- 5,758
- 13,139
- 189
UPDATE 43
Bahut sahi jaa rahe ho...Jald hi Kirti impress ho jaayegi.
Megha ki iss aawaj mein hansi kam majaak udaana jyada tha.
Sumit jo abhi raat mein chhat ke ek kone mein upar aasmaan mein dekh raha tha wo aawaj sun uska dhyan Megha ki taraf gaya.
Ek najar Megha ko dekh wapas Sumit ne apna najar hataa liya.
Megha:- Aisa hi lag raha hoga naa ki tum bahut sahi jaa rahe ho...Aur jald hi Kirti impress ho jaayegi?
Sumit ne kuch jawaab nahi diya.
Megha:- Apne sapno ki duniya se bahar niklo.
Sumit ne fir koi jawaab nahi diya.
Megha:- Bahut bada playboy kehte thhe naa tum khud ko...Aur itni jaldi haar bhi maan liya.
Megha Sumit ko dekh hansti hai aur fir apni dabi hui gussa aur nikalne lagti hai.
Megha:- Tumhe dekh yahi yaad aata hai...Garajne wale baadal baraste nahi aur bhaunkne wale kutte kaatte nahi.
Kya keh rahe thhe tum? Ek baar Kirti ke karib jaane ka mauka mil jaaye? Fir tum Kirti ko manaa loge aur Kirti tumhari ho jaayegi.
Mauka mil gaya naa? Kya ukhaad liya tumne apne beijjati ke alawa...Abb to apna aukaat pata chal gaya hoga naa.
Megha ki ye baat Sumit ke dil par jaa laga...Ek baar fir ehsaas hua usse iss haar kaa...Jaha se jeet ki abb koi kiran tak dikhai nahi de raha tha.
Sumit:- Raat ke 10 baj rahe hai...Kal tum sab ko nikalna hai...Jaake packing karo.
Berukhi aawaj mein Sumit ne jawaab diya.
Megha:- Waste fellow.
Gusse se Megha ne Sumit ko dekha aur waha se jaane lagi.
Abb Sumit se aur raha nahi gaya...Aankhein ekdum se bhar aaya...Kaanpte haathon ke saath usne apne pocket se mobile nikaala.
Megha chhat ke gate par pahunchi hi thi ki naa jaane kya hua...Achanak se wo Sumit ki taraf mud gayi.
Sumit:- Hello.
Kaampte aawaj ke saath Sumit ne kaha.
Haan Sumit bol.
Dusri taraf se Ashish ki aawaj aaya.
Sumit:- Yaar aaj tera jarurat mehsus kar raha hun.
Itna kehte hi Sumit roo pada.
Ye aawaj sun Megha bhi hairaan reh gayi.
Sumit bhi aise hi muda hi tha ki wo bhi Megha ki dekh hairaan reh gaya.
Ashish:- Kya hua Sumit? Thik to hai naa tu?
Dusri taraf se Ashish darte hue bola.
Lekin Sumit hairaani se abhi bhi Megha ko hi dekhe jaa raha tha...Megha ke saamne wo khud ko kamjor dikhana nahi chaahta tha...Aur ek dar bhi tha jo galat image usne khud Megha ke man me banaya tha kahi wo jhuth kahi Megha ke saamne khul na jaaye.
Ashish:- Hello...Hello...Sumit tu sun to raha hai?
Sumit ko reply naa karta dekh Ashish ka dar badhta hi jaa raha tha.
Sumit ko kuch samajh mein nahi aa raha tha...Wo abb chhat se nikal kar niche chala gaya...Megha ka aur saamna karne ki himmat nahi tha abhi uss mein.
Megha wohi hairaani mein khadi reh gayi...Sumit ki wo baat aur wo aawaj...Abhi bhi usse vishwash nahi ho raha tha.
Megha:- Dhokhebaaz hai ye...Jarur kisi aur ladki ko fasaane ki koshish mein hoga...Emotional banne ki naatak kar ke.
Lekin dusri taraf se Ashish ki wo aawaj aate hi ye shak bhi khatm ho gaya.
Sumit...Aur emotional...Ye Megha chaah kar bhi nahi maan paa rahi thi.
Lekin kahi na kahi uss aawaj mein ek dard mehsus kiya tha usne...Dil aur dimaag ki jung mein buri tarah fans chuki thi Megha...Dil Sumit ko galat insaan hi maanna chaah raha tha...Aur Dimaag...Iss baat ko jhuthlaa raha tha.
