• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Ek Bhool 2 (Completed)

Champ_AK_81

Champ_AK_81

Well-Known Member
5,758
13,139
189
UPDATE 13​

Thanks...Thanks Kirti...Thanks a lot.

Raj ka khushi ka koi thikaana hi nahi tha.

Dono aaj library ke paas mile thhe...Dono hostel mein hi rehte thhe aur yahi jagah dono ke liye sabse paas tha.

Kirti ek najar Raj ko dekhti hai lekin fir munh ghuma leti hai...Raj ko ye bura to lagta hai...Lekin ye aadat ho gaya tha usse.

Raj:- Aaj tumne pehli baar mujhe bulaya? Koi khaas baat?

Raj ki excitement mein koi kami nahi aaya...Uske liye yahi kaafi tha ki Kirti ne usse bulaya hai baat karne ke liye.

Kirti:- Sumit ne kaha tha ek baar tumse baat kar lu?

Kirti ki iss baat se Raj khushi ke saath hairaan bhi ho gaya...Aakhir Sumit bhaiya ne apna vaada pura kar hi diya...Ek mauka mil hi gaya usse...Lekin hairaani bhi hua ki kaise itni jald Sumit bhaiya ne Kirti ko manaya.

Raj:- Mujhe bharosha tha Sumit bhaiya par.

Kirti:- Lekin mujhe bharosha nahi hai tum par...Aur naa hi kabhi hoga.

Raj:- Ye tum? Kya...

Raj apni baat puri karta usse pehle hi.

Kirti:- Sumit ki baar baar jidd karne par mujhe aana hi pada...Wo keh raha tha ki tum mujhe abhi bhi pyar karte ho...Hum dono ko saath baith kar ek baar fir se ek dusre ko samajhna chahiye.

Sumit bahut hi accha ladka hai aur bahut accha dost bhi...Iss vajah se mujhe aana pada...Warna tumhara asliyat mujhse chhupa nahi hai.


Fir ye wohi baatein...Aur ek baar fir Raj ki ummeed par paani fir gaya.

Raj:- Please...Ek baar samajhne ki koshish to karo...Tum jaisa soch rahi ho...

Raj ko majburan apna baat bich mein rokna pada...Jab usne dekha ki Kirti uski baat par interest nahi dikha rahi hai.

Raj ek baar fir thak haar kar waha se jaane laga...Kirti ek baar bhi samajhna nahi chaahti thi usse.

Tabhi uske dimaag mein kuch aaya.

Raj:- Sumit bhaiya acche hai...Aisa tumhe kyu laga?

Itne vakt se Sumit ko jaanne ke baad Raj abhi bhi Sumit ko samajh nahi paaya tha...Aur Kirti Sumit ko itni jald samajh gayi, ye Raj ko ajeeb lag raha tha.

Kirti:- Kyu ki har ladka tumhari tarah ghatiya nahi hota...Ye dekho.

Itna keh kar Kirti apna mobile Raj ko deti hai...Wo facebook ka chat tha...Aur chatting ka pehle line padte hi Raj ka dil toot gaya...Aankhon se aansu iss baar wo rok nahi paaya.

"I love you."

Haan yahi message tha jo Raj apni aankho par vishwash nahi kar paa raha tha.

Aansu se bhari aankhein utha kar usne Kirti ko dekha aur fir haara hua aawaj mein pucha.

Raj:- Tum Sumit bhaiya se pyar karte ho?

Puchne se pehle hi Raj ko jawaab pata tha.

Kirti:- Bas yahi soch sakte ho tum...Tumhari baaton se hi tumhara soch saaf jhalak raha hai.

Aage ki message padho.

Fir Raj scroll karke Sumit ka reply padhta hai...Jisme likha tha.

"You must be joking...Aur agar sach bhi hai to I am sorry...Mai Megha ko chaahta hun aur usse pyar karta hun...Aur kisi ke baare mein soch nahi sakta...Tum sirf meri dost ho isse jyada kuch nahi.

Aur agar ho sake to Raj ka dil mat todna...Bahut pyar karta hai wo tumse abhi bhi...Agar maaf kar sakti ho to maaf kar dena usko."

Ye message padhne ke baad Raj ke dil mein Sumit ke liye izzat to bahut badh gaya lekin uska dil ka dard waisa hi tha ye jaanne ke baad ki Kirti abb Sumit bhaiya ko chaahne lagi hai...Bhale hi ye one-sided love tha.

Lekin jab usne aage aur scroll kiya to wo aur bhi hairaan reh gaya...Iss baar mesaage Kirti ka tha.

"Sorry Sumit...Wo message maine nahi Aasha ne likha tha...Ek ghatiya mesaage tha wo...Jab usne hume saath baat karte dekha tha to bas mujhse majaak karne ke liye mere mobile se tumhe message kar diya jab mai room mein nahi thi...Abhi pata chala mujhe ye baat.

Tum aur Megha sach mein bahut cute lagte ho ek dusre ke saath...Tum dono ki jodi hamesha aisa hi bane rahe. :)

Aur jaha tak Raj ko maaf karne ki baat hai shayad hi wo mai kar paau. :mad:"



Ye message padhte hi Raj ka udaas chehra mein fir waapas muskaan laut aaya...Dil se ek aawaj aaya.

" Abhi bhi sab thik hai...Aur jald sab kuch thik karna hoga."

Fir muskuraate hue usne Kirti ko dekha.

Kirti:- Tumhari tarah nahi hun mai...Jo har badalte din ke saath pyar bhi badal le...Kisi se pyar nahi karti hun mai aur naa hi kabhi karungi...Tumne aisa sabak sikhaya hai mujhe ki pyar shabd se hi nafrat ho gaya hai.

