- 5,758
- 13,139
- 189
UPDATE 79
Tum kaun?
Gate ke saamne anjaan ladki ko dekh Sumit ke Papa ne pucha.
Ladki:- Uncle mai Megha...Sumit ki dost.
S. Dad:- Megha...Naam kuch suna hua lag raha hai.
Aao andar.
Megha andar aati hai...Kuch hi der mein Rashmi paani ka ek glass le kar aati hai Megha ke paas.
S. Dad:- Kuch kaam tha Sumit se?
Megha:- 2 din se Sumit ka call lag nahi raha tha...To socha sab kuvh thik to hai naa?
S. Dad:- Usse kya hoga? Abb doctor ban gaya hai to marji wo hi kar raha hai...Abhi bhi soo hi raha hoga.
S. Dad:- Rashmi...Jaa kar Sumit ko bula kar laao...Bolna ki uski dost Megha aayi hai.
Megha naam sunte hi Rashmi ek najar Megha ko dekhti hai aur muskuraati hui chali jaati hai.
Bhaiya...Bhaiya...
Sumit ko kandhe se hilaa kar Rashmi uthaati hai.
Sumit:- Kya ho gaya subah subah?
Rashmi:- Subah...Ghadi dekhiye...Dopahar ke 1 baj rahe hai.
Sumit:- Mere liye subah hi hai...Chal abb sone de.
Itna keh kar Sumit dusri taraf munh kar ke fir se sone lagta hai.
Rashmi:- Megha aayi hai.
Ye sunte hi ekdum se Sumit utth kar baith jaata hai.
Rashmi:- Waah re pyaar...Behen ki koi value nahi...Lekin Megha ki naam sunte hi utth kar baith gaye.
Munh fulaate hue Rashmi boli.
Sumit:- Tu aur tera nonsense...Kisne keh diya mai Megha se pyaar karta hun?
Rashmi:- Sab dikh raha hai.
Sumit:- Haan tujhe to sab kuch dikhta hai kitaab ke alawa.
Sumit bd se utarte hue bola.
Rashmi:- Kya bhaiya? Bhabhi se milne ke jaldbaazi mein aaj aapke sattire mein bhi dum nahi hai.
Sumit bina kuch bole room se nikal gaya.
Dusri taraf
S. Dad:- Tum Sumit ke saath hi padhti ho naa?
Megha:- Jee uncle.
S. Dad:- Suna tha Sumit se ek do baar tumhara naam.
Megha:- Mere baare mein?
S. Dad:- Wo kuch chupaata nahi hai mujhse...Uske college ke dosto se le kar jitne bhi dost hai sabhi ke baare mein jaanta hun.
Aise mein ek do baar tumhara naam bhi suna tha.
"Kya suna hai aapne?" Ye sawal Megha puchna chaahti thi lekin jyada jaan pehchaan naa hone se wo puch nahi payi...Sumit ke Papa bahut se baat kar rahe thhe lekin shayad kuch hi der ki mukaakaat ki vajah se Megha utna comfortable nahi lag rahi thi.
Megha ki aankhein fabhi je liye sirf Sumit ko hi dhund rahi thi.
Tab tak Sumit ke saath saath Sumit ki Maa bhi chaai le kar aa jaati hai.
S. Dad:- Tera hi intejaar ho raha tha.
Sumit:- Takleef ke liye maafi chaahta hun.
Sumit ko apne Papa se aise bindaas baat karta dekh Megha ko thoda hairaani hua.
S. Dad:- Tu aur tera takleef...Aadat si ho gayi hai abb...Takleef to teri Maa aur Megha ko hua hai...Jo itna intejaar karwaya.
S. Mom:- Abb to mujhe bhi aadat ho gayi hai...Iski takleef sehne ki...Ek to iska utthne ka time upar se khaana khaane ka time...Din bhar intejaar karna padta hai.
Sumit kuch nahi kehta...Wo Megha ke baare mein hi soch raha tha jab se wo soo kar utha tha...Aaj Megha ko pehli baar ghar mein dekh wo kaafi hairaan tha...Kuch jaruri baat hi hogi jo Megha aaj yaha aayi hai..Kuch yahi baat Sumit ke dimaag mein chal raha tha.
Megha:- Aur college mein Professor pareshan...Sumit ko absent aur late hota dekh.
S. Dad:- Lekin tu to roj college jaata thaa na?
Iss baar unki aawaj mein bhi hairaani tha.
Megha:- Sorry Uncle...Mai 1st aur 2nd year ki baat kar rahi thi.
S. Mom:- Baat chahe kisi vakt ki ho...Iss naalaayak ne kisi ko nahi chhoda hai...Sabhi ko pareshan karke rakh diya hai.
Rashmi:- Aur sabse jyada mujhe.
Sumit:- Sumit SFS...Naam to pata hi hoga.
S. Dad:- Ye kaisa naam hai?
S. Mom:- Ye naam to kabhi nahi suna maine.
Rashmi:- Iss naam se to aap bilkul joker lag rahe hai.
Tabhi Sumit ko ehsaas hua ye naam to usne sirf Megha ko hi bataya tha...Ek najar wo Megha ko dekhta hai jo sabhi ki baatein sun hans rahi thi.
Sumit:- Suna nahi hai to sun lijiye...Sumit SFS yaani ki Straight forward Sumit...Sirf mai hi forward rehta hun...Baaki mere aas paas ke sabhi khud backward ho jaate hai...Aise mein kisi ka hi pareshaan hona aam baat hai.
S. Dad:-Accha chalo...Inn dono ko thoda vakt do.
Itna keh kar wo utth kar jaane lagte hai.
Megha:- Are nahi Uncle...
S. Dad:- Itna to samajhta hun...Agar personal baat nahi hota to tum sabke saamne bhi Sumit se baat kar sakti thi...Kuch personal aur important hi hoga jo sab ke saamne nahi keh paa rahi ho.
Itna keh kar wo waha se chale jaate hai.
S. Mom:- Accha tum dono baatein karo...Mein kitchen mein jati hun.
Sumit:- (To Rashmi) Tujhe kya alag se request karna padega?
Rashmi bhi naak fulaa kar waha se jaati hai.
Abb Sumit fir se serious ho gaya tha ye janne ke liye ki Megha kyu aayi hai.
Sumit:- Haan bataao...Kya kaam tha?
Megha:- Aise hi...Kya sirf kaam hoga tab hi aa sakti hun tumhare ghar?
Sumit:- Nahi nahi...Wo matlab nahi tha mera...Aaj tak bhale hi kitna bhi jaruri kaam ho tum ghar nahi aayi hi.
Megha:- To kya abb nahi aa sakti?
Sumit ko samajh mein nahi aa raha tha ki kya jawaab de.
Megha:- Samajh hi gaye honge tum...Sirf tum hi pareshan nahi kar sakte...Mujhe bhi aata hai irritate karna tumhari tarah.
Yaad hai humaare mulaakaat ke shuruwaati din...Kitna pareshaan karte thhe tum mujhe?
Sumit:- Haan.
Feenka sa jawaab diya Sumit ne.
Megha:- Agar sach kahu to sach mein tumhari chinta ho raha tha...Issi liye haal chaal puchne aa gayi.
Sumit:- Mera kya hai...Thik to nahi hun...Lekin bahut jald ho jaaunga...Bas kuch vakt aur...Kirti ko bhula jar nayi shuruwat kar lunga.
Megga:- Bhula paaoge?
Sumit:- Agar sach kahu to naa. Kya karu memory hi itna strong hai.
Fir Sumit serious ho gaya.
Sumit:- Lekin Kirti se bhi jyada apne career ko importance dunga...Sirf aur sirf apne career mein focus...Pin point focus...Jaise Arjun ka focus macchli ki jagah macchli ki aankhon mein tha...Waisa focus.
Aur Kirti baad mein kabhi mil bhi jaaye to aisa lage ki wo meri pyaar nahi wo meri jindagi ki sabse badi bhool thi.
Megha:- Sach mein tumhe aise determined dekh bahut accha laga...Soch nahi paa rahi thi tumhara kya haal hua hoga...Kirti ki engagement dekhne ke baad...Phone bhi nahi lag raha tha aur naa hi kisi tarah se contact kar paa rahi thi...Bas yahi dar tumhare ghar tak khinchaayi thi.
Sumit:- Jitna rona tha pehke hi roo chuka hun...Engagement ke baad sirf aadha ghanta hi roya tha...Abb to shayad aansu bhi sukh gaye hai.
Khud ko thoda tume de raha tha issi liye mobile se khud ko dur kar liya kuch dino ke liye...Sabhi social media deactivate karne ke saath mobile bhi switched off.
Megha:- Reh paaoge mobile ke bina? Ye bhi alag hi addiction hai.
Sumit:- (Laughing) Pyaar ka addiction, aur cigarette daaru ke addiction ke saamne to kuch bhi nahi hai.
Mobile ka jarurat abb kuch important contacts ke liye aur internet ki jarurat sirf padhai ke liye.
Megha iss baat mein kuch nahi kehti...Wo sirf Sumit ki confidence ko dekh rahi thi.
Sumit:- Megha agar tum gussa nahi hogi to kya ek baat puch sakta hun?
Megha:- Haan pucho.
Sumit:- Tumne Vikash ka pyaar reject kar diya?
Megha:- Haan.
Sumit:- Lekin kyu? Wo tumse sach mein pyaar karta hai?
Megha:- Haan uska pyaar saccha hai...Aur wo bahut accha bhi hai...Lekin mujhe bhi to pyaar hona chahiye...Usse hamesha se ek accha dost hi maana hai...Isse jyaada kuch nahi.
Sumit:- Lekin.
Megha:- Lekin wekin kuch nahi.
Thoda gussa mein Megha ne kehna jaati rakha.
Megha:- Tumne hi to kaha tha Kirti ke baad abb pyaar mein koi dhyan nahi doge? Ek sawaal hai...Kya koi ladki tumse sach mein pyar kare aur wo bahut acchi bhi ho...Kya tum uska pyaar accept karoge?
Sumit:- Abb wo taakaat nahi raha aur apna career mein bhi focus karna hai.
Megha:- Vikash bahut accha hai iska ye matlab to nahi ki mujhe bhi usse pyaar ho hi jaayega.
Waise mujhe bhi apne career par focus karna hai...Issi liye mujhe bhi pyaar mein ab koi shaukh nahi hai.
Aakhiri ki baat Megha ne badi chalaakhi se kaha.
Sumit:- Are tum to gussa ho gayi.
Megha:- Baat hi aisa kiya hai tumne.
Fir dono ke bich idhar udhar ki baatein hoti hai.
Megha:- Accha to mai chalti hun.
Sumit bhi Megha ko drop karne ke liye uske saath baahar tak jaata hai.
Sumit:- Mera haalchaal puchne ke liye yaha tak aayi tum...Bahut acxha laga.
Megha muskuraate hue chaki jaati hai.
S. Dad:- Kaafi lamba baat cheet chala?
Sumit:- Kuch jaruri baatein tha...Iss vajah se.
S. Dad:- Samajh sakta hun kya jaruri baatein tha.
Sumit iss baat par koi jawaab nahi deta hai.
S. Dad:- Waise kab jaau mai Megha ke ghar?
Sumit:- Kis liye?
S. Dad:- Uski haath maangne tere liye?
Sumit:- Kya Papa aap bhi...Aap kuch jyaada hi soch rahe hai.
S. Dad:- Mai jyada soch raha hun?
Sumit:- Haan iss maamle mein.
Itna keh kar Sumit waha se sidha apne room mein chala jaata hai...Sumit ke Papa usse jaate hue bas dekhte rehte hai...Unke chehre mein ek alag hi muskaan tha.
2 Years Later
Last edited:
