kingkhankar
Well-Known Member
- 5,952
- 13,666
- 188
Index Updated.Index 3
Update 37
Update 38
Update 39
Update 40
Update 41
Update 42
Update 43
Update 44
Update 45
Update 46
Update 47
Update 48
Update 49
Update 50
Update 51
Update 52
Update 53
Update 54
Update 55
Update 56
Update 57
Update 58
Update 59
Update 60
Update 61
Update 62
Update 63
Update 64
Update 65
Update 66
Update 67
Update 68
Update 69
Update 70
Update 71
Update 72
Update 73
Update 74
Update 75
Update 76
Update 77
Update 78
Update 79
Update 80
Update 81
Update 82
Update 83
Update 84
Update 85
Update 86
Update 87
Update 88
Update 89
Update 90
Update 91
Update 92
Update 93
Update 94
Thnks bhai and beautiful updateUPDATE 94
Jyada intejaar to nahi karaya?
Hanste hue Sumit ne pucha.
Megha:- Abb to aadat si ho gayi hai...Khair chhodo...Kaisa raha meeting?
Sumit:- Bataane ki jarurat hai?
Megha:- Outcome pata hai...Kya hua hoga...Agar kuch interesting hai to bata sakte ho...Sunne ki bahut fursat hai filhal.
Sumit:- Interesting to kuch khas nahi tha...Jo bhi vajah tha khul kar keh diya...Sir bhi satisfied thhe answer se.
Megha:- Accha coffee order karo....Bore ho gayi intejaar karte hue.
Sumit:- Nahi.
Sawaliya najro se Megha Sumit ko dekhti hai.
Sumit:- Tum order karo...Aaj ka din tumhare naam...Aur pasand bhi tumhari....Jo chahe order karo.
Megha:- Achanak se.
Sumit:- Aaj tak khud order karte karte bore ho gaya....Socha tumhara flavour bhi check kar leta hu.
Fir Megha Coffee aur naasta order kar leti hai.
Megha:- Abb kya soch rahe ho?
Bahut der se Megha notice kar rahi thi ki Sumit kuch kehna chahta hai.
Sumit:- Kuch kehna tha.
Megha:- Haan to bindaas bolo...Itna sochne ki kya baat hai?
Sumit:- Par samajh mein nahi aa raha hai.....Pata nahi tumhara kya jawaab hoga?
Sumit apni baat kehna to chahta tha lekin ek jhijhak tha jo use bolne nahi de raha tha.
Megha:- Mera kya jawaab hoga ye mujh par chhod do....Tum kya chahte ho wo bolo.
Sumit ko abhi bhi chup dekh kar.
Megha:- Yaa fir shayad ho sakta hai jo tum bolne jaa rahe ho ye sun kar mai khushi se jhum uthu...Shayad ye hi sunne ke liye mere kaan taras rahe ho.
Megha ne iss baar Sumit ko chhedte hue kaha to abb Sumit ko bhi himmat mila...Apna jana pehchaana andaaj mein wo bola.
Sumit:- Chalo...Kahi bhaag chale...Iss duniya se dur...Sirf tum aur mai.
Pyaar bhari aawaj mein Sumit ne kaha to ye baat Megha ke sir ke upar se chala gaya...Kaisa propose tha ye?
Megha:- Are you serious?
Sumit:- Nahi to kya tumhe majaak lag raha hai.
Sumit ki baato se lag raha tha wo sach mein serious hai.
Megha:- Tab to ye paagalpan hai....Aur kya matlab hai tumhare baaton ka?
Sumit:- Jo tumne suna.
Megha ko kuch samajh mein nahi aa raha tha....Jo baat wo Sumit ki munh se sunna chaahti thi wo Sumit ne bol diya....Aur jo bhi pyaar Sumit ki aankho mein dikh rah tha kuch der pehle wo achanak se gaayab ho gaya.
Sumit:- Chalo karte hai ye paagalpan.
Abb to Megha ko chakkar aane laga tha...Kuch samajh nahi paa rahi thi...Uski ye haalat dekh Sumit apne chehre ka bhaaw badal leta hai aur muskuraate hue kehta hai.
Sumit:- Sach mein ye 2 din ka paagalpan jaruri hai...Bahut accha lagega tumhe.
2 din...Ye kya twist hai? Yehi sawal chal raha tha Megha ki dimag mein.
Sumit:- Ek plan banaya hai...2 din ke liye kahi ghum kar fresh hone ka....Bahut padh liya aur bahut duty kar liya.
Socha tumhe bhi saath le chalu...Maja aayega.
Sumit ki iss andaaj pe Megha ko hansi aa gaya...Kya soch rahi thi wo aur kya nikla Sumit ki baat ka matlab...Kahi na kahi thoda niraash bhi thi...Jo sunna chaahti thi usse bilkul hi alag tha Sumit ki baat.
Sumit:- Bas yahi jhijhak tha man mein...Tum taiyaar ho ya nahi? Agar taiyaar ho bhi gayi to mere kaaran se tumhara 2 din loss ho jaayega.
Megha:- To ye tha tumhare baat ka matlab? Mai to kuch aur hi soch rahi thi?
Sumit:- Kya?
Megha:- Kahi tumhe pyaar to nahi ho gaya? Jo aise bhaagne ki bat kar rahe ho?
Sumit:- Pyaar aur tumse?
Chhedte hue Sumit ne kaha....Lekin uska hassi Megha ke ghurte hi band ho gaya.
Sumit:- Abb itni himmat kaha...Retirement le liya hai aashiqui se.
Megha:- Ye khud ko santwana de rahe ho.
Sumit:- Nahi.
Sumit ki iss baat par utna aatmavishwash nahi tha.
Megha:- Khair ye baat chhodo...Bas ye bataao....Tumhare saath mai hi kyu?
Sumit:- Ye baat tum bhi jaanti ho.
Megha:- Lekin tumhari munh se sunna chaahti hu.
Sumit:- Bataa du?
Megha:- Shubh muhurt ka intejaar kar sakte ho.
Megha ki iss baat mein chhidh tha.
Sumit:- Chalo bata hi deta hu.
Tum wo ho jisne toota hua Sumit ko sameta hai...Jindagi naam ki khel se hi haar maan chuka Sumit ko khel ka sahi matlab samjhaya hai...Khushi mein to har koi saath deta hai...Lekin tumhara saath sirf dukh mein mila hai wo bhi niswarth...Tum wo dost ho meri jiske saath har pal bitaana apna khush nasib samajhta hun...Aur bhi bahut kuch hai dil mein tumse kehne ke liye...Jo shayad jubaan par laa nahi paaunga...Shayad bhul chuka hun.
Kuch laalsa hai tumhare saath aur vakt bitaane ki...Kuch pal khushi mein bhi saath bitaane ki.
Tum meri wo ho jise shayad angrezi mein "Best Friend" kehte hai.
Har ek shabd sukoon tha Megha ke liye...Bahut der se hi sahi lekin aaj Sumit ki ye baatein, uske dil mein apna ye jagah Megha ko bahut accha meshsus kara raha tha.
Sumit:- Hamesha apna ye jazbaat jaahir nahi kar paaunga...Lekin yehi sach hai.
Megha:- Wo to tum abhi bhi jaahir nahi kar rahe ho...Lekin sab samajhti hun.
Iss baa se Sumit ko ekdum se jhatka laga...Iss baat ka koi jawaab nahi tha Sumit ke paas.
Megha:- Accha to kal subah milte hai.
Next Morning
Aaj bhi aadat se majbur Sumit late ho pahunchta hai...Lekin Megha ko shayad aaj intejaar karne mein majaa aa raha tha.
Sumit ke saath 2 din tak ghumne ki baat se hi wo kafi excited ho gayi thi.
Iss intejaar ka fal bhi meetha hi tha...Aaj Sumit ka look dekh Megha ka munh khula ka khula reh gaya.
Hota bhi kyu nahi...Hamesha se usse aakarshak lagne wala Sumit ka look aur personality mein char chaand laga tha...Pehli baar usne Sumit ko clean shaved dekha tha...Jisse wo aur bhi aakarshak lag raha tha.
Megha:- To itna time sajne sawarne mein laga tha?
Sumit: Bilkul.
Megha:- Kaafi handsome lag rahe ho!!
Sumit:- Aur tum hamesha ki tarah beautiful.
Megha Sumit ki iss complement par sirf muskuraati hai.
Megha:- Achanak se iss badlaaw ki vajah.
Sumit:- Hai kuch.
Megha:- Bata sakte ho agar iccha ho to.
Sumit:- Agar sahi vakt aaya to jarur bataunga.
Megha:- Iss mein bhi suspense...Ummeed hai wo vakt jald ho aayega.
Sumit iss bat par koi jawaab nahi deta.
Wo notice kar raha tha ki Megha ki najar baar baar usse hi dekh raha tha.
Sumit:- Kuch kehna chaahti ho?
Megha:- Nahi
Megha:- (In her mind) Mai to kuch nahi kahungi....Lekin tum se bulwa kar rahungi tumhari dil ki baat....Abb ho hi jaaye aar yaa paar.
Tabhi Sumit usse wo keh deta hai jo usse sach mein hairaan kar deta hai.
Sumit:- Iss tour mein bike tum chalaogi.
Itna keh kar Sumit bike ki chabhi Megha ko deta hai.
Megha:- Lekin.
Sumit:- Lekin wekin kuch nahi...Jyadatar maine hi decision liya hai har tour mein.
iss baar decision tumhara hai...Jaha le jana chaahti ho le chalo...Ye tour tumhara hai...Mai bas saath hun iss pal ko jeene ke liye.
Megha:- Interesting.
Ye keh kar Megha bike start karti hai aur dono chal padte hai apne jindagi ke khushi kuch pal saath bitaane ke liye.