- 5,758
- 13,139
- 189
UPDATE 62
Abb tu baccha bhi to nahi hai ki maar peet kar sahi galat sikhau.
Abb to khud samajhdaar hai ki sahi aur galat samajh sake.
Sumit ke Papa ne Sumit ko utha kar kaha.
Sumit:- Vaada karta hun Papa jald hi ye aadat chhod dunga.
Ajeeb sa expression tha Sumit ke chehre mein...Yaa fir keh sakte hai bahut se mila jula expressions...Sharmindagi ki...Khud se hi gusse ki aur ek jung jitne ki jazbaat ki.
S. Dad:- Yahi sunna chaahta tha...Chal sahi hai khud tujhe apne galti ka ehsaas hua.
Warna jab koi galat raashte ki aur jaane lagta hai usse wohi sahi lagne lagta hai...Khud hi sahi baaki sab galat... Aur mai tujhe rokne ki koshish karta to mujhe hi apne dushman ki roop mein dekhne lagta.
Baat samajhna to dur chup chup kar ussi raashte ki aur badhta tu.
Khair tujhe ehsaas hua yahi badi baat hai.
Sumit:- Aapke baaton ka kabhi bura maana hai maine?
S. Dad:- Agar mera itna hi fikar hota to ye sab nasha karta hi kyu?
Sumit iss baat par fir chup ho gaya.
S. Dad:- Ye kya...Kabhi kehta hai pehle jaisa banega aur fir ye latka hua chehra...Mera Sumit itna serious kabhi nahi hota tha.
Sumit ke Papa hanste hue bole.
Sumit:- Soch lijiye.
S. Dad:- Kya sochu?
Sumit:- Agar pehle jaisa ban gaya to baat baat par pareshaan ho jaayenge aap.
Iss baat par Sumit ke Papa ko thoda sa puraana Sumit ka jhalak dikha...Filhaal yahi bahut tha unke liye.
S. Dad:- Accha...Aisa lagta hai tujhe? Bhul mat Baap hun tera...Abb pata chalega mai kya cheej hun? Wo to tujhe baccha samajh kar chhod deta tha.
Sumit:- Typical excuse.
Iss baat par Sumit ke Papa bhi sirf muskuraate hai.
At Night
Bahut dino baad Sumit ko 10 baje hi neend lag raha tha...Warna raat ke 2 , 3 baje tak to uska neend udaa hi rehta tha.
Kal ki subah se nayi shuruwaat karne ka sapna dekh wo gehra neend mein doob gaya.
Aaj bhi gajab ki stamina hai aap mein?
Subah jogging mein daud rahe Sumit ne Papa se kaha.
S. Dad:- Umar bhale hi budhaape ki aur le jaa raha hai...Lekin sharir se to abhi bhi jawaan hun.
Sumit:- Galatfehmi naam ke shikaari se aap bhi bach nahi paaye.
S. Dad:- Galatfehmi...Chal abhi tujhe hakikat ki darahan karwata hun.
Sumit:- Wo kaise?
S. Dad:- Iss jogging mein mujhse jyada tik kar bataa.
Fir suru hota hai dono mein race...Jo kuch der tak to barabari mein chal raha tha lekin fir Sumit ki taakat ne jawaab de diya.
S. Dad:- Abb bol galatfehmi ka shikaar kaun hai?
Sumit:- Wo to bahut dino ke baad jogging ke liye nikla hun iss vajah se.
Haanfte hue Sumit ne jawaab diya.
S. Dad:- Aur isse kehte hai atypical excuse.
Sumit:- Mauka milte hi mera dialogue mujh par.
S. Dad:- Dialogue baazi mein bhi tera baap hun.
Sumit:- Wo to dikh raha hai.
S. Dad:- Lekin mujhe kuch aur dikh raha hai.
Sumit:- Kya?
S. Dad:- Tera ye motaapa...Daaru pee pee kar aur susth jivan se kaisa body bana liya hai.
Sumit:- Abb kya kar sakte hai.
S. Dad:- Kya kar sakte hai? Mehnat karna padega.
Sumit:- Wo bahut boring lagta hai...Iss mein koi shortcut nahi hai kya?
S. Dad:- Mehnat mein koi compromise nahi...Chaahe wo padhai ho yaa apne sharir mein.
Sumit:- Aapka ye updesh yaad rakhunga...Lekin aaj ke liye bas itna hi...Bahut thak gaya hun.
S. Dad:- Accha jaa...Sirf aaj ke liye thoda compromise hai...Kal se nahi.
Fir Sumit dhire dhire chalte hua apne ghar ki aur badh gaya.
Hi Beauty Queen
Saamne Megha ko dekh kar yahi baat Sumit ke khayal mein aaya...Aur ye dil ki baat jubaan mein laane se kisi tarah rok liya usne.
"Nahi abb aur ye wala majaak nahi." Ye baat soch kar Sumit ne kaha.
Sumit:- Hello.
Megha hairaani se Sumit ko ghoor rahi thi.
Sumit:- Kya hua?
Megha:- Tum aur college?
Sumit:- Haan to...Admission liya hai...College aane ka hak hai.
Megha:- Wo to hai...Lekin tumhaare ginti college mein as a tourist student roop mein hota hai.
Sumit:- Tourist Student? Abb dictionary mein kaun se naye shabd jod diya kisi ne?
Megha:- Tumhara attendance aisa hai ki tum student kam tourist jyada lagte ho...Aur college tumhare liye college kam tourist spot jyada hai.
Sumit:- Haan wo to hai...Aur kisi mahaan vyakti ne kaha tha attendance mein kya rakha hai?
Megha:- Aur wo mahaan vyakti tum hi ho.
Sumit:- Samajhdaar ho gayi ho...Aakhir sangat ka asar hai.
Megha:- Aaj kuch alag dikh rahe ho...Kal tak tumhara jo sada hua chehra rehta tha usmein kuch jaan aa gayi hai.
Sumit fir kak raat se aaj subah tak ghar ki baatein Megha ko bata deta hai...Megha ki khushi ka koi thikaana nahi tha...Jis Sumit ko badalne ki sapna wo ek saal se dekh rahi thi wo aaj jaa kar pura hua.
Megha:- Wo Sumit kya Sumit jo nashe mein naa rahe?
Hanste hue Megha ne pucha.
Jawaab mein Sumit sirf muskuraaya.
Megha:- Lekin tumhe aaj college mein dekh wo bhi 3rd year ke 1st day mein sach mein hairaani ho raha hai.
Sumit:- Hairaani to hoti rehti hai...Agar mai kal college chhod dun to wo bhi ek hairaani bhi hoga.
Sumit ki yahi baat Megha ko hairaan karne ke liye kaafi tha.
Sumit:- Ho gayi na hairaan...Abb aisa koi plan nahi hai...Surgery ka 1st class hai...Miss nahi karna chaahta.
Megha:- Surgery se yaad aaya...Mera bhi 1st clinical rotation Surgery ka hi hai.
Sumit:- Congratulations.
Megha:- Kis baat ki.
Sumit:- Baad mein koi Dr. Sumit the most famous Neurosurgeon ki baat kare to tum garv ke saath keh sakti ho ki tumne bhi surgery mere saath hi padha hai.
Megha:- Kuch jyada hi nahi soch rahe ho?
Sumit:- Abb to soch bada hi rakhunga...Wo kehte hai na "Simple Living High Thinking"
Megha:- Tum aur Simple Living?
Sumit:- Bas kuch din aur...Jab se daaru cigarette chhod dunga tab se daal roti aur chaawal hi khaunga.
Megha:- Kuch bhi?
Sumit:- Kuch bhi nahi khaunga...Sirf daal, roti aur chaawal.
Megha:- Accha chalo class ka time ho gaya hai...1st day hi late hona acchi baat nahi hai.
Sumit:- Apshagun hota hai kya?
Megha iss baat par sirf Sumit ko ghurti hai.
Dono fir Surgery ke class mein chale jaate hai.
After College
Sumit:- Tumhara chehra latka kyu hai?
Megha:- Aasmaan se gire khajur par latke...Yahi feel ho raha hai?
Sumit:- Aur wo kyu?
Megha:- 1st aur 2nd year mein Anatomy aur Pathology ne haalat kharaab kar diya tha...Abb baaki ke kaam Surgery aur Medicine pura kar denge.
Megha ki uss baat par Sumit ko bhi hansi aaya.
Sumit:- Asli khel to abb suru hua hai...MBBS ka meaning hi hai Bachelor of Medicine and Bachelor of Surgery.
Megha:- Aur fir bhi tum chill ho?
Sumit:- Aur nahi to kya...Ek haath se surgery karunga dusre se medicine.
Megga ko Sumit ki iss confidence par hairaani bahut ho raha tha lekin wo kuch nahi boli.
Jab usne Sumit ki taraf dekha to Sumit ka chehra utraa hua tha...Bilkul naa khush najar aa raha tha wo.
Megha:- Abb tumhe kya hua?
Last edited:
,
