- 5,758
- 13,139
- 189
UPDATE 18
Daudte hue Sumit uss ward mein pahuncha jaha par Raj admit tha.
Raj:- Bhaiya aap?
Sumit:- Ye le...Tere liye laaya hun.
Gusse mein Sumit ne kuch tablet Raj ko diya.
Raj:- Ye kya hai?
Sumit:- Try kar ke dekh.
Raj:- Lekin ye hai kya?
Sumit:- Poison.
Ye sunte hi Raj ne uss tablet ko fenk diya.
Raj:- Ye kya majaak...
Raj aage kuch bolta usse pehle hi.
Sumit:- Marne ka shaukh hai naa tujhe...Ye try karega to kuch hi pal mein tapak jaayega...Jyada intejaar karna nahi padega.
Raj iss baar kuch nahi bola.
Sumit:- Tu ek looser hai...Jo itni jaldi haar maan gaya...Suicide karne chala thaa na...To kar naa...Tera help hi to kar raha hu mein.
Sumit ka gussa har ek baat ke saath badhta jaa raha tha.
Sumit:- Mujhe tujhse koi humdardi nahi hai...Tujh jaise looser se to bilkul bhi nahi.
Pehle dar gaya tha tera ye haal sun kar...Abb agar mar bhi gaya to bhi mujhe koi parwaah nahi...Sach mein tujh jaise looser ka koi kaam nahi iss dharti mein...Tu chala bhi gaya to ek bojh kam ho jaayega.
Raj:- Bhaiya aap..
Sumit:- To kya tere liye roou, tujhe manaau ki aisa mat kar.
Raj chup raha.
Sumit:- Pyar mein haar gaya...Ye koi badi baat nahi hai...Lekin tu haar maan kar suicide karne chala aur saabit kar diya ki tu looser hai.
Mujhe aise looser bilkul bhi pasand nahi jinke jindagi itne sasta hai...Tera Maa Baap? Unki koi hak nahi tujh par...Itne sapne dekhe thhe unhone kya unka koi mol nahi? Itna pyar se tujhe paala, tujhe bada kiya, tera har khushi kar sapne ka khayal rakha aur tu...Tu unhe badle me ye taufa de raha hai...Sahi hai Raj.
Tere liye tera pyar hi sab kuch hai...Baaki tera self respect, tere parents, tere dost, tere sapne, tera future ka koi aukaat hi nahi.
Abb isse jyada bol nahi paaunga...Ulta mera hi mood off ho raha hai.
Itna keh kar Sumit chup ho gaya.
Ye sab kya hai Raj?
Gusse mein Kirti bhi Raj ke paas aa gayi.
Sumit:- Kirti, tum sach mein mahaan ho...Itni mahaan ki tum par ye looser apna jaan kurbaan karne chala tha.
Kirti Raj ko gusse se dekhti hai.
Raj:- Bhai...Kuch der mai bhi kuch kehna chaahta hun.
Sumit ne koi jawaab nahi diya.
Raj:- Haan sahi kaha aapne...Mai looser hun...Lekin bhaiya mai itna bhi bada looser nahi hun ki apnaa hi jaan le saku.
Ye kehte vakt Raj ki aankho mein aansu aa gaye.
Raj:- Haan kuch months pehle ye drugs kharida tha suicide karne ke liye...Lekin himmat hi nahi kar paaya...Itna bada looser nahi ban saka...Bas aise hi iss drug ko nikaal kar rakh diya.
Aur aaj kuch ghante pehle jab neend nahi aa raha tha to sone ki dawaai ki jagah galti se wo suicide wali dawaai le liya.
Kisi tarah kuch dosto ko bataya aur unhone admit karwa diya.
Abb Sumit ke chehre ka bhaaw achanak se badal gaya.
Raj:- Sach keh raha hun bhaiya...Aap ne hi dekha hoga aaj kal bahut confident hun Kirti ko manaane ke liye...Aise mein suicide kyu karunga? Jab 2 saal se iss dard ko jhel raha hun to achanak se kaise haar maan sakta hun.
Sumit iss baar bhi kuch nahi bola.
Raj:- (To Kirti) Pyar to bahut karta hun tumse...Lekin tumhara pyar itna bhi kamjor nahi bana sakaa ki apni hi jaan le paau.
Shayad kabhi yakin dilaa nahi paaunga...Lekin aise ghatiya tarike se tumhe paane ki soch bhi nahi sakta.
Kirti bhi iss baar kuch nahi boli.
Raj:- Sach kahu to abb mai thak gaya hu tumhe manaate manaate...Kabhi ummeed jagti hai to bhi ekdum se bujh jaati hai.
Aur manaane ki taakat nahi hai mujh mein...Aaj se tum free ho...Kabhi pareshaan nahi karunga.
Agar kabhi lage mera pyar saccha hai to ek aawaj dena...Paas aa jaaunga...Warna marji jindagi ki...Jaha chaahe le jaaye.
Itna keh kar Raj ne apni aankhein band kar liya kuch pal ke liye.
Fir achanak usse kuch yaad aaya.
Raj:- Bhaiya aapse kuch baat karna hai?
Sumit:- Haan bol.
Raj:- Aap Kirti se pyar kar sakte hai?
Raj ne ye kaha hi tha ki Megha bhi piche aa gayi.
Sumit:- Ye tu kya...
Raj:- Bhaiya jhuth mat boliye.
Sumit iss baar sach mein chup reh gaya.
Kirti:- Sumit...Ye sab kya hai?
Sumit:- Kisnnneee kkkaha ttujhhhe?
Sumit ki aawaj achanak se ladkhadaa gaya.
Raj apna mobile Sumit ko deta hai...Usmein ek photo tha...Jo Sumit ke Laptop ka fb chat tha...Usmein Ashish ka message tha.
Ashish:- Abe kamine...Bol Kirti ko fir se pataaya yaa nahi...Shayad wo maan gayi hogi...Itne vakt mein to pat hi jaayegi...Sumit naam ke shikaari se shikaar kab tak bach sakta hai?
Accha bhai enjoy kar...Kabhi fursat mile to yaad kar lena.
Ye sunte hi Sumit ki haath se mobile niche jameen par giraa.
Sumit:- (In his mind) Kamine Ashish...Hajaar baar mana kiya tha message aur phone mat kar...Lekin tu kabhi koi baat maanta hai kya?
Raj:- Abb aap kya kahenge? Agar aap Kirti se pyar karte hai to mera haar to tay hai...Aap ki tarah expert nahi hu jo ek baar mein naa jaane kitni bhi ladkiyo ko pataa saku.
Aur Kirti ko fir se pataane ka kya matlab?
Sumit kuch jawaab de hi nahi paa raha tha.
Kirti:- Nahi mai Sumit ko pehle nahi jaanti thi.
Raj:- Bhaiya aap to hamesha bolte rehte hai? Iss baar kya ho gaya.
Sumit ne bhi socha yahi sahi vakt hai.
Sumit:- Haan mai Kirti se pyar karta hun...Aur ussi ke liye yaha aaya hun...My love forever.
Sumit ki iss baat se sabhi ko jhatka laga...Sabse jyada Megha ko.
Kirti:- Ye kya hai Sumit? Maine to tumhe dost...
Sumit:- Mai bhi tumhe dost hi samajhta hun...Aur baat tumhari nahi hai.
Sumit ne Kirti ki aankho mein dekh kar kaha.
Raj:- Fir kiski?
Sumit:- Haan mai jisse pyar karta hun wo Kirti hai...Lekin teri wali Kirti nahi.
Megha...Tumhari dost Kirti...Jiske saath aaj mai mall mein saath tha...Wo Kirti...Aur yahi mai tumhe bataane wala tha.
Itna keh kar Sumit ki aankho mein aansu chalak aaya to Megha ki aankho se aansu ki dhaar behne laga.
Wo aur ruk nahi saki...Waha se aansu ponchte hue bhaag gayi.
Sumit:- Raj...Teri wali Kirti to fir bhi acchi hai...Aaj nahi to kal maan jaayegi.
Lekin meri Kirti...Wo nahi maanegi...Do saal se uske piche paagal hun...Lekin wo maanne ko taiyaar hi nahi.
Apna sab kuch loota diya...Sapne, Chhain, Padhaai, Career, Future aur saare rishte...Aur na jaane kya kya? Lekin wo? Usse koi fark padta hi nahi.
Itna keh kar Sumit ki bhinaankho se aansu aa gaye...Kuch hi der mein Sumit fut fut kar rone laga.
Raj:- Bhaiya sambhaliye apne aap ko.
Raj se bhi Sumit ka haalat dekha nahi jaa raha tha...Sumit jisko wo dil ka sabse majbut samajh raha tha aaj wo Sumit bhi bacchon ki tarah fut fut kar ro raha tha.
Sumit:- Jindagi baar baar mauka nahi deta...Bas Ek Bhool...Aur haalat dekho meri...Na idhar ka raha naa udhar ka.
Sahi vakt mein apna pyar pehchaana sikho...Warna kal meri tarah pachhtaane ke alawa kuch baaki nahi rahega.
Sumit ne ye baat Raj aur Kirti dono se kaha tha aur wo bhi waha se nikal gaya.
Baahar kuch dur mein ek bench mein Megha baithi thi...Jo apna munh chhupa kar roo rahi thi.
Sumit:- Tumse mujhe pyar to kabhi thaa hi nahi...Bas Kirti tak pahunchne ki ek mohra thi tum...Issi liye tumhare karib aaya taaki Kirti ke karib reh saku.
Lekin mai...Kabhi koi kaam pura nahi karta...Bich mein hi atak gaya iss baar bhi...Accha mauka tha tumse chhupaa kar Kirti ke karib rehne ki...Lekin dil iska manjuri nahi deta...Aur dhokha de nahi saka tumhe.
Megha kuch kahe bina waha se jaane lagi.
Sumit:- Mujhe kabhi maaf mat karna...Mai maafi ke laayak nahi hun.
Megha kuch jawaab diye bina hi chali gayi.
Sumit:- Sorry Megha...Jaruri tha ye sab karna...Jab saara raashta band ho gaya tha tab tum hi ek raasta najar aayi mujhe...Aur naa chaahte hue bhi tumhe dhokha dena pada...Hamesha afsosh rahega iss baat ka.
3 tarah ki baat kiya hai maine tumhaare saath...Ek pura sach...Ek aadha sach aur ek pura jhuth...Naa chaahte hue bhi kabhi kabhi jhuth aur aadha sach ka saath lena pada.
Itna keh kar Sumit chup ho gaya...Aur waapas aaj mall ki ghatna ke baare mein sochne laga jab Megha apne shopping mein busy thi.
Sumit:- Bahut khubsurat ho gayi ho Kirti tum inn 2 saal mein?
Sumit ki dil se ye aawaj nikla.
Kirti:- Kuch aap jaise log sirf chehre ki khubsurati hi dekhte hai? Nafrat hai mujhe aise logo se.
Sumit:- Dil se khubsurat ho tum...Aur tumhari yahi khubsurati aaj bhi mujh mein jindaa hai...Din raat tum hi yaad aati ho...Kuch iss tarah se tumhari iss khunsurati mere dil aur dimaag mein ghar kar gaya hai.
Bahut se khubsurat sapne hai tumhare saath mein...Tumhare har sapne ko tumhari tarah hi khubsurat banaane ki khwaahish hai.
Aaj bhi tumhare iss khubsurati par marta hun...Hamesha aise hi khubsurat rehna.
Sumit ne to baat dil se kaha tha lekin Kirti ko kuch fark nahi pada...Usne kuch jawaab nahi diya.
Sumit:- Abb to tumhe mera majaak aur sense of humor bhi pasand nahi...Kabhi vakt tha jab tum mere inhi baaton par fidaa hua karti thi...Lekin aaj? Aaj to meri ek baat ka bhi dhang se jawaab nahi diya tumne.
Kirti:- Aaj...Aaj to nafrat hai aapse...Aap aur aapki baaton se.
Sumit bas khud ko kisi tarah sambhaalne ki koshish karne laga.
Kirti:- Pehle Shruti, fir Preeti...Aur na jaane kitni ladkiyan? Aur abb Megha...Megha ko dekh aisa lag raha hai jaise wo aapse pyar karti hai...Uska to khayal rakhiye.
Nafrat bhari aawaj mein Kirti ne kaha.
Sumit:- Megha...Bahut acchi ladki hai...Uske liye khud mai sharmindaa hun...Lekin jab pyar tum se hai to kaise uske saath jhutha rishta mein khud ko baandh lu.
Kirti:- Wo aur galatfehmi mein rahe usse pehle hi mai usko sab sach bataa dungi.
Sumit:- Haan bata sakti ho...Waise bhi mai aaj hi usse bataane wala hun...Aur aatmaglaani ke saath nahi jee sakta.
Kirti iss baar kuch nahi boli.
Sumit:- Abb to maan jaao yaar...Aur kitna tadpaaogi? Itna bhi mat tadpaao ki ye jaan hi nikal jaaye.
Lekin Kirti par koi fark nahi pada.
Sumit aur bhi kayi koshish karta raha Kirti ko manaane ki...Lekin Kirti...Abb to jaise wo kasam khaa chuki thi Sumit ki ek naa sunne ki.
Fir kuch der mein Megha shopping kar ke aa gayi....Aur sab waapas chalne lage...Iss baar usse hairaani ho raha tha ki Sumit ne Kirti ke saath flirting karna ekdum se band kar diya.
Sumit khush to kaafi tha uss vakt...2 saal baad apni Kirti se jo milaa tha...Usse baatein bhi kiya...Bhale hi baat kadhwi kyu naa ho...Kirti ki aawaj kisi sangit se kam nahi tha Sumit ke liye...Abb ek ummeed bhi tha ki shayad Kirti jald hi maan jaaye.
Aur saath hi ek faisla kiya ki jald wo Megha ko sab sach bata dega...Aur dhokha dene ki haalath mein nahi tha Sumit.
Friends abb to aap sabhi ko pata chal hi gaya hoga ki first update ka ladka kaun tha? Hint pehle bhi thoda de chuka hun.
1) Sumit ne ek baar Megha ko kaha tha ki uska pehla pyar Kirti hai...Haan kuch jhuth bhi bola hai Sumit ne Megha se lekin jab Sumit ne ye baat kaha tha to usko achanak se ehsaas ho gaya aur baat ko badal diya.
2) Ek baar jab Sumit raat bhar jaaga tha tab sote hue Raj ko dekh kar kehna ki Kirti naam sunte hi usse ajeeb feel hota hai.
3) Sumit ko Megha se pyar hua hi nahi tha...Badi badi baat karke usse impress karna aur achanak se usse dur hone ki koshish karna.
4) Kirti se mall mein milte hi Sumit ka over flirting aur Kirti ka over reaction...Ye tab hi hota hai jab yaa to koi planning ho yaa fir pehle bhi mulaakat.
Kuch aisa hi chhoti chhoti hint diya tha...Abhi bhi kuch sawaal aur honge aap ke man mein jiska jawaab bhi aane wale updates mein milenge.
Abb story Sumit ke aas paas chalega story ka main theme par...Tragic Romance...Lekin Sumit ka real character ka jhalak bhi milta rahega...Sense of humor type.
Last edited:
