Romance Ek Bhool 2 (Completed)

[Champ_AK_81]

UPDATE 11​

Pata nahi fir kaha chala gaya ye ladka?

Khud se hi baatein karte hue Megha Sumit ko ek baar fir gaanw mein dhundne lagi.

Lekin kuch der ki talaash ke baad Sumit mil hi gaya...Gaanw ke ek khet ko kuch bacchein cricket field ke roop mein use kar rahe thhe...Sumit bhi unn bacchon ke saath cricket khel raha tha.

Megha kuch dur se Sumit ko bina disturb kiye khelte hue dekhti rehti hai.

After Match

Megha:- Bahut accha khelte ho.

Sumit:- Wo...Bachpan mein bahut khelta tha cricket...Uss vakt sapna tha Cricketer banne ki...Bas issi vajah se.

Megha:- To abb?

Sumit:- Vakt ke saath saath sapne bhi badalte rehte hai...Abb pehle jitna interest nahi raha.

Megha:- To abb kya sapna hai?

Sumit:- Abb to ek hi sapna hai...Wo hai tumhe paana.

Sumit ki iss baat par Megha ek dum se chup ho gayi.

Megha:- Aur vakt ke saath ye sapna bhi badal jaayega.

Kuch sochte hue boli Megha.

Sumit:- Haan aisa bhi ho sakta hai.

Abb Megha sirf Sumit ko ghurti hai...Kuch bolti nahi...Shayad usse Sumit ki ye baat buraa lag gaya.

Sumit:- Lekin sapne bhi sirf wohi pura hota hai jisme shiddat ho...Jo tumhe paane mein hai aur cricketer banne me nahi tha.

Sumit ki iss baat se Megha ki muskaan waapas aa gaya.

Megha:- Accha ye bataao...Tum bahut accha shots maar rahe thhe lekin bich mein bahut defense bhi kar rahe thhe...Mujhe attacking player pasand hai.

Sumit:- Har cheej ka ek sahi vakt hota hai...Attack karne ka mauka kabhi na kabhi jarur aata hai...Lekin jaldbaazi kiya to pata nahi fir wo mauka kabhi mile yaa na mile.

Sumit ne kuch sochte hue kaha...Aur kehte hi usse ehsaas hua ki usne anjaane mein kya keh diya hai.

Megha:- Mai kya pucch rahi hun aur tum jawaab kya de rahe ho?

Sumit:- Aise hi...Confuse karne ki to meri aadat hai.

Sumit ne muskuraate hue baat ko badal diya.

Dono abb ghar ki taraf chal rahe thhe.

Megha:- Agar maine tumhaara pyar thukra diya to tum kya karoge?

Utshukta ke saath Megha ne pucha.

Sumit:- Off course Arjun Reddy yaa fir Kabir Singh nahi banunga...Apna daadhi (beard) nahi badhaunga...Kyuki wo pehle hi bada hai.

Sumit ne hanste hue jawaab diya.

Megha:- Tum kabhi serious nahi ho sakte?

Sumit:- Nope...Tumhare saamne to bilkul bhi nahi.

Pyar karta hun tumse...Tumhe hasaana aur khus rakhna mera farz hai...Naa ki duniya bhar ki dukh bhari kahani sunaa kar tumhe senti karna.

Megha:- Ye bhi sahi hai.

Fir dono aise hi chalte rehte hai.

Sumit:- Accha ye bataao...Suraj ki kya haal chaal hai?

Megha:- Kaun Suraj?

Chaunkte hue Megha boli.

Sumit:- Wohi mera Saala aur tumhara bhai.

Megha:- Tum usse kaise jaante ho?

Megha ki hairaani aur bhi badh raha tha.

Sumit:- Tumse pyar hote hi sab kuch pata kar liya tha...Tumhare ghar mein kitne log hai aur kaise hai...Sasur ji aur Saasu Maa ke baare mein bhi pata kiya ki wo kaise hai...Baad mein khushi khushi humaare shadi karwa denge yaa fir mujhe tumhe bhagaana padega.

Aur kitne bhai hai aur mujhe apne body ko kaise maintain karna chaahiye shaadi ke vakt action karne ke liye agar wo maar peet par utar aaya to.

Ye sun kar to Megha ka dimaag ne kuch pal ke liye to kaam karna hi band kar diya.

Megha:- Kuch jyada hi dur ka nahi soch rahe ho?

Sumit:- Abb uparwala ne dimaag diya hai to thoda faaidaa to uthaana padega naa...Waise bhi sochne mein kya jaata hai...Free ka cheej hai...Paisa bhi nahi lagta.

Megha:- Tum sach mein paagal ho.

Sumit:- Tumhare pyar mein.

Megha:- Tumse baat karna hi bekaar hai...Nahi jeet sakti tum se.

Sumit:- Bas ek baar meri ban jaao...Fir tumse haarna sikh jaaunga...Hamesha socha hai agar Maa aur Papa ke baad kisi se harunga to sirf apne patni se.

Fir dono ke bich ek khaamoshi chhaa jaati hai.

