- 5,758
- 13,139
- 189
UPDATE 58
Megha:- Sambhalo khud ko.
Sumit ko aisa tootta dekh Megha se bhi raha nahi gaya.
Sumit:- Are nahi...Bilkul thik hun...Bas kabhi kabhi kamjor pad jaata hun...Lekin sambhalna bhi sikh gaya hun.
Sumit ne muskuraate hue kaha...Lekin iss muskaan ke piche ki dard chupaa nahi paaya.
Sumit:- (In his mind) Sambhalne ke alawa aur hai bhi kya mere paas?
Megha:- Kirti tumse bilkul bhi pyaar nahi karti...Wo abhi sirf apne hi baare mein soch rahi hai? Kya tum apne baare mein soch nahi sakte?
Sumit:- (With smile) Apne baare mein hi to soch raha hun.
Megha:- Mera matlab Kirti ko bhula kar...Wo sirf apne baare mein soch rahi hai...Koi fikar nahi hai usse tumhara...Mai kuch dino se notice kar rahi hun kitna galat ho sakti hai wo.
Sumit:- Sahi galat ye apna apna perception hai.
Tumne Kirti mein kuch baatein dekha hoga jisse wo tumhe abb pasand nahi hai.
Lekin mai...Uski kuch adaayein thi jis mein aaj bhi mai fidaa hun...Aisa lagta hai jaise uska saath mil jaaye to puri jindagi khushi aur sukh mein beetega...Aisa lagta hai jaise mujhe uski jarurat hai aur usko meri.
Kuch sochte hue Sumit ne pyaar bhari aawaj mein kaha.
Megha:- Kuch bhi kaho...Mujhe nahi lagta wo kabhi samjhegi...Bahut galat kar rahi hai wo.
Sumit:- Ho sakta hai wo galat hai...Lekin usko galat kehne ka hak bhi nahi hai mere paas.
Megha:- Aisa kyu?
Hairaani bhari aawaj mein Megha ne pucha.
Sumit:- Khud mujhe hi dekh lo...Mujhse galat kaun ho sakta hai? Kya kuch nahi kiya maine tumhare saath? Iss bhool ke liye maafi maang hi sakta hun...Maafi milne ki ummeed bhi nahi kar sakta.
Mere itna bada bhool hone ke baawjud kaise Kirti ko galat kahu...Jabki wo galat hai bhi nahi...Pyar karna aur thukrana dono ka hak hona chahiye.
Mai usse pyaar karta hun ye mera hak hai aur iss pyaar ko apnaana ya thukraana uska hak hai.
Megha:- Lekin tumhe apne galti ka ehsaas to hai na?
Sumit:- Haan.
Megha:- Usko iss baat ki ehsaas bhi nahi hai...Aur tum usse galat maanna bhi nahi chah rahe ho?
Sumit:- Usse mai pasand nahi hun...Ismein uski kya galti? Ye mera jimmedaari hai ki uske dil mein apne liye pyaar jagau.
Megha:- Suna tha ki pyaar andha hota hai...Aaj dekh bhi liya...Abb andhakaar mein dekhne ki faisla kar hi liya hai tumne to mai kuch nahi keh sakti.
Iss baar Megha ki aawaj mein gussa tha...Sumit ne bhi muskuraa kar iss baat ko taal diya.
Abb naa Sumit kuch bolna chaah raha tha aur naa hi Megha ko kehne ke liye kuch mil raha tha...Kuch der sochne ke baad.
Megha:- Abb aage kya karoge? Kirti ke karib jaane ki? Mera kuch help chahiye fir se.
Aakhiri baat Megha ne vyang ke saath kaha.
Sumit:- Abb nahi...Thak gaya hun abb...Abb kuch karunga to bas intejaar...Intejaar Kirti ki aur kuch mauka ka jo shayad aage vakt hi mujhe dega.
Aur tum...Yakin nahi karogi tum...Sach mein sharminda hun tumhara jaise use kiya uss vajah se...Pehle bhi kaha tha uss trip ke baad picha chhod dunga tumhara hamesha hamesha ke liye.
Naa hi tum mujhe dekhna pasand karti ho aur naa hi mai tumhare aankh mein aankh mila paane ke kaabil hun.
Sumit ne sharmindgi bhari aawaj mein kaha aur apni najar ghuma liya.
Megha:- Agar mai kahu ki maine tumhe maaf kar diya to?
Ekdum se Sumit ke chehre ka bhaaw badal gaya...Yakin karna bhi usse mushkil ho raha tha.
Sumit:- Kya ye sach hai?
Megha:- Haan.
Sumit:- Tab bataa nahi sakta kitna khush hun mai...Bahut bada bojh dil se utar gaya...Kirti mujhse pyaar nahi karti isse bhi jyada bura iss baat ka lagta ki maine kisi ka dil dukhaya hai...Uske saath chhal kiya hai.
Har beette din ke saath khud se hi najar nahi mila paa raha tha...Khud se hi nafrat ho gaya tha.
Kuch pal ke liye Sumit chup ho gaya aur fir.
Sumit:- Lekin itne jaldi maafi nahi milna chahiye tha..Tumne maaf to kar diya lekin tumhara kya? Maaf kar dene se tumhara dil ka jakhm bhar jayega?
Sumit isse aage kuch bolta usse pehle hi.
Megha:- Bahut soch rahe ho tum... (Laughing) Tum itna bhi smart nahi ho ki tumse pyaar ho jaaye.
Bas accha dost maanti thi...Lekin tumhara uss dhokha ke baad nafrat ho gayi thi.
Lekin sachaayi jaane ke baad socha maaf kar dena hi sahi hai.
Megha ki iss baat par Sumit ko yakin nahi ho raha tha.
Sumit:- Sach keh rahi ho naa? Pyaar jaisi koi feeling to nahi hai na jo mera bhool ka natija tha?
Warna ek tarfa pyaar ka dard mai hi samajhta hun...Jo kya se kya haal bana kar rakh deta hai.
Megha:- Tumhara comedy se sirf hansi aata hai...Dil jeet nahi sakta kisi ka.
Tum shayad kuch jyada hi smart soch maan rahe ho khud ko.
Sumit Megha ki iss baat par khush tha ki uski bhool ka asar Megha par utna nahi pada jis ke liye wo hamesha khud ko koshta tha.
Kuch der ki khamoshi ke baad Sumit ne kaha.
Sumit:- Sach mein mahaan ho yaar tum...Bahut bada dil hai tumhara.
Megha:- Ye baat kitni ladki se keh chuke ho?
Megha ne majakiya andaaz mein kaha ye soch kar ki Sumit bhi issi majakiya mood mein aa jaaye...Sumit ko aise serious aur dard mein dekh Megha ko bhi avcha nahi lag raha tha.
Sumit:- Tum pehli ho.
Megha kuch kehti usse pehle hi.
Sumit:- Bhale hi pyaar bhari baat bahut ladkiyon se kaha hai lekin jhutha taarif kisi ka nahi kiya hai.
Aur tumhare liye ye taarif tumhara sammaan mein kaha tha.
Megha:- (In her mind) Kuch nahi ho sakta iska...Serious hi rahega hamesha.
Megha:- Waise tumhe shayad pata nahi...Lekin aise tum bahut khadoos lag rahe ho...Wo puraane wale Sumit sahi thhe...Full of confidence aur ever happy Sumit.
Sumit:- (In his mind) Wo Sumit kahi kho sa gaya hai.
Lekin Megha se iss baare mein kuch nahi kaha Sumit ne...Ek hi baat baar baar bolna shayad thak gaya tha wo.
Wo abb bas talaab ki taraf hi dekh raha tha...Megha ke paas bhi abb baat karne ke liye kuch nahi tha.
Jab jaane ka vakt aaya tab akele mein Sumit ne Megha se kaha.
Sumit:- Tumne mera bahut madad kiya hai...Jab Kirti tak pahunchne ka har darwaja band tha tab ummeed ke roop mein tum hi najar aayi...Ye karj mai kabhi chuka nahi paaunga.
Agar jindagi mein kabhi bhi kahi tumhe mera jarurat pade to yaad kar lena...Mai hamesha tumhare saath rahunga ek dost ke roop mein.
Khushi hoga mujhe tumhara madad kar ke.
Megha haa mein sir hilaati hai.
Sumit:- Accha chalta hun.
Megha to chahti thi ki Sumit kuch din aur ruke...Lekin usse rokne ka koi tarika bhi nahi tha uske paas.
Megha:- (Sir hilaa kar) Acche se jaana.
Sumit bhi haan mein sir hilaa kar bike mein baith jaata hai.
Megha:- Aur jyada tej mat chalaana.
Shikayat bhari aawaj mein Megha ne kaha...Jawaab mein Sumit muskura kar.
Sumit:- Thik hai...Yaad rakhunga.
Fir Sumit waha se chala gaya...Megha piche se Sumit ko tab tak dekhti rahi jab tak Sumit uski aankho se ojhal naa ho gaya.
Aur Sumit ke jaane ke baad chehre mein raunak ek dam se gaayab ho gaya.
After 1 Year
Vakt to apne gati se aage badh hi raha tha...Lekin issi vakt mein jee rahe kuch jindagi hai jiska raftar vakt ke saath to bilkul bhi nahi tha.
"Sumit ko kab propose karegi?"
Ye aawaj sunte hi Megha ke bhaaw ekdum se badal gaye.
ab kirti jalegi inko ek sath dekh 
