UPDATE 94
Ancient times mein us waqt kuch logo ne Space-Time Savage Beasts ke traces dhund liye the. Usmein se ek Space-Time Moose kaha jata tha. Unhe almost common Space-Time Savages beasts kaha jata tha. Jab bhi unhe dekha gaya tha vo kahi grass hi khaa rahe hote the. Unke aaspas bohot se Space-Time portals open rehte the. Jab bhi koi unke paas aane ki koshish karta vo suddenly us portal mein jump laga dete the aur waha se gayab ho jaate the. Vo yaha se gayab ho kar yaa toh kahi dur chale jaate the yaa phir apne Space-Time ki powers ka use kar ke kisi aur realm mein hi chale jaate the.
Space-Time Moose ke ek hi jagah par phir se aane ke chances kaafi kam hote the. Aur agar vo phir bhi waha aa gaye toh yaa toh vo hundreds of years past mein chale jaate the yaa phir thousands future mein. Unke Space-Time powers ke wajah se vo time ke flow mein kahi bhi aa jaa sakte the. Space-Time Moose kabhi bhi kisi person ke saath contact nahi karte the aur na hi kisi demon ya Savage beast ke saath. Aise apne powers ka use karne se bhi unke upar time ke flow ka koi bhi effect nahi hota tha aur na hi time par unke aise past aur future mein jaane se koi effect hota tha.
Space-Time Moose ko chod kar is category mein Spacae-Time Divine Wolves, Space-Time Demonic Lions jo Space-Time Moose ke natural predators the aur unhe hunt karte the unhe bhi record documents mein kiya gaya hai.
Par Spce-Time Moose, Space-Time Divine Wolves, Space-Time Demonic Lions ho in mein se koi bhi egg se nahi nikalta tha.
Us egg par jo Kabir ke Divine Soul ki energy thi vo abhi bhi bright thi. Us egg par jo bih inscription patterns the vo kabhi dull ho jaate toh kabhi bright. Kabir ne ek baar phri se apne genuine qi ko us egg mein inject kiya aur us barrier mein flaw dhundne lag gaya. Jaise hi us egg ki energy dull hue Kabir ko laga jaise barrier mein koi crack aa gaya hai aur usne apne genuine qi ke flow ko aur badha diya.
Boom!
Kabir ko laga ke uska dimag hi blast ho gaya hai. Usse lag raha tha ke uska dimaag kaafi fast ghum raha hai. Uske samne uske past life ke thousnads of years ke sabhi moments aane lag gaye the.
Vo egg abhi bhi Kabir ke genuine qi ko absorb kar raha tha.
Jaise hi Kabir ko yeh feel hua usne apne genuine qi ke flow ko rok diya. Jab usse laga ke uske genuine qi ka flow connection break ho gaya hai toh usne ek gehri saans chodi. Kabir ab is egg se kaafi mysterious feelings aa rahi thi. Us egg ke andar ka aura halka sa badh gaya hai yeh Kabir sense kar paa raha tha. Wahi Kabir ko ab us egg mein aur usmein ek strange link form hua hai yeh feel ho raha tha.
Kabir-Mein is egg ko leta hu aur isse slowly study karunga.
Kabir ne yeh baat Rati ko dekhte hue kahi.
Rati-Okay.
Rati ne apne sir ko haa mein hilate hue kaha. Waise hi Kabir jo chahe is treasury se le sakta tha.
Kabir ne us egg ko apne storage ring mein rakh diya. Kabir kaafi achhe se feel kar sakta tha ke yeh egg kaafi mysterious hai. Vo bas ab yahi soch raha tha ke uss egg se kya bahar niklega.
Kabir aur Rati ab treasury se bahar aa gaye the.
Suddenly ek aawaz Kabir ko sunayi di. Waise hi Kabir ne sir ko upar karte hue aasman mein dekha aur usse upar ek bada sa bird udte hue dikha.
Yeh aur koi nahi Ancestral Founder the.
Kabir unhe dekhte hi samajh gaya tha ke vo apne kaam mein successful ho gaye hai. Ancestral Found upar aasman mein ek round laga kar niche aane lag gaye aur niche aa kar directly Kabir ke sir par baith gaye.
AF-Bachhe future mein aisa koi bhi kaam nahi karne wala hu. Yeh kaafi boring hai. Aur mein ne kuch din pehle ajeeb si energy ko sense kiya tha jo almost city ke side se hi aa rahi thi.
Ancestral Founder ke is baat par Kabir ne smile karte hue city mein jo bhi hua tha vo sab bata diya. Is baat ko sunkar AF kaafi shock ho gaye the. Unhone Supreme God ke manifestation ko miss kar diya hai isse unhe kaafi bad feel hua tha. Kyo ki unhone ne bhi apne era mein iske baremein sirf suna hua hi tha.
Kabir-Toh Ancestral Founder kya aap ko Dark Guild ke hideout ka pata chala.
AF-Haan.
Kabir-Ancestral Founder aap itna bor mat hoyiye. Yeh ek noble work hai aap Osian City ki help kar rahe hai is Dark Guild ko khatam karne ke liye. Kya aap isse khush nahi hai?
AF-Bachhe mein thousands of years se dead zaroor hu. Par tum sabhi phir bhi mere liye descendants hi ho. Aur mere marne ke baad bhi tum sabhi mujhe shanti se rehne nahi de rahe ho. Dark Guild ko sabse pehli baat create karne ki zaroorat hi kya thi.
Ancestral Founder ko Osian City ke sabhi log unke descendant hi lagte the.
Kabir-Waise aap ko kya kya pata chala hai?
AF-Mujhe is trip par bohot kuch pata chala hai. Dark Guild ka hideout yaha se kaafi dur aur mountains mein hai Unke hideout kaafi bada hai. Mein ne waha par sir unke ek hi area ko achhe se dekha aur observe kiya hai par usmein bhi mujhe yeh pata chala hai ke Dark Guild mein Dark Elves bhi hai. Iske wajah se mein aur zyada aage nahi jaa paya.
Ancestral Founder abhi bhi kaafi shocked the Dark Guild ke hideout ko dekh kar. Kyo ki vo kisi bhi tarah se koi hideout nahi balki underground city thi.
Kabir-Dark Elves.
Kabir yeh sunne ke baad kuch sochne lag gaya. Dark Elves humans ki tarah hi dikhne wale creatures hote hai. But vo dark colour mein aate hai aur vo dark arts mein kaafi powerful bhi hote hai. Vo sabhi natural assassins hote hai.
Kabir ne socha tha ke Dark Guild mountains ke bich kahi small hideout mein hongi. Par itne bade level wale hideout ke baremein usne bilkul bhi nahi socha tha. Ab Kabir ko bhi us underworld meni jana tha par uske liye uske paas time kaafi kam tha. 2 months ke baad usse aur uske friends ko Draconic Ruins Realm mein bhi jana tha. Par phir bhi Kabir isse ek baar try karna chahta tha.
Kabir-Pehle is Sacred Family aur yaha par jo Dark Guild ke members hai unhe khatam karna hoga. Uske baad dekhta hu waha kaise aur kab jana hai.
Kabir ne yeh baat apne aap se kahi.
Kabir ko pata tha ke Dark Guild kisi aur ka pawn hai par uska bhi koi na koi master zaroor hoga. Tiny world mein itne badi organization ko control koi toh kar hi raha hoga aur kabhi na kabhi Kabir aur vo aamne samne zaroor aayenge. Agar aisa hua toh Kabir zaroor usse maar dega aur is Dark Guild ke chapter ko close kar dega. Vo bhi hamesha ke liye.
Kabir Rati ko bye keh kar apne courtyard mein aata hai aur apni practice karne lagta hai. Vo bas aane wali badi fight ka wait kar raha tha jo agle 3 din mein hone wali thi. In sabhi ke bich vo kabhi kabhi City Lord ke saath bhi baat karta tha aur unke banaye hue plan mein kuch na kuch add karte rehta tha jisse unke is plan ke successful hone ke chances badh jaate the. Issi bich City Lord us Snow Wind Grate Ape ke saath merge ho gaye. Unhe apne pehle demon spirit ko chodhna achha nahi lag raha tha par Kabir ne phir unhe is demon spirit ke attribute aur unke attribute ke baremein bataya aur unke is demon spirit ke satah Legend Rank mein jaane ke chances zyada hai yeh bhi bataya. Iske wajah se unhone apne pehle wale demon spirit ko release kar diya aur is Snow Wind Grate Ape ke saath merge ho gaye.
Jab se vo is demon spirit ke saath merge ho gaye the tab se unki cultivation ki speed bhi badh si gayi thi. Yeh uske aur demon spirit ke same attribute ke hone ke wajah se ho raha tha.
Par issi bich City Lord public ke samne nahi aaye aur Main Affairs Elder ne pure city mein yeh baat faila di ke City Lord abhi sick hai aur bed rest par hai.
Sacred Family.
Shital ne apne sir ko uthaya aur P.Shen ko dekhte hue kaha.
Shital-Big Brother Han ne ham eek news bheji hai. News yeh hai ke City Lord aapke diye hue poison se affected ho gaye hai aur kabhi bhi mar sakte hai.
P.Shen-Kya tum sure ho k evo sach keh raha hai? Kahi us City Lord ne isse spy bana kar hamare bich toh nahi bheja hai na?
P.Shen yeh sab ek jagah se dusri jagah ghumte hue Shital se puch rahe the. City Lord ke upar aise hi poison ka use ho gaya aur vo bina kuch kiye hi mar jaayenge ? P.Shen ko yahi lag raha tha ke City Lord aise hi nahi mar sakte hai. Itne easily toh bilkul bhi nahi.
Shital-Nahi mujhe nahi lagta hai ke Han hamse jhoot bol raha hai. Hamare paas yeh sab dekhne ke liye kaafi evidence hai. Vo hamse jhoot bol hi nahi sakta hai. Us raat hamare spies bata raye the ke City Lord Mansion mein kaafi bhaag doud machi hui Thi. Snow Wind Family ke Main Affairs Elder bohot se experts ko bula kar City Lord ke building mein le jaa rahe the. Wahi hame yeh bhi pata chala hai ke Han ne aate hue City Lord ke kuch guards bhi maar diye hai.
Yeh keh kar Shital smile karne lag gayi.
P.Shen-Okay. Agar usne guards ko maara hai toh yeh baat sach hi hogi.
P.Shen ko pata tha ke City Lord apni jaan bachane ke liye apne guards ko bilkul bhi marwa nahi sakte the. Han ne unse jo bhi kaha hai vo P.Shen ko ab sach lagne laga tha. Par unhe yeh nahi pata tha ke yeh sab Kabir ke plan ka part tha Sacred Family ke focus ko hatane ke liye.
P.Shen-Waise hi City Lord Mansion ne yeh sab jagah bata diya hai ke City Lord kaafi bimaar ho gaye hai aur bed rest par hai. Zaroor unhone yeh baat chupane ke liye yeh bimari wali baat pure city mein faila di hai. Par jab City Lord Mansion mein sabhi families ki meeting ka waqt aayega tab vo yeh baat chupa nahi paayenge. City Lord tumne aur mein ne kaafi saari battles ladhi hui hai par end mei mein hi winner ban gaya.
Yeh keh kar P.Shen zor se hasne lag jaate hai.
Shital-Congratulation Big Brother. Par jo meeting sabhi families mein hone wali hai usmein ham abhi bhi participate karne wale hai ?
P.Shen-Zaroor ham usmein participate karne wale hai. Ham aisa golden moment nahi chod sakte hai.
Yeh sab P.Shen ne haste hue hi kaha tha.
Kuch der sochne ke baad Shital ne kaha.
Shital-Toh Han ka kya karna hai ?
Yeh sunkar P.Shen kuch der sochne lag gaye.
P.Shen-Usse abhi ke liye City Lord Mansion mein hi rehne do. Par hamare spies ko kaho ke usse har waqt protection dete rahe. Agar vo waha se nikal jata hai toh Snow Wind Family ke experts ko zaroor uspar shak ho jaayega aur hame aisa kuch bhi nahi hone dena hai.