Megha:- Sumit...Tum sach mein bahut accha ho...Acchi baatein karte ho...Sense of humor bhi kaafi accha hai...Tumse baat karke kaafi accha lagta hai...Ek alag hi positivity hai tumhare aas paas.

Lekin tum aise ladke nahi ho jisse mai pyar karna chaahti hun...Itne acchaayi ke baawjud tum kabhi serious nahi hote.

Megha ki iss baat par Sumit serious ho kar bola.

Sumit:- Iske liye mai tumse maafi maangta hun...Lekin mai ye kabhi nahi chaahunga ki tumhare hisaab se mai khud ko badlu aur tum mujhe pyar karo.

Agar tum mujhse pyar karogi to sirf mujh se naa ki mere badlaaw se.

Agar kabhi pyar ho jaaye to bata dena...Intejaar karunga...Chaahe kitna bhi vakt lo...Mujhe manjur hai.

Lekin itna bhi nahi ki baal jhadne lag jaaye aur daadhi mucch safed ho jaaye.

Last mein aate aate Sumit ki aawaj mein fir se wo hi majaak aa gaya.

Megha kuch nahi boli...Fir se dono ke bich wohi khaamoshi chhaa gaya.

Ghar ke paas pahunchte hi Sumit ki raftaar bhi tej hone laga.

Megha:- Itni tej kyu chal rahe ho?

Sumit:- Saasu Maa aur Dadi ko manana hai...Aakhir shadi mein unki manjuri bhi to chaahiye.

Itna keh kar Sumit aur tej chalne laga...Aur saath mein Megha bhi Sumit ke saath saath tej chalne lagi ye soch kar.

Megha:- (In her mind) Paagal hai ye ladka...Kahi koi gadbad naa kar de!!!

 

[Champ_AK_81]

Friends Update 11 is posted...Please read and give your valuable feedbacks.

 

[Champ_AK_81]

Index 1

Update 1
Update 2
Update 3
Update 4
Update 5
Update 6
Update 7
Update 8
Update 9
Update 10
Update 11



​

Index Updated.

 

[Black water]

UPDATE 10​

Sumit...Kaisa raha safar gaanw tak kaa?

Hans mukh chehra ke saath Megha ke Papa ne Sumit ko pucha.

Sumit:- Raat mein bike chalaane me thoda mushkil to jarur hua...Isse jyada kuch taklif nahi hua.

M. Dad:- Bahut pareshaani uthaana pada hoga tumhe itni raat ko.

Sumit:- Are nahi uncle...Megha ko apna dost kehta hun to itna farz to banta hi hai...Aur dosti hai bhi nibhaane ki cheej warna naam ke dost to bahut hote hai jo koi kaam nahi aate.

M. Dad:- Apne family ke baare mein bhi bataao kuch.

Kyu ki tumhare baare mein bina puche hi itna jaan chuka hun ki tum acche ladke ho.

Muskuraate hue Megha ki Papa ne kaha.

Sumit:- Aap itna yakin ke saath kaise keh sakte hai ki mai accha hi hun...Abhi humaare bich jyada jaan pehchaan bhi nahi hua hai.

M. Dad:- Experience...Umar bhi koi cheej hota hai beta...Thoda bahut andaaja saamne wale ki baat karne ki tarika aur haaw bhaaw se bhi pata chalta hai.

Usse bhi badi vajah ye hai ki...Megha...Ye dusro se madad (help) kam hi leti hai...Jab bahut jarurat ho tab...Jaise ki aaj...Aur sirf unn logon se madad leti hai jiss par ye bahut vishwash karti hai.

Sumit:- (With Smile) Mujhe to kabhi pata nahi chala ki Megha itna vishwash karti hai mujh par.

Sumit ka muskaan aur baat sun Megha ka chehre ka rang udd jaata hai jaise uski chori pakda gaya hai.

Fir Sumit apne ghar waalon ke baare mein bata deta hai (Kuch baatein chupaa kar) aur saath hi Megha ki Papa se unke baare mein aur bhi jaankaari leta hai.


M. Dad:- Aur tum Doctori ki padhaai kar rahe ho? Koi khaas makshad?

Sumit:- Megha ki tarah logon ka sewa karna to bilkul bhi nahi.

Sumit ki ye jawaab sun Megha aur uske Maa, Baap, Dadi teeno hairaan reh jaate hai...Megha ko to gussa bhi aata hai.

Sumit:- Mai sochta hun ki insaan ko honest rehna chahiye...Jhuth bolne ka koi matlab hi nahi jab sach mein mujhe kisi ka sewa karna ka man nahi hai to.

MBBS iss liye padh raha hun kyu ki isse mai ek challenge ki roop mein le raha hun...Sach baat yeh hai ki mujhe jindagi aur khatron se khelne ka shaukh hai...Aur MBBS biology field ka sabse tough course ke roop mein feel kiya to padh raha hun.


Aur mere khayal mein insaan do tarah ki hote hai...Ek mahaan aur ek accha...Mahaan insaan jo dusron ki madad karte hai jo mai nahi hun...Aur accha insaan jo apne liye jeete hai, apne faaide ke liye jeete hai lekin dusron ko nukshaan nahi pahunchaate hai...Sirf apne kaam se matlab rakhte hai.

Mai khud ko dusre category mein rakhta hun...Accha insaan ke roop mein.


M. Dad:- Ye bhi sahi hai...Insaan ko imaandaar hi rehna chahiye...Bahut accha soch hai tumhaara...Lekin ye bataa sakte ho ki tumhara soch second category ki kyu hai?

Sumit:- Jindagi...Jindagi hi mujhe iss soch ki taraf le gaya.

Fir dono ke bich aise hi baatein chalta hai...Raat bhi kaafi ho gaya tha to sabhi sone chale jaate hai...Sumit ko ek guest room mila tha.


Next Day


Tum yaha ho? Aur mai tumhe saara gaanw dhund kar thak gayi.

Sumit ko subah subah ek taalaab mein patthar fenkta dekh Megha gusse mein boli.

Sumit bas hairaani se Megha ko dekhta hai kuch bolta nahi.

Megha:- Abb aise kya dekh rahe ho?

Sumit:- Tumhe mera fikar karta dekh hairaani ho raha tha...Saath hi bahut accha bhi lag raha hai...Kitna pyar karne lagi ho tum mujhe?

Megha:- Pyar? Fir bekaar ki baatein?

Sumit:- Abb ye pyar nahi hai to kya hai? Subah mujhe ghar mein naa dekh kar bechaini se pure gaanw mein dhundti fir rahi ho? Isse pyar naa kahu to kya ishq kahu?

Sumit ne daant dikha kar kaha.

Megha:- Tum mere gaanw mein ho...Mere ghar me...Aur tum mere responsibility ho...Kahi gumm naa ho jaao iss vajah se dhund rahi thi.

Sumit:- Tumhara bahana bhi aisa hota hai jis par kisi bharosha bhi nahi hota...Aur mai lollipop chusne wala baccha to hu nahi ki kahi gumm ho jaaunga.

Aur agar tum mujhe sirf apna responsibility samajhti to tumhaare chehre mein dar hota mera gumm hone ki fikar nahi.

Megha ko kuch jawaab nahi mil raha tha.

Megha:- Ye kya funk rahe ho?

Sumit:- Pyar se isse beedi kehte hai...Gaanw mein rehti ho aur itna bhi pata nahi.

Socha gaanw mein aaya hun to beedi ka majaa lu...Jaisa desh waisa bhesh...Waise bhi cigarette pee pikar bore ho chuka hun.

Megha abb iss baar kuch nahi bolti...Aa kar Sumit ke paas baith jaati hai...Sumit bhi apna program continue rakhta hai...Taalaab mein patthar fenkne ka program.

Megha:- Kal Papa ko wo sab kehne ki kya jarurat tha...Mahaan aur Accha insaan wali baat.

Sumit:- Sach hi to kaha tha.

Megha:- Unke saamne jhuth hi bol dete...Pata nahi abb kya soch rahe honge wo tumhare baare mein?

Sumit:- Jhuth...Mai iss shabd ko bahut respect karta hun...Aur bahut jaruri cheej mein hi jhuth ka sahaara leta hun.

Waise bhi Sasur ji kitna khus thhe mera imaandaari dekh...Taarif bhi kar rahe thhe.

Megha:- Abb to unhe Sasur kehne ka khwaab hi chhod do...Baatein pasand karna alag baat hai aur rishta alag.

Megha kuch sochti hui boli.

Sumit:- Matlab tum taiyaar ho.

Lagh bhag chillate hue Sumit ne kaha.

Megha bhi Sumit ka excitement dekh chaunk gayi.

Megha:- Maine aisa kab kaha?

Sumit:- Tumse pyar karta hun...Tumhare bin bataye hi samajh jaata hun.

Honth tumhare khaamosh hai...Lekin tumhari najar...Ye to cheekh cheekh kar bol rahi hai tum mujhse kitna pyar karti ho...Tumhari ye sharmaati hui gaal...Jo mujhe dekhte hi sharm se laal ho jaata hai.

Mere dur hote hi murjhaa jaane wala ye chehra aur saamne aate hi muskaan ke saath khilna.

Kya kahogi tum iske baare mein?


Sumit ki baat sun Megha bhi soch mein pad gayi...Kya Sumit sach keh raha hai? Ye baat to wo khud bhi nahi jaanti thi.

Sumit:- Jab bhi tumhe ehsaas ho ki tum mujhse pyar karti ho...Aa jaana mere saath...Jindagi ke har mod har pal mein tumhaara swaagat hai.

Chaahe kitna bhi vakt le lo...Intejaar kar lega tumhaara ye aashiq.


Megha iss baat ki koi jawaab nahi deti...Baat ko badalne ke liye,

Megha:- Waise tum Papa se keh rahe thhe ki tum jindagi mein khatron se khelte ho.

Sumit:- Haan har pal...Har vakt.

Jaise abhi dekho...Beedi funk raha ho...Picchle kuch saalon se itna cigarette funk chuka hun ki agar Lung Cancer bhi ho jaaye