- 5,758
- 13,139
- 189
UPDATE 49
Bahut khush dikh rahe ho tum?
Raaste mein Megha ne Sumit se pucha...Sumit aaj sach mein bahut khush dikh raha tha.
Sumit ne ek najar Megha ko dekh kar muskuraya lekin kuch bola nahi.
Megha bhi abb khaamoshi ke saath aage badhne lagi.
Sumit apne hi dhun mein chal raha tha.
Megha:- Kya aaj fir se riverside chale?
Sumit:- Kyu?
Megha:- Bas aise hi...Aaj kisi se baat cheet karne ka mood nahi hai.
Sumit:- Baat cheet ka utna mood to mera bhi nahi hai...Chalo aaj riverside hi chalte hai.
Fir dono nadi ke kinaare ki aur chalte hai...Dono mein se koi kisi se baat nahi kar raha tha.
Nadi ke kinaare pahunch kar Sumit nadi ke bahut karib ek patthar par baith jaata hai.
Megha:- Sambhal kar...Kahi...
Fikr ke saath Megha ne kaha.
Sumit:- Uss din ke incident ke baad bhi tum ye keh rahi ho?
Megha:- Itna halka mat lo nadi ko...Apne vikraal roop mein naa jaane kitna vinaash kiya hai aur naa jaane kitne hi sabhyata ka antt kiya hai.
Megha iss baar kaafi serious thi.
Sumit:- Lekin aaj to nadi uss din se kaafi chhoti hai.
Megha:- Agle pal? Agle pal bhi itna hi chhoti rahegi...Iss baat ka guarantee le sakte ho?
Sumit iss baar kuch nahi bola.
Megha:- Pahaadi nadi hai...Bahaav mein kab badlaaw aa jaaye kuch pata nahi chalta.
Kuch aisa hi hai jindagi bhi...Kab kis mod mein pahunchenge aur kismat mein kya likha hai koi nahi jaanta.
Megha ki baat mein uske dimaag mein chal rahi gehri soch saaf dikha raha tha.
Sumit ne iss baar bhi koi jawaab nahi diya.
Megha:- Abhi khud ko hi dekho...Kal tak sada hua chehra ke saath ghum rahe thhe aur aaj...Aaj bahut khush dikh rahe ho.
Kal fir iss chehre mein ye khushi rahega yaa nahi...Iski bhi koi guarantee nahi.
Sumit:- Fikr mat karo...Abb to khush hone ka vajah mil gaya hai.
Sumit ki baaton mein uska khushi saaf dikh raha tha.
Megha:- Acchaa...Aisa kyu lagta hai?
Sumit:- Kirti...Uska nafrat khatm ho gaya hai...Jald hi wo maan jaayegi.
Picchle 3,4 dino se aaye Kirti mein badlaaw se Sumit bahut khush tha...Abb Kirti Sumit se acche se baat kar rahi thi...Kabhi mushkura kar to kabhi khud hi Sumit ko bulaati time spend karne ke liye.
Megha:- Kisi par bhi itna andh vishwash kar lete ho?
Iss baar Megha ki aawaj mein vyang tha.
Sumit:- Kisi par bhi nahi karta...Lekin Kirti...Pyaar hai wo meri...Aur pyaar mein vishwash ki jarurat hota hai naa ki background ko dekhte hai.
Megha:- Lage raho apne iss vishwash ke saath.
Iss baar Megha ne gusse mein kaha.
Aur gussa ka vajah tha Sumit ke aankho mein bandha patti...Tab se Megha usse hint de rahi thi lekin Sumit samajhne ko taiyaar hi nahi tha.
Abhi bhi Megha Kirti ke baare mein hi soch rahi thi...Samajhne ki koshish kar rahi thi lekin samajh paane mein asafal ho rahi thi.
Kirti ka ye badlaaw Megha ke soch aur ummeed se bhi baahar tha...Kuch puchne par ghuma firaa kar taal deti thi.
Usse bhi dekhne par yahi lag raha tha ki Kirti Sumit ae pyaar karne lagi hai...Lekin dil ye baat maanne ko taiyaar nahi tha.
Aur saath hi Vivek...Abhi bhi usse Vivek ke saath wo baatein yaad aa raha tha.
Vivek:- Tum Sumit se pyaar karti ho naa?
Iss sawaal aur sawaal puchne ki tarika par Megha ko bahut gussa aaya.
Megha:- Tumhe kya matlab?
Vivek:- Matlab hai...Pehle ye bataao tum Sumit se pyaar karti ho ya nahi?
Megha:- Kaha na...Iss baat se tumhe koi matlab nahi hona chahiye.
Vivek:- Agar karti ho to bataao...Kuch plan karunga tumhe aur Sumit ko milaane ki?
Abb Megha ko kuch gadbad lag raha tha.
Megha:- Saaf saaf kaho.
Vivek:- Mai Kirti se pyaar karta hun...Aur uss Sumit ko Kirti ke paas dekh kar khoon jal raha hai.
Tum chaaho to Sumit tumhara aur Kirti meri.
Shakh to Megha ko pehle hi tha...Jo abb yakin mein badal gaya.
Megha:- Kirti ko bataya tumne ye baat?
Vivek:- Hamesha se friend zone hi raha hun...Abb to bataane mein bhi dar lag raha hai.
Ye sun kar Megha ki gussa control se baahar chala gaya.
Megha:- Aaj kal har koi pyaar ko paane ke liye planning yaa fir saajish hi karta fir raha hai...Jaise ye fashion bana gaya hai.
Kuch der tak to Vivek Megha ka gussa dekh kuch nahi bola...Kuch der baad.
Vivek:- Kya socha tumne fir?
Megha:- Yahi ki abhi tak munh se samjha rahi thi tumhe iss baat se koi matlab nahi hona chahiye...Agli baar thappad se samjhaunhi.
Megha ki ye gussa dekh Vivek ne aage bolne ki himmat nahi kiya.
Megha ne Kirti ko bhi ye baat bataane ki koshish ki...Lekin Vivek ka dosti ka aisa parda chadh gaya tha Kirti ki aankhon mein ki wo Vivek ke baare mein kuch sunna nahi chaahti thi.
Kuch yahi baatein thi jo Megha ko sochne par majbur kar raha tha...Kirti ka badla roop, Vivek ki saajish aur Sumit ki aankho mein bandhi patti...Na jaane aage iss vacation mein kya hone wala hai.
At Night...11:50 pm
"Kaha ho?"
Kirti ne ye message padhte hi hairaani mein reply diya.
Kirti:- Abhi tak jage hue ho?
Sumit:- Tumhari yaadon mein na jaane kitne hi raat jaag kar bitaya hai...Ye to kuch bhi nahi.
Kirti:- So you think this is romantic?
Sumit:- Not at all...Romantic hi hona hai to chhat mein aa jaao.
Kirti:- Itni raat ko?
Sumit:- Haan...Abb ye mat kehna ki bhooton se dar lagta hai.
Kirti:- Bilkul nahi.
Sumit:- Then prove it.
Kirti mushkuraati hui chhat mein chali jaati hai.
Aur jaise hi chhat mein apna kadam rakhti hai hairaani se uski aankhein fail jaati hai.
Sumit:- Happy birthday to you.
Saamne ek plate mein bread ka ek bada piece rakha tha...Aas paas jal rahe 4 candles...Aur ek chaaku.
Kirti ko aise surprised aur khush dekh Sumit ke khushi ka koi thikaana nahi raha.
Kirti:- Ye sab kya hai?
Sumit:- Birthday special for special girl.
Kirti:- Tumhein yaad hai...Lekin maine kabhi bataya bhi nahi.
Sumit:- Aashiq hun...Itna to pata hi hoga.
Abb Kirti Sumit ke paas pahunch jaati hai.
Kirti:- Phone par bhi to wish kar sakte thhe.
Sumit:- Wo mera style nahi...Formality ke roop mein phone ya message karo.
Mujhe to tumhe surprise dena tha...Aur tumhara ye khushi dekhna tha.
Kirti:- So sweet of you.
Itna keh kar Kirti Sumit ki gaalon par pinch kar deti hai.
Sumit:- Cake nahi mila...Aur internet wala mobile bhi nahi laaya jo youtube se video dekh kar bana leta.
Iss baar issi bread se kaam chala lo.
Kirti:- Ye bhi bahut accha hai...Aur isse bhi accha hai tumhara surprise.
Fir Kirti bread ko kaat kar Sumit ko khilaati hai..Sumit bhi bread ka ek tukda Kirti ko khilaata hai.
Sumit ek najar Kirti ko pyaar se dekhta hai...Lekin iss baar Kirti ka expression badla hua tha.
Sumit:- Tum thik to ho?
Kirti abb aur bhi emotional ho jaati hai.
Kirti:- Sach mein pyaar karte ho naa mujhse?
Sumit:- Abb kaise yakin dilaau.
Baal khujaate hue Sumit ne kaha.
Kirti:- Yakin dilaane ki jarurat nahi hai...Bas iss baar bharosha mat todna.
Sumit:- Vaada hai.
Sumit ka khushi ka abb koi thikaana nahi tha...Kirti ne uske pyaar ko fir se apnaa liya tha...Na jaane kitne din aur kitne raat gujaare thhe Kirti ki yaado mein Sumit ne apne toote dil ke saath...Jis ko aaj fir se joda bhi Kirti ne hi.
Ek najar fir Sumit ne dekha Kirti ko pyaar aur sammaan ke saath.
