11 ster fan
Lazy villain
- 2,961
- 7,004
- 143
Romance Ek Bhool 2 (Completed)
- Thread starterChamp_AK_81
- Start date
- 499,754
Akki ❸❸❸
ᴾʀᴏᴜᴅ ᵀᴏ ᴮᴇ ᴴᴀʀʏᴀɴᴠɪ
- 26,727
- 30,992
- 304
Akki ❸❸❸
ᴾʀᴏᴜᴅ ᵀᴏ ᴮᴇ ᴴᴀʀʏᴀɴᴠɪ
- 26,727
- 30,992
- 304
- 5,758
- 13,139
- 189
UPDATE 85
Subah Sumit round khatm hone ke baad ward se nikal hi raha tha ki Sanjana ki aawaj usse rok leta hai.
Sanjana:- Sumit.
Sumit:- Hello.
Sanjana:- Thik to ho naa?
Sumit:- Haan kyu?
Sanjana:- Mood off lag raha hai tumhara...Aaj naa hi koi hi hello...Aur round ke vakt bhi bilkul chup thhe.
Sumit:- Ek beemari hai mujhe.
Sanjana:- Kya?
Sumit:- Neend jyada lagne ki...Yaa fir neend pura naa hone ki...8, 9 ghante sota tha lekin jab se resident bana hun 5 ghante mushkil se soo paata hun.
Sanjana:- Ye to sabhi ke saath hota hai.
Sumit:- Lekin mere liye ye bardaast ke baahar hai...Abhi ke liye chalta hun.
Sanjana:- Kaha?
Sumit:- Sone.
Sanjana:- 2 hrs ke baad fir se duty hai.
Sumit:- Kaafi hai...Aise hi beech beech mein neend pura karna hoga.
Itna keh kar Sumit chala jaata hai.
2 Hours Later
Sumit:- Kuch jyada rude to nahi tha mai?
Sanjana:- Are nahi...Lekin thoda ajeeb jarur lag rahe thhe...Kal ka behavior aur aaj ka.
Sumit:- Sab meherbaani neend ki hai...Mujhe khud pata nahi kya kuch baka tha maine.
Sanjana:- To fir abb?
Sumit:- Abb thoda behtar hai...Pata nahi aage ke 3 saal kaise katne wale hai.
Sanjana:- Acche se katega.
Sumit:- Haan acche se hi katega...Aaj tak aise hi to katta aaya hai.
Sanjana:- Are mai wo wala katne ki baat nahi kar rahi thi.
Sumit:- Lekin mai wohi katne ki baat kar raha hun...Aur sach bhi hai ye...Khair tum batao kya katne ki baat keh rahi thi.
Sanjana:- Wo mai...Khair chhodo.
Sanjana aage kuch bol nahi paa rahi thi...Sumit Sanjana ki haalat par abb hasne lagta hai.
Sanjana:- Abb kya hua?
Sumit:- Nahi bas aise hi hasne ka mauka mil jaata hai jo mood ko halka kar deta hai...Warna to lagi padi hai jindagi ka.
Sanjana:- Ek baat pucchni thi tumse.
Sumit:- Ek kyu jitni marji pucch lo...Jab tak professor nahi aa jaate.
Sanjana:- Megha tumhari girlfriend hai?
Sumit:- 16
Sanjana:- Kya?
Sumit:- Tum 16th insaan ho...Jisne mujhe ye pucha hai.
Sanjana:- To tumne unn 16 log ko kya jawaab diya hai?
Sumit:- Sab ko alag alag jawaab diya hai...Lekin sabhi jawaab ka matlab ek hi hai.
Tumhe bhi jawaab du isse pehle ek sawal tumse hi...Aisa tumhe kyu laga?
Sanjana:- Bahut frankly baat kar rahe thhe tum dono.
Sumit:- Tab to kal tum mujhe playboy samajhne lagogi.
Sanjana:- Kyu?
Sumit:- Ek to mere paas waise bhi doston ki kami hai...Lekin jitne hai utne hi kaafi hai...Aur unn sabhi doston se chaahe ladka ho ya ladki utna hi frank hun...Aur rahi baat Megha ki to wo bahut hi khaas doston mein se ek hai.
Sanjana:- Lekin mujhe tum dono ke bich alag hi attachment mehsus hua.
Sumit:- Kuch dino mein ye galatfehmi dur ho jayega.
Sumit ne baat ko ghumane ki koshish karte hue kaha.
Sanjana kuch kehti usse pehle hi Professor aa jaate hai.
After Class
Fir se sone jaa rahe ho?
Sumit ke piche piche aate hue Sanjana boli.
Sumit:- Nahi... Abb neend bhagaane.
Sanjana:- Matlab? Kabhi mauka milte hi sone chale jaate ho...Aur kabhi mauka milne ke baad neend ko bhagaate ho.
Sumit:- Agar abhi neend ko nahi bhagaya to college wale mujhe bhaga denge.
Sanjana:- Aur bhi jyada confused kar rahe ho abb?
Sumit:- Aaj night duty hai...Bunk maarna MBBS tak hi possible tha...Yaha bunk maar diya to kal HOD apne andar ka sara frustration mujh par nikalega.
Sanjana:- Suna tha bunker log kahi bhi kabhi bhi bunk maar sakte hai.
Sumit:- Maar to sakta hun...Itna dimaag lagaane ki jagah night duty kar hi leta hun...Bahut kuch sikhne ko bhi milega...Abb 3 saal hi to hai sikhne ke liye.
Sanjana:- Bahut kuch sikh rahe ho.
Sumit:- Kya matlab?
Sanjana:- Abhi se bade surgeon ke lakshan dikh raha hai tum me...College ke pehle hi din suture (Surgical stiching) wo bhi patient mein perfection ke saath.
Sumit iss baat par hasne lagta hai.
Sanjana:- Hass kyu rahe ho?
Sumit:- Tumhe bike chalana aata hai?
Sanjana:- Bike to nahi lekin scooter chala leti hun.
Sumit:- Average speed?
Sanjana:- 45 km/hr
Sumit:- Kitni baar accident hua hai?
Sanjana:- 2 baar...Minor accident.
Sumit:- Mera bika ka average speed hai 70 km/hr...Aur accident kitni baar hua hai yaad nahi...Aakhiri baar yaad tha to 19 baar...3 baar major accident hote hote bacha hai.
Sanjana:- Kya keh rahe ho kuch samajh mein nahi aa raha.
Sumit:- Sirf itna ki jitni baar galti karte hai utna hi hum sikhte hai.
Sanjana:- Iska matlab jaan bujh kar galti karna jaruri hai?
Sumit:- Bilkul nahi...Agar jaan bujh kar galti karte hai to wo galti nahi crime hai...Dusro ke liye ya khud ke liye...Ye keh raha tha ki agar galti ho jaaye to usse sikhna chahiye.
Sanjana:- Kaha mai tumhe suture ke baare mein puch rahi thi aur kaha tum galti se sikhne ki baat kar rahe ho?
Sumit:- Abb wohi par aa raha hun...Tumhare sawal par...Bas 2, 3 jagah ki baat ko jod raha hun...I mean suture kar raha hun.
Baat unn dino ki hai jab MBBS mein Surgery rotation mein professor suture pad mein suture karna sikha rahe thhe...Maine bhi try kiya...Bahut ghatiya bana...Sabhi dost hasne lage aur saath mein professor bhi...Bas kya tha fir mera jidd.
Khud suture pad kharid kar itna try kiya ki internship mein aa kar ussi professor ko jidd kar ke mana liya patient mein suture karne dene ke liye...Unhi dosto ke saamne sir ke observation mein surgery kar ke dikhaya...Tab sir ne bhi taarif kiya tha.
Tumne kaha tha perfection bas issi vajah se hassi aa gaya.
Perfection...Abhi bhi uss cheej ko haasil nahi kar paaya...Lekin uske karib pahunchne ke liye kitni raat mehnat kiya hai...Kabhi kabhi to raat mein utth kar practice karta tha...Jitne cigerrate pocket mein hote thhe 1st year mein utne suture hote thhe internship mein.
Sanjana:- Padhai ke maamle mein to bahut serious ho.
Sumit:- Bilkul nahi...Padhai to abhi tak masti mein bitaa hai...Entrance exams ke alawa baaki sabhi exams mein passing mark solvr kar ke chhod deta tha...Aur teachers jis topic ko important bataate thhe ussi ko sabse pehle ignore kar deta tha.
Haan wo baat alag hai ki jitna aana chahiye utna kisi bhi haal mein complete kar leta hun ending tak.
Sanjana kuch kehti usse pehle hi.
Sumit:- Accha chalta hun abb...Fir milenge.
Sanjana:- Kaha?
Sumit:- Pehle hi bataya tha neend bhagaane...Coffee shop.
Sanjana:- Mai bhi chalti hun.
Sumit:- Nahi...Abhi college khatm hua hai...Hostel jaa kar maje karo...Mera night duty hai...Issi liye strong coffee ka prescription khud ke liye hi likh sakta hun filhaal.
Sanjana:- Thik hai fir.
Sumit:- Aur haan tumse badla jarur lunga.
Sanjana:- Kya?
Sumut:- Subah se mera viva le rahi ho...Mera bhi hak banta hai.
Sanjana:- Jarur
Fir Sumit chala jaata hai...Sanjana bhi jaane lagti hai...Ek do baar piche mud kar Sumit ko dekhti hai...Lekin Sumit to khud mein hi mast ho kar chale jaa raha tha.
Sanjana:- Interesting.
Coffee shop mein pahuchne ke baad coffee order kar ke ek table mein baith jaata hai...Baahar abhi baarish ka shuruwaat ho hi raha tha.
Wo apne kuch yaadon mein khone hi laga tha ki.
Hello Surgeon.
Ek second bhi nahi laga Sumit ko aawaj pehchanne mein.
Sumit:- Hi Megha.
Fir wo Megha ki taraf dekhta hai.
Sumit:- Tum yaha? Dekha hi nahi.
Megha:- Tumhara picha kar rahi thi.
Sumit:- Accha majaak tha.
Megha:- Sach hai.
Sumit:- Really?
Abb Sumit thoda hairaan tha.
Megha:- College ke gate se nikalte hi apne hi dhun mein chal rahe thhe...Socha ki dekhti hun aise kaha jaa rahe ho.
Sumit:- Akele chalne mein bhi majaa alag hai.
Megha:- In another word...Grapes are sour.
Sumit:- Kya?
Megha:- Angur khatta hai.
Sumit:- Kya kehna chaahti ho?
Megha:- Abb Kirti ne chhod diya to akele mein maja hai...Sahi excuse hai.
Iss baat par Sumit hansta hai.
Sumit:- Kya tum bhi...3 saal ho gaye hai uss baat ko...Abb to kabhi kabhi hi yaad aati hai Kirti...Kabhi acchi yaadon mein to kabhi buri.
Megha:- Accha abb buri bhi ho gayi Kirti...Sach mein angur khatta hi hai.
Sumit:- Wo kabhi buri nahi thi mere maamle mein...Baaki pata nahi...Aur uska jo bhi faisla tha usne liya...Koi galat nahi tha...Buri yaad iss liye ki maine khud ke saath bura kiya...Bas itni si baat hai.
Megha:- Khud ko jabardasti vishwash dilaana koi tumse sikhe? Accha ye bataao baahar baarish ko dekh kar kya soch rahe thhe?
Sumit:- Bachpan ki yaadein...Maa hamesha baarish mein baahar nikalne se mana karti thi.
Lekin tum to jaanti hi ho mujhe...Maa se chhup kar bat ball le kar nikal jaata tha baariah hote hi...Aur tab tak khelta tha jab tak baaki bacche bijli girne ke dar se bhaag nahi jaate thhe.
Wo alag baat hai ki baad mein Maa mere hi bat se mujhe ball ki tarah dho daalti thi.
Wohi yaad aa gaya.
Megha:- Mujhe to laga tumhe wo humati tour ki baarish yaad aa raha hai.
Sumit:- Wo bhi yaad aata hai kabhi kabhi...Especially nadi mein wo swimming.
Megha:- Waise Kirti naa sahi...Abb koi aur uski jagah le rahi hai tumhari life mein.
Sumit:- Haan Surgery.
Megha:- Mai Sanjana ki baat kar rahi thi.
Sumit:- Kya tum bhi taang khinchti rehti ho...Ek topic khatm hua nahi ki dusti suru?
Tab Waiter 2 coffee le kar aata hai.
Sumit:- Maine to ek hi coffee order kiya tha.
Megha:- Ek maine khud se...Abb tum mere liye coffee order karoge nahi.
Sumit:- Kyuki tumhe coffee pasand hi kaha hai?
Megha:- Kisi murkh se suna tha bahut pehle ki coffee se neend gaayab ho jaata hai...Socha aaj try kar lu.
Sumit:- Aur ye baat ussi murkh ke saamne keh rahi ho.
Megha:- Abb khud hi maan rahe ho to mai kya keh sakti hu.
Megha:- Baat Sanjana ke baare mein ho raha tha...Divert mat karo.
Sumit:- Afwaah hai ye...Jo tum se suru hua hai aur tum tak hi rahega.
Megha:- Itni jaldi itna frank...Ye to afwaah nahi hai.
Sumit:- Tumhare saath to aur bhi jyada frank tha...Iska matlab ye nahi ki tumse pyaar karta tha.
Megha:- Wo to tumne jaan bujh kar kiya tha.
Sumit:- Ye bhi jaan bujh kar kar raha hun.
Megha:- Kya?
Sumit:- Are are...Itna bhi hairaan mat ho...Ye saajish nahi hai.
Megha:- To fir?
Sumit:- Abb doctor ban chuka hu to frank bhi to hoja chahiye...Issi liye har kisi se frankly baat karna padta hai.
Megha iss jawaab par kuch nahi kehti.
Sumit:- Lekin kahi se jalne ki badboo aa raha hai?
Megha:- Aur ye afwaah bhi tumse suru ho kar tum tak hi rahega.
Sumit:- Agar jal rahi ho to bata do.
Megha:- Aisa kyu lag raha hai tumhe?
Sumit:- Agar sach hai to jalaane mein aur bhi majaa aayega.
Megha ko bahut gussa aata hai lekin wo kuch nahi bolti.
Megha:- Accha abb mai chalti hun.
Sumit:- Kaha?
Megha:- Mera bhi night duty hai.
Itna keh kar Megha gusse mein chali jaayi hai...Naa hi Sumit usse rokna chaahta tha aur naa hi Megha rukna chaahti thi.
Sumit Megha ko jaate hue dekh piche se muskuraata hai.
- 5,758
- 13,139
- 189
Daadi ki death ho gaya hai...Issi vajah se maahoul thoda kharaab hai ghar mein...Baaki sab recover ho gaye hai...Next update mein bhi thoda time lag sakta hai...Lekin itna nahi...Ye update bhi thoda thoda kar ke likha hai.
Last edited:
Akki ❸❸❸
ᴾʀᴏᴜᴅ ᵀᴏ ᴮᴇ ᴴᴀʀʏᴀɴᴠɪ
- 26,727
- 30,992
- 304
- 5,758
- 13,139
- 189
Aapki dadi ka sun kar dukh hua. Kya kare samay hi aisa chal raha hai. Khair baat kahani ki hai to yaar Megha ke liye jarur Bura lag raha hai, Sumeet aur Megha ki Jodi bahut achchhi rahti.
Bhai aapki dadi ka sun ke bohot bura laga. Bhagwan unki atma ko shanti de.
Rahi update ki baat to Sumit to abhi bhi mujhe samajh nahi aaya ki wo akhir karna kya chahta hai. Wese ab to story ke end me hi kuch samajh aye to aye ye Sumit
Rahi update ki baat to Sumit to abhi bhi mujhe samajh nahi aaya ki wo akhir karna kya chahta hai. Wese ab to story ke end me hi kuch samajh aye to aye ye Sumit