- 5,758
- 13,139
- 189
UPDATE 88
Yakin nahi tha...Itni subah hi ready ho jaaoge.
Subah ke 6 baje Sumit ko dekh Megha hairan thi.
Sumit:- Ready hone mein kitna time lagega...Bas ek alarm aur 10 minute.
Alarm sunte hi Megha Sumit ki aankho mein dekhti hai.
Megha:- Lagta nahi hai tum acche ae soye ho.
Sumit:- Pura 120 minute so kar utha hun.
Megha:- Matlab 2 ghanta.
Megha thoda gussa mein boli.
Sumit:- Maths accha hai.
Megha:- Aur abb bike mein chalna hai...Ek to neend mein lag rahe ho aur upar se tumhare tej bike chalane ki aadat.
Sumit:- Bike chalana to baaye haath ka khel hai.
Megha:- Accha?
Sumit:- Kuch jyada hi bol diya...Dono haath ki jarurat hai..Btw accha control hai.
Megha:- Dekha hai tumhara control bahut baar.
Sumit:- Tab to tumne kuch nahi dekha...Ek jamaana tha chahe jitna bhi nasaa mein rehta tha bike ki speed 60 se kam kabhi nahi hota tha.
Megha:- Aur 2 baar major accident se bache thhe.
Sumit:- Wo to tab ki baat tha...Abb mera control utna hai jitna ek experienced surgeon ka forceps par control hota hai.
Megha:- Aur bhi kuch reh gaya hai bolne ke liye?
Sumit:- Nahi.
Megha:- To fir chale.
Sumit:- Mai to kab se taiyar hun...Bas tum hi ho ki ladaai se fursat nahi milta.
Megha aankh dikhaati hai to Sumit bhi chup ho jaata hai.
Fir dono bike mein baith kar apne safar ki aur badhte hai.
Megha:- Haan aise hi...Thoda thand hai...Isse tej mat chalaana.
Sumit:- Wo to tum request karogi to bhi nahi chalaunga.
Megha:- Achha.
Sumit:- Ye bike mera first hand bike hai...Wo bhi apne khoon pasine ki mehnat se kharida hai...Abb tumhare kehne par bike ke saath thodi na careless kaarunga.
Mauka mikte hi Megha Sumit ke baaye haath mein jor se pinch kar deti hai.
Sumit ussi vakt disc brake maar kar jor se karaahta hai...Aur gusse ke saath.
Sumit:- Paagal ho gayi ho kya?
Sumit ko gusse mein dekh Megha thoda dar jaati hai.
Megha:- Wo mai new pinch...
Itna keh kar Megha chup ho jaati hai.
Kuch der chup rehne ke baad Sumit hasne lagta hai.
Sumit:- Tumhare surprise kisi shock se kam nahi hota hai.
Itna keh kar Sumit fir bike start kar deta hai.
Megha:- Aur haan aage se jaan bujh kar brake nahi lagaoge.
Baaton ko jaari rakhne ke liye Megha ne kaha.
Sumit:- Chutiyon wale harkat ka koi shaukh nahi hai...Wo ekdum se tumne pinch kar diya to brake lagana pada.
Megha:- Waise hum jaa kaha rahe hai?
Sumit:- Pata nahi.
Megha:- Bataao na.
Sumit:- Sach mein kuch decide nahi kiya hai kaha jaana hai...Bas aise hi jaa rahe hai.
Megha:- Bike roko.
Kaafi tej aur gusse mein Megha boli.
Sumit bhi bike rok deta hai aur Megha utar jaati hai.
Sumit:- Abb kya hua?
Megha:- Mai tumhara time waste kar rahi hu na?
Sumit:- Kya....
Sumit aage bolta usse pehle hi.
Megha:- Tumhara aane ka man hi nahi tha...Issi liye mere kehne par bina man hi 2 ghante soo kar aaye...Koi kood hi nahi hai tumhara...Aur bas formality ke liye kahi jaa rahe hai bina planning ke.
Agar sach mein time waste kar rahi hun to really sorry.
Itna keh kar Megha chup ho jaati hai.
Sumit:- Ho gaya tumhara...Abb kuch sunogi bhi?
Megha chup rehti hai.
Sumit:- Kuch bhi soch lo...Usko apne tarike se kahani bana lo aur khud hi viswash bhi kar lo.
Iss baar Sumit ki aawaj mein naarajgi tha.
Sumit:- Abb bachelor (MBBS) ke din gaye ki raat mein jab bhi man ho soo jaau aur jab utth jaau...Aaj ki neend kal pura kar lu.
Abb neend ki bahut jarurat hai...Bahut kam sone ka time milta hai aur naa sou to pata nahi agle din koi important case miss ho sakta hai...Bachpana to abhi bhi thodi si hai lekin responsibility ki bhi jarurat hai.
Har roj 7-8 ghante sota hun fir bhi taaki agle din man bana rahe padhai likhai mein aur kuch sikhne ke liye...Aaj 2 ghante soo bhi raha hun to vajah hai.
Megha:- Kya?
Aise hi Megha ke munh se nikla.
Sumit:- Nasha...Waise bhi birthday mere liye koi khas din nahi hai...Iss birthday ko tumne special banaya hai...Aur aaj celebrate karna chaahta hun to special tarike se...Kuch alag.
2 ghante ki neend mein bhi alag hi nasha hota hai...Abb daaru aur cigarette ki taraf dekh to nahi sakta...Bas aise mein yahi nasha sahi laga.
Megha:- Aur ye nasha chahiye hi kyu?
Sumit:- Bahut din se tumse baat nahi hua...Aur aaj dil se baat karna chaahta hun...Sirf dil se...Dimag se baat karne laga to kaafi kuch dil mein dab jaayega...Soch samajh kar baat karne lagunga...Issi liye soya hi nahi taaki dimag acche se kaam na kar paaye.
Lekin dil se ki hui baat kuch alag hi hai...Bina kisi soch jo dil mein hai wohi baat karunga...Bahut si baatein hai dil mein...Jo shayad tumse kehna jaruri hai.
Sumit ko bhi pata nahi tha wo kya bole jaa raha hai...Bas jo dil mein tha wohi bole jaa raha tha.
Megha:- Aur bina manjil ka safar?
Sumit:- Mujhe bhi to pata nahi tha mera birthday koi celebrate karega...Lekin celebrate hua na.
Abb return gift ki baari mera hai...To tumhe bhi to pata nahi hona chahiye humara manjil kya hai?
Abb Megha ko acha lagta hai.
Megha:- Itna kuch socha hai tumne?
Sumit:- Aur tum ho ki mujh par shak kar rahi ho.
Megha:- Sorry.
Kaan pakad kar Megha bolti hai to Sumit bhi muskura deta hai.
Sumit:- Abb baitho.
Megha baith jaati ahi aur safar fir suru ho jaata hai.
Megha:- Lekin tumhe to pata hai na hum kaha jaa rahe hai?
Sumit:- Nahi...Abb ye faisla bike par hai ki hume kaha le jaayega.
Itna keh kar Sumit bike ki speed bahut tej kar deta hai.
Megha:- Dhire...Slow down.
Dar mein Megha chillane lagi.
Sumit:- Abb viswash nahi raha kya mujh oar?
Bike ko slow kar ke Sumit ne kaha.
Megha:- Nahi wo baat nahi...Tum to jaante hi ho mujhe tej gaadi aur uchai se dar lagta hai.
Sumit:- Dar ka bhi dar tumhare saamne hai...To fir dar kis baat ka?
Megha:- Abb sach mein chadh gaya hai tumhe.
Sumit:- Kya?
Megha:- Nasha...Raat bhar jaagne ka.
Sumit iss baar kuch nahi bolta.
Megha:- Sumit tum jaante ho mujhe tum me kya pasand hai?
Sumit:- 3, 4 bottle kharm karne ke baad bhi control mein rehna?
Megha:- Kya bakwas kar rahe ho?
Sumit:- Accha bata hi do...Aisa kya dikh gaya mujh mein jo khud mujhe nahi dikhta.
Megha:- Nayapan...Bahut saal ho gaye tumse mile...Tumhare baare mein sab kuch jaan kar bhi anjaan hun...Aaj aise ho...Kal kaisa ban jaaoge wo bhi pata nahi...Hameaha ek naya roop dekhne ko milta hai...Aaj ka hi ye safar dekh lo.
Aur uske saath hi caring nature.
Sumit:- Nayapan...Ye hi dur hota jaa raha hai mujhse.
Sumit ki aawaj mein dard tha iss baar jo Megha ne bhi mehsus kiya.
Megha kuch bolti usse pehle hi Sumit kuch aisa kar deta hai ki Megha chaunk jaati hai.
Megha:- Ye kaha jaa rahe ho?
Sumit:- Mujhe nahi pata.
Megha:- To ye jungle mein kyu jaa rahe hai?
Sumit:- Aaj tak kabhi nahi gaya issi liye.
Itna keh kar Sumit thoda andar jaane ke baad bike rok deta hai.
Megha:- Wapas chalo...Koi jaanwar aa gaya to?
Sumit:- Community forest hai...Aur koi jaan lewa jungli jaanwar hone ka report iss jilla mein hi kabhi nahi mila.
Haan lekin bhoot, pret, pisaach aur chudail ki guarantee nahi ke sakta.
Muskuraate hue Sumit ne kaha.
Megha:- Lekin jungke hi kyu?
Sumit:- Tumne hi to kaha tha...Nayapan...Mai kabhi jungle nahi ghuma hun...Shayad tum bhi nahi.
Megha:- Lekin yaha karenge kya?
Sumit:- Ghumenge, firenge masti karenge aur kya?
Beparwaah ho kar Wumit ne kaha aur aage badh gaya.
Megha bhi Sumit ke saath saath chalne lagi.
Sumit baar baad Megha ki taraf dekhta aur khush ho jaata.
Megha:- Aise kyu dekh rahe ho?
Sumit:- Bahut samay baad koi kadam se kadam mila kar chalne wali mili hai.
Megha:- Kya?
Sumit:- Mera matlab hai chalte vakt saath mein koi hai.
Megha:- Fir dimaag ki baat...Dil ko kya ho gaya abb?
Sumit:- Mera matlab...Bahut dino baad kisi acchi dost ke saath ghumne ka mauka mila hai.
Megha:- Aur kaho...Kaisa lag raha hai aaj ka din?
Sumit:- Bahut din baad baahar ghumne nikla hu...Khaas dost aur khaas vajah ke saath...Bahut accha lag raha hai.
Megha:- Khaas dost?
Sumit:- Mai to maanta hun tumhe...Bas tum hi nahi maanti.
Megha:- Accha.
Megha Sumit ko maarne ke liye uske paas jaati hai to Sumit bhaag jaata hai.
Kuch der tak Megha ke piche lage rehne ke baad.
Sumit:- Daily jogging karta hun...Pakad nahi paaogi.
Fir thak jaane ke baad dono saath saath chalne lagte hai.
Megha:- Aur khaas vajah?
Sumit:- Bataunga.
Megha:- Waise aaj bahut khush lag rahe ho tum.
Sumit:- Khush...Wo to bilkul bhi nahi hu...Aur wohi bataana chahta hu tumhe...Kuch saalon se bahut kamjor pad chuka hun...Kehne ke liye to sab kuch hai mere paas...Lekin fir bhi kuch nahi hai.
Megha:- Kirti?
Sumit ki baat Megha ke liye kisi jhatke se kam nahi tha...Upar se Sumit ki baaton se jhalakta hua uska dard.
Sumit:- Nahi...Abb Kirti se koi lena dena nahi...Bahut pehle hi bhula chuka hun.
Megha:- To fir?
Sumit:- Bataata hun...Abhi puri tarah se hosh mein nahi hun...Shayad mauka bhi accha hai.