Itna keh kar Kirti Raj se apna mobile chheen gusse mein waha se chali gayi.

Raj ko apna ye beizzati bhi pyara lag raha tha...Ek Heart Attack hote hote bacha tha wo...Abhi bhi Kirti ke dil mein Raj ke liye feeling tha bhale hi nafrat ka...Yahi kaafi tha Raj ke liye...Abb uska haushla bhi kaafi badh gaya Kirti ko kisi bhi tarah manaane ki.

Wo bas Kirti ko piche se dekhta raha hontho me muskaan ke saath jab tak ki Kirti uski najro se ojhal naa ho gayi.




Kya baat hai Sumit SFS? Papa ko bhi impress kar diya tumne to?

Chaandni raat mein Megha apne ghar ki chhat mein Sumit se baat kar rahi thi...Megha ka family ek middle class family tha aur uska ghar bhi single floor ka ek pakka ghar tha.

Sumit:- Kaise nahi karte? Din bhar mehnat kiya hai khet mein...Aaj saara ka saara khet ka khudaai kar diya tumhare Papa ke saath mil kar...Naya experience bhi tha bail (Ox) se khet khudaai karne ka.

Megha:- Sach mein tumne khudaai kiya?

Megha ne hanste hue pucha.

Sumit:- Haan...Aur itna jyada kar diya ki kamar mein bahut dard ho raha hai.

Apne kamar ko sehlaate hue Sumit ne kaha...Aur ye sun Megha aur bhi hasne lagi.

Sumit:- Aur hanso...Pata nahi tumhe paane ki chakkar mein aur kitna paapad belna padega.

Megha:- Accha tumhe paapad bho belna aata hai...Ruko Maa ko bataati hun...Kal Maa ka help kar dena paapad banaane mein.

Ye sunte hi.

Sumit:- Are nahi nahi...Bas kar meri Maa...Pehle hi haalat kharaab hai aur tum ho ki...

Kehte kehte bich mein Sumit ruk gaya...Sumit ka haalat dekh Megha aur bhi hasne lagi...Aur iss baar saath mein Sumit bhi.

Jab dono chup hue to chup hi reh gaye...Koi kuch nahi bol raha tha...Fir iss shaanti ko tod kar Sumit ne hairaan kar dene wali baat kaha.

Sumit:- Agar tum buraa na maano to ek baat kahu.

Megha:- Haan kaho.

Sumit:- Tum meri 4th girl friend ho.

Megha:- Kya?

Hairaani mein Megha itna hi bol paayi...Fir.

Megha:- Mai kab tumhari girlfriend bani? Aur baaki ke 3 kaun hai?

Sumit:- Unse break up ho gaya hai...Abhi ke liye sirf tum hi ho.

Megha Sumit ko gusse se ghurne lagi.

Sumit:- Aise ghuro mat...Sharm aa raha hai.

Sharmaane ki naatak karte hue kaha Sumit ne.

Sumit:- Kyu? Tumhara koi bf nahi tha pehle?

Megha:- Nahi.

Sumit:- Ye bhi sahi hai...Mai hi pehla aur mai hi aakhiri...Waise bhi tumhe handle karna har kisi ki baat nahi hai.

Sumit ne muskuraate hue kaha...Lekin Megha abhi bhi Sumit ko ghur rahi thi.

Sumit bhi chup ho gaya...Kaafi der baaf Megha hi boli.

Megha:- 4 gf bana sakte ho to 5 banaana bhi koi badi baat nahi hogi.

Sumit:- Haan ye bhi koi mushkil nahi kaam hai...Mood par depend hai.

Ye sunte hi Megha utth kar gusse me waha se jaane lagi...Tabhi Sumit uska haath picche se pakad kar.

Sumit:- Kehne ke liye 4 hai...Bas naam ka relationship tha wo...Saccha pyar ka ehsaas to tumhe dekh kar hua hai...Gf bhale hi 4th ho tum par pyar mein 1st ho aur rahogi.

Tumse itna pyar karta hun ki tumse kuch chupaana nahi chaahta...Jaise aaj bataya apne past relationship ke baare mein waise hi sab kuch bataunga par dhire dhire sahi vakt aane par.

Sumit ne chaand ki roshni meinMegha ki chamakte chehra ko dekh pyar se kaha.

Ek najar Megha ne bhi Sumit ko dekha...Sumit ka chehra mein aisa chamak tha ki Megha Sumit par yakin nahi kar paa rahi thi Sumit sach bol raha hai yaa jhuth.
 
  • Like
Reactions: SANJU ( V. R. ), Cyanide, Nevil singh and 14 others
Champ_AK_81

Champ_AK_81

Well-Known Member
5,758
13,139
189
  • Like
Reactions: Nevil singh, Akki ❸❸❸, spyder and 5 others
Vawya Kumar

Vawya Kumar

New Member
61
186
33
Such a amazing. Update bro....
:coffee1::reading::10::yourock:

Ek pal k liye toh aapne meri dhadkan vi rok di thi raaj ki tarah.... Ek pal ko laga sumit ne apna rang dikhadita fir kuch aisa hua jo exception se bahar ka tha... Aur fir raj ko sukun vi mil gaya yeh jaan kar ki kriti ne wo massage nahi kiya tha....

Sumit vi laga hua hai idhhar megha ke family ko khus karne me... Sumit ki honesty dekh k ab lagne laga hai ki sumit koi achhe plan k sath aaya hai.... Wo kisi ko nuksaan phochane nahi aaya hai...

Lets see aage kya hota hai...
 
  • Like
Reactions: Nevil singh, Akki ❸❸❸, spyder and 6 others
You must log in or register to reply here.
Top