Originally ab Sacred Family yahi soch rahi thi ke Han ab unke kisi bhi kaam ka nahi hai but uska talent kaafi achha tha toh usse apne paas rakhna unhe kaafi benefits de sakta tha.
Shital-Thik hai mein big brother ki baat ko hamare spies tak pohocha deti hu. Uske baad vo sabhi Han ko har pal protect karte rahenge.
Kabir abhi apne room mein tha aur cultivate kar raha tha. Uska focus kaafi strong tha aur usne yeh baat than li thi k evo har realm ke Ultimate realm ko paa kar hi rahega. Issi liye vo apne foundation ko jitna ho sake utna strong bana raha tha. Apne past life mein bhi usne kaafi high realm par apne aap ko pohochaya tha par phir bhi uski past life jaise uske liyte ek failure jaisi thi. Kabir apne past life mein har jagah bas bhagta hi rehta tha aur apni jaan ko bachate rehta tha.
Uske sabhi relatives aur friends maare gaye the. Jab usne us life mein higher realm toh paa liya par jab vo return aaya tab uske sabhi enemies waha nahi the aur jo bacha tha vo tha emptiness. Par jab uske saamne SAGE EMPEROR aaya tab vo phir se apne aap ko powerless feel karne lag gaya tha. SAGE EMPEROR ne kaafi saare experts ko uske saamne maar diya tha.
End mein Kabir khud bhi mar gaya. Par apne Divine Demon Spirit Book ke wajah se vo time phir se piche aa gaya tha.
Apne past life mein uske paas koi bhi goal nahi tha. Par ab aisa nahi tha. Ab uske paas kaafi strong goal tha.
Ab Kabir kisi bhi halat mei apni yeh life apne past life ki tarah nahi karna chahta tha. Ab vo har ek baat ke baremein kaafi carefully soch raha tha. Ab vo God Level wali technique ki practice kar raha tha. Uske paas Sacred Prime Tree ka wooden graph tha. Buddhist Emperor ka successor ban gaya tha. Ab uske paas vo sab kuch tha jisse vo SAGE EMPEROR ko maat de sakta tha. Wahi vo mysterious person jo uski har baar help bhi karta tha.
Kabir continuously Heaven and Earth qi ko absorb kar raha tha aur apne foundation ko strong kar raha tha. Kyo ki jitna zyada strong foundation hoga har realm mein break through karna utna hi easy ho jaayega.
Kabir ke body se kaafi strong aura nikal raha tha aur uske aaspas usne ek vortex bana diya tha.
Wahi uske hi courtyard mein Duan bhi Kabir ki di hui uske clan ki technique practice kar kar raha tha aur vo bhi Yellow Realm ke Final state mein pohoch gaya tha. Apne pichle cultivation ko puri tarah se absorb kar ke usne apne foundation ko kaafi strong bana diya tha aur uske break through bhi kaafi easily ho rahe the. Usne ab apne cultivation ko rok kar usse still karne ke baremein socha aur apne foundation ko aur bhi strong karne lag gaya.
Apne is cultivation ke saath Duan ab Legend Rank expert tak ko apne physical strength ke saath takkar de sakta tha.
Tabhi usse ek powerful aura sense hua. Usne Kabir ki building ki taraf dekha jaha se yeh aura nikal raha tha. Usse Kabir ek extremely mysterious person lagta tha. Although Kabir usse kaafi young tha par usse hamehsa aisa hi lagta tha ke Kabir ko kisi bhi baremein kuch bhi pata na ho aisa ho hi nahi sakta tha. Duan ke body mein Dragon blood flow kar raha tha iske wajah se uske paas kaafi strong perception ability thi. Uska dragon blood usse hamesha jaise yahi batata ke Kabir uske samajh se bhi zyada strong hai. Jab se Kabir ne usse us cold lake se bachaya hai aur usse apne clan ki long lost technique practice karne ke liye di hai tab se Duan usse apne pure dil se follow kar raha tha. Uske liye Kabir kisi SURAJ se kam nahi tha jo usse guid kar raha ho. Jab bih vo Kabir ke paas hota usse ek securing feeling aati thi. Jaise kisi strong expert ke saath hone se aati thi.
Ab sab se badi battle aane wali thi aur Kabir bhi apne preparation mein lag gaya tha. Although ab vo sabse strong tha par uske friends abhi bhi uske jitney strong nahi the aur Kabir unhe har pal protect nahi kar sakta tha. Usne apne sabhi friends ko kaafi hard-work karne ko kaha tha. Kabir is baar kisi bhi tarah se Sacred Family ko underestimate nahi karna chahta tha. After all jo family thousands of years se pass down ho rahi hai unke paas zaroor koi na koi trump cards honge.
Kabir ne pehle hi kuch cheeze prepare kar li thi is big battle ke liye.
Wahi abhi Kabir jab apni practice kar raha tha ke usse familiar aura feel hua. Yeh aur koi nahi Rati thi.
Kabir apne room se gayab ho jata hai aur directly Rati ke samne aa jata hai. Kabir ke aise directly aane se Rati halki dar jaati hai par phir apne aap ko sambhal leti hai.
Kabir Rati ko aise dekh kar halke se smile karta hai.
Kabir-Kya tumhe kisi cheez ki zaroorat hai Rati ?
Rati-Nahi bas mujhe tumhe thanks kehna hai. Tum is city ke liye itna kuch kar rahe ho isliye.
Kabir-Ab kitini baar tum mujhe thanks kahogi. Chodo is baat ko.
Kabir ne yeh kehte hue apne hata ko wave kiya.
Rati ne aaj tak Kabir jaisa person nahi dekha tha jimein ego bilkul bhi nahi tha. Usse pata tha ke agar Kabir ki jagah koi aur hota toh zaroor uska ego in sabhi baato se kitna badh jata. Par Kabir, Kabir uski life mein vo person ban kar aaya jo usne apne dreams mein bhi kabhi nahi socha tha. Jab uske father ko uske liye bilkul bhi waqt nahi tha us waqt ek Kabir hi tha jisne uske akelepan ke andhere ko apne roshni se bhar diya tha.
In sabhi baato ko sochte hue vo palat gayi aur apne room eni aa gayi.
Wahi yaha Kabir uske aise jaane se smile kar raha tha. Usse yeh toh pata nahi tha ke Rati aise kyo chali gayi par usne is baat ke baremein sochna chod diya. Vo phir se apne room mein aa gaya aur apni practice karne lag gaya.
Aise hi raat ho gayi aur jaha baith kar Kabir practice kar raha tha waha par ab moonlight shine kar rahi thi.
Tabhi uske room ka door open hota hai.
Iske wajah se Kabir apni aankhe bhi open karta hai aur apne samne Rati ko pata hai. Rati abhi apne night dress mein thi. Uska night dress kaafi simple tha par uske upar jo moonlight aa rahi thi uske wajah se vo kaafi khusbsurat dikh rahi thi.
Kabir apne samne Rati ko aise dekh kar pehle shock hua par baad mein smile karne lag gaya.
Wahi yaha Rati aise Kabir ke room mein aane se kaafi sharma gayi thi. Uska face kaafi red ho gaya tha. Iske wajah se uska face us moonlight mein aur bhi khusbsurat lag raha tha. Uske vo hairs kisi waterfall ki tarah lag rahe the. Vo kisi fairy ki tarah lag rahi thi.
Kabir-Rati tum yaha is waqt..?
Kabir apni jagah se khada ho jata hai. Kabir ke dil mein kabhi bhi Rati ke liye kisi bhi tarah se advantageous thoughts nahi the. Is liye Rati ko is halat mein apne samne dekh kar bhi uska dimag kaafi focus tha aur uski aankhe Rati ke face par hi tiki hui thi. Rati Kabir ke aise normal rehne se kaafi shock ho gayi thi. Kyo ki agar vo aisi halat mein kisi aur person ke samne jaayegi toh vo zaroor uske upar jump laga deta. Par Kabir kaafi strong minded person tha. Yeh baat aaj Rati jaan gayi thi.
Rati-kabir Maithili kaafi achhi ladki hai. par tumhara yu mere liye aise behave karna achhi baat nahi hai. Par tumne mere liye, meri family ke liye, is city ke liye jo bhi kiya hai usko mein tumhe kabhi bhi repay nahi kar sakti hu. Mein sirf apne aap ko tumhare hawale kar sakti hu.
Rati kaafi serious ho kar yeh baat keh rahi thi. Usne aage kaha.
Rati-Mein ne apne aunt se suna tha ke mens ko vo cheez sabe achhi lagti hai jisse vo kabhi bhi paa nahi sakte hai. Par agar tumne us cheez ko paa bhi liya toh kya tum usse achhe se rakh paaoge. Kyo na aaj se ham achhe friends hi bankar rahe.
Rati ne apne sir ko niche kiya hua tha aur halke se chalte hue vo Kabir ke bed par aa kar baith gayi. Vo kaafi nervous bhi lag rahi thi. Aur uski body bhi kaafi shake ho rahi thi.
Rati ko aise dekh kar aur aisi baate karte hue sunkar Kabir smile karne lagta hai. Usne apne sir ko waise hi smile karte hue hilaya. Vo is ladki ko kaise samjha sakta tha ke dil ke matters kabhi bhi aise hi nahi handle kiye jaa sakte the. Par ismein vo khud bhi toh kya kar sakta tha. Uski dikhne wali age aur uske soul ki age kisi bhi tarah se match nahi karti thi. Uska life ko dekhne ka nazariya kaafi different tha aur Rati ka different. Kabir apne age se kaafi mature tha aur Rati bhi apne age ke hisab se thik thak hi thi.
Rati Kabir ne bed par so gayi. Usse lag raha tha ke usse aise dekhne ke baad Kabir bhi uske paas aa kar so jaayega. Iske wajah se uska dil aur bhi fast beat karne lag gaya tha.
Yeh dekh kar Kabir ke dil mein gentle feelings aa gayi thi Rati ke liye. Kabir bhi halke se chalte hue uske paas aaya aur uske side mein baith gaya.
Kabir-Rati dil ke khel aise hi nahi khele jaate hai. Yeh kaafi naazuk hote hai is baat ko pehle achhe se samajh lo. Rahi baat mere tumhe paane ki toh tum mujh se kabhi dur gayi hi nahi thi toh tumhe paane ki baat hi nahi uthati hai. Wahi baat agar Maithili ki hai toh mein ne usse uska answer de diya hai aur usne vo accept bhi kar liya hai. Jaise Maithili apne thoughts ko change nahi kar paayi waise hi mein bhi tumhare liye apne in thoughts ko change nahi kar sakta hu.
Yeh keh Kabir uske window se dikhne wale moon ko dekhne lag gaya. Wahi Kabir ki itni gehri baat ko sunkar Rati usse bas dekhe hi jaa rahi thi. Uska dimag usse baar baar yahi puchta tha ke yeh hai koun par uska dil hamesha se usse yahi kehta tha ke Kabir uska sabse KARIBI hai.
Vo yeh kabhi samajh hi nahi paa rahi thi ke Kabir ke dil mei uske liye iyne deep feelings kyo hai.
Aage dono hi shant rahe. Dono hi ek dusro ki saanso ko sun sakte the. Par kuch der baad Kabir ke nikalte aura ne Rati ko shant kar diya. Ab vo apne aap ko kaafi relief aur secure feel kar rahi thi.
Kuch der baad vo ek gehri neend mein so gayi.
Wahi Kabir ne ek baar apne sir ko ghuma kar Rati ke khubsurat face ko dekha. Kabir Rati ke us khubsurat face ko dekhte hue bas yahi soch raha tha ke kaash vo aise hi Rati ke face ko dekhte hue bada ho jaaye aur uski life aise hi shaanti se bit jaaye. Par aisa ho nahi sakta tha yeh baat Kabir khud bhi janta tha.
Kuch der Rati ko aise shati se sote hue dekh kar Kabir apni jagah se uth jata hai aur paas mein rakhe sofe par so jata hai.
. 