- 5,758
- 13,139
- 189
UPDATE 52
Ek aur naa khush subah...Shayad aaj kuch jyada hi...Ek ummeed tha shayad abb wo bhi khatm ho gaya tha.
Kuch der yunhi khaamosh rehne ke baad Sumit aayina (mirror) ke saamne chala gaya.
Apne shakal ko dekhte hue.
Sumit:- Looser...Jis shabd ko mai khud se dur rakha karta tha...Aaj bahut paas aa gaye hai...Shayad itna paas ki abb to dono ka matlab ho ek ho gaya hai.
Fir haara hua muskaan ke saath.
Sumit:- Vakt hua karta tha jab mai aise distraction se khud ko dur rakhta tha...Apne mein hi mast rehta tha...Lekin abb...Abb na jaane kya haal bana liya hai khud ka?
Aayina mein ek baar fir apna hi chehra dekh kar.
Sumit:- Abb to naa hi kuch kar paa raha hun aur naa hi dur jaa paa raha hun...Pata nahi iski vajah mera overconfidence tha yaa mera jidd.
Fir Sumit bed par aa kar baith jaata hai.
Kuch der aise hi niraash baithne ke baad.
Sumit:- Lekin pyaar bhi to bahit karta hun...Saccha waala pyaar.
Itna kehne ke baad Sumit ki aankho mein aansu ke kuch boond chalakne lage.
Sumit:- Kirti ne kal mere saath jo bhi kiya uske baad bhi nafrat nahi kar paa raha hun...Ulta aur pyaar aa raha hai...Abhi bhi dil maanne ko taiyaar nahi ki Kirti ko mujhse pyaar nahi...Aur na jaane kitna intejaar karna padega Kirti ko paane ke liye.
Sumit iss vakt khud ko bahut hi tutaa hua mehsus kar raha tha...Apno ki bahut yaad aa raha tha...Aur aise hi uski yaad apne Papa ke saath hui baaton ki aur chala gaya.
College (B Pharmacy) ke dauran dinner ke vakt.
S. Dad:- Aur bata? Kya chal raha hai.
Sumit:- Sab theek thaak...Aap bataiye?
S. Dad:- Kya lagta hai tujhe?
Sumit:- Baaton mein frustration...Pakka job problem hoga...Agar uss principal se koi problem hai to batiye...Ladkon ko taiyaar karta hun...Vakt mein paracetamol khila dunga.
Sumit ki iss jawaab par uske Papa usse ghurte hai.
Sumit:- Aap dhang se padhaate to hai naa? Agar galti aap ka hai to fir mai bhi kuch nahi kar sakta.
S. Dad:- Apne students ko to acche se hi padhaata hun...Aur wo apne life mein aage bhi badh rahe hai.
Afsosh hai to apne hi naalaayak beta ko padha nahi paaya...Mehnat karne ke liye bachpan se padhaata aaya hun...Lekin tu to kaamchor wali degree mein hi PhD karega.
Sumit iss baat mein sirf mushkuraata hai.
Rashmi:- Sahi kaha Papa aapne.
S. Dad:- Tu bhi kam nahi...Iss Sumit ko dekh kar tera bhi wohi haal ho raha hai padhai mein jaisa iska ho raha hai.
Sumit:- (To Rashmi) Karwa li beijjati?
Sumit ki iss baat par Rashmi Sumit ko ghurti hai...Papa saamne hone ki vajah se kuch nahi bol rahai thi.
Wohi Sumit ki Maa ye sab dekh kar hans rahi thi.
S. Dad:- Tujhse kuch aur puchna tha? Lekin tune hi baaton mein uljhaa diya.
Sumit:- Haan puchiye...Bas aapke boring maths wale sawaal nahi...Wo aapko hi mubaarak aur aapke students ko.
S. Dad:- Aaj kal bahut busy ho gaya hai...Ghar mein bhi jyada nahi rehta...Aur khaate vakt bhi sirf haath mein mobile...Aur baat bhi koi shuruwaat kare to hi karta hai?
Sumit:- Thoda padhaai mein vyast hun.
