- 5,758
- 13,139
- 189
UPDATE 90
Kal kyu nahi aaye tum college?
Sanjana ki aawaj mein thoda gussa tha.
Sumit:- Bunk.
Hanste hue Sumit ne kaha.
Sanjana:- Khud apne pair mein kulhari maar liya tumne.
Sumit:- Aur kulhari hi tut gaya.
Sanjana:- Majaak lag raha hai tumhe.
Sanjana ka gussa badhta hi jaa raha tha.
Surgery ke sabhi residents (MD/MS Students) dono ko hi dekh rahe thhe...Sabhi ko haalaath pata tha.
Sumit:- Aisa kya jurm kar diya maine ki tum itna gussa ho?
Sanjana:- Bunk.
Sumit:- Wo to bachpan se hi karta aaya hun. You know what...I am a chronic (since long time) bunker...Bhale hi garv ki baat nahi hai lekin koi afsos bhi nahi.
Sanjana:- Afsos to abb hoga...Waise vajah jaan sakti hun?
Sumit kuch kehta isse pehle hi.
Vikash:- Birthday tha kal iska.
Sanjana:- Whattttt? Tumhe kaise pata? Aur Sumit tumne mujhe bataya kyu nahi?
Vikash:- Mujhe bhi pata nahi tha...Raat mein Megha ne kaha.
Sumit:- Aur kamine Wish bhi nahi kiya mujhe.
Vikash:- Kabhi whatsapp check karta hai?
Sumit:- Wo to saalo se band pada hai...Kisi ko baat karna hoga to phone hi ek maatra raasta hai.
Vikash:- Majburi tha yaar...Phone mein balance nahi tha...Aur tu kal hostel bhi nahi aaya.
Sumit:- Abb to sharm kar...Acha khaasa kamaata hai fir bhi phone mein balance nahi.
Vikash:- Mera to saara kaam whatsapp se hi ho jaata hai...Recharge karne ki jarurat hi nahi padta.
Sanjana:- Agar tum dono ka ho gaya ho to mujhse bhi baat karlo.
Sumit:- Aur abb mujhe dosh mat dena ki maine tumhe nahi bataya.
Mujhe khud yaad nahi tha mera birthday...Wo to Megha ne yaad dilaaya...Aur uske baad Megha ke saath vakt bitaane ke baad baaki kuch cheej ka yaad hi nahi tha.
Aur yahi vajah tha bunk ka...Pehli baar Megha ne kuch maanga tha...Mana kaise kar deta.
Abb Sumit ke jubaan mein Megha ki naam aate hi uske chehre ki bhaaw bhi ekdum se badal jaata tha...Jo shayad Sanjana ko soch mein daal raha tha.
Sanjana:- Tum to kehte thhe ki Megha se pyaar nahi karte.
Sumit:- Tab bhi kehta tha aur aaj bhi kehta hun...Megha bahut special dost hai meri...Aur ye dosti hai ki badhta hi jaa raha hai.
Iss baar Sanjana ne kuch nahi kaha.
Sumit:- Tum keh rahi thi ki class bunk karne ki afsos hoga.
Sanjana:- Kuch hi der mein pata chal jaayega.
Vikash:- Trust me...Kuch nahi hoga isse...Expert hai iss maamle mein ye.
Baaki ki students bhi Sumit ko hairaani se dekhte hai.
Sanjana:- Mujhe nahi lagta...
Vikash:- Tab tum Sumit ko jaanti hi nahi.
Sumit:- Abe kis cheej ki taarif kar raha hai.
Vikash:- Thodi der mein pata chal jaayega.
Sumit:- Chalo ye bhi sahi hai...Bahut din se life mein koi thrill nahi mila...Dekhte hai tumhare suspense.
Sanjana:- Saamne hai suspense.
HOD (Head of Department) ke class mein aate hi Sanjana dhire se boli.
Vlass mein aate hi.
HOD:- Sumit kaun hai.
Baaki sab student baith jaate hai.
HOD:- To tum ho Sumit. Sahi kehta tha Rakesh (One of the Surgery Favulty)...Hero type look.
Sumit kuch jawaab nahi deta.
HOD:- Aur shayad isiliye socha hoga thoda herogiri karoge.
Thoda sakht aawaj mein unhone kaha.
HOD:- Aur ye hai tumhare Herogiri ke inaam.
Itna keh kar kuch paper wo Sumit ke haath mein thama dete hai.
Sumit jaise hi paper ki aur najar daalta hai wo ekdum se hairaan ho jaata hai...Suspension letter.
Wo kuch kehta usse pehle hi.
HOD:- Acche se padho...Kahi gramatical mistakes to nahi...Dean ko submit karna hai ye letter.
Kuch der padhne ke baad.
Sumit:- Sir aap ko to Surgery ke saath English ka bhi professor hona chahiye tha.
HOD:- Wo baad mein dekhunga...Pehle as a Head of Department hi kaam kar lene do.
Sumit bas unhe hi dekhta rehta hai.
HOD:- Tumhare chehre mein koi dar ya afsos nahi dikh raha hai.
Sumit:- Afsosh ki kya baat hai sir?
HOD:- Suspend hone par bhi afsosh nahi?
Sumit:- Mai suspend hua bhi to nahi hun.
HOD:- Shayad tumne ye lettet padha nahi hai.
Sumit:- Acche se padha hai sir...Aur agar suspend hota to ye letter mujhe dean ki taraf se milta.Aur ye letter abhi meri jagah dean ke haath mein hota.
HOD:- Ek mauka diya hai tumhe.
Sumit:- Agli baar absent na hone ke liye?
HOD:- Nahi...Pichle 3 classes bunk karne ke liye...Safaai mein kuch accha sa aur sachha readon chahiye...Warna agli baar ye letter tumhe dean ki taraf se milega.
Chalo batao...Mai pehle hi man bana chuka hun tumhe suspend karne ka...Abb tum par depend karta hai aage.
Sumit:- Sir aise hi mood nahi tha to class bunk kar diya.
Iss jawaab ne sab ko hairaan kar diya...Sabhi ko laga tha Sumit ek accha sa jhuth bol dega...HOD bhi intejaar kar rahe thhe koi accha sa jhuth sunne ko milega warna bahut se boring reasons to wo pehle bhi sun chuke thhe.
HOD:- (Taali baja kar) Honesty is the best policy.
Ye bhi sabhi ko hairaan kar diya.
Sumit:- Thank you sir.
HOD:- Lekin class bunk karna meri najar mein disrespect hai...Wo bhi mere hi 3 classes. Aur iss disrespect ka sajaa tumhara suspend hona hi hai.
Sumit ne iss baar kuch nahi kaha...Wo accha mauka ka intejaar mein tha.
HOD:- Tum apne seniors se baat nahi karte?
Sumit:- Sirf kaam ki baat...OT aur OPD mein.
HOD:- Agar kaam ki baat karte to ye pata hota ki bunking ke kitna khilaaf hun mai...Aur ek baar jo student mere najar mein pad gaya...Pure 3 saal mere najar se dur nahi hota.
Sumit:- Ye to acchi baat hai...Aapke supetvision mein bahut kuch sikhne ko milega.
Iss jawaab se HOD thoda gussa ho jaate hai.
HOD:- Aur punishment? Abhi to suspend kar raha hun...Kahi aisa naa ho ki rusticate hi kar du...Ek Do examples hai.
Sumit:- Lekin sir...Seniors ne ye bhi kaha tha ki aap theory se practical ko jyada mahatwa dete hai...Aap hi to kehte hai theory jaruri hai...Aur usse bhi jaruri hai theory ko practically apply karna...Khaas kar ke surgery mein...Aur ye baat koi kitaab nahi sikhata.
Ye sikhata hai to student ka dedication, mehenat aur experience...Saath hi seniors ka experience jo galti karne se rokte hai.
Ye sunte hi HOD ka bhaaw ekdum se badal jaata hai.
HOD:- Theory ka class mein 3 din absent ho to practical mein kitna hoga?
Sumit:- Register saamne hai sir.
HOD fir register turn karte hai aur hairaani se.
HOD:- 100℅ attendance
Sumit:- Ye to register kehta hai sir...Warna 110℅ se kam nahi hoga mera practical mein attendance.
HOD:- 110% kya hota hai?
Sumit:- Overtime...Jab OT mein surgery ke case khatm ho jaate hai to baaki cheej ki observation mein kuch det aur rukta hun...OPD mein lunch time ke vakt bhi kuch cases kr baare mein study karta hun.
Sir aapka ek bhi class attend nahi kiya hai...Lekin aapko OT mein surgery karte dekha hai...OPD mein patient ka history aur examination karte dekha hai...Kuch aisa hi josh chahiye mujhr bhi...Bas yabi sikhne ki koshish hai.
Warna theory to book padhnr se aa hi jaayega...Aur 4 standard books hamesha saath mein hi hote hai mere.
Ye sunte hi HOD ka bhaav abb ekdum hi badal jaata hai.
HOD:- Ek baat bataao...Itne hi attentive aur focused ho to mera hi class kyu bunk kiya tumne? Baaki to 100℅ attendance hai.
Sumit:- Aap HOD hai to aapke topic bhi sabse important hai...Aur sabhi important topic abb tak cover kar chuka hun iss year ka...Iss liye class ki jarurat hi nahi pada...Isse accha ye lecture hour mein reat karke aage ki taiyaari karu.
HOD:- Check karta hun...Kitna cover kiya hai?
Fir wo kuch aashaan aur mushkil sawaal puchte hai har topic se.
Sumit jis andaaj se jawaab de raha tha usse baaki students ke saath HOD bhi hairaan reh jaate hai.
HOD:- Bahut khub.
Sumit:- Thank you sir.
HOD:- Khada kyu hai...Baith jaa.
Sumit ke baithne ke baad.
HOD:- Pehle hi sajaa dene ki man bana kar aaya tha...Pehle ki saari galti maaf...Lekin abhi jo galti hua hai uski sajaa to jarur milega.
Sumit:- Abb kya galti ho gaya sir?
HOD:- Sabhi ka time loss? Tum hi batao kitna loss hua hai.
Sumit:- 20 minutes.
HOD:- Shayad maths mein kamjor reh gaye ho.
Sumit:- 21 minute?
HOD:- 10 students ho tum sab...Aur mujhe bhi saath jod lo to 11. 11×20= 220 minutes loss.
Bhulo mat time ka loss hi sabse bada loss hai jo kabhi wapas nahi aata...Aur surgery mein bhi time bahut jaruri cheej hai.
Iski saja kya honi chahiye?
Sumit:- Aap hi faisla kijiye?
HOD:- Mood accha hai abhi mera...Issi liye mushkil saja nahi dunga...Sabhi ko aaj tum chai pilaoge lunch time mein.
Sumit:- Ok sir...Aap bhi?
HOD:- Nahi mai busy hun uss vakt...Waise bhi mai chai nahi peeta.
Uske baad class suru ho jaata hai...Aur khatm hone tak Sumit ka answer HOD ko aur bhi impress kar deta hai.
After Class
Sanjana:- Tum sahi keh rahe thhe.
Vikash:- Pure MBBS aise hi kaand kar ke bitaya hai Sumit ne...Acche se jaanta hun isse...Kise kaise influence karna hai acche se jaanta hai.
Koi bhi department ke teachers aise nahi honge jiske saath Sumit ka panga naa hua ho...Wo to abb jaake thida humble tarike se jawaab deta hai.
Tumhara baat hi kuch aur hai Sumit!!
Kirti ki aawaj kuch aisa tha jaise usko Sumit par bahut garv hai.
Sumit:- Sabhi aisa hi kehte hai.
Kirti:- Mujhe bhi kehna chahiye tha.
Sumit:- Sahi kehte thhe Rahul sir...Beeta hua vakt wapas nahi aata hai.
Kirti:- Kaun Rahul sir?
Sumit:- Wohi humare HOD.
Iss baat ka Kirti koi jawaab nahi deti...Dusra sawaal puchti hai.
Kirti:- Agar Megha se itna pyaar karte thhe to Sanjana se shaadi kyu kiya?
Sumit:- Kahani abhi baaki hai.
Kirti:- Megha ke saath bhi galat hua.
Sumit:- Megha se baat karogi to pata chalega...Iss vakt duniya mein sabse jyada koi khush hai to wo Megha hi hai.
Kirti:- Vikash ke saath?
Sumit:- Nahi...Vikash bhi abb khush hai kisi aur ke saath arranged marriage kar ke.
Kirti:- To fir Megha kaha hai?
Sumit:- Ye to aage kahani hi batayega.
Lo aa gaya ghar.
Itna keh kar Sumit door bell ring karta hai.
Kirti:- Mai Sanjana se milna chaahti hun.
Ek ladki ne door khola...Usse dekhte hi.
Sumit:- Iss baar late nahi kiya darling tumne.
Kirti:- Tum ho Sanjana!!!!
Jaana pehchaana chehra dekh Kirti kuch jyada hi hairaan reh gayi.
Last edited:
