- 5,758
- 13,139
- 189
UPDATE 4
Kya baat hai ladke? Aaj kal tujhe bhi ishq wali bimari ho gaya hai...Kya kehte hai wo diagnosis...Haan Loveria.
Hanste hue pucha Sumit ne.
Raj:- Chhodiye naa bhai uss baat ko.
Naa khus aawaj mein Raj ne kaha.
Sumit:- Aise kaise chhod dun...Pyar hua hai mere bhai ko...Majaak thodi naa hai...Chal tera naiya paar laga deta hun.
Raj:- Wo nahi maanegi.
Raj ka dil ka dard jubaan par aa hi gaya.
Sumit:- Kya ladkiyon ki tarah ro raha hai? Do minute mein bol daal saari kahani fir dekhta hun.
Fir Raj apna saari kahani Sumit ko suna deta hai.
Sumit:- Aisi chutiyapa karega to ummeed kar bhi kaise sakta hai.
Kya lagta hai tujhe...Kirti aa kar tujhe bolegi.
"I love you Raj, Tum chaahe kuch bhi karo...Mai hamesha tumse pyar karti rahungi."
Ye expect kar raha hai.
Sumit kaafi gusse mein bola...Jab apna bhadaas nikala to khud sochne laga, "Itna gussa to wo pehle kabhi hua hi nahi...To fir aaj iss chhoti baat par."
Fir apne man mein khud ko kaha.
Sumit:- "Kirti"
Itna sochne he baad kuch pal Sumit
Raj ko dekhne laga.
Sumit:- (In his mind) Mujhe nahi lagta itni jald tum maaf kar paaogi...Kuch to karna padega.
Raj:- Maanta hun bhaiya...Bahut badi bhool hui hai...Lekin kya ek mauka bhi nahi milega? Kirti bhale hi mujhe maaf naa kare lekin koi sajaa to de...Bhugatne ke liye taiyar hun...Lekin wo baat bhi nahi karti.
Raj ki dard aur bhi badhta jaa raha tha.
Sumit:- Bharosha rakh...Sab kuch thik ho jaayega.
Sumit bhi abb apne andaaj se ulta gambhir aawaj mein bola.
Raj:- Kis par bharosha karu? Khud par...Hajaar koshish kar chuka hun...Lekin kuch nahi kar paa raha hun...Kabhi kabhi to lagta hai duniya ka sabse bada looser mai hi hun...Kuch nahi kar paa raha hun.
Aur kis par...Kirti par...Abb to himmat tutne laga hai...Abb mai bhi maanne par majbur ho gaya hun ki Kirti mujhe kabhi maaf nahi karegi.
Aur kis par? Uparwala par...Wo kabhi mere nahi sunenge...Galti hi mera hai...Shayad unhe bhi lagta hai ki mera galti maafi laayak nahi hai.
Raj ki laachari uski baaton se jhalak raha tha.
Sumit:- Bharosha rakh Raj.
Abb Sumit ki aawaj mein bhi badlaaw aa raha tha.
Raj:- Keh diya naa bhagwan bhi saath nahi hai to kaise kuch thik ho jaayega wo bhi bharosha rakhne se.
Sumit:- Tu bahut dur ki soch raha hai...Bhagwan ko itni chhoti baat par kaun pukarta hai? Aisi chhoti baaton ke liye mai hoon naa.
Sumit ne confidence ke saath kaha...Uski baat sun kar Raj bhi hairan reh gaya.
Raj:- Ye chhoti baat hai...
Sumit:- Haan mere liye.
Sumit ki iss andaaz par Raj ko kabhi gussa aa raha tha to kabhi hairaani.
Raj:- Aap mera majaak udaa rahe hai?
Sumit:- Nahi...Tum dono ke pyar ko aasmaan ke sair karane ke liye udaa raha hun.
Raj:- Aapki baatein mere samajh se bahar hai.
Sumit:- Tu befikr reh...Jald hi tum dono ko milaa dunga.
Raj:- Lekin kaise?
Sumit:- Meri baatein tere samajh me nahi aata to kaam karne kaa tarika kya khaak samjhega?
Itna keh kar Sumit apna headphone mobile mein laga kar apne kaan mein set karta hai.
Raj ko kuch der se khud ki taraf ghurta dekh...
Sumit:- Keh diya naa...Jald tu single se mingle ho jaayega.
Raj ko vishwash to nahi tha lekin kahi naa kahi vishwash karne ka dil bhi kar raha tha...Kyuki samne Sumit tha...Unpredictalbe and Unimaginable.
Raj:- Lekin kab?
Sumit:- Bahut jald lekin pehle apna to jugaad kar lu.
Iss baar Sumit ki hontho mein muskaan tha...Ek anokhi muskaan...Jo Raj ke samajh se baahar tha.
Hello Beauty queen!!!
Daant dikha kar Sumit ne uss ladki ko kaha.
Sumit ki aawaj aur baatein samajh kar wo ladki apne side mein Sumit ko dekhti hai...Hairani aur gusse se.
Ladki:- Tum?
Sumit:- Haan my beauty queen...Sumit...SFS...Full form to pata hi hoga.
Ladki:- Lekin tum yaha kaise?
Sumit:- Yaha seat khali ho gaya to aa gaya...Socha tumhe company de du...My beauty queen.
Ladki:- Ye beauty queen beauty queen kya laga rakha hai mera naam....
Sumit:- Megha.
Megha:- Tum...
Sumit:- Chaunk sakti ho...Lekin munh itna bhi mat kholo ki macchar ghus jaaye.
Megha iss baar kuch nahi kehti...Gusse mein wo kuch bolne ki haalat mein nahi thi.
Sumit:- Class ke har bewkoof ka naam pata hai...To fir tumhara naam kaise bhul sakta hun...Wo bhi apni beauty queen ka.
Megha:- Tum mujhe baar baar beauty queen kehna band karo.
Sumit:- Khud se kaise jhuth bol sakta hun...Tum itni khubsurat ho ki tumhe ugly queen kehne ka dil nahi kar raha hai.
Megha abb waha se utth kar jaane lagti hai...Lekin usse nirasha hi haath lagta hai...Aas paas ke sabhi seat pack tha.
Majburan usse wohi baithna padta hai...Ek najar wo Sumit ko dekhti hai jiske hontho me muskaan tha...Wohi anokhi muskaan.
Ye dekh Megha apna munh gusse se dusri taraf kar leti hai aur sochne lagti hai.
"Kitna ghatiya hai ye ladka? Agli baar kuch bola to pakka munh noch lungi iska."