S. Dad:- Padhai aur tu?
Sumit iss baat par koi jawaab nahi de paata.
S. Dad:- Sach bata? Kahi ye gf bf wala chakkar to nahi?
Unke iss sawaal par sabhi hairaan reh jaate hai...Sabse jyada to Sumit...Wo abhi mobile mein bhi abhi nayi bani gf se hi chat kar raha tha.
S. Mom:- Ye kya keh rahe hai aap? Mera Sumit aisa nahi hai.
S. Dad:- Galatfehmi...Kabhi iss galatfehmi mein naa padna...Ye aaj kal ke generation...Kuch jyada hi tej hai...Aur iss ladke ki...Iss ki to baat hi mat karo.
Agar aise hi khula chhod dogi to kal shaadi kar ke aa jaayega...Wo bhi Whattsapp Facebook mein.
Sumit:- Aaj tak ka sabse bura joke tha.
S. Dad:- Aur tujh par bharosha kar ke aise hi khula chhod diya to baad mein hum khud joke ban jaayenge.
Iss baar Sumit koi jawaab nahi deta.
S. Dad:- Lekin fikr ki koi baat nahi.
Kuch sochte hue wo bole.
Sumit:- Kyu?
S. Dad:- Tu bhale hi laakh koshish kar le...Koi ladki tujhse pategi nahi...Shakal bilkul hi badsurat...Padhai likhai mein zero...Smartness naam ki gunn tujh mein dur dur tak nahi.
Kul mila kar bekaar wale category ka hai...Pyaar to dur ki baat hai koi dekhegi bhi nahi.
Sumit:- (With Smile) Taarif ke liye shukriya.
Aur aaj ka din...Isa baat ko yaad karte hue.
Sumit:- Sach mein abb to bekaar hi hun mai...Pyaar to dur ki baat hai abb to Kirti meri taraf dekhti bhi nahi.
Kuch aise hi kal ki baatein aur puraani yaadein Sumit ko pareshaan kar raha tha...Vakt aur haalaath bhi aisa tha ki har taraf se negative baatein hi dimaag mein aa raha tha.
Sumit:- Abb aur nahi...Abb Kirti ko kabhi pareshaan nahi karunga...Pehle hi usse impress karne ki chakkar mein uske dil mein apne liye nafrat aur badha chuka hun.
Abb karunga to sirf intejaar...Shayad aage kisi mod mein Kirti ko bhi mujhse pyaar ho jaaye.
Iss ummeed mein bhi abb wo vishwash nahi tha.
Tabhi uske room mein knock hua...Door kholne par saamne Megha thi.
Megha:- Ready ho jaao...Aaj gaanw mein jaana hai.
Sumit:- Aaj mai nahi aaunga...Mood nahi hai.
Megha:- To unko yahi jawaab dun? Ki tumhara mood nahi hai?
Sumit:- Jawaab kisko dena hai?
Megha:- Gaanw wale sabhi ko bulaa rahe hai.
Sumit iss baat par soch mein pad gaya.
Sumit:- Kisne kya kaand kar diya abb?
Megha:- Farewell programhai...Issi liye bula rahe hai.
Ye baat Sumit ke liye aur bhi hairaani ka tha.
Sumit:- Aata hun thodi der mein...Ready ho kar.
Itna keh kar Sumit apne room mein chala gaya.
After 10 minutes.
Chaaron hi niche gaanw ki taraf jaa rahe thhe.
Sumit bhi kuch der mein Kirti ki taraf dekh leta.
Sumit:- (In his mind) Please ek baar to meri taraf dekho...Aur bas itna keh do...Ye ek majaak hai...Sirf majaak.
Sumit ummeed bhari najron se Kirti ki aur dekh raha tha....Sumit ka iss dua ne koi kaam nahi kiya...Ek baar bhi Kirti ne Sumit ki taraf nahi dekha.
Dil ki armaan adhura hi reh gaya ek baar fir se.
Fir kisi tarah khud ko sambhaalte hue Sumit aage badh gaya.
Gaanw mein pahunchne ke baad sabhi ne dekha ki karib 20 se 30 log aaye thhe waha...Unn mein se ek bujurg bole.
Bujurg:- Kyu Sumit beta? Bina kuch bataye hi waapas jaane wale thhe.
Sumit:- Nahi Dada ji...Aisi baat nahi hai.
Bujurg:- Fir...Kaisi baat hai?
Sumit:- Socha...Disturb kyu karu.
Jaldbaazi mein yahi bahaana mila Sumit ko.
Bujurg:- Haan...Hum to aaj jaise ek hi din mein iss gaanw ko wo kya kehte hai...Haan Amrika...Hum ek hi din mein itna mehnat kar rahe hai ki ek din mein hi iss gaanw ko Amrika ban denge...Aur tumhara aane se hum disturb ho jaayenge.
Sumit:- Nahi nahi...Mera wo matlab nahi tha.
Bujurg:- Ek hi to umar hota hai...Budhaapa ka...Jab berojgar hone ka utna dukh nahi hota...Vakt hi vakt hai...Accha hi lagega baat karne mein.
Sumit:- Chaliye aap ki issi baat par...Aaj ka pura din aap sab ke naam...Ye chhuti wali berojgari mujhe bhi pasand hai.
Abb Sumit ko bhi unse baat karna accha lag raha tha.
Bujurg:- Aur Megha beti...Tum itna chup kyu ho? Uss din to bahut samjha rahi thi...Ye beemari hai ye mat khaiye wo khaiye...Aur aaj?
Jaa rahi ho...Lekin thoda gyaan humaare paas bhi chhodte jaao.
Megha:- Lekin aap maante kaha hai...Dama (Asthma) ki beemari hai...Lekin fir bhi din bhar cigarette peete rehte hai.
Bujurg:- (Muskuraate hue) Beemari cheej hi aisi hai...Jo nahi karna chahiye wo hi karne ka man karta hai.
Sumit:- (To himself) Pyaar rog bhi aisa hi hai.
Fir sabhi gaanw walon ke saath baat katne lagte hai...Gaanw wale bhi unse baat kar ke khush thhe.
Sumit kuch pal ke liye apna gham bhul gaya...Itna jyada izzat mil raha tha...Shayad iss vajah se...Warna har koi thukra hi raha tha usse.
Ye maahaul Kirti aur Vivek ko bilkul bhi accha nahi lag raha tha...Shayad sabhi Sumit aur Megha ke upar jyada dhyan de rahe thhe iss vajah se.
Kirti ki gussa ki ek aur vajah thi Megha...Pehle jab bhi dono ke bich man mutaac hota tha to Megha hi usse baat karti thi...Lekin kal raat ke baad baat karna to dur Megha ne uski taraf dekha bhi nahi...Iss se Kirti ka gussa Sumit ke liye aur bhi badh gaya.
Khair wo dono ne bas issi gusse mein aaj ke pura din waha pura din nikaaal diya...Aur iss gusse ke aag mein ghee daalne ka kaam kar raha tha Sumit aur Megha ki khushi.
Sumit air Megha dono hi bahut khush dikh rahe thhe...Dono ek baar fir gaanw walon se ghul mil gaye thhe jaise wo dono bhi yahi ke hai.
Aur jab shaam ho gaya tab.
Sumit:- Bahut bahut shukriya aap sabhi ka...Itna pyaar itna sammaan dene ke liye...Ye pal ye khudhi hamesha yaad rahega.
Sach mein ye experience Sumit ke liye bahut accha tha...Usne to bas apna aur apne dosto ka communication skill accha banaane ke liye ye kiya tha...Lekin iska parinaam jo bhi nikla wo uske ummeed se bhi kahi accha tha.
Kayi gaanw wale kuch din aur rukne ki baat karne lage to koi fir aane ki.
Bujurg:- Beta jaante ho humne ye vidaai karyakram kyu kiya?
Sumit ne naa mein sir hilaaya.
Bujurg:- Tum sabhi mein ek baat bahut accha laga...Tum log baat karne mein hichkichaate nahi...Gaanw mein sabhi ke ghar gaye...Haal chaal pucha...Thoda bahut swasthya parikshan kiya...Aur hum sab ke bich ghulne ki koshish kiya.
Ye aaj ke vakt mein kahi khi sa gaya hai...Har insaan itna vyast ho gaya hai ki dusro se koi matlab hi nahi...Agar kisi ko nahi pehchaante aur wo tumhare aas paas bhi hai lekin koi kaam nahi hai usse to wo hamesha ke liye ajnabi reh jaayega.
Sahi kahu yaa galat iss baat ko wo mai nahi jaanta...Lekin tum sabhi ki dusro se baatein karne ki koshish ghulne milne ki koshish bahut accha laga.
Aur jab bhi baat karte ho aisa lagta hai dil se baat kar rahe ho naa ki sirf dikhawa ki baatein.
Baat bhi aise ki saamne wala khush ho jaaye.
Sumit:- Dada ji agar sach kahu to pehle aise baat nahi kar paata tha...Ye pehla koshish hai.
Bujurg:- Koshish to kiya na...Yahi kaafi hai.
Sumit bhi bas haa mein sir hilaata hai.
Bujurg:- Koi pareshaani hai tumhe? Kabhi kabhi maine aisa mehsus kiya hai.
Sumit:- Nahi to.
Bujurg:- Agar kabhi aaye to jitna jaldi ho sake utna jaldi uss pareshaani ko khatm karo...Agar naa kar paaye to vakt ke liye chhod do...Kuch pareshaani vakt ke saath theek hota hai to kisi ka samadhaan vakt ke saath milta hai...Jaldbaazi mein galat faisla mat kar lena.
Shayad unko bhi Sumit ka pareshaani samajh mein aa gaya tha...Akele mein jab unhone Sumit ko dekha tha...Uski najar ne bahut kuch keh diya tha.
Sumit ne bhi iss baat ko acche se suna...Ye baat bhi uske haalaath se hi mil raha tha.
Bujurg:- Aur Sumit...Ye bhi yaad rakhna...Jaise ho waise hi rehna...Har kisi ka taakat uska vyaktitwa (personality) hi hota hai...Jo usko kisi bhi haalaath mein ladna sikhaata hai.
Aur ek jaruri baatein...Ye baatein karne ki kala kabhi mat bhulna...Akele to tum ek ho...Lekin agar apni baaton se dusre ko apne saath mila diya to ek se anek ho jaaoge...Aur kisi bhi pareshaani ko aashani se sambhaal sakte ho.
Sumit:- Yaad rakhunga Dada ji...Aapki ye baatein...Bilkul sahi kaha aapne.
Abb aagya dijiye.
Bujurg:- Aise kaise...Pehle tum sab apna Facebook account dete jaao.
Unki iss baat par sabhi hairaani se unko dekhte hai.
Bujurg:- Apne jamaane mein pure 7 tak padha tha...Thoda bahut angreji samajh mein aata hai...Upar se Internet ki jamaana...Sabhi rishtedaar se judne ke liye facebook chala leta hun.
Mushkuraate hue wo bole...Fir sabhi apna id unhe dete hai...Aur aise hi kuch der aur baat karne ke baad sabhi waha se chalte hai.
Kirti aur Vivek ko kuch khaas majaa nahi aaya iss vacation mai...Abb dono ko intejaar tha kal ka...Ghar waapsi ka.
Sumit aur Megha ko bhi pure vacation mein majaa nahi aaya...Sumit ka dil toot gaya aur Megha...Wo Sumit ke haal dekh kar dukhi thi.
Sumit ko aaj ka din aur gaanw walo se baat cheet bahut accha laga...Wo bujurg ki baat Sumit ke jakhm ke liye thoda bahut malham ka kaam kar raha tha...Lekin jakhm bhi itna gehra tha ki jo shayad hi kabhi bharega.
Bujurg ki baat ki sukoon ke baad kal fir Kirti se bichhadne ki dard Sumit ke dil ko sataane laga.
Ek baar fir se ummeed bhari najron se Sumit ne Kirti ko dekhna suru kar diya dil ko jhuthhi tasalli dete hue.
