- 5,758
- 13,139
- 189
UPDATE 71
Sumit:- Nahi bhula paaya hun...Bas koshish kar raha hun ye sab bhulne ki.
S. Dad:- Shabash...Aur fir hume bhul jaana aur aakhir mein khud ko bhi.
Sumit ko baat bilkul bhi samajh mein nahi aaya.
S. Dad:- Pata nahi tu bhul jaane ka daawa kar ke khud ko jhutha dilaasa de raha hai aur apne naa kaamyaabi se bhaagna chaahta hai.
Sumit:- Shayad naa kaamyaabi se hi pichha chhuda raha hun.
Uske Papa kuch der usse yunhi dekhte hai.
Sumit:- Kya hua?
S. Dad:- Dekh raha hun...Tu wohi Sumit hai naa jo kuch saal pehle tak kehta tha ki tu kabhi haar nahi sakta...Agar haar bhi jaaye to haar nahi maan sakta aur wohi jidd tera uss haar ko bhi jeet mein badal dega.
Uss vakt to kuch nahi kaha...Tujh mein khud ko dekh kar bahut khush tha...Lekin aaj...Aaj tujhe sach mein haarta hua dekh raha hun.
Sumit:- Aur ye haar...Shayad bahut pehle hi maan liya tha.
S. Dad:- Bahut hi asthir (fluctuating) ho raha hai tu...Kabhi apne jidd mein cigarette, daaru chhod sakta hai to kabhi aisi baatein karta hai jaise tujh se kamjor dil kisi ka nahi.
Sumit:- Abb thak gaya hun Papa...Sach mein haar gaya hun...Bahut koshish kar liya...Lekin har baar naakami hi haath aata hai...Sabr toot raha hai abb...Kab tak khud se hi jhuth bolta firu...Itna jhuth bol chuka hun ki abb to mujhe bhi khud par vishwash nahi ho raha hai.
S. Dad:- Bahut koshish kiya hai? Accha chal bata...Kitni baar?
Sumit:- Ginaa nahi hai.
S. Dad:- Andaaja.
Sumit:- 20-25.
S. Dad:- Aur wo scientist? Tune hi to example diya tha...Thomas Addison...Kitne attempt mein usne electric bulb banaya?
Sumit:- Utna to soch bhi nahi sakta...Mere bas ki baat nahi hai.
S. Dad:- Bas yahi fark hota hai...Baat kehne mein aur kar ke dikhaane mein...Bahut kehta tha tu kabhi jhukega nahi...Lekin itni jaldi?
Sumit iss baar koi jawaab nahi de paaya.
S. Dad:- Kehte bahut log hai ye kar lunga wo kar ke dikhaunga...Lekin karte wohi hai jiska hausla buland ho...Jidd ho mar mitne ki...Aur ye tabhi pata chalta hai jab haalaath aur sath chhod de...Sab kuch galat hone lage.
Kaamyaabi ki kimat itna sasta to nahi hai.
Sumit kuch nahi bol paaya.
S. Dad:- Tujhe kamjor nahi dikha raha hun...Duniya bahut dekha hai tujhse...Bahut se mushibat ka saamna kiya hai...Bas iss dar se aage utth kar dekh...Kaise ladna hai kya karna hai sab samajh jaayega.
Sumit:- Lekin aage kuch dikhaayi to de...Andhera hi najar aa raha hai...Bas raashta mil jaaye...Puri jor laga dunga...Aise andhera mein kab tak thokar khaata rahu.
S. Dad:- Shayad tu abhi nahi samjhega...Abhi Kirti ke baare mein bata.
Sumit:- Wo maannna nahi chaahti...Abb mai hi pichhe hatne ka soch raha hun.
S. Dad:- Aur wo kyu?
Sumit:- Jab kuch haasil ho nahi raha hai to kya faaidaa...Aapne bhi to bahut baar samjhaya hai pyaar ke chakkar mein nahi padne ke liye.
S. Dad:- Jabarsasti ke pyaar ke chakkar mein naa padne ke liye kaha hai...Bas naam ki boyfriend girlfriend...Tera pyaar mai bhi mehsus kar sakta hun...Saccha wala pyaar hai...Bhulaaye bhul nahi sakta.
Sumit:- To kya karu? Bhula hhi nahi paa raha hun aur samjha bhi nahi paa raha hun.
S. Dad:- Toot kar pyaar kar...Itna pyaar kar ki Kirti bhi soch mein padd jaaye itne nafrat ke baawjud.
Sumit:- Seriously?
S. Dad:- Majaak ke mood mein mai bilkul bhi nahi hun.
S. Mom:- Ye aap kya sikha rahe hai usse? Bhulne ki koshish kar raha hai wo...Aur aap hai ki aur pyaar mein padne ki salaah de rahe hai.
