- 5,758
- 13,139
- 189
UPDATE 65
Haan bataao? Kya surprise hai?
College pahunchte hi Sumit ne Megha se pucha.
Megha:- Baad mein.
Sumit ka besabri dekh Megha hanste hue boli.
Sumit:- Raat bhar to intejaar kiya hi hai...Abb aur intejaar nahi hota.
Megha:- Thoda aur intejaar kar lo...Intejaar ka phal meetha hota hai.
Sumit:- Lekin intejaar kadhwa hota hai.
Megha:- Haan wo to tumhare chehre se hi pata chal raha hai.
Sumit:- To fir please taras khaao...Abb to bataa do.
Megha:- Lekin tum itna kyu besabra ho rahe ho? Ek normal si surprise hi to hai.
Sumit:- Tumne kaha tha naa ye surprise Kirti se related se bhi jyada surprising hai...Bas tabhi se issi baare mein soch raha hun...Raat mein bhi chhain ki neend nahi aaya.
Bas ye jaanna chaahta hun...Kya surprise hai.
Megha:- Wo kehte hai na vakt se pehle aur kismat se jyaada kisi ko kuch nahi milta.
Sumit:- Ye kahawat fir kabhi baad mein...Abhi to bas wo surprise bataa do.
Megha:- Nahi ye to sahi vakt aane par hi bataungi.
Itna keh kar Megha class ki taraf chali gayi...Sumit bhi piche lag gaya lekin kuch faaidaa nahi hua.
Sumit ka bechaini badhta hi jaa raha tha...Aur hadd to tab hua jab.
Professor:- Sumit...Tumhara dhyan kidhar hai?
Sumit:- Surprise mein.
Ye kehne ke baad Sumit ko maahaul ka andaaza hua...Professors aur kuch students usse ghur rahe thhe aur kuch hans rahe thhe.
Sumit:- Sorry sir...I mean.
Professor:- Aaj to tu mujhe surprise de raha hai...Kal tak to kaafi attentive tha lekin aaj?
Sumit iss baar koi jawaab nahi de paaya...Side mein hi baithi Megha munh chupaa kar hans rahi thi.
Professor:- Agli baar se aisa nahi hona chahiye...Jaanta hun accha student hai lekin iska matlab ye nahi ki careless ban jaayega...Surgery mein knowledge ke saath saath skills bhi chahiye aur common mistakes bahut kam...Baar baar samjhaana mujhe bhi accha nahi lagta.
Iss baar Professor ki aawaj mein kaafi gussa tha...Sumit ne kuch jawaab nahi diya.
Baaki ki class Sumit ne dhyan dene ki puri dikhawa kiya.
Sumit:- Abb to daya karo...Sir se daant bhi khila diyaa sabke saamne...Abb kya pitwaana chahti ho?
Megha:- Jo jaisa karta hai wo waisa hi bharta hai.
Sumit:- Fir se kahawat
Sumit kuch der intejaar karta hai...Fir bhi Megha kuch nahi bataati.
Sumit:- Jab man kare bataa dena.
Sumit ke aawaj mein iss baar irritation tha...Aur wo waha se jaane laga.
Megha:- Agar mai irritate ho gayi to bataaungi bhi nahi.
Sumit:- Majburi ka sahi faaidaa utha rahi ho.
Megha:- Accha chalo...College khatm hone ke baad bataaungi.
Iss baat se bhi Sumit ko raahat nahi mila.
Baaki ki din bhi Sumit ke liye boring saabit hua...Ghadi ka dhire chalne ki ehsaas se Sumit ne apne hi ghadi mein do punch bhi maar diya...Lekin vakt ki chaal mein koi badlaaw nahi aaya.
Sumit ka ye bechaini dekh Megha ko hansi bhi aa raha tha.
Aur aakhir wo vakt aa hi gaya.
Sumit:- Abb to bataa do.
Megha:- Itna bhi kya jaldi hai?
Sumit:- Please...Abb mera dhairya jawaab de raha hai...Bataao warna mai...
Megha:- Warna kya?
Sumit:- Warna mai roo dunga.
Megha:- Achaa bataati hun...2 hafte baad Intercollege Pharmacology Quiz competition hai.
