- 5,758
- 13,139
- 189
UPDATE 14
Kaisa laga naashta?
Dhaaba mein naashta karne ke baad Megha ne Sumit se pucha.
Sumit:- Mast.
Megha:- Ye humare gaanw ka sabse famous dhaaba hai...Aas paas ke 5 gaanw mein bhi khub naam chala hai iss dhaaba ka.
Sumit:- Itna accha naashta milta hai to naam to chalega hi.
Megha Sumit ki iss taarif par muskuraati hai aur.
Megha:- Aur tumhare 5 star hotel ke comparison mein?
Sumit:- Compare kaise kar sakta hun jab mai aaj tak 5 star hotel mein gaya hi nahi.
Megha Sumit ko hairaani se dekhti hai.
Megha:- Lekin kyu?
Kuch sochte hue,
Sumit:- Bas aise hi.
Fir Sumit kuch sochte hue.
Sumit:- Mai notice kar raha hun ki tum mujhe pura ka pura sehar wasi sochti ho?
Megha:- (Hairaani se) Abb ye mat kehna ki ye jhuth hai.
Sumit:- Sach hai lekin kuch hadd tak...Bhale hi abb sehar mein shift ho chuke hai hum log...Bachpan mera gaanw mein hi gujra abhi bhi Dada aur Chacha apne pariwar ke saath wohi rehte hai to gaanw jaana aana laga rehta hai.
Megha:- Yakin nahi hota...Tumhara style, bolne ki tarika aur baaki ke har cheej alag hai.
Sumit:- Vakt...Sab vakt ka khel hai madam...Baad mein samajh jaaogi.
Waise ek cheej match kar raha hai jo tum notice nahi kar rahi ho.
Megha:- Wo kya?
Sumit:- Kuch ajeeb sa smell nahi aa raha hai tumhe?
Wahi shaitaani muskaan ke saath Sumit ne kaha.
Megha:- Matlab ki...Tum se...Mai aas paas dekh rahi thi...Iss badhbu ki vajah ko...Aur iss vajah se tum thoda dur baith rahe thhe.
Hairaani mein Megha se kuch bola bhi nahi jaa raha tha.
Sumit:- Yes my beauty queen...I am drunk.
Gaanw mein aaya hu aur local naa piyu ye kaise ho sakta hai...Aaj pura ka pura bottle local sharaab ka chaddha chuka hun.
Sumit ne haste hue kaha aur Megha usse gusse se ghurti rahi.
Sumit:- Aur jaanti ho wo bhi free mein...Aur ye gaanw wala hi kar sakta hai...Gaanw mein aake wo bhi apni baato se gaanw walo ko mana kar free mein peena ye gaanw wala hi kar sakta hai.
Baato ke saath Sumit ka hansi aur bhi gehra ho raha tha.
Megha:- Hadd hai.
Itna keh kar Megha paise dene chali jaati hai.
Sumit:- Ruko beauty queen...Mai pay karunga.
Megha:- Nahi...Tum mere gaanw mein ho...Aur yaha pay karna mera farz hai...Wo kehte hai naa Athithi Devo bhawa.
Fir Megha pay kar deti hai aur dono dhaaba se baahar aa jaate hai.
Megha:- Abb ye munh kyu latka liya tumne?
Sumit:- Pehli baar dating aaye thhe aur mai pay nahi kar paaya.
Megha:- Kisne keh diya ye dating hai? Tumhara expectation kuch jyada hi badh raha hai.
Sumit:- Kya karu? Dil hai ki maanta nahi.
Megha:- To fir apne dil par kaabu rakho.
Sumit:- Dil par kaabu dimaag ka rehta hai...Lekin tumhe dekhne ke baad mera dimaag ka fuse hi udd gaya hai...Aur dil bekaabu hota jaa raha hai.
Megha:- Baatein bahut karte ho!!!
Sumit:- Pyar usse bhi jyada.
Megha:- Accha chhodo ye baatein? Tumhara complaint hai naa ki tum yaha pay nahi kar paaye...Koi baat nahi sehar mein mujhe 5 star hotel mein khila dena.
