- 5,758
- 13,139
- 189
UPDATE 9
Megha:- Thoda slow chalaao...Raasta thik nahi hai aur tum itna fast chala rahe ho?
Darte hue Megha boli.
Sumit:- Thik hi to hai...70 kmph...Isse slow chalaunga to lagega bike nahi cycle chala raha hun.
Sumit ki iss baat par Megha Sumit ko ghurti hai...Lekin kuch fark nahi padta...Sumit ki najar aage raaste par tha.
Megha:- Speed itna hai ki lag raha hai mai kisi tufaan ki sair kar rahi hun.
Abhi bhi Megha ki baaton mein dar tha.
Sumit:- Tufaan...Wo to hamesha karogi kyu ki tufaan ka dusra naam hi Sumit hai...Yaa fir yun kaho Tufaan mera karibi rishtedaar hai...Jaha jaha mai jaata hun tufaan mere saath hi aata hai.
Alag hi ghamand tha Sumit ki baaton mein.
Megha:- Lekin mujhe naa hi tumhare saath rehna hai aur naa hi tufaan ke saath...Abhi majburi hai iss liye.
Sumit:- Aise kaise? Humne saath jeene aur saath marne ki kasam khaaya hai saath mein...Uska kya?
Megha:- Abhi bhi nashe me ho tum? Mai tumse baat tak nahi karti aur tum kehte ho ki maine tumhare saath jeene marne ki kasam khaya hai.
Megha ki aawaj mein iss baar gussa tha.
Sumit:- Mai to khaa chuka hun...Bas tumhari baari ka intejaar hai.
Sumit hanste hue bola.
Megha:- Bahut hi ghatiya joke tha.
Sumit:- Kya karu tumhara jokes ka choice hi ghatiya hai...Tumhe pasand aaye iss liye ghatiya jokes sunaana padta hai.
Afsos ki tumhe mera ghatiya jokes pasand hai lekin mai nahi.
Iss baar Megha kuch nahi bolti hai aur Sumit bhi chup ho jaata hai.
Sumit:- Ek baat kahu...Gussa to nahi hogi tum?
Dono ke bich ki khaamoshi ko tod kar Sumit ne kaha.
Megha:- Pehle bataao.
Sumit:- Darogi to nahi?
Megha:- Abb bolo bhi.
Megha ki gussa bhari baatein sun Sumit muskuraata hai aur kehta hai.
Sumit:- Ye mera first experience hai...Raat mein bike chalaane ka...Aur kaafi majaa aa raha hai itna tej chalaate hue pehli baar.
Ye sunte hi...
Megha:- Bike roko.
Dar mein itna tej cheekh nikla Megha ki ki Sumit ko disc brake lagaana pada.
Megha bike se utar kar Sumit ko gusse se dekhti hai aur Sumit maasum sa shakl bana kar.
Sumit:- I am joking.
Abb Megha ka gussa itna badh gaya ki wo kuch bol hi nahi paa rahi thi.
Sumit:- Tumse jyada pyar mai khud se karta hun...Tumhare chakkar mein khud ko maar nahi sakta.
Kaafi experience hai raat mein bike chalaane ki...4-5 baar haath pair tudwa chuka hun...Abb wo mistake fir se nahi hoga...Tum nischint raho.
Sumit muskura kar bola.
Megha bike mein baith jaati hai aur bas itna hi kehti hai.
Megha:- Chalo.
Fir Sumit bike start kar deta hai.
Megha:- Wo majaak ki kya jarurat tha?
Abhi bhi Megha ki baaton mein gussa tha.
Sumit:- Bore ho raha tha to socha thoda majaa tumhara hi le lu.
Abb aise hi chup rahi to aise hi khatarnaak majaak karunga.
Sumit ki baaton mein ek warning tha...Fir bhi Megha kuch nahi bolti...Shayad wo Sumit se chhidhh gayi thi...Sumit bhi abb majaak nahi karta kyu ki usne dekh liya tha Megha bahut dar chuki thi.
Wo bas gaana gun gunaate hue bike chala raha tha ki tabhi...
Megha:- Sumit...Bike roko.
Sumit:- Abb to bike jyada tej nahi chala raha hun...Fir kyu?
Iss baar Sumit khud hi hairaan reh gaya.
Megha:- Thak gayi hun...Thodi der rest karenge...Fir chalenge.
Sumit fir bike ko ek field ke paas rok deta hai...Megha bike se utar kar field ke ek patthar par baith jaati hai...Sumit bhi uske saath baith jaata hai.
Dono ke bich ek khaamoshi tha...Sumit ko chup dekh Megha ko hairaani to ho raha tha lekin wo kuch nahi bolti...Sumit bhi Megha ko aur disturb nahi karna chaahta tha.
Kuch der aise hi baithne ke baad Sumit ko kuch mehsus hua aur wo utth kar bike ki taraf jaane laga.
Megha:- Kaha jaa rahe ho?
Lekin Sumit ne koi jawaab nahi diya...Aur bike mein apne bag se kuch nikaal kar Megha ko de diya.
Bread aur Jam dekh Megha ka saara gussa khatm ho gaya.
Sumit:- Jaanta hun bahut bhukkhad ho tum...Dekha hai college mein tumhe thus thus kar khaate hue.
Hamesha ki tarah Sumit ki hontho mein muskaan tha.
Lekin iss baar Megha Sumit ki iss baat ka buraa nahi maanti aur wo bread par toot padti hai.
Khud to khaati hai aur jabardasti Sumit ko bhi khilaati hai...Ye dekh Sumit ko kuch ajeeb sa lagta hai.
Megha:- Thank you Sumit.
Sumit:- Ye thank you kaha se aa gaya bich mein...Pyar mein no thank you no sorry.
Aur apni beauty queen ke baare mein mujhe nahi to kisse pata hoga.
Megha:- Baat to tum sahi karte ho lekin pyar ko chhod kar...Naa hi abhi mai tumse pyar karti hun aur naa hi kabhi karungi.
Kuch bhi kar lo...Lekin tumhari kismat me mai nahi hun.
Sumit:- Kismat...Sumit apna kismat khud likhta hai...Dekhti jaao...Naa chaahte hue bhi tum mujhse pyar kar baithogi.
Megha:- Itna confidence.
Sumit:- Megha ko pataa raha hun...Itna confidence to chaahiye hi.
Megha:- Dekhte hai.
Iss baar Megha bhi muskuraa kar boli.
Megha:- Abb kaha jaa rahe ho?
Sumit apna cigarette dikhaa kar.
Sumit:- Tumhe problem hoga...Iss liye.
Fir Sumit thoda dur aage jaa kar cigarette jalaata hai.
Chaandni raat tha to dono ek dusre ke najar ke saamne hi thhe...Sumit kabhi Megha ko dekhta to kabhi apne cigarette ko...Aaj chaand ki iss roshni mein Megha kaafi khubsurat lag rahi thi...Sach mein Sumit ki beauty queen hi thi wo.
Sumit do pal Megha ko dekh lene ke baad apna najar Megha se khud hata leta.
Megha Sumit se jyada Sumit ke cigarette ko dekhti hai.
Ek...Do...Teen...Chaar...Paanch...Paanch cigarette funk chuka tha Sumit...Aur bhi funkta Sumit lekin bich mein Megha aa gayi.
Megha:- Aur kitna smokr karoge?
Sumit:- Chaar hi to hua hai...Kam se kam 10...Warna relaxed nahi hota.
Megha:- Chaar nahi Paanch.
Sumit:- Abb itna kaun yaad rakhta hai?
Megha:- Kya ye smoking tum chhod nahi sakte?
Sumit:- Nope.
Megha:- Mere kehne par bhi nahi.
Iss baar Megha ne pyar se kaha.
Sumit:- Kuch baatein aisi hai ki apne marji se bhi nahi chhod sakta.
Dusri Taraf
Akash:- Yaar Raj...Tere liye Kirti ko manaane gaya tha...Lekin wo to mujhse bhi baat nahi karti.
Manish:- Same here...Mere saath bhi wohi hua...Wo sach mein bahut nafrat karti hai tujhse.
Itna nafrat ki hum tere dost hai iss vajah se hum se bhi baat nahi karti.
Akash:- Abb to Sumit bhaiya hi kuch kar sakte hai...Sirf unka dosti hai Kirti se...Aur kisi ka nahi.
Raj:- Mujhe bhi yahi lagta hai.
Bas ek baar Kirti mujhse baat karti...Maj khud mana leta usse kisi haal mein.
Lekin wo mujhe ek mauka bhi nahi de rahi hai...Har ek raasta band kar rahi hai jisse ho kar mai uske paas jaa sakta tha.
Kaash ek mauka milta...Usse samjhaane ka...Apni baatein kehne ka...Usse manaane ka...Sirf ek mauka.
Hamesha ki tarah Raj ki baaton mein dard tha...Dard apni asafalta ka.
Sumit:- Accha to abb tum jaao...Mai chalta hun.
Megha ko uske ghar ke paas chhod kar Sumit ne kaha.
Megha:- Kaha jaa rahe ho?
Sumit:- Waapas hostel.
Megha:- Sach mein paagal ho tum...Raat ke 1 baj raha hai...Aur tum waapas jaaoge itni raat ko.
Kam se Kam 2 din rukna padega...Wo kehte hai naa "Atithi Devo Bhawa."
Sumit:- (With Smile) Waah...Itna sanskaar...Kahi aur pyar naa ho jaaye.
Waise 2 din kya 2 janm bhi kaafi nahi hai...Tumhaare saath rehne ke liye.
Lekin kya tumhare ghar wale manenge?
Megha:- Gaanw hai iska matlab ye nahi ki har insaan hadd se jyada puraane khayalat ke honge...Haan thoda bahut puraane khayal to hai lekin Papa samajhdaar bhi hai.
Tumne mera help kiya hai ye jaan kar wo bahut khush honge...Baaki tum Papa se baat kar ke unhe jaan lo.
Sumit:- Abhi jaan gaya kitna mahaan hai wo...Apni beti ka haath mere haath mein 2 janm ke liye de diya...Aise sasur milna mera khush kismati hai.
Megha:- 2 janm nahi...2 din...Ghar mein rehne ke liye.
Sumit:- Mai soch raha tha 2 janm ke liye.
Megha:- Kismat ki baat hai...Tum kismat likh sakte ho naa...Fir likh lo.
Megha muskura kar boli aur aage badh gayi.
Sumit:- (In his mind) Kaash kismat likhna apni bas ki baat hoti.