Ye sun kar Sumit thaga hua mehsus karne laga...Yahi baat sunne ke liye itna intejaar aur besabri?
Sumit:- Iss mein surprising kya hai?
Megha:- Tumne dhyan se suna nahi...Ek baar fir repeat karti hun...Intercollege.
Sumit abb sochne laga aur jab thoda hint milne laga tab Megha ne ek college ka naam bataya.
Abb Sumit ke chehre ka bhaaw badalne laga.
Megha:- Sahi soch rahe ho...Kirti bhi participant hai iss quiz mein.
Abb to Sumit ka chehre ka rang ek dum se badal gaya...Murjhaya chehre mein ek nayi jaan aa gaya.
Megha:- Thoda padhai likhai bhi kar lena?
Sumit:- Wo kyu?
Megha:- Tumhara marks aur result...3 best students ko choose kar rahe hai...Abhi tak to position ke hisaab se select kar rahe hai...Iss criteria mein tum dur dur tak nahi ho.
Sumit:- Koi tension nahi hai...Wo 3rd kaun hai? Arun...Usse mana lunga.
Megha:- Agar wo na maana to?
Sumit:- Selector ko jaa kar bolunga...Mai best hun contestant ke roop mein. Jyada se jyada knowledge test karega hum dono ka...Aashaani se jeet jaaunga.
Megha:- Usko underestimate nahi kar rahe ho?
Sumit:- Nahi confident hu apne mein...Aur jab baat pyaar ki ho to confidence ke saath mehnat bhi karunga padhaai mein.
Itna keh kar Sumit apne hi duniya mein kho gaya...Uske chehre ki khushi aur badlte bhaaw ko dekh kar Megha bhi muskuraane lagi lekin jald hi ye muskaan bilkul hi gaayab ho gaya.
Khud ke liye dukhi hai yaa Sumit ke liye khushi? Iss baat ka faisla nahi kar paa rahi thi wo.
Sumit:- Sach mein...Intejaar ka phal meetha hota hai.
Itna keh kar Sumit waha se apne ghar ki taraf nikal gaya.
Kya baat hai? Itna badlaaw?
Sumit ka naya roop dekh uske Papa ne kaha.
Sumit:- Badlaaw...Soch raha hun jab badal hi raha hun to andar ka badlaaw hi kyu? Baahar se bhi badal jaau.
Sumit ne apne gaal par haath chala kar kaha jaha kuch der pehle daadhi (beard) hua karta tha.
Rashmi:- Abb jaa kar sahi akal aaya hai...Warna uss jungle ke saath to bilkul hi bandar dikhte thhe.
Sumit:- Bandar kab se daadhi rakhne lage?
Rashmi:- Baat ka matlab samjhiye...Mera matlab thha bahut bure dikhte thhe aap aur abb bhi.
Sumit:- Wo to dikhunga hi...2 kilo make up roj thodi na lagaata hun.
Rashmi:- Kuch jyada nahi bol rahe hai aap?
Sumit:- Accha jyada ho gaya? Chal 1.5 kilo.
Itna keh kar Sumit apne room mein chala gaya aur Rashmi piche se ghurti rahi.
Room mein pahunchne ke baad Sumit ka andaaz alag hi tha...Wo kuch gaana gun gunaate hue aayina ke saamne bahut si baatein soch raha tha...Wo iss vakt ko bhula kar 2 hafta baad ki jindagi jee raha tha.
Kirti se kab milega? Kaise milega? Wo ehsaas kaisa rahega? Kirti ka gussa uske liye kam hua ya nahi? Yahi kuch soch thha jis mein sawaal Sumit khud se karta aur jawaab bhi khud hi deta tha.
Naashta karne ke liye jab wo niche aaya tab saamne maujood 2 shakhs ko dekh thoda hairaani to hua lekin agle hi pal normal ho gaya.
Saamne Aarav aur uske Papa thhe.
Aarav ko dekh.
Sumit:- (In his mind) Iska timing to Ashish se bhi bekaar hai.
Friends abb Story ka speed thoda tej badhega.
Last edited:
really feel for Megha