S. Dad:- Tumhe kya lagta hai ye bhul paayega Kirti ko?
S. Mom:- Koshish to kar raha hai naa.
S. Dad:- Koshish to maine bhi kiya tha ye sochne ki log kaise amar ho sakte hai.
Koshish bhi issi cheej ka hona chahiye...Jo sambhav ho...Sach ko taalne se wo jhuth nahi ho jaata...Agar Sumit usse bhulne ka sochega to aisa lagega jaise wo aankh band kar ke sochega ki Suraj gaayab ho gaya hai.
2-4 din jhuthi tasalli dene ke baad sacchai fir saamne aayega...Frustration ke alawa kuch haasil nahi hoga.
Abhi ka Sumit dekho...Kitna badlaaw aa gaya hai...Daaru, Cigarette ki lat aur itna kam confidence...Kuch aur der se pata chalta hame to ye khud ko hi kho baithta.
Pyaar cheej hai hi aisa...Mil jaaye to dharti hi swarg ban jaata hai aur naa mile to insaan khud ko hi barbaad kar leta hai.
Iss baar Sumit ki Maa kuch nahi kehti...Lekin puri tarah se convinced wo bhi najar nahi aa rahi thi.
Sumit:- Bahut mushkil se apne emotions par control kar raha hun...Fir se ussi pyaar ki taraf chala jaau to pat anhai aage kya hoga.
S. Dad:- Insaan hai tu...Koi machine nahi hai...Har tarah ke jimmedaari hota hai insaan ka...Pyaar bhi kar...Apna padhaai bhi...Bete ka, bhai ka aur dost ke saath har ek rishta acche se nibha.
Jo bhi karega dil laga kar kar...Dekhna bahut badlaaw aayega.
Tu pyaar karta tha chup kar...Ye soch kar ki Papa kya sochenge, Maa ko kaisa lagega...Aur issi mein chhup kar adhura kaam karta aaya hai...Issi se har jimmedaari se piche chhoot raha hai...Ye frustration, low confidence sab issi ke natija hai.
Sumit:- Abb koshish karunga to Kirti maan jaayegi?
S. Dad:- Tujh par depend karta hai...Saccha pyaar ke saath itna bura to nahi hona chahiye...Aur haan aise low confidence mein uske saamne jaana bhi mat...Aur faaltu ki Sense of Humour to try bhi mat kar.
Tune hi to kaha tha Kirti tujhe se pehle pyaar karti thi...Kitna confident tha uss vakt tu...Peraonality bhi alag...Aur jab se wo tujhse naa pasand karne lagi hai to kitna low confident ka ho gaya hai...Aur wo kyu pasand karegi tujhe?
Kuch kar ke dikha...Kuch kaabil ban...Aatmavishwash se bhara....Usse bhi to lage tere bina uaka koi wajud nahi...Har haal mein tu uska saath dega...Tabhi to wo bhi tujhe pyaar karegi...Warna aisa lagega ki tu bas apne pyaar ka bheekh maang raha hai.
Itna pyaar kar usse ki wo laut kar waapas aa hi jaaye...Aur agar naa aaye to bhi uske dimaag mein ye chaap baith jaaye ki koi tha jo usse bahut pyar karta tha.
Pyaar jaruri hai...Saath mein baaki aur cheej bhi.
Sumit:- Koshish karta hun.
S. Dad:- Koshish nahi...Karke dikha.
Sumit:- Jarur.
Iss baar Sumit ki aawaj aatmaviahwash se bhara tha.
S. Dad:- Aur bhul mat...Tu jo bhi karega usmein mai aur teri Maa dono saath hai...Iss vishwash ke saath ki tu kabhi galat aur anaitik kaam nahi karega.
Jo karna hai kar...Hum saath hai.
Sumit bina kuch bole apne Papa ke gale lag jaata hai...Aur fir.
Sumit:- Thank you Papa...Socha nahi tha itna support karenge aap.
S. Dad:- Abb to tere khushi mein hi to humaara khushi hai...Tujhe khush dekhna hai abb to...Kirti mein hi tera khushi hai...To wo hi sahi.
3 Days Later.
Cricket ka ground...Sabhi khilaadi apni apni taiyari ke saath apni apni jagah par lag gaye thhe...Darshak bhi thik thaak thhe.
Sumit aaj thoda alag mehsus kar raha tha...Na jaane kitne saal ho gaye thhe usse cricket ke jersey pehne hue...Bat ko jameen mein patakte hi uska nahar saamne Megha par gaya...Jo boundary ke baahar se usko cheer kar rahi thi.
Match ka pehla ball.
Bahut din ke baad bhi Sumit ke confidence mein koi kami nahi tha.
Ek fast ball full length on Stump...Sumit shayad hi isse accha ball ka ummeed kar sakta tha...Jawab mein ek straight drive aur ek shaandaar chauka (4).
Iss shot ke saath hi Sumit ka dhyan fir se Megha par gaya...Megha ki muskaan mein iss baar kuch baat to tha ki Sumit ka dhyan Megha se hatt hi nahi raha tha.
Wo bhi bas Megha ko hi dekhe jaa raha tha...Bas aisa lag raha tha jaise ye muskaan kabhi khatm ho hi naa.
Last edited:
