- 5,758
- 13,139
- 189
UPDATE 48
Aaj Sumit ke saath mai chalungi.
Agle din subah Kirti ki iss baat ne baaki teeno ko hairaani mein daal diya.
Sumit ko to ek pal ke liye vishwash hi nahi hua...Aur jab vishwash hua tab maano khushi ka koi thikaana hi nahi raha...Kisi tarah khud ke bhaawna par niyantran kiya.
Tabhi usko ek shararat sujha.
Paas mein hi khade munh latka hua Vivek ke haath mein jor se pinch kar diya.
Vivek:- Ouch...Ye kya kar raha hai?
Behad gusse mein Vivek ne pucha...Pehle Kirti ka wo nirnay aur abb Sumit ka ye harkat.
Sumit:- Sach hai yaa sapna? Jaane ki koshish kar raha tha.
Vivek:- To mujhe kyu pinch kiya? Khud par karta.
Vivek gusse se Sumit ko ghuraa jaa raha tha.
Sumit:- Pata tha tu aise hi bhaunkega...Issi liye tujh par hi try kiya...Khair, abb confirm ho gaya ki ye sach hai.
Vivek:- Kirti tumhari vajah se chup hun...Warna iska kya haal karunga wo mai khud nahi jaanta.
Kirti:- Galat baat hai ye Sumit.
Iss baar Kirti ki baaton mein wo gussa nahi tha.
Vivek:- Oucchhhh
Sumit:- Dont mind...Ek aur baar confirm kar raha tha.
Uske baad Vivek ne Sumit par gaaliyon ke varsaat kar diya...Shakahaari (Veg) wale
...Kirti ke saamne apna image kharaab bhi to nahi kar sakta tha. 
Lekin Sumit ko iss baat se kya matlab tha...Wo to bas Kirti mein hi khoye jaa raha tha.
Kirti:- Chalna nahi hai kya.
Sumit:- Haan chalo.
Utshaahit ho kar Sumit ne kaha...Aur Kirti ki taraf badh gaya.
Wohi Vivek apne man mein.
Vivek:- (In his mind) Bas Kirti ki vajah se kuch nahi kar raha hun...Sharaafat ka ye jo mukhauta hai Kirti ke saamne...Bas issi ne mera haath baandh rakha hai...Warna kya haal karta mai khud nahi jaanta.
Aur ye Kirti ko bhi kya ho gaya hai...Abb to wo bhi Sumit ke side le rahi hai.
Vivek ke gussa ka koi thikaana nahi tha...Lekin majbur tha...Vajah wohi...Kirti ki maujudgi.
Megha ka bhi hairaani ka koi thikaana nahi tha.
Megha:- (In her mind) Achanak se ye Kirti ko kya ho gaya...Kal raat tak to Sumit se bahut gussa thi...Aur kal tak ka ye nafrat aaj achanak se kaise badal gaya?
Iss sawaal ke jawaab to filhaal Megha ke paas bhi nahi tha.
Fir Sumit aur Kirti apna BP sets le kar apne raaste chale jaate hai...Megha ko bhi na chaahte hue Vivek ke saath jaana padta hai.
Raaste mein khushi se gun gunaate hue Sumit chal raha tha...Kirti bhi paas mein hi thi...Lekin wo bilkul hi chup thi.
Sumit:- Kuch to bolo...Tumhari ek aawaj sunne ke liye bekaraar hu.
Kirti:- Kya bolu?
Sumit:- Kuch bhi...Tumhari har ek bol koyal ki madhur aawaj se kam nahi lagta.
Kirti:- Abhi tak waise hi flirting jar rahe ho?
Thoda shikayat ke saath Kirti ne pucha.
Sumit:- Nahi abhi bhi waisa hi pyaar karta hun.
Iss baar Kirti kuch nahi bolti.
Kuch der dono aise hi chup chaap chalte hai...Sumit khushi mein kabhi Kirti ko dekhta to kabhi apne sapno ki duniya mein kho jaata...Ek nayi shuruwaat ke sapne.
Kirti:- Bahut badal gaye ho tum...Lekin ek cheej aaj bhi waisa hi hai.
Sumit:- (In his mind) Mai badal gaya hun? Iss pyaar ke deewanapan mein kho kar aaj bhi wohi hun jaha 3 saal pehle tha.
Kirti:- Tumhara confidence aur strong personality...Aaj bhi kisi ke saamne nahi jhukte ho.
Sumit:- Jhukta hun...Jo mere liye bahut hi khaas hai.
Kirti ki aankho mein dekh Sumit ne jawaab diya.
Kirti ne bhi muskura kar jawaab diya.
Sumit:- Aur mera pyaar? Wo bhi to badla nahi hai?
Kirti:- Lekin mujhe aisa nahi lagta.
Abhi bhi vishwash ki kami dekh Sumit thoda niraash ho jaata hai...Lekin jald hi sambhal kar.
Sumit:- Bas kuch din aur...Fir tumhara ye shikayat bhi dur kar dunga.
Kirti ne iss baat ka koi jawaab nahi diya.
Aise hi fir kuch der chup chaap chalne ke baad Kirti hi boli.
Kirti:- Agar tum sach maan kar maafi maang lete pehle hi to baat shayad kuch aur hota...Lekin tum hameaha justify hi karte reh gaye...Tum aur tumhara ego.
Gehri soch se nikalte hue Kirti ne pucha...Baaton mein abhi bhi shikayat tha.
Sumit:- Agar sach mein galti karta to jarur uss baat ke liye maafi maangta...Lekin jhuth bol kar manaa nahi sakta...Humaare riahte ka shuruwaat hi jhuth se ho ye mai nahi chaahta.
Aage naa chaahte hue bhi bahut se galti ho sakta hai hum dono se hi...Unn galtiyon ka maafi maangenge.
Kirti Sumit ki iss baat se santusht nahi dikh rahi thi.
Sumit:- Aur bataao...Aaj itne dino baad...Achanak kaise badlaaw aa gaya tum mein? Kahi taras to nahi khaa rahi ho?
Kirti:- Nahi...Aisa lag raha hai jaise tum shayad utna galat bhi nahi ho...Socha baat kar ke dekhti hun.
Kirti ki iss baat ne Sumit ka fir mood on kar diya...Kirti usse ek mauka de rahi hai...Filhaal yahi uske liye kaafi tha.
Dusri taraf.
Vivek:- Tumse kuch puchna hai?
Megha:- Pucho.
Vivek:- Tum Sumit se pyaar karti ho naa?
Shakh bhari aawaj mein Vivek ne pucha...Aur Vivek ka puchne ke tarika aur pucha hua sawaal par Megha ko bahut gussa aa raha tha.
Shayad koi pehle hi enter ho chuka hai jo aage pata chalega 