Sumit:- Naa naa naa...Kuch aisi cheej maango jo mere aukaat ki ho.
Megha:- Kya matlab?
Sumit:- Ye garib tumhara itna kharch nahi utha paayega.
Megha:- Garib?
Sumit:- Aur nahi to kya? Aise log ko kya kahogi jiske paas dawaa daru ka intejaam karne ka bhi paisa naa ho.
Megha:- Dawaa Daru? Kya bole jaa rahe ho? Kuch samajh mein nahi aa raha hai...Shayad tumhe chaddh gaya hai.
Sumit:- I mean Cigarette aur Daaru...Papa bhi itna strict hai ki jarurat ke hisaab se paise bhejte hai ye soch kar ki ladka bigad na jaaye...Lekin unhe kya pata ladka already bigad gaya hai.
Wo to kisi tarah naashte ki paisa bacha kar aur hostel mein udhaar le kar kaam chala raha hun.
Agar tumhe bhi nasha karna hai to bolo...Unlimited store hai mere paas.
Sumit ne daant dikha kar kaha.
Megha bas usse ghurti rahi lekin kuch nahi boli.
Sumit:- Agar tumne mujhe apna bf bana liya to bhi jyada kuch expect mat karna ki tumhe mai daily shopping karaunga aur bade bade hotel mein dinner ke liye le jaaunga.
Megha:- Tab to mujhe ek reason aur mil gaya tumhe reject karne ki.
Megha ne majaak mein kaha.
Sumit:- Ye bhi sahi hai...Sabka apna apna expectation hota hai...Kisi ko paisa pasand hai to kisi ko looks...Kisi ko style to kisi ko sense of humor...Lekin bahut kam hote hai jinko saccha pyar pasand aata hai.
Sumit ne kuch sochte hue kaha...Lekin agle hi pal wo apne khayal se baahar aa gaya.
Megha:- Oh hello...Mai majaak kar rahi thi...Tumhara pyar ko apnaya nahi hai iska matlab ye nahi ki tumhari kamiyon ki vajah se...Bas jaldbaazi mein faisla nahi karna chaahti hun.
Megha ne gusse mein kaha aur fir dono bina kuch bole ghar ki taraf chalte hai.
Ghar ke paas pahunch kar.
Megha:- Ruko...Abhi nahi.
Sumit:- Kyu?
Megha:- Tum abhi full nashe mein ho...Ghar mein pata chal gaya to?
Thoda dar ke saath Megha boli.
Sumit:- Kuch nahi hoga...Ghar mein Papa ko kayi baar bewkoof bana chuka hun iss maamle mein to Sasur ji kya cheej hai? Aadat hai mujhe.
Itna keh kar Sumit Megha ki jawaab sune bina ghar mein chala jaata hai.
Knock...Knock...
Kuch der mein Raj ne gate khola aur saamne khade shakhs ko dekh sir jhuka liya.
Abe dar mat...Jindagi bhar ragging nahi lunga...Wo bas suruwaat mein.
Ye kehne wala shakhs tha Ramesh...Raj aur Sumit ka senior.
Raj:- Bhaiya kuch kaam tha?
Ramesh:- Sumit abhi bhi nahi aaya hai kya?
Raj:- Nahi...1 week baad aayenge.
Ramesh:- Chal thik hai...Aaj dawaa daru ka program tha...Issi liye Sumit ko bulaane aaya tha.
Raj:- Jab wo aayenge tab bata dunga unhe.
Ramesh:- Accha thik hai.
Fir wo jaane hi wala tha ki usse kuch yaad aata hai aur..
Ramesh:- Raj, Sumit ka khayal rakhna!
Iss baar Ramesh kaafi serious tha.
Raj:- Unka kya khayal rakhu...Wo hi mera khayal rakhte hai...Personality se aisa lagta nahi ki unhe kabhi kisi ki jarurat bhi pade.
Ramesh:- Jarurat to sabhi ko padta hai kisi naa kisi ka...Chaahe wo kitna bhi majbut insaan kyu naa ho? Aur utna bhi majbut nahi hai jitna tu sochta hai.
Raj:- Matlab unka personality fake hai.
Ramesh:- Nahi wo real hai...Jaise wo baat karta hai aur jis style mein rehta hai wo real hai lekin abhi haalath alag hai.
Raj ko kuch samajh mein nahi aa raha tha...Ek pal mein hi uska Sumit ke baare mein khayal badal gaya.
Raj:- Thoda detail mein samjhaiye naa?
Ramesh:- Nahi...Sumit ne mana kiya hai.
Mai to tujhe ye bhi nahi bataata lekin Sumit ko dekh mujhe khud dar lagne laga hai issi liye tujhe usse sambhaalne ke liye kehna pad raha hai.
Abb ye tera responsibility hai Sumit ka khayal rakhna ek room mate aur bhai ke rishte se...Kabhi hadd se jyada nasha karne mat dena?
Itna keh kar Ramesh waha se chala gaya...Aur saath mein chhod gaya Raj ko alag hi confusion mein.
Next Day
Accha beauty queen...Chalta hun...Bahut yaad aaogi.
Iss baar Sumit serious ho kar bola.
Megha:- Baat to aise kar rahe ho jaise bahut vakt ke liye dur ho rahe hai...1 hafte baad college mein milenge hi...Aur tab tak phone.
Sumit:- Ghar jaa raha hu 1 hafte ke liye...To Papa aur Maa ke saamne tumse baat nahi kar sakta...Aur college ka bhi sure nahi hun...Agar bunk kiya to kab tak karunga ye mujhe khud pata nahi.
Megha:- To iss gham mein tumhara chehra latka hai?
Sumit:- Nahi...Dusra jail jaane ki gham mein.
Megha:- Jail?
Sumit:- Haan jail hi to hai...Iss jail se dusri jail...Yaha smoking aur alcohol kam ho gaya tha waha jaa kar to aur bhi kam ho jaayega.
Megha:- Tumhe nahi lagta tum addict ho chuke ho?
Sumit:- Shayad...Lekin mai kuch nahi kar sakta.
Abb Sumit ki baat sun Megha sach mein dar gayi.
Megha:- Agar mai tumhara saath du to?
Sumit:- Tab to mere jaan mein jaan aa jaayega.
Lekin jaldbaazi mein koi faisla mat lo...Aur sympathy to bilkul bhi nahi.
Megha chup rahi.
Sumit:- Waise mujhe lagta hai tum bhi mujhse pyar karne lagi ho?
Lekin itna bhi mat karo ki kabhi bhula naa sako.
Megha:- Abb tum ye kya bol rahe ho?
Sumit:- Hai kuch majburiyan...Haalaath bhi sahi nahi hai ki tumse vaada kar saku ki mai hamesha tumhara saath dunga aur tumhara ban kar rahunga.
Wo to tumhare pyar mein khud par kaaabu rakhke tumhe hansaata rehta hun...Tumhe khush karne ka koshish karta hu...Lekin...Sacchaayi kuch aur hi hai.
Megha:- Bahut baar sun chuki hun tumhaare haalaath ke baare mein...Abb bataaoge bhi?
Iss baar Megha ne bhi gusse mein kaha.
Sumit:- Pehle bhi keh chuka hun...Vakt se pehle aur kismat se jyada kuch nahi milta...Aur abhi sahi vakt nahi aaya hai...Lekin bahut jald bataunga...Pehle college aao aur fir uske baad.
Sumit ne bhi faisla kar liya ki jald hi wo apna raaj Megha ko batayega.
Fir Sumit waha se chala jaata hai...Megha piche se usse jaate dekhti rahi...Rok bhi nahi sakti thi...Aur jaate hue dekh bhi nahi paa rahi thi...Wo tab tak Sumit ko dekhti rahi jab tak Sumit uski najron se ojhal naa ho gaya.
Ummeed to tha ki Sumit ek do baar picche mud kar jarur dekhega...Lekin afsos...Wo apne hi raftaar se waha se nikal gaya...Aur Megha bhi udaas man ke saath apne ghar waapas aa gayi.
Last edited:
