- 5,758
- 13,138
- 189
UPDATE 1
Ek ladka jo abhi taiyar ho kar kahi baahar nikalne hi wala tha ki piche se aa rahi aawaj sun kar ruk jaata hai.
Kaha jaa rahe ho bhaiya aise saj dhaj ke?
Wo ladka piche apni behan ki taraf ghuma...Aur muskuraate hue bola...Guess kar!!!
Shayad kisi party mein jaa rahe hai aap.
Ladka apna sir par haath maar kar..."Sirf party me jaate vakt suit nahi pehenta hun."
To kya aap abb awara gardi karte vakt bhi suit pehenne lage.
Are nahi.
To fir?
Teri bhabhi ko propose karne jaa raha hun.
Ladka daant dikhaa kar bola.
Papa ko batati hun...Rukiye abhi.
Darta hun kya?
Ladka bhi shaan se bola.
Papa...Papa.
Apni behan ki aawaj aur tej hota dekh...
Ruk jaa meri Maa...Marwayegi kya?
Ladka ka haalat ekdam se bheegi billi jaisa ho gaya...Uski behan bhi abb usse dekh hanse jaa rahi thi.
All the best bhaiya!!!
Thank you
Fir wo ladka chala gaya apne manjil ki taraf...Yani ki apne pyar ka ijahar karne.
Hi Kirti.
Ek park me pahunchte hi ladke ne muskura kar kaha.
Kirti:- Kyu bulaya yaha mujhe?
Kirti ki jawaab me koi bhaaw nahi tha.
Ladka:- Kuch baat bataana tha...Bahut khaas.
Kirti:- Boliye jaldi.
Ladka abb bina koi der kiye pocket se ek rose nikal kar Kirti ki taraf badha deta hai.
Ladka:- Khud se aur jhuth bol nahi saka...Naa chaahte hue bhi tumse aakhir pyar kar hi baitha...Tumhare pyar ka asar aisa hai ki subah shaam tum hi dikhti ho...Har vakt tumhe hi dil me rakhne ka man karta hai...Tumhari ek jhalak paane ke liye dil taras jaata hai...Tumhe dekh lene ke baad hi sukoon milta hai iss dil ko.
Dil me to tum pehle se hi ho...Mera abb ek hi khwahish hai ki tumhe apne palko par bitha kar rakhu...Hamesha hamesha ke liye.
Kya mujhe jindagi bhar ke liye tumhara saath milega?
Ladka ki aawaj me pyar hi pyar tha apne Kirti ke liye...Saath hi ek ghabraahat bhi.
Kirti wo rose leti hai aur Ladka ke ummeed ke ulta uss rose ko apne sandal se kuchal deti hai.
Ladka:- Ye tum?
Kirti:- Shruti ko jaante hai aap?
Ladka:- Haan.
Ladka ne darte hue kaha...Dar iss baat ka tha ki kahi Kirti kuch galat naa samajh le.
Kirti:- Aur Preeti.
Ladka:- Haan...Lekin tum.
Kirti:- Aur Kirti.
Ladka:- Haan...Tum.
Kirti:- Abb Shruti aur Preeti ke baad mera turn hai naa?
Kirti gusse me dard ke saath boli.
Ladka:- Nahi...Tum galat samajh rahi ho.
Kirti:- Aap Jan 6 ki raat Shruti ke saath kaha thhe?
Ladka kuch bol nahi paaya.
Kirti:- Jan 8 ki raat Preeti ke saath?
Ladka kuch bolta usse pehle.
Kirti:- Fir bhi mai galat hi samajh rahi hun naa? Itna bewkuf samajh rahe hai aap mujhe?
Ladka kuch bol nahi paa raha tha...Usse samajh me hi nahi aa raha tha ki kaise Kirti ko samjhaye.
Kitti:- Bahut pyar karti thi aapse!!!Lekin aap...Aapne to mera dil hi tod diya.
Jab maine aapko propose kiya aur aapne mana kar diya fir bhi mai aapke piche padi rahi...Ye soch kar ki kabhi to aapka dil mere liye dhadkega...Aapko bhi mujhse pyar ho jaayega.
Aaj dhadka to bhi ek hawas ke roop mein!!!
Aapke baare me sab galat bolte thhe...Lekin mai nahi maanti thi...Hamesha aap mein acchayi hi dikhta tha...Pyar karti thi naa...Pyar andha hota hai...Shayad issi vajah se andhi ho gayi thi.
Aap sach mein badal gaye...Itna badal gaye ki aap abb mujhe bhi hawas ki najar se dekhne lage.
Maaf kijiye...Mai aapki type ki nahi.
Kirti rote hue boli...Dil ka dard abb aankho se baahar aa raha tha uski.
Ladka:- Mai tumhe samjha sakta hun...Please meri baat dhyan se sunna.
Kirti:- Nahi sunna mujhe aapki koi baat...Aap ek dhokhebaaz hai.
Itna keh kar Kirti wo rose uss Ladke ki munh par maar kar chali jaati hai.
Ladka:- Please meri baat suno.
Ladka bhi Kirti ke piche chal pada...Ek baar Kirti ki kandhe par haath rakh kar usse bulaane ki koshish kiya to.
Kirti:- Chhunaa mat mujhe.
Kirti ki aawaj itna tej tha ki wo Ladka bhi dar gaya...Abb Kirti ke gussa aur nafrat ke saamne wo tik nahi paaya.
Bas Kirti ko apni jindagi se dur jaata dekh rone laga...Aaj bahut majbur tha wo...Aankh itna bhar aaya ki saamne kuch dikhayi bhi nahi de raha tha.
Sirf kaano me kuch sunaai de raha th "Aap dhokhebaaz hai...Hawas ke pujaari hai."...Bas yahi baat usko baar baar sunaai de raha tha.
Jab dil ka dard sambhal nahi paaya to wo ussi jagah par gir gaya laachar aur majbur ho kar.
Saare armaan saare sapne ek hi pal me tut gaye...Aaj fir pyar me wo haar gaya...Na jaane jindagi ke aur kitne imtehaan dena baaki thaa usse.
Yaar ek tum hi to ho...Jo mujh par bharosha karti thi...Pyar karti thi...Pyar karna tumse hi sikha hai...Aur aaj jab tum se pyar ho gaya to tum mujhe chhod kar jaa rahi ho...Nahi maine tumhe koi dhokha nahi diya hai...Aur hawas nahi saccha pyar karta hun tumse.
Tumhare bina jee nahi paaunga...Wapas aa jaao yaar...Hamesha tumhe apne dil me bitha kar rakhunga.
Ek mauka to do mujhe apni baat kehne kaa...Mera pyar ka ehsaas karaane ka...Please...Only one chance.
2 Years Later