Tabhi hotel se baahar nikalte Sumit par uski najar pada...Ek pal ke liye Megha ko khayal aaya ki...
Megha:- (In her mind) Picha karke dekhti hun.
Lekin agle hi pal.
Megha:- Mujhe kya matlab iss dhokhebaaz se?
Kuch inhi soch mein gumm Megha niche apni room mein chali gayi.
Sumit:- Haar gaya hun mai...Buri tarah haar gaya hun...Mere liye kuch pal ka vakt to hai na tere paas?
Sumit ki aawaj mein bhi uski haar saaf jhalak raha tha.
Sumit ki aawaj sun Ashish ne pehle chhain ki saans liya aur fir Sumit ki iss haal ko dekh aur bhi dar gaya.
Ashish:- Kya hua?
Sumit:- Kirti...Wo jaa rahi hai...Mujhse dur...Hamesha hamesha ke liye.
Ashish:- Hua kya hai? Saaf saaf bol.
Sumit fir Ashish ko saari baat bata deta hai.
Ashish:- Tour ke ek hi din mein wo waapas jaana chaahti hai...Abhi bhi bahut naraaj hai wo tujhse.
Sumit:- Haan yaar...Kuch samajh mein nahi aa raha hai kaise uski naarajgi dur karu...Uski ye naarajgi mujhe andar hi andar khaaye jaa rahi hai.
Ashish:- (Slowly to himself) Pehle hi shak tha iss tour mein...Wo nahi maanegi...Lekin tujhe kaise samjhaau?
Sumit:- Mujhe bhi pata tha...Ye kaam nahi karne wala hai...Lekin dil mein kahi naa kahi ek ummeed tha...Bas issi ummeed ke sahara chal pada iss raashte par...Suna tha dubte ko tinke ka sahaara hi kaafi hota hai.
Waise bhi pyaar ke liye ek pal hi kaafi hota hai...Dukh iss baat ka hai ki wo pal aane se pehle hi Kirti jaa rahi hai...Aur mai bas dekh hi sakta hun.
Itna keh kar Sumit chup ho gaya...Ek baar fir aankho se aansu behne lage.
Ashish:- Bhai...Tu itna pyaar karta hai Kirti se...Lekin usse dekh...Koi parwaah hi nahi hai tera...Kya bhuk nahi sakta tu usse? Aur kitna barbaad karega khud ko?
Ashish ko bhi kuch samajh mein nahi aa raha tha kaise wo Sumit ka madad kare...Bas ek khayal hi aaya ki samasya ko jadd se ukhaad fene ki.
Sumit:- Vajah bhi to mai hi hun...Ek galti ko sudhaarne ke liye dusra galti kar baitha.
Kirti ko paane ki chakkar mein Megha ke saath galat kiya...Usse Kirti ko yakin ho gaya ki abb mein Megha ke piche bhi laga hun...Shak aur bhi badh gaya ki mai playboy hi hun.
Naarajgi to jaayaj hi hai naa? Har baar galat mai hi hun...Jise thik karne ki chakkar mein aur bhi galat banta jaa raha hun.
Abhi bhi bharosha hai yaar...Manaa lunga Kirti ko...Hai khud ke pyaar mein itna vishwash...Lekin mauka mile tab naa? Kya mera gunaah itna bada hai ki usko koi mauka hi nahi?
Ashish kuch bol nahi paaya...Usse bhi kuch samajh mein nahi aa raha tha...Bas dar tha Sumit ki haalat dekh kar.
Kuch der ki khaamoshi ko Sumit ne hi toda.
Sumit:- Playboy.
Jab playboy banna chaahta tha tab aashiq ban baitha...Aur jab aashiq banna chaahta hun to uski najar mein mera image aaj playboy ka hai.
Gajab kismat hai yaar.
Dard mein bhi muskura kar kaha Sumit ne.
Sumit:- Ashish...Sun raha hai naa tu?
Ashish:- Haan sun raha hun.
Sumit:- Yaad hai tujhe wo din...Jab tu mujhe pyar ke baare mein samjha raha tha...Tab maine kaha tha "Sach mein tujhe aisa lagta hai ki mujhe tera jarurat padega."..Wo majaak tha yaar.
