna sab ho jaane ke baad bhi Sumit uski pyaar ka majaak bana raha tha.


Aas paas dekhte hue.

Sumit:- Hamesha se yahi maanta aaya hun ki couples ke liye library dating spot hai...Exams ke time mein to aur bhi bhara hai library.

Sumit ne saat aath jagah ungli dikhaate hue kaha.

Sumit:- Pata nahi padhaai bhi karte hai yaa fir nain mataaka.

Waise inhe dekh kar aisa lag raha hai ki kaash mai aur Kirti bhi ek college mein hote...Padhaai kam pyaar jyada karte.

Muskuraate hue Sumit ne kaha to utna hi gusse se Megha Sumit ko ghur rahi thi.

Fir Sumit Megha ka book leta hai.

Sumit:- Pathology...Well nice...Sabhi ko dekhta hun to sirf Anatomy aur Pathology...Samajh mein kuch aaye nahi aaye padhte rehte hai...Side mein rakho.

Baaki ke subjects padho marke ke liye...Time mile to hi inhe padhna.

Fir Sumit apne pocket se ek paper nikaal jar deta hai.

Ye hai most probable questions Anatomy aur Pathology ka...Baaki ke subjects dekho aur ye paper...Topper tum hi banogi.


Megha:- Yeh sab mujhe kyu bataa rahe ho?

Sumit:- Ehsaan kar raha tha tum par...Aur ummeed hai iss ehsaan ka badla tum mujhe Kirti se milwa kar chukaaogi.

Itna keh kar Sumit waha se nikal gaya.


Wo Library se nikal kar thoda aage hi pahucha tha ki uske mobile mein Kirti ka mesaage aaya.

Megha:- Wait for 1 minute.

Sumit ke paas pahunchte hi Megha ne kaha.

Megha:- Kirti ne mujhe sab kuch bata diya...Sab pata chal gaya tumhare baare mein.

Sumit:- Kirti ne jo bhi kaha bilkul sach hai...Abb to pata chal gaya hoga kitna ghatiya hun mai.

Sumit ne daant dikhaate hue kaha jaise wo Megha ko aur bhi chhidha raha hai...Fir wo waha se nikal gaya.

Sumit:- (In his mind) Kirti ne bataya hai matlab aadha kaam Kirti ne hi kar diya hai Megha ke dil mein nafrat badhaane ke liye...Kirti bhi apni jagah sahi hai...Aakhir usne bataya bhi wohi hai jo mere baare mein sochti hai.

Khair jaldi se iss soch ko badal kar waapas Kirti ki dil mein pyaar ko jagaana hai mere liye.

damdaar update hai sir ji.

 

[Nevil singh]

UPDATE 39​

Exam ke aakhiri din mein bhi Megha ka najar kabhi question paper par tha to kabhi Sumit par...Aaj bhi 60-70% questions wohi pucha gaya tha jo Sumit ne recommend kiya tha.

Megha:- (In her mind) Isse kaise pata chala ki yahi questions aane wale hai exams mein?

Jarur chori kiya hoga question papers isne.

Megha Sumit ko ek najar nafrat se dekhti hai aur fir answer likhne lagti hai.

Lekin thodi dur par baitha Sumit ka harkat naa chaahte hue bhi Megha ka dhyan apni taraf khinch raha tha.

Wo likh kam raha tha time waste jyada kar raha tha...Kabhi wohi desk par sone ki koshish karta to kabhi pencil se paper par koi art banata aur fir erase kar deta.

Saamne observe kar rahe teacher bhi hairaani se Sumit ko hi dekh rahe thhe...Lekin Sumit ki taraf se koi cheating jaisi harkat nahi tha aur naa hi kisi ko uski vajah se disturbance tha to unhone kuch nahi bola.

Aur 50 minute beet jaane ke baad.

Sumit:- Sir completed.

Aaj bhi sabhi student Sumit ko hairaani se dekhne lage fir ghadi ki taraf dekh jaldbaazi mein apne answers likhne lage.

Guard:- Itna hi likha hai aur tumhara complete bhi ho gaya?

Sumit:- College ko bhi to humse itna hi expectation hai.

Guard:- Matlab?

Sumit:- Pass ho jaaunga itna se hi...Aur college ko bhi hum students se itna hi expectation hai ki pass ho jaaye...Rules bhi to itna saara banaya hai ki kya kahu.

Fail ho gaye to ye hoga wo hoga...Year loss hoga...Year repeat ka alag charge lagega...Parents meeting hoga...Wagera wagera.

Sabhi sir dard se bachne ke liye socha pass hi ho jaata hun.

Guard:- Aur likhoge to aur bhi accha number aayega.

Sumit:- Isse kya hoga? 50% bhi pass hi hai...90% bhi pass.

Guard abb kuch bol nahi paa rahe thhe.

Sumit:- Accha sir chalta hun...Warna mere baat se disturb ho kar topper top nahi kar paayenge aur raat bhar jaage hue students paas nahi kar paayenge.

Itna keh kar Sumit waha se chala gaya.

Result Day​

Waise to sabhi students besabri se apna result ka intejaar kar rahe thhe...Sumit ko chhod kar...Wo bhi besabri se intejaar kar raha tha...Lekin Megha ka.

Kuch pal baad uska mehnat rang laaya...Dil jo khush ho gaya tha Megha ki ek najar se wo khushi agle hi pal gaayab ho gaya Megha ka bhaav heen chehra dekh kar.

Khud ko doshi maante hue apne liye hi nafrat bhar gaya Sumit ke dil mein.

Megha ki taraf dekh kar usne khud se hi kaha.

Sumit:- Bas kuch din aur...Fir shayad sab thik ho jaaye.

Shayad shabd kehte vakt Sumit khud ko laachar hi mehsus kar paa raha tha.

Sumit fir chehre mein jhutha muskaan le kar Megha ke paas chala gaya.

Sumit:- Hi beauty queen.

Megha ne nafrat bhari nigaaho se Sumit ko dekha aur aage chalne lagi.

Sumit:- Abb topper banne wali ho to iss just pass wale ko bhul gayi...Galat baat.

Megha apni jagah ruk fir se Sumit ko ghurti hai...Kuch kehna chaahti thi...Lekin fir wo ignore kar aage badh gayi.

Sumit:- Ek jaruri baat karna tha.

Iss baar Sumit serious ho kar bola...Lekin Megha ne koi response nahi diya.

Sumit:- Soch lo...Agar abb baat kar logi to hamesha ke liye picha chhod dunga.

Sumit ki iss baat par Megha bhi ruk gayi...Sumit ki taraf mudi hi thi ki bich mein.

"Hi Sumit."

Thodi duri se ek ladka ki aawaj aaya.

Sumit:- Aa gaya pyar ka ek aur dushman.

Megha iss baat par Sumit ko ghurti hai.

Sumit:- Mera matlab Kirti se tha.

Fir wo ladka Sumit ke paas aa gaya.

Sumit:- Dekha to bahut baar hai...Lekin naam pata nahi hai.

Ladka:- Are pata bhi kaise chalega...Megha ke piche hi lage rehte ho...Kabhi kisi aur se bhi baat cheet kar liya karo...Dosti karo.

Sumit:- Sujhaav ke liye dhanyabaad.

Ladka:- By the way I am Vikash...Topper of the batch...Iss exams ke result mein bhi.

Sumit:- To Mr. Vikash...Kya kaam tha tumhe mujhse?

Vikash:- Kuch khaas nahi...Ek request tha...Thoda padhai likhai kar lo.

Sumit:- Aur wo kyu?

Ladka:- Bore ho gaya hu har exams mein top karte hue...One sided competition hai...Tum mein hi aakhiri ummeed hai...Sabhi teachers se taarif bhi suna hai tumhara...Especially Viva [interview exam] mein.

Lekin utna hi careless...Har exam mein just pass.


Kuch der ke liye Sumit chup raha aur feenka muskaan ke saath kaha.

Sumit:- Jab ek ladaai khud se hi chal raha hai...Khud ki hi astitwa se...To dost baaki ki koi bhi ladaai aur competition maayne nahi rakhta.

Sumit ki ye baat Vikash to nahi samjha aur sir khujaate hue chala gaya...Lekin Megha samajh gayi...Jise abb iss baat se koi matlab nahi tha.

Tabhi Megha ke mobile mein ek message aata hai.

Megha mobile check karti hai tabhi.

Sumit:- Hotel ka address send kiya hai...Dhyan se sochna mere baaton ko...Agar sahi lage to aa jaana warna tumhara marji.

Itna keh kar Sumit waha se chala gaya.

Few minutes later.

Sumit:- Pata tha mujhe tum jarur aaogi...Coffee bhi order kar diya hai...Aao baitho.

College ke paas ki hi hotel mein dono baithe thhe.

Sumit:- Pyaar ka taakat hi aisa hai ki tumhe khinch laaya.

Megha ka gussa dekh

Sumit:- Sorry sorry...I mean nafrat ka taakat.

Megha:- Kaam ki baat kaho.

Sumit:- Akele mein kuch baatein karna tha.

Megha:- Haan bolo.

Sumit:- Jaisa ki maine bataya...Agar tum meri ek baat maanogi...To hamesha ke liye picha chhod dunga.

Megha:- Bore mat karo...Aur bataao kya karna hai?

Megha ko irritate dekh Sumit ke chehre mein muskaan aa gaya...Shayad yahi dekhna chaahta tha Sumit...Ye dekh Megha aur bhi irritate ho gayi.

