- 5,758
- 13,139
- 189
UPDATE 47
Vivek:- Samajh mein nahi aa raha hai kaise bataau Kirti ko apne dil ki baat?
Yahi wo baat tha jisne Sumit ko Vivek ki baat sunne ke liye majbur kiya.
Dusri taraf Se:- Abe bataa de...Itna kya soch raha hai?
Vivek:- Agar manaa kar diya to...
Vivek ki aawaj mein dar tha.
Dusri taraf se:- Accha ek baat bata...Tera Kirti ke saath kaisa relation hai?
Vivek:- Friendly...Sirf friendly.
Maayus aawaj mein bola Vivek.
Dusri taraf se:- Abe chutiye...1 saal se Kirti ke saath hai..Aur sirf friendly hi hai...Kya gaali du samajh mein nahi aa raha hai.
Dusri taraf se apne dost ko gussa hota dekh Vivek aur bhi pareshaan ho gaya.
Vivek:- Tujhe suggestion ke liye puch raha hun...Ulta tu hi mujhe demotivate kar raha hai.
Dusri taraf se:- To kya karu...Itna time kaafi hota hai friendly se bhi aage badhne ki...Lekin tu...
Vivek:- Ye sab uss Sumit ki vajah se hua hai.
Iss baar Vivek ki aawaj mein gussa tha.
Dusri taraf se:- Ye Sumit hai kaun? Aur kya kar diya iss ne.
Vivek:- Kirti pehle usse pyaar karti thi...Aur uss Sumit ne jab se Kirti ka dil toda hai Kirti ka pyaar se vishwash utth chuka hai.
Aur wo saala iss tour mein bhi Kirti ka picha pada hai...Dil to kar raha hai ki....
Sumit ka naam jubaan mein aate hi aawaj mein bhi gussa bhar jaata Vivek ka.
Fir dono ke bich aise hi baatein hota hai...Kabhi Sumit ke baare mein to kabhi faaltu ki baatein.
Kuch der baad.
Dusri taraf se:- Ek kaam kar...Tu hamesha hi serious type lagta hai...Aur shayad yahi vajah hai Kirti ka tu sirf dost hi reh gaya hai.
Thoda emotional banne ki try kar...Shayad tera kaam ban jaaye.
Vivek:- Haan try karta hun.
Dusri taraf se:- Abey...Kabhi to confident ho jaa...Aise looser ki jaise baat karke Kirti ko patayega.
Vivek:- Chal...Pata kar hi dikhaunga.
Jabardasti ka confidence apne aawaj mein bhar kar Vivek ne kaha.
Dusri taraf se:- Haan ye hui na baat...Apne saath mera naak bhi mat katwa dena...Chal...All the best.
Ye keh kar dusri taraf se call cut ho jaata hai.
Vivek:- (To himself) Pata nahi...Kirti fir bhi maanegi yaa nahi.
Sumit ko sirf Vivek ki hi aawaj sunaai de raha tha..Lekin itna kaafi tha saare maamla samajhne ke liye.
Wo abb apne room mein chala gaya...Dil ekdum se khush ho gaya...Aakhir hota kyu nahi? Uski Kirti...Wo bhi to pyaar ke safar mein Sumit se aage nahi badhi hai...Jo bhi feelings tha...Pyar ka yaa nafrat ka...Wo sirf Sumit ke liye...Filhaal yahi kaafi tha Sumit ke liye.
Sumit:- Ek dar tha...Wo bhi khatm ho gaya...Vivek se jo bhi insecurity tha wo bas Kirti ki vajah se tha...Dar tha ki kahi Kirti bhi usse pyaar to nahi karti...Lekin abb koi dar nahi.
Chaahe kitna bhi chaalbaazi kar le Vivek tu...Kirti to meri hi hai...Hai itna vishwash khud par.
Khushi ke maare Sumit room ki chaaro taraf chakkar laga raha tha.
Sumit:- Aisa lag raha hai pehle wala Sumit ban raha hun fir se...Wohi vishwash...Wohi jidd...Abb to Kirti meri hi hai.
Bas nafrat ko hi to pyaar mein badalna hai...Badal dunga...Pyaar ka wo ehsaas dilaaunga apni Kirti ko ki wo khud daud kar mere paa aayegi.
Aise hi khushi ke saath Sumit idhar udhar chakkar laga raha tha room ke...Uska apne kismat se ek hi to khwahish tha...Wo bhi pura ho gaya.
Ek sahi raashta hi to maanga tha usne Kirti tak pahunchne ki...Aur wo aaj usse mil gaya...Apne vishwash aur hausla ke roop mein.
Kuch der aise hi khud se baat karne ke baad Sumit ko ek khayal aaya.
Sumit:- (In his mind) Waise Mehha mere liye lucky hai...Jab bhi wo milti hai kismat bhi ekdum se saath dene lagta hai.
Sumit:- (To himself) Ye kya faaltu ki baatein sochne laga...Come on Sumit...Just focus on Kirti...Nothing else.
In evening
Subah se shaam tak bore hone ke baad Kirti ne socha ki shaam mein nadi ki taraf ghumne ke liye...Sabhi taiyaar ho gaye.
Sumit to pehle se hi utshahit tha...Usse abb aur raha nahi gaya.
Sumit:- Waise mausam kitna suhaana ho gaya hai naa...Safed baadal aur thandi hawaayein...Aur pyaar ke ye ehsaas...Aisa mehsus ho raha hai ki chaaron taraf har ek kan (particle) mein pyaar hi pyaar hai...Aur iska ye adhbhut anubhav.
Kirti ki taraf dekh apna khushi jaahir karte hue Sumit ne kaha.
Sumit ki iss baat par Kirti ko to koi fark nahi pada...Lekin Megha Sumit ko dekh hairaan ho gayi thi.
Kaha kuch der pehle toota hua aur pareshaan sa lagne wala Sumit abhi ekdum se khush dikh raha hai.
Megha:- (In her mind) Isko aaj tak samajh nahi paayi hun to abb kya samjhungi.
Lekin Sumit ko khush dekh Megha ko bhi accha lag raha tha.
Sumit:- Prakriti ka ye najaara to dekho...Kitna sundar hai...Chaaron taraf bade bade pahaad hai...Jiska sir baadalon ko bhi cheer kar shaan se khada hai...Saamne se ye behti nadi jiska beg (speed) ye dikhaata hai ki ye apne manjil se mil jaane ke liye kitna aatur hai.
Aur issi prakriya mein iss nadi se utpann hota madhur sangit...Jo kaan ke raaste ho kar dil aur dimaag dono ko umang se bhar deta hai...Aur ye tej aur thandi hawaayein...Jiska kan kan mein sirf pyaar hi pyaar hai.
Prakriti ka ye najaara kisi movie ke wo hero aur heroine ke dancing location se kam nahi hai...Mai to taiyaar hun...Intejaar hai to bas apni heroine ki.
Sumit ne Kirti ko dekh pyaar se kaha.
Megha:- Waise tum baat kisse kar rahe ho...Yaha koi bhi tumse baat nahi kar raha hai aur naa hi karne ke mood mein lag raha hai.
Sumit:- Ye dil ki baat hai...Isse dusra dil hi samajh sakta hai...Waise do dil ki baatein koi aur samajh bhi nahi sakta.
Ek baar fir Sumit ki najar Kirti par tha...Lekin Kirti ignore kar aage badh jaati hai.
Sumit apne hi jagah khada reh jaata hai...Teeno ko aage badhte dekh muskuraane lagta hai...Jab Kirti thodi dur chali gayi tab.
Kirti...I Love You.
Sumit ne ye ek baar kaha...Lekin ye aawaj Kirti ko baar baar sunaai de raha tha.
Kaam hi aisa kiya tha Sumit ne...Karib 20 meter ki duri se ek pahaad ki taraf munh kar ke jor se apne pyaar ka ijahaar kiya tha...Aur wohi aawaj pahaadon mein pratibimb (reflection) ke roop mein Kirti ko sunaai de raha tha.
Lekin iska bhi kuch faaidaa nahi hua Sumit ko...Kirti ka chehra gusse se aur laal ho gaya.
Kirti.
Ek tej aawaj ke saath Kirti picche mudi.
Picche mudti hi dekha Sumit nadi ke bilkul karib tha.
Sumit:- Soch raha hun Sholay ke andaaz mein tumhe propose karu.
Kirti kuch nahi kehti...Bas gusse se Sumit ko dekhti hai.
Sumit:- Abb yaha paani ka tower to hai nahi to sochne par saamne dikha Paani ka Nadi.
Sumit ki iss baat par sabhi hairaan ho jaate hai Kirti ke alawa...Abhi bhi Kirti ko kuch khaas fark nahi pada tha.
Sumit:- Agar tumne mere pyaar ko nahi apnaaya to mai iss nadi mein kud jaaunga.
Sumit ki ye aawaj se wo kitna serious hai koi andaaj nahi laga paa raha tha.
Megha bhi darte hue nadi ko dekhti hai...Dopahar se to nadi ki beg aur gehraai mein thoda kami to aaya tha...Lekin abhi bhi nadi kisi bhi insaan ko bahaa le jaa sakta tha...Aur ek baar nadi mein gir jaane ke baad itna aashaan nahi tha jinda baahar nikalna.
Sumit:- Sach keh raha hun Kirti...Apne pyaar ki kasam...Tumne mera pyaar ko nahi apnaya to sach mein kud jaaunga.
Iss baar Sumit ki aawaj aur bhi serious tha.
Sabhi hairaan thhe ki Sumit ko achanak kya ho gaya hai? Kuch der pehle to bahut khush tha...Lekin abb?
Megha:- Kuch to bol.
Megha ki aawaj mein bhi dar saaf dikh raha tha.
Kirti fir bhi chup thi.
Sumit:- Sirf 10 tak ginunga Kirti.
Megha:- Rok le usko.
Kirti:- Acche se jaanti hun isko...Bahut bada dramewaaz hai...Nahi kudega...Isko sirf attention chahiye.
Sumit:- Attention nahi tumhara pyaar chahiye.
Iske baad Sumit apna ginti suru kar deta hai.
Megha baar baar Kirti ko manaa rahi thi.
Kirti:- Keh diya naa...Ye nahi kudega...Sab kuch jaanti hun iske baare mein.
Kirti ne bhi jidd pakad liya ki wo Sumit ko nahi rokegi.
Sumit:- 3...2...1
Aur dekhte hi dekhte Sumit ne nadi par chalaang laga diya.
Iss baar Kirti ki bhi aankhein hairaani mein badi ho gayi aur dar ke maare uske haath pair ekdum se kaam karna band kar chuka tha.
Nadi apne beg se Sumit ko apne saath le jaa raha tha.
Jaha pehle Kirti aur Sumit ke bich ki duri 50 meter tha chhalaang lagaane se pehle aur abb wohi nadi Sumit ko Kirti ke aankho ke saamne se le jaa raha tha.
Kirti apna haath aage badha kar Sumit ko rok lena chaahti thi lekin rok nahi paayi.
Sumit muskuraata hua Kirti ki najar se dur jaane laga.
Megha ka haal bhi kuch thik nahi tha...Usse bhi apne aankho par vishwash nahi ho raha tha...Aur dil ka dard alag.
Vivek...Wo bhi Sumit ae chaahe kitna nafrat kare lekin Sumit ka aisa kar jaana usse bhi accha nahi lag raha tha.
Karib 20 meter aur dur jaane ke baad Sumit ke haath aur pair kaam karna chalu kar deta hai...Aur thoda mehnat karne ke baad sabhi ko fir se chaunkaatw hue wo nadi se baahar surakshit nikal aata hai.
Hontho mein wohi muskaan ke saath Kirti ki taraf badhne lagta hai.
Kirti bhi daud kar Sumit ki taraf jaati hai.
Sumit:- Kaisa laga mera swimming?
Chataak.
Ek jor ka thappad Sumit ke gaal par lagta hai.
Sumit:- Aree mai.
Chataak.
Dusre gaal mein bhi Kirti ke paancho ungli ke chaap ban jaate hai.
Kirti:- Aise bewkoofi kar ke tumhe lagta hai mujhe manaa loge?
Sumit:- Chill...Suicide nahi swimming karna chaahta tha.
Sumit ne muskuraate hue kaha lekin Kirti abhi bhi gusse mein thi.
Sumit:- Megha...Kya keh rahi thi Kirti tumse? Mere baare mein sab kuch jaanti hai.
Kuch nahi jaanti hai ye pagli...Isse to ye bhi nahi pata ki mera favourite adventure hai...Rafting...Aur swimming to jaise mere khoon mein daudta hai.
(Kirti ko dekh kar) Naa tumhe mera hobbies ka pata hai aur naa hi mere pyaar ka ehsaas...Kabhi jaanne ki to koshish karo sach kehta hun...Pyaar ho jaayega tumhe bhi.
Sumit ne Kirti ki aankho mein dekhte hue kaha.
Aur fir Vivek ki taraf jaate hue.
Sumit:- Kirti...Tumhaare liye mera pyaar aur bhi badh gaya...Bahut sahi decision tha tumhara...Kisi ke emotional ho jaane ka matlab ye nahi ki wo pyaar hai...Aur koi emotional hai ye soch kar uss par taras khaa kar pyaar nahi karte.
Pyaar to dil se hota hai...Jab dil se pyaar ka sachha ehsaas ho tabhi kisi ke pyaar ko apnaana chahiye.
Warna suicide ke dhamki se pyaar ko kabul karwaane wale to bahut milenge...Aur yaki maano jo suicide ka sochta hai har faaltu ke cheej mein usse kamjor insaan koi nahi.
Aur naa hi unn par kabhi vishwash karna jo kuch jyada hi emotional banne ki koshish kare.
Ye kehne ke baad Sumit Vivek ko dekhta hai.
Sumit:- Waise Kirti...Mujhe pyaar karna tumne hi sikhaya hai...Aage bhi paagalpan karunga...Bas iss type ke nahi...Yaad hai maine jab tumhe mana kiya tha tab tumne jidd pakad liya tha aur mujhse haan bulwaa kar hi maana...Abb mai bhi tumhare piche padd jaaunga...Aut haan bulwa kar hi maanunga.
Kirti:- To tum abb torture karoge?
Sumit:- Nahi pyaar ka ehsaas dilwaunga.
Iss baar Kirti kuch nahi boli...Bas uss sadma se baahar nikalne ki koshish karne lagi.
Dusri taraf Sumit ko sahi salaamat dekh Megha ke saans mein saans aaya.
Sumit:- Hello VP
Vivek:- Kya matlab hai tera? Emotional kya keh raha tha.
Vivek ne dhire se kaha kahi Kirti aur Megha sun na le.
Sumit:- Sahi soch raha hai.
Vivek:- Matlab...
Sumit:- Haan wohi.
Fir Vivek hairaani se Sumit ko dekhta hi reh jaata hai.
Sumit:- Tera ye emotion ka dhong bekaar banane ke liye ye kar sakta hun to soch Kirti ko pyaar ka ehsaas dilaane ke liye kya kuch nahi kar sakta?
