- 5,758
- 13,138
- 189
UPDATE 6
Hello beauty queen.
Daant dikhaate hue Sumit Megha ke paas gaya.
Sumit ko dekh Megha ka mood ek baar fir off ho gaya...Kaha Sumit ko itne dino se absent dekh wo chhain ki saans le rahi thi aur aaj bhi Sumit se dur baith wo sukoon mehsus kar rahi thi...Lekin abb.
Sumit bhi Megha ke table ke hi opposite chair me baith gaya.
Megha:- Dur raho mujhse.
Sumit:- Dur hi to hun...Pure 1 meter ki duri...Abb aur kitna dur?
Sumit ki iss baat ka Megha koi jawaab nahi deti...Sumit ko avoid karne ke liye wo mobile chalaane lagti hai...Lekin...
Sumit Megha ka mobile chheen kar off kar ke table par rakh deta hai.
Megha Sumit ko bahut gusse mein ghur rahi thi lekin Sumit...Usse kya fark padta...Bindaas ho kar bola.
Sumit:- Ye mobile hi hai sabka dushman...New generation ko tabaah karne mein koi kasar nahi chhoda hai.
Aur kisi ko tabaah karta to mujhe koi fark nahi padta? Lekin Lovers ko.
Kya din hote thhe wo jab pyar ki panchhi ek dusre ka haath apne haatho mein thaame iss khubsurat prakriti (nature) ke sair ke liye nikalte thhe...Din raat ek dusre se kabhi naa bichhadne ki kasmein khaate thhe...Alag hi shiddat hoti thi unki pyar mein.
Lekin aaj kal...Aaj kal to sirf babu sona hi chalta hai...Aur pyar pyar naa reh kar alarm clock ban chuka hai.
Good morning...Good afternoon...Good evening...Good night...Sirf time hi update karte rehte hai ek dusre se...Ye bhi koi pyar hua?
Megha:- Kisne keh diya ki hum lover hai.
Sumit:- Aaj nahi toh kal ban jaayenge...Aur kabhi kabhi mai bhavisya (future) mein bhi jee leta hun.
Megha:- Ek baat bataao...Tum mere hi piche kyu pade ho?
Sumit:- Galatfehmi hai tumhari...Mera pehla pyar Kirti thi aur tum dusri.
Ye kehte hi Sumit ko andaaza hua ki usne jaldbaazi mein kya keh diya hai...Baat sambhalne ke liye usne kaha.
Sumit:- Lekin Kirti...Lekin Raj usse pyar karta hai...Aur Raj hai bhi emotional...Uska dil todna nahi chahta hun.
Fir meri najar pada tum par...Aur tumhare sath bhi wohi hua jo Kirti ko dekh hua tha...Love at first Sight...Pehli najar ka pyar.
Aur tum bhi single hi ho...To socha kyu naa tum par try karu.
Sumit bindaas ho kar bola...Usse koi matlab nahi tha ki Megha uske baare mein kya soch rahi hai.
Megha:- Love at first sight...Kya bakwas hai...Tumhe dekhte hi mujhe nafrat sa feel hone lagta hai...Irritate hoti hun tumhe dekh...Tumhari baatein sun kar.
Sumit:- Abb tumse pyar ho gaya...Iss mein mera kya galti? Waise galti mera bhi nahi hai...Mera Hypothalamus ki hai.
Megha:- Kya matlab?
Sumit:- Jab tumhe pehli baar dekha...To mera hypothalamus se oxytocin (love hormone) bahut maatra mein nikla...Itna jyada ki tumse ishq ho gaya.
Megha:- Kuch samajh mein nahi aaya?
Sumit:- 1st year mein ho...1 mahine bhi nahi hua...To khaak samjhogi...Abhi 5 saal baaki hai...Sab samajh jaaogi...Hypothalamus bhi aur mujhe bhi
Megha:- Mujhe kuch bhi nahi samajhna.
Sumit:- Abb mera gussa bechara hypothalamus par kyu nikaal rahi ho...Agar usse nahi samjhi to exam mein fail ho jaaogi...Fir doctor kaise banogi?
Megha:- Irritate karna band karo.
Sumit:- Accha accha.
Sumit ne hanste hue kaha aur kuch hi pal mein wo sach mein chup ho gaya.
Dono ki bich ki chuppi ko Sumit ke mobile mein message ka notification ne toda.
Message check karne ke baad.
Sumit:- Accha Beauty queen...Chalta hun...Apna khayal rakhna.
Jaane ka man to nahi tha...Lekin seniors ka bulawa aaya hai...Daaru party ke liye.
Seniors bhi kamine hai...Sirf lena jaante hai...Dena nahi...Aaj party de rahe hai to ye mauka nahi chhod sakta.
Sumit jaane ke liye uthaa hi tha ki.
Megha:- Tumhe nahi lagta tum galat sangat mein jaa rahe ho.
Sumit:- Sahi raasta dikhane wali koi hai bhi to nahi.
Sumit ne muskura kar kaha aur waha se chala gaya...Ek najar Megha ki taraf dekha bhi nahi.
At Night
Bhai sambhal kar.
Sumit ko sambhaalte hue kaha Raj ne.
Sumit:- Mein thik hun.
Nashe ki haalat mein hi jawaab diya Sumit ne aur aa kar apne bed par gir gaya.
Sumit:- Majaak mat kar...Koi jarurat nahi hai iski.
Raj ko apni taraf plastic laata dekh Sumit ne kaha.
Sumit:- Aadat ho chuka hai abb...Aaram se digest kar lunga.
Fir Sumit apne bed par laita hi raha.
Raj:- Ye sab pee kar aakhir kya hota hai?
Sumit:- Majaa aata hai.
Sumit ne muskura kar jawaab diya.
Fir Raj ne bhi kuch sawaal nahi kiya...Wo apne mobile mein busy ho gaya.
Sumit bhi apne socho mein gumm tha...Apne soch mein wo teeno kaal ka sair kar raha tha.
Raj tabhi apna mobile wohi chhod baahar room se baahar chala jaata hai.
Sumit ke bhi dimaag mein na jaane kya aata hai ki wo Raj ka mobile utha leta hai.
Raj ke screen mein dekh Sumit ko hairaani hota hai...Raj ka mobile mein messenger khula tha aur Kirti ke saath chat jaha wo blocked tha.
Sumit:- (In his mind) Iska bhi kuch karna padega...Pehle Megha ke saath baat ban jaaye fir tera bhi dekhta hun.