Sumit:- Abhi 4 weeks time baaki hai 2nd year ke liye...Iss vacation mein tum apna ghar jaane ka plan cancel kar do?

Sumit abb serious ho kar bola.

Megha:- Kya? Kya kaha tumne?

Sumit:- Wohi jo tumne suna.

Megha:- Soch bhi kaise liya tumne aisa ki mai tumhari yeh baat maanungi.

Sumit:- Bharosha hai...Tumhara mere liye nafrat par...Mujhse chhutkaara paane ke liye itna to kar hi sakti ho.

Megha:- Mai aisa kuch nahi karungi.

Sumit ne Megha ki baat ka parwaah na karte hue apni baat jaari rakha.

Sumit:- Kirti ka college bhi off hai...Usko bhi manaa lo kisi tarah 4 weeks ke tour ke liye.

Megha:- Soch bhi kaise liya tumne...

Megha ki baat ko bich mein hi kaat kar Sumit ne kaha.

Sumit:- Tumhara marji hai...Agar maan jaaogi to hamesha ke liye pichha chhod dunga warna tum hi to kehti thi Psycho hun mai...Tab tak pichha nahi chhodunga jab tak tumhe bhi Psycho na bana du.

Ek kutil mushkaan ke saath Sumit ne kaha.

Megha:- Itna niche gir jaaoge tum ki abb sidhe blackmailing par utar aaoge.

Dard bhari aawaj mein Megha ne kaha.

Sumit:- Emotion...Ye bahut jaruri cheej hai...Aur iska istemaal sahi jagah par karo...Aur wo sahi jagah mai bilkul bhi nahi hun.

Tumhare emotions se mujhe koi matlab nahi hai...Mujhe matlab hai to sirf tumhaare jawaab se.


Megha abb kuch nahi bolti hai aur sochne lagti hai.

Megha:- (In her mind) Mai hi bewkoof thi...Jo ye sochti thi ki kuch majburiyan honge tumhare...Itna galat bhi nahi ho sakte ho tum...Jarur kuch misunderstanding hoga.

Lekin tum to bahut ghatiya nikle...Kirti ne bilkul sahi kiya tumse alag ho kar.


Megha ne apne chechre mein chhalak rahe dard par kaabu kar liya...Abb uss dard ka koi maan nahi tha...Jis par usse ummeed tha ki wo uska dard samjhega, usse kabhi dard ka ehsaas hone nahi dega aaj wo hi shaks saamne baithe uske dard ka tamashaa bana raha tha.

Sumit ne bhi Megha ko sochne ka pura vakt diya.


Kuch hi pal baad megha ne apna faisla bataya.

Megha:- Manjur hai.

Nafrat bhari aawaj mein Megha ne jawaab diya.

Sumit:- Bahut bahut shukriya tumhara...Kaise tumhara shukriya adaa karu samajh mein nahi aa raha hai.

Sumit excitement mein bole jaa raha tha...Usse bich mein hi rok kar.

Megha:- Jyada overacting karne ki jarurat nahi hai.

Sumit:- Thik hai fir...Iss tour ke baad tum apne raaste...Mai aur Kirti apne raaste.

Megha fir waha se jaane lagi.

Sumit se dur jaane ke baad uski aankho se aansu behne lagi.

Megha:- Mai apne raaste lekin tum aur Kirti bhi alag alag raaste...Manjuri iss vajah se diya hai kyu ki mai tumhe Kirti se hamesha ke liye alag kar dungi...Aur khelne nahi dungi tumhe Kirti ki life se yaa kisi aur ladki se.

You just don't deserve true love.


Fir rote hue Megha waha se chali gayi.


Sumit bhi Megha ke jaane ke baad Sumit bhi payment kar ke waha se nikal jaata hai.

Kaafi samay paidal hi chalne ke baad wo ek mandir pahuncha.

Sumit:- Yaad hai aap ko...Picchli baar Kirti ke saath aaya tha...Aur uss vakt maine Kirti se kaha tha ki abhi mujhe kisi cheej ki jarurat nahi...Agar jarurat pade to yahi maagunga ki mujhe itni taakat dena ki har mushibat se lad saku.

Lekin aaj kuch aur hi maagne aaya hun.

Kirti aur mera saath...Ye nahi...Kyu ki mujhe yakin hai agar mera pyaar saccha hai yaa fir Kirti ko mujh par bharosha hoga to wo jarur meri hogi...Koi nahi rok sakta.

Kuch aur...Jo mere bas mein nahi hai.

Sab kehte hai aap ke kai roop hote hai...Ek roop aaj maine dekh liya...Megha ke roop mein...Kitna galat kiya maine uske saath...Lekin usne...Usne ek baar fir mera saath diya...Mere liye to wo kisi bhagwaan se kam nahi jo mujhe ek aur mauka de rahi hai Kirti se milne ki...Kirti ka pyar aur bharosha fir se jitne ki.

Bas aap uske saath kuch galat hone mat dijiye...Jis daldal mein khud ke saath usko bhi ghasit laaya hun usko aap baahar nikaliye...Shuruaat to maine kiya lekin ant karna mere bas mein nahi hai.

Iss tour ke baad uske life mein wo saari khushiyan fir se Megha ko dijiye...Jiska wo hakdar hai.

Itna keh kar Sumit waha se chala gaya...Aankho mein aansu...Aur iss aansu mein kisi ke liye sammaan.

jabardast update hai dost.

 

[Avinashraj]

Beautiful update bhai ?

 

[Nevil singh]

UPDATE 40​

Bahut khush dikh rahe hai aap?

Raj kuch der se Sumit ko khushi mein idhar udhar tehelte dekh raha tha...Jab usse raha nahi gaya to usne puch hi liya.

Sumit:- Khushi ki hi to baat hai...Bas Megha ka call ka intejaar hai...Fir uske baad nikal jaaunga ek hasin safar ke liye...Apni Kirti ke saath.

Sumit ki khushi aaj uski baaton se bhi jhalak raha tha.

Raj:- To bataiye aage kya plan kiya hai.

Sumit:- Now its time for brain to stop its function and heart to start.

Raj:- Matlab?

Sumit:- Kuch khaas nahi...Dimaag ko chutti de diya hai kuch dino ke liye...Aur dil...Abb usko dhang ka kaam milaa hai...Ishq ladane kaa.

Raj:- Kuch samjha nahi.

Sumit:- Abb koi plan nahi karunga...Agar abb bhi plan karne lagunga to aisa lagega jaise Kirti ko paane ke liye koi saajish kar raha hun.

Issi liye abb jo bhi karunga dil se karunga...Ek baar fir se ehsaas karna hai pyaar ke wo hasin pal Kirti ke saath jo itne dino se sirf ek khawhish ban kar reh gaya tha...Ek baar fir se.

Sumit kahi kho sa gaya tha ye baatein kehte hue...Ek baar fir se apne ateet ke hasin yaadon mein.

Aankhein khol kar usne Raj ko dekha.

Sumit:- Aur tera love story? Wo kaha tak pahuncha?

Raj:- Wo...Hum dono...

Sumit:- Ladka sharmaa raha hai...Matlab sab kuch thik chal raha hai.

Raj:- Haan bhai dhire dhire sab thik ho raha hai...Kal bhi 2 ghante saath mein vakt bitaya hamne.

Sumit:- Issi liye abhi tera munh utra hua hai...1 months ki duriyan.

Hanste hue Sumit ne kaha.

Raj:- Kya bhai aap bhi? Pehle hi mai pareshaan hun iss judaai se aur aap hai ki hans rahe hai.

Sumit:- Thoda judaai bhi sehna sikh le...Mujhe hi dekh le...2 saal ki judaai hai...Aur dekh pyar kitna majbut ho gaya hai.

Yahi chhoti chhoti dard hi to hai jo pyar aur jindagi ka matlab samjhaata hai.

Sumit aur apna pravachan deta isse pehle hi Megha ka call aa jaata hai.

Sumit:- Accha mai chalta hun.

Raj:- Best of luck bhai.

Sumit:- Aur haa sun...Abb koi utpatang harkat mat kar dena...Agli baar mai bhi kuch nahi kar paaunga.

Itna keh kar Sumit room se nikal gaya.


Aaj kuch jyada hi shaanti tha Sumit aur Megha ke bich...Dono saath chal rahe thhe aur ek dusre se koi baat cheet bhi nahi...Naa hi koi Hi Hello aur naa hi koi haal chaal puchna...Abb shayad ye vacation apne matlab ka ban gaya tha iss vajah se.

Sumit ne ek najar bhi Megha ki aur nahi dekha...Megha kabhi kabhi Sumit ki taraf dekhti aur agle pal hi najrein badal leti.

Sumit ki chehre ki khushi dekh usse aur bhi gussa aa raha tha.

Megha:- (In her mind) Dusron ke dil ke saath khelne ke baad dekho kitna khush hai.

Sumit:- Abb to bataa do...Tour ke liye kya plan kiya hai...Kaise jaayenge? Megha ke saath tumne kya baat kiya? Aur wo kaise maan gayi?

Lekin Megha ne koi jawaab nahi diya.

Sumit:- Dekho maine iss vacation ko ek romantic plot ki tarah taiyaar kiya hai...Please tum isse suspense thriller mat banaao.

Fir bhi Megha ne koi response nahi diya.

