- 5,758
- 13,139
- 189
UPDATE 84
Sumit bas dekhta hi reh gaya...Aur wo shakhs dhire dhire Sumit ke kareeb pahunch gayi...Aur apna intro diya.
Dr. Megha...1st year Resident...Internal Medicine
Fir Megha Sumit ki aur apna haath aage badhaati hai.
Dr. Sumit...Future Neurosurgeon.
Sumit ne haath milaate hue kaha.
Megha:- Kaisa laga mera surprise?
Sumit:- Bouncer...Sir ke upar se nikal gaya.
Abhi bhi Sumit hairaan hi tha.
Sumit:- Tumhe yaha dekh bahut accha laga...Sach mein bahut khush hun.
Megha:- Aur tumhare liye bhi khush hun...Kya kehte thhe tum...PG entrance matlab Subject of Choice aur College of Choice...Dono hi mil gaya.
Sumit:- Wo to hai hi...Aur aane wale kuch din tak shayad pair bhi jameen mein nahi rahega...Itna accha mehsus kar raha hun...Dil karta hai ki udta hi jaaun.
Dono baatein kar rahe thhe aur paas mein hi khadi Sanjana dono ki baatein samajhne ki koshish kar rahi thhi.
Itna to wo jaan hi gayi thi ki Sumit aur Megha ka purana jaan pehchan hai...Isse aage ki wo samajhne ki koshish kar rahi thi.
Sumit:- Sach kahu to mujhe laga ki shayad tumhara marks fir se kam aa gaye hai iss liye apna result nahi bata rahi ho.
Soch raha tha youtube mein se ek motivational video dekh kar tumhe agle saal ke liye motivate karu.
Sumit ki iss baat par Megha ke saath Sanjana bhi hasne lagti hai.
Megha:- Bhulo mat...MBBS ke pehle din se hi tumse acche marks aaye hai har baar...Iss baar bhi check kar lena.
Sumit:- Wo to hai...Theory mein tum kaafi acchi ho.
Megha:- Kya sirf theory mein? Bhul gaye 3rd year mein kya hua tha...Jab medicine mein tumhe Sir se daant padi thi jab tumhe thik se Respiratory Examination nahi kar paa rahe thhe.
Maine hi sikhaya tha.
Sumit:- Kyu ki pehle hi soch liya tha maine ki mujhe Surgeon banna hai...Medicine kaam chalau subject tha mere liye.
Megha:- Lekin koi bhi surgeon bina medicine ke knowledge ke accha surgeon nahi ban sakta.
Sumit iss baar kuch nahi bola.
Megha:- Abb kya hua?
Sumit:- Aur karo beijjati. ...Logo ka majaak mai udaata hun aur tumne to mera hi majaak bana diya.
Megha:- Sangat ka asar hai.
Sumit:- Wo to hai.
Sumit:- Anyway GI examination mein expert hun.
Megha:- Wo bhi tumse accha kar sakti hun.
Sumit:- Abb mujhse nahi hoga...Aur beijjati nahi karwa sakta.
Abb jaa kar dono ko ek dusre se fursat milta hai....Aur jab Megha ka najar Sanjana par padta hai.
Megha:- Dr. Sanjana...Tumhe dekh kar lagta hai ki kuch khatarnaak hi prank kiya hoga Sumit ne.
Sumit:- Prank...Wo bhi bina camera ke.
Megha:- Waise ladka bahut accha hai...Bas kabhi kabhi aise haalaath bana deta hai ki naa to hans sakte hai aur naa hi roo sakte hai.
Sumit:- Ye tum nahi tumhara experience bol raha hai.
Megha:- 7-8 saal se jhel rahi hun...Accha khaasa experience hai.
Last edited: