- 5,758
- 13,139
- 189
UPDATE 92
In Library
Tab se dekh rahi hun tumne kitaab ki taraf dekha bhi nahi hai.
Hairaani mein Sanjana boli.
Sumit:- Preparation complete ho chuka hai.
Sanjana:- Wo to mera bhi ho chuka hai...Wo bhi 2 baar...Lekin revision bhi to jaruri hai...Acche marks ke liye.
Sumit:- Marks...Yeh moh maaya se bahut pehle utth chuka hun...Papa ki daant aur doston ki taane...Iss se bhi koi fark nahi padta tha...Abb to aur khair bahut aage nikal chuka hun.
Sumit ki jawaab se Sanjana aur bhi hairaan reh gayi...Pehli baar koi aisa dekh rahi ghi jise marks se koi matlab nahi tha.
Sanjana:- Agar marks chahiye hi nahi....To fir itni padhaai ka kya faaidaa?
Sumit:- Bas knowledge ke liye.
Sanjana:- Abb ye mat keh dena ki acche marks laana buri baat hai...Ye sirf ratta marne wale students laate hai.
Sumit:- Nahi acchi baat hai...Thoda bahut students ki mehnat bhi dikhata hai...Bas mujhe marks se utna fark nahi padta.
Sanjana:- Kehne ki baat hai...Exam aane do...Aur fir dekhti hun tumhari marks.
Sumit:- Dekh lena.
Fir Sumit apne mobile mein lag jaata hai...Sanjana bhi hairaani mein apne padhai mein lag jaati hai.
During Exam
Jitna hairaani sabhi students ko ho raha tha usse jyada Sanjana ko...Sumit apne vaada ke mutabik sirf 30 minutes mein apna paper submit karke class se nikal gaya.
Result Day
Sumit apna result le kar sabse pehle Sanjana ke paas gaya.
Sanjana:- Paagal ho tum.
Iss aawaj mein hairaani ke saath gussa bhi tha.
Sumit:- Abb ye gussa kis baat ki?
Sanjana:- Itna careless kaise ho sakte ho tum Sumit...Pehli baar koi aisa dekh rahi hun jo apne potential se kaafi kam ka performance de raha hai...Talented ho...Lekin iss talent ka majaak mat banao.
Sumit:- Majaak nahi hai ye....
Sumit aage kuch bolta usse pehle hi...
Sanjana:- Tumhara har ek majaak tumhaare marksheet par dhabba hai...Lekin tumhe to koi afsosh hi nahi.
Tabhi Sumit ka najar Vikash par pada.
Sumit:- Abe tu apna munh latkaye kyu baitha hai? Topper hai...Thoda to muskaan laa apne chehre mein.
Vikash:- Tune iss baar bhi disappoint kar diya.
Sumit:- Abb kya kar diya maine?
Vikash:- MBBS mein competition nahi mila...Socha yaha MS mein milega...Lekin yaha bhi tera wohi attitude...Pass marks ke around solve kar aur nikal jaa exam hall se.
Sumit iss baat par sirf muskuraya.
Vikash:- Uss vakt ka samajh mein aata hai...Breakup hua tha...Padhaai mein man nahi tha...Lekin iss baar?
Sumit:- Iss baar bhi vajah hai.
Vikash:- Kya?
Sumit:- Bataaunga...Kabhi fursat mein.
Sumit ki breakup ki baat Sanjana ne sun li.
Sanjana:- Kya keh rahe the tum Vikash? Sumit ki breakup.
Vikash kuch kehne se pehle Sumit ki taraf dekhta hai.
Sumit:- Aise kya dekh raha hai...Koi galti thode kiya tha jo munh chupaata firunga...Bol de.
Fir Vikash Sanjana ko wo saari baat bataata hai jitna usse pata tha...Aur Sumit bhi maje le kar sun raha tha.
Baat khatm hone ke baad Sanjana Sumit ki aur dekhti hai...Tabhi Sumit ki kaan mein ek aawaj gunjta hai.
Hello Surgeon.
Bina uss aawaj ki taraf mude Sumit jawaab deta hai.
Sumit:- Aao Cardiologist...Tumhara hi intejaar tha.
Fir Sumit Megha ki aur mudta hai.
Sumit:- Abb bataao apni result?
Megha:- Guess karo.
Sumit:- Ye kauna mushkil kaam hai...Obviously Top hi kiya hoga.
Megha:- Iss baar bhi tumhara guess sahi hai.
Sumit:- Wow...Congratulations!!!
Sumit ki khushi uski baaton se jhalak raha tha.
Megha:- Thank you...Aur result to tumhara bhi aaj hai.
Sumit:- Haan.
Megha:- Aur tumhara marks bhi wohi 55-60℅ ke bich mein hoga.
Itna sahi prediction dekh Sanjana aur bhi hairaan ho gayi.
Sumit:- 55℅...To be more precise.
Megha:- Congratulations!!!
Sumit:- Aur ye badhai kis baat ki?
Megha:- Itna marks hi to tum chahte ho.
Sumit:- Agar kabhi mujhe injection ki jarurat padega to tumhe hi bulaunga.
Megha:- Kyu?
Sumit:- Mere nas nas se waakif ho tum.
Megha:-
Bahut jhela hai tumhe...Itna to pata hoga hi.Dono ki baatein sun rahi Sanjana ki hairaani shayad hi khatm ho...Dono ki itna jaan pehchaan dekh hairaani ke saath abb wo thoda uncomfortable feel kar rahi thi.
Sumit:- To party kab de rahi ho?
Megha:- Jab bhi tum chaho.
Sumit:- Chalo...Ek mast coffee ho jaaye...Saari thakaan khatm ho jaayegi.
Pehle mere saath coffee pee le.
Ye aawaj HOD Rahul sir ka tha.
Sumit:- Sir, aap?
Dr. Rahul:- Kuch baat karna hai tujhse...Result ke baare mein...Department room mein chal...Wohi coffee ka intejaam ho jaayega.
Itna keh kar thoda gussa mein wo nikal gaye.
Sumit:- Hamaara coffee ka plan aaj shaam mein.
Jaate vakt Sumit ne Megha se kaha.
Megha:- Ok.
Sanjana:- Jaanti thi aisa hi hoga...Kuch jyada hi majaak mein le raha tha exam ko.
Megha:- Are fikar mat karo...Kuch nahi hoga.
Sanjana:- Tum nahi jaanti Rahul sir ka gussa...Surgery department ki nahi ho....Warna Faculty darte hai jab sir gussa mein hote hai...Sumit to fir bhi student hi hai.
Sanjana ki iss baat se Megha ko gussa to aaya...Fir bhi.
Megha:- Kisi ko nahi jaanti...Lekin Sumit ko jaanti hun...Handle kar lega wo...Dekhna sir jab room se niklenge to unka gussa muskaan mein badal jaayegi.
Sanjana:- Itna jaanti ho Sumit ke baare mein?
Sanjana ki ye jawaab thoda sarcastic tha.
Megha:- Isse bhi jyada.
Thoda gussa mein Sanjana ki aankho mein dekh Megha ne jawaab diya.
Sanjana:- Vikash...Iss baare mein kya kehna chaahte ho?
Vikash:- Abb mai kya kahu? Jo bhi Megha keh rahi hai uss mein koi do raai nahi nahi...Megha se jyada Sumit ko koi nahi samajh sakta.
Iss jawaab ne Sanjana ko aur bhi irritate kar diya.
Sanjana:- Jab tumhe pata hai wo exam ko majaak mein le raha hai to tum samjhaati kyu nahi? Apne career ke saath khel raha hai wo !!!
Megha:- Pehli baat to wo apna career ke saath khel nahi raha hai...Wo kitna serious aur straightforward hai abhi career ke liye...Wo wakt aane par pata chalega.
Aur rahi baat marks ki to...Usne iss baat ko soch liya to wo pathhar ki lakeer...Naa hi mai samjha sakti hun aur naa hi wo dobara sochega...Ayr mai samjhau bhi kyu jab uske paas genuine reason hai?
Sanjana:- Exam mein marks na laane ki genuine reason? Pehli baar sun rahi hun.
Iss baar bhi Sanjana ki aawaj mein vyang tha.
Megha:- Har cheej starightforward aur predictable nahi hota hai.
Sanjana:- Bataao aakhir kya vajah hai wo?
Megha:- Sumit se hi puch lena...Aur accha explain kar dega...Free time bhi hai uske paas...Abhi abhi exam khatm hua hai.
Iss baat par Sanjana ne koi jawaab nahi diya.
Megha:- Sumit wapas aaye to keh dena aaj shaam ko yahi paas wale cafe mein intejaar karungi.
Itna keh kar Megha waha se chali gayi...Sanjana wohi Sumit ka intejaar karne lagi...Megha ki vajah se aaj uski mood puri tarah off ho gaya tha.
Sumit aur Megha ki dosti aur ek dusre par itna samajhdaari dekh wo thoda uncomfortable feel kar rahi thi.
Last edited:
jalti h megha se