Sumit:- Are yaar...Itna kuch kiya hai maine...Vacation ke liye location select kiya...Hotel select kiya...Visiting spots bhi select kiya aur saath hi schedule bhi...Itna sab kuch finalize karne ke baad bhi tumse kuch puchh raha hun to koi response nahi de rahi ho?

Kirti ne itni jaldi kaise haan kar eiya tour ke liye ye soch soch kar dimaag ke neuron mein short circuit ho raha hai? Aur ye bhi samajh mein nahi aa raha hai ki kaunsa gaadi mein jaayenge...Thela, auto, bus, jeep kuch pata nahi.

Tumse pehle pucha tha to kaha tum manage kar logi lekin abb koi jawaab hi nahi de rahi ho?

Abb to shak hone laga hai Kirti iss tour mein aa rahi hai yaa nahi...


Megha:- Tumhe vacation se matlab hai naa.

Sumit:- Haan.

Megha:- To fir chup chaap chalte raho.

Sumit confusion mein chalta raha...Kabhi uske chehre mein Kirti se hone wali mukaakat ka soch kar excitement tha to kabhi confusion ki sach mein Kirti iss tour mein aayegi?

Kuch der aur chalne ke baad Sumit ko apna sapna sach hota dilhai diya.

Gali se main road par aate hi baayi taraf 50 meter ki duri mein Kirti ek car ke baahar khadi thi.

Aankhon ke alawa Sumit ke sharir ke har hissa jaise bejaan ho gaya...Aankhein tha jo Kirti ki khubsurati ko nihaar raha tha.

Aankhon mein dher saara pyar ke saath Sumit ne khud se kaha.

Sumit:- (In his mind) Abb se tumhe inhi palkon mein bitha kar rakhunga.

Picchli baar shayad mera hi pyaar mein koi kami reh gaya tha...Iss baar pyar ka ehsaas kuch aise karaunga ki tum kabhi mujhse dut nahi jaaogi.


Megha bhi Sumit ko ruka dekh wohi par ruk gayi.

Jab Kirti ka najar Sumit par pada to usse vishwash hi nahi hua...Aur jab hua tab usne nafrat se apni najrein badal diya.

Sumit to pehle se hi iss baat ke liye taiyaar tha...Jab usne apna najar idhar udhar ghumaya to Kirti se thodi dur mein ek ladka khada tha...Laghbhag ussi ki umar ka.

Fir Sumit ne apne yaaddaast par jor diya aur yaad karne laga ki kahi wo Kirti ka koi bhai to nahi? Kirti to apni Maa Baap ki ek lauti beti thi...Fir wo yaad karne laga ki kahi wo ladka Kirti ki koi cousin to nahi? Lekin usse aisa kuch yaad nahi aaya.

Agle pal uske dimaagh mein sawal aaya, "Kahi boyfriend to nahi?" Nahi nahi...Aisa nahi ho sakta.

Dar ke saath Sumit aage soch bhi nahi paa raha tha.

Fir usne khud ko sambhaalte hue.

Sumit:- (To himself) Sumit...Be confident.

Fir apna muththi kaste hue wo aage Kirti aur uss ladka ke paas chala gaya.

Sumit:- Hi Kirti...Aaj to bahut khubsurat lag rahi ho.

Pyar bhari aawaj mein Sumit ne taarif kiya...Aur Kirti gusse mein munh fer leti hai...Ye dekh wo ladka bhi Sumit ki taraf gusse se dekhta hai ki Sumit ne Kirti ko uncomfortable feel karwaya.

Fir Sumit uss ladka ki aankho mein dekh kehta hai.

Sumit:- Kaun hai ye vichitra praani?

Sumit ne uss ladke ka getup dekh kar bola...Sir mein chaata jaise baal wo bhi pilaa rang se colored...Sumit ko uske look se koi khaas matlab to nahi tha...Par apna gussa nikaalne ka mauka mil gaya.

Ye sun Kirti gusse mein Sumit ko dekhti hai.

Ladka:- Vivek...Vivek naam hai mera.

Sumit:- V for Vichitra, V for Vivek...Sahi hai.

Sumit ne jaise majaak udaate hue kaha...Ye sun Vivek aur Kirti dono gusse mein Sumit ko dekhte hai.

Kirti:- Megha...Isse kyu le kar aayi hai tu? Aur teri dost kaha hai? Jaldi bula...Pehle hi hum late ho chuke hai.

Megha:- (Darte hue) Sumit hi hai wo dost.

Kirti:- Kyaaaaa?

Megha ki baaton se Kirti hairaan reh gayi...Hairaani se bhi jyaada...Itna bada jhuth ka.

Megha:- Kuch baatein karni hai...Yaha side mein aa.

Kirti gusse mein Megha ki taraf jaati hai.

Fir wo dono kuch der baatein karti hai...Kirti ka gussa bhi dhire dhire kam hota jaa raha tha.

Waapas aa kar.

Kirti:- Ye bhi chalega iss tour mein.

Kirti ki baaton mein abhi bhi asantushti dikhai de raha tha.

Megha ne bhi raahat ki saans liya aur ek nafrat bhari najar se Sumit ko dekhne lagi.

Sumit:- Kirti bahut hi stylish driver hai ye tumhara.

Kirti:- Vivek dost hai mera.

Sumit:- Haan to koi galat baat thodi naa hai...Driver dost nahi ho sakte kya?

Kirti:- Baat hi karna bekaar hai.

Kirti ki har ek baat mein Sumit ke liye nafrat tha.

Vivek:- Tumhe ye itna pareshaan kar raha hai aur tum ho ki kuch bol hi nahi rahi ho.

Isse to mai.


Itna keh kar Vivek Sumit ke paas aata hai aur mutthi kas kar Sumit ki taraf haath badhaya hi tha ki Sumit uska haath bich mein pakad kar.

Sumit:- Pura mood bana kar aaya hun yaar iss tour ke liye.

(Kirti ki taraf dekh) Romantic hero hi bane rehne de.

(Vivek ki taraf dekh) Faaltu mein ungli kar Action hero banne mein majbur mat kar.


Itna keh kar Sumit Vivek ka haath jhatak deta hai.

Kirti:- Vivek...Chhodo isse...Kicchad mein patthar fenkne ka kaam mat karo...Mai jaanti hun...Isse kaise deal karna hai.

Vivek gusse se Sumit ko dekh waha se jaata hai aur Megha ka luggage car mein rakh deta hai...Sumit bhi apna luggage rakhta hai.

Kirti jaa kar back seat mein baith jaati hai...Sumit bhi back seat ki taraf jaane wala tha ki Megha uska raashta rok khud Kirti ke saath baith jaati hai.

Sumit abb majburi mein Vivek ke saath front seat mein baith jaata hai.

Car jaise hi aage badha sabhi apne apne khayalon mein khoye hue thhe...Isa tour ka makshad sabhi ke liye alag alag tha...Kisi ko apna pyar haasil karna tha to kisi ko apna nafrat jadd se mitaana tha.

Sumit ke dimaagh mein bhi kayi sawaal tha...Vivek kaun hai? Agar Vivek aur Kirti dost hai to ye dosti kis hadd tak? Vivek ka iss tour mein kya kaam? Megha aur Kirti ki bich ki baat cheet?

Lekin ye sawaalon ko kuch der side rakh Sumit sirf Kirti ke baare mein hi soch raha tha.

Fir wo apna pocket se ek chhota sa mirror nikaal kar kuch aise rakhta hai jisse Kirti ka pura chehra usse pratibimb ke roop mein dikhaai de.

Kirti ko nihaarte hue,

Sumit:- (In his mind) Tumhara khubsurati ke saath saath tumhara mere liye nafrat aur bhi badh gaya hai.

Vaada hai khud se...Tumhara ye nafrat ko jald hi pyaar mein badal dunga.

manchahi update dost.

 

[Nevil singh]

UPDATE 41​

Utro...Naashta ka time ho gaya.

Car ek hotel ke saamne ruka tha...Sumit ke alawa sabhi utar chuke thhe...Lekin Sumit jo apne hi duniya mein khoya hua tha usko isse koi fark nahi pada.

Suna nahi tumne?

Ek baar fir gusse se Kirti ne pucha.

Aawaj thoda tej tha to Sumit ka dhyan bhi toot gaya.

Sumit:- Haan bolo.

Mushkuraate hue Sumit ne pucha.

Kirti:- Naashta karna hai yaa nahi?

Chhidhte hue Kirti ne ek baar fir pucha.

Sumit:- Tumhare saath hun...Issi ehsaas se pet bhar gaya.

Kirti:- Bakwaas band karo...Aage gaadi nahi rukegi...Fir baad mein mat kehna ki bhookh laga hai.

Sumit:- Gaadi mein tum bhi to ho...Jab jab bhookh lagega tab tab tumhe dekh lunga...Bhookh mit jaayega.

Sumit ki aawaj mein pyaar hi pyaar tha...Ye sun Kirti aur bhi chhidh gayi.

Kirti:- Tumse baatein karna hi bekaar hai.

Kirti waha se chali gayi...Megha aur Vivek ke saath.

Sumit car ke window se pyar se Kirti ko jaate hue dekhne laga.

Sumit:- Na jaane kitni raatein tumhari yaadon mein bhukha bitaya hai...Aaj kyu naa tumhare saath hone ki khushi mein bhukha rahu.

Kuch aise hi khayalon ke saath Sumit apne pyaar ki duniya mein fir se kho gaya.

Achanak hi ek khayal ke saath Sumit ka dhyan tuta.

Wo jald apne jagah se utth kar car ke back seat par baith gaya...Aur intejaar karne laga Kirti ki waapas aane ka...Aur ek romantic trip ka.

Hotel se waapas aane ke baad jaise hi Kirti ne car ka gate khola Sumit ko dekh fir se aag baboola ho gayi.

Gusse mein kuch bol bhi nahi paa rahi thi...Megha ko kuch ishaara kar wo front seat mein baith gayi.

Megha fir Sumit ke paas baith gayi...Baithte vakt wo bhi Sumit ko ek najar gusse se dekhti hai.

Sumit:- Are yaar...Tumhare saath to class mein kayi baar baith chuka hun? Abb to Kirti ko mauka do?

Lekin Megha kuch jawaab nahi deti.

Sumit:- Koi baat nahi...Kirti to mere paas jindagi bhar rahegi...Mere humsafar ban kar...Kuch pal hi sahi tum bhi baith jaao...Shayad koi yaadgaar lamha ban jaaye.

Sumit ne hanste hue kaha...Lekin ye baat kaafi tha dono ka gussa aur bhadkaane ka...Lekin dono hi chup rahi...Shayad iss vacation ka mood abhi se kharaab nahi karna chaahti thi.


Car kuch dur aage gaya hi tha ki.

Sumit:- Ae Vichitra Praani...Ye vichitra praani thoda lamba shabd ho gaya...VP short form...Haan ye thik rahega.

Haan to Mr. VP...Ye kya bail gaadi chala raha hai? Cycle wala feeling aa raha hai

Vivek:- Ek to subah se drive kar raha hun...Upar se itni dur ka destination rakha hai...Wo to shukr mana ki abhi bhi chala paa raha hun itne thakaan ke baawjud.

Sumit:- Thoda glucose vagera piyaa kar...Taakat milega...Wo bhi instant wala.

Vivek:- Ye jo tu itna bhaunk raha hai...Khud hi kyu drive nahi karta?

Sumit:- Mai to kar lunga drive...Lekin Formula race ki speed racer aur baahar baithe darshak ko hi majaa aata hai.

Megha:- Nahi...Koi jarurat nahi hai iska.

Sumit ke baat khatm hote hi Megha bol uthi.

Sumit bhi Megha ke saath uss raat ka bike wala safar yaad karke muskuraya.


Sumit:- Are yaar...Kitna boring trip chal raha hai...Thoda music ho jaaye.

Chalo Kirti...Tumse shuruwaat karte hai.

Lekin Kirti ne koi response nahi diya.

Sumit:- Accha thik hai...Mai hi shuruwaat karta hun.

Main tenu samjhawan ki

Na tere bina lagda jee



Main tenu samjhawan ki

Na tere bina lagda jee



Tu ki jaane pyaar mera

Main karoon intezar tera

Tu dil, tunhion jaan meri​

Sumit ne pure feel ke saath sur milaa kar gaana suru hi kiya tha ki Kirti ki harkat ne maano uska dil ek baar fir se tod diya.

Jaha Sumit Kirti ko apne dil ki baat gaano ke jariye se bataana chaahta tha wohi Kirti uski gaana ko avoid karne ke liye earphone mobile mein connect kar ke apne kaano mein laga leti hai.

Sumit:- (In his mind) Kya itna hi izzat reh gaya hai mera?

Sumit ne apna gaana band kar diya aur khidki se baahar dekhne laga.

Sumit:- (In his mind) Nahi aaj wo naraaj hai...Aaj mai manaunga to hi kal wo bhi mujhe manayegi jab mai naraaj hounga...Pyar mein ruthna manaana to chalta rehta hai.

Ye sochte hi Sumit ke hontho par fir se muskaan chhaa gaya.

Sumit:- (In his mind) Jaanta hun tumhari naraajgi...Abhi to tumhe aur irritate karna hai...Tumhare andar ka gussa aur naarajgi ko jad se mitaana hai...Waapas se tumhe apna banana hai.

Ye sochte hue Sumit ka aatma vishwash fir se badh gaya...Aur fir wo fir se Kirti ko pyaar bhari najro se nihaarne laga.

Yeh sab Megha ke saamne hi ho raha tha...Chaah kar bhi wo Sumit ko avoid nahi kar paa rahi thi.


Fir aise hi ye trip bhi khatm ho gaya...Shaam mein wo sabhi apne destination pahunch gaye.

Yeh ek pahadi ilaaka tha...Kuch bade bade pahaad, kuch bade aur hare ped se behti thandi hawaayein...Aur aasman mein neela baadal...Dhalte shaam mein wo itna hi jaan paaye iss ilaaka ke baare mein.

Sabhi ko intejaar tha to kal ka...Wo bhi besabri se.

Fir sabhi hotel ke andar gaye aur Sumit counter se 2 chaabhi le kar aata hai...Ek Kirti ko de kar.

Sumit:- Socha tha hum 3 hi honge tour mein...Issi liye 2 room book karwaya tha...Ek mein mai aur Kirti aur dusre mein Megha.

Sumit ne muskuraate hue kaha...Kirti to chup thi...Lekin uski aankhein bahut kuch keh rahi thi.

Sumit:- Ohh sorry...Ek mein mai akela aur dusre mein tum dono.

Fir sabhi apne apne room ki taraf jaane lage...Vivek ko Sumit ke saath room share karna accha to nahi lag raha tha lekin wo fir bhi chup chaap chalta raha.

Room mein pahunch kar apna luggage rakhne ke baad Sumit room se nikal kar bahar chala gaya.


Ashish:- What a pleasant surprise? Phone wo bhi tune kiya aaj?

Sumit:- Haan...Aaj bahut hi jyada khush hun...To socha tujhe phone kar lun...Waise bhi tu sirf khushi ke vakt ke hi to dost hai.

Ashish:- Kuch jyada nahi bol raha hai?

Sumit:- Abhi bola hi kaha hun...Bolne to de.

Ashish:- Haan haan...Tera khushi teri baaton se hi jalak raha hai? Lagta hai Megha pat gayi hai.

Sumit ka reaction pehle hi soch Ashish hasne lagta hai.

Sumit:- Fir chutiyapa?

Ashish:- Accha accha bataa...Kirti ke saath kitna aage badha baat?

Sumit:- Aaj usko itne vakt ke baad dekha yaar wo bhi itne der ke liye...Bahut pyaar aa raha hai yaar uss par...Aatma vishwash bhi badh gaya hai ki iss baar usse apna bana kar hi rahunga.

Excitement mein Sumit ne kaha.

Ashish:- Sirf dekha...Aur itna khush ho raha hai.

Sumit:- Abe pessimistic jantaaon ke sardaar Yeh to shuruaat hai...Bahut accha suruwaat...Dekhte jaa iss shuruwaat ko mai kitna aage tak le kar jaata hun.

Ashish:- Bharosha hai yaar tujh par...Bhulna mat...Free ki party pending hai.

Sumit:- Abb kiya tune samajhdaari wali baat.

Ashish:- Waise Sumit...Ek confusion hai...Tere ghar walon ko bhi pata hoga iss 4 week ke vacation ke baare mein...Fir tu kaise iss vacation par jaa paaya?

Sumit:- Study.

Ashish:- Malab?

Study:- Ye parents ke liye expectation hai to bacchon ke liye hathiyaar.

Ashish:- Abe saaf saaf bata.

Sumit:- Papa ko phonr mein kaha ki Biochemistry ki Live Class lene jaa raha hun...Pehle to unhe shak hua ki mai itna padhaaku kaise ban gaya hun...Lekin fir wo maan gaye...Bahut khush thhe...Maa ko bhi samjhaa diya.

Aur saath hi 20,000 Rs bhi daal diya unhone mere account mein...Aur baaki ke kuch paise seniors aur doston se...Vacation ka kharcha paani nikal jaayega.


Ashish:- Galat nahi kar raha hai tu?

Sumit:- (Serious ho kar) Galat to kar raha hun lekin majburi hai...Ek aakhiri koshish hi to hai...Uske baad khud ke saath saath Kirti aur ghar walon ke liye bhi jimmedaar ban jaaunga.

Ashish:- Koi baat nahi...Tu tour ko enjoy kar...Aur haan bhulna mat free ki party khaaye bahut din ho gaye mujhe?

Ashish ne Sumit ko serious hota dekh baat ko sambhaal liya.

Sumit:- Tour se aate hi mil jaayega tujhe party.



Dusri taraf

Kirti:- Mujhe bhi abb lagta hai tune sahi kiya...Kuch jyada hi udd raha hai? Aise pankh kaatungi uss Sumit ka iss tour mein ki wo fir se kabhi udd nahi paayega.

Megha kuch nahi boli...Wo abhi bhi apne soch mein gumm thi.

Kirti:- Kya soch rahi hai?

Megha:- Yahi ki kitna galat hai Sumit...Nafrat ho gaya hai usse abb to.

Kirti:- 2 saalo se jaanti hun...Kitna bada dhokhebaaz hai wo ye mujhse accha koi nahi jaanta...Tu dur hi reh usse.

Usse aise sabak sikhaaungi ki wo tujhe bhi kabhi pareshaan nahi karega.

Nafrat bhari aawaj mein Kirti ne kaha.

mast update dost