Lekin aaj sach mein tera jarurat hai...Kuch tips de yaar...Kya karu? Mujhe to kuch samajh mein nahi aa raha hai.
Kuch der sochne ke baad.
Ashish:- Vakt...Thoda vakt de yaar khud ko...Sab thik ho jaayega.
Sumit:- Wo hi to nahi hai mere paas...Aur waise bhi pichle 3 saal se intejaar hi to kar raha tha ek mauka ka...Abb aur intejaar nahi hota.
Ashish:- Kuch jakhm hote hai jisse vakt hi bharta hai.
Sumit ne koi jawaab nahi diya.
Ashish:- Kal Kirti ko rokne ki koi koshish mat karna?
Sumit:- Kya? Kya keh raha hai tu?
Gusse mein Sumit ne pucha.
Ashish:- Kirti waise bhi tujhse chhidh rahi hai abhi...Kal rokne ki koshish karega to aur chhidh kar chali jaayegi.
Waise kuch chance hai uske naa jaane kaa...Tour mein aayi hai...Kuch chances hai uska rukne ka...Agar uska gussa khatm ho gaya to...Bas usse rokne ki koahish kar ke aur mar chhidha dena.
Sumit ko bhi Ashish ki ye baat sahi laga...Wo bhi bas yahi dua karne laga ki kaash Ashish ki baat sahi ho.
Megha apne room mein pahunchne se pehle hi soch leti hai ki aage usse kya karna hai.
Kirti:- Saamaan pack karna nahi hai kya tujhe? Kal subah hi nikalna hai.
Megha:- Mujhe kahi nahi jaana.
Ye sunte hi Kirti gusse se aur hairaani se Megha ko dekhti hai.
Kirti:- Kahi usse pyaar to nahi karne lag gayi?
Megha:- Teri tarah nahi hun...Jo 2 hafte mein hi kisi ki bina jaane pehchaane pyaar karne lag jaau.
Ye sun Kirti gussa ke saath hairaan bhi hoti hai ki achanak Megha ko kya ho gaya?
Kirti:- Gussa hai mujhse?
Megha:- Tu hi bataa kya hona chahiye teri iss bewkoofi par?
Kirti:- Abb maine kya kar diya?
Megha:- Sumit...Subah jo keh raha tha...Uss par tera reaction bilkul bhi accha nahi laga.
Insaan galat hai...Lekin baat sahi hai...Aur kisi ki nafrat mein itna bhi andhi mat ban ki tujhe sacchaai aur achaayi bhi naa dikhe.
Kirti:- Kya tu bhi uski baat par itna serious ho rahi hai...Wo aur uski murkhon wali baat.
Megha:- Murkh nahi hai wo.
Kirti ek najar Megha ko dekhti hai lekin kuch nahi bol paati.
Megha:- Mujhse behtar tu hi jaanti hogi jab 2 saal aage B. pharmacy mei badh jaane ke baad bhi tujhe 1 month mein Biology aur Chemistry complete kara diya.
Aur Medical mein aane ke baad bhi...1st year ke starting mein hi 2nd year ka bhi bahut accha knowledge hai.
Insaan galat hai wo...Dhokhebaaz hai...Dil se bahut galat insaan hai jo kisi dusre ki dil ki kadra nahi karta...Lekin dimaag se...Dimaag se utna hi tej hai...Kab kya sochta hai kisi ko andaaja bhi nahi hota hai.
Kirti:- Kehna kya chaahti hai tu?
Megha:- Usko ignore karne ke chakkar mein tour ko bhi ignore mat kar...Uska concept accha tha...Agar tujhe bhi aisa lagta hai to ruk jaa.
Kirti:- Lekin...
Megha:- Rukegi tab mauka bhi hai usse sabak sikhaane ka...Tu hi kehti thi naa tu aisa sabak sikhayegi ki wo hamesha yaad rakhega.
Kirti sirf sochti rahi...Koi jawaab nahi diya usne.
Megha bhi abb kuch nahi bolti...Usse ummeed tha ki Kirti jarur rukegi.
Aur wo...Wo abb jarur pata laga kar rahegi Sumit ki asliyat...Bas issi vajah se wo iss tour ko continue rakhna chaahti thi.
Kuch issi soch ke saath Megha sone ki koshish karte hue kal ka intejaar karne lagi.
Last edited: