- 5,758
- 13,139
- 189
UPDATE 60
Ye muskaan ki vajah?
Kuch der se Megha Sumit ko hi notice kar rahi thi…Sumit apne hi soch mein duba hua tha…Kabhi kabhi wo Megha ki taraf dekh kar smile kar raha tha.
Sumit:- Tumhare baare mein hi soch raha tha.
Muskuraate hue Sumit ne kaha.
Megha:- Aur kya soch rahe the mere baare mein?
Sumit: Yahi ki agar tum chaaho to penguin ko bhi barf bech sakti ho.
Iss baar Sumit ne hanste hue kaha.
Megha:- Kya matlab?
Sumit:- Exam mein just pass hone wale se party le rahi ho to penguin ko barf bechna kaun si badi baat hai?
Megha iss baat par sirf muskuraati hai.
Sumit fir apne soch mein kho gaya.
Megha:- Waise tumhe kyu laga abb tumhe badalna chahiye?
Sumit ek najar Megha ko dekhta hai…Iss baar wo bahut serious tha.
Sumit:- Khud se hi nafrat hone laga tha…Jab bhi aayina mein khud ko dekhta hun aisa lagta hai duniya ka sabse bada hypocrite mai hi hun.
Hamesha Raj ko yahi bataata ki pyaar mein aar yaa paar ka game khel…Yaa to kisi tarah manaane mein kaamyaab ho jaa yaa fir hamesha ke liye pyaar ko bhul jaa…Aise apne vakt aur bhavisya barbaad mat kar…Aur jab baat mujh par aaya to mai to ek level aura age nikal gaya…3 saal barbaad kar diya iss pyaar mein.
Jindagi mein kabhi serious naa hone wala Sumit aaj din raat serious rehta hai…Gham ko apne jindagi mein makkhi ki tarah nikaal fenkne wala Sumit aaj dard ki samundar mein dubte jaa raha hai.
Nasha aur addiction se nafrat karne wala Sumit aaj khud addict hai…Ek din bina cigarette ke reh nahi paata…Jab bhi daaru saamne hota hai khud ko rok nahi paata…Agar chhodne ki sochta bhi hun to withdrawal symptoms kuch pal bhi chain se jeene nahi deta…Na jaane kitno ka nasha chhudwaya hai…Lekin khud par?
Kya hua karta tha mai aur kya hun aaj? Ek haara hua, laachar aur nikamma nashedi…Khud ko hi gaali dene ka man karta hai.
Papa ka sapna hai ki mai baad mein itna kaabil doctor banunga jo log ka har ek beemari ka ilaaj karunga…Lekin unhe kya pata…Unka hi beta Cancer, Cirrhosis aur COPD jaise beemari ka shikaar ban jaayega.
Maa roj phone mein pucchti hai ki raat aur din ke khaane mein kya khaata hun…Padhai se vakt nikaal kar apna khayal rakhta hun ya nahi…Har baar jhuth bolna padta hai…Kya jawaab dun mai? Khaana kam nasha mein jyada vyast rehta hun…Aur jis padhai se vakt nikaalne ki baat karti hai wo unhe kya pata pichle ek saal mein ek baar bhi kitaab ko nahi chhuaa.
Aur Rashmi…Jo hamesha mujhe confident aur winner ke roop mein jaanti hai…Ashliyat jaanegi to pata chalega mai kitna bada looser hun.
Aur mera dost Ashish…Jo har vakt mere saath khada rehta hai…Mujhe pehle ki tarah dekhne ke liye kya kuch nahi karta…Usse bhi pata nahi uska ye ladaai mere liye kab tak chalne wala hai.
Saath dene wale log to bahut hai…Lekin mai hi hun jo sabhi ko niraash karta jaa raha hun.
Aisa mai bilkul nahi tha…Megha tum mujhe jaanti thin a college ki shuruaati dino mein?
Megha:- Haan.
Sumit:- Haan waisa hi hua karta tha mai…Nahi nahi usse bhi accha…Pehle jaisa tha waisa hi tha…Naa hi koi acting aur naa hi kisi ko dhokha dene ki planning.
Lekin abb? Abb jo Sumit ko mai dekh raha hun usse to mai khud bhi nafrat karta hun…Bas chhutkaara nahi paa raha hun.
Kab tak khud ko aur apno ko dhokha deta rahunga? Pyaar bahut jaruri hai…Shayad hi kabhi apne pyaar ko bhula paau…Lekin apne jimmedaari? Usse kaise bhul sakta hun.
Bahut mushkil hai…Lekin aage badhna hi hai mujhe.
Sumit ki aawaj mein kabhi dard, nafrat aur laachari tha lekin aakhiri baat mein aatmavishwash.
Megha:- Kya ye aashaan hoga tumhare liye?
Sumit:- Iss koshish ko jidd ka roop dunga.
Megha:- Abb ussi Sumit ko dekh rahi hun jisse mai jaanti hun.
Sumit iss baat par muskuraata hai…Aur fir serious ho kar.
Sumit:- Tum ye mat samajhna ki mai tumhara sympathy lena chaahta hun…Bas kabhi kamjor mehsus karta hun to aise hi kuch bhi bol deta hun.
Megha:- Nahi nahi…Aise haalaath mein hi to dost kaam aate hai…Kuch mile naa mile motivation jarur milta hai.
Abhi tak Sumit aur Megha dono hi naashta khatm kar chuke tha yaa yun kahe ki Sumit ka ye Megha ke liye party khatm ho chuka tha.
Canteen se baahar nikalte hi.
Megha:- Dost ke roop mein hamesha saath rahungi…Kabhi jarurat pade to yaad kar lena.
Sumit:- Jarur.
Fir dono apne apne hostel ki taraf jaate hai.
Sumit:- (In his mind) Tum to hamesha saath rehti ho…Bas mai hi hun ki kabhi kabhi tumhe face karne ki himmat nahi kar paata.
Aur Sumit jab apne room mein pahunchta hai.
Raj:- Bhaiya…Kuch baat karni hai aapse?
Raj kuch jyada hi serious tha iss baar.
Sumit:- Haan…Bol.
Raj:- Iss baar aapke Papa se jhuth nahi bol paaya.
Thoda bahut Sumit samajh gaya.
Raj:- Aapka haalat mujhse dekha nahi jaa raha hai…Maine hi unhe bata diya aapka nashe ke baare mein.
Kuch der ke liye to Sumit ko bahut gussa aaya…Lekin kuch der mai khud hi shaant ho gaya.
Sumit:- Galat nahi kiya tune…Mai khud bataana chaahta tha…Lekin himmat nahi kar paa raha tha…Aaj nahi to kal unhe pata chal hi jaata.
Raj:- Bhaiya aap ko aise dekh nahi paa raha tha…Har bitte din ke saath aapka nasha bhi badhta jaa raha tha…Naa hi aap padhaai par dhyan de rahe thhe…Uncle ko bataana hi sahi laga.
Thoda darte hue Raj ne kaha.
Sumit:- Koi baat nahi.
Kuch sochte hue Sumit ne kaha…Ek dar bhi lag raha tha ki uske Papa kaise react karenge aur wo kaise Papa ka saamna kar paayega.
Raj:- Kal se aapko ghar mein shift hone ka kaha hai unhone.
Ye sunte hi Sumit ka dar aur bhi badh gaya...Wo hi jaanta tha uske Papa nasha se kitna nafrat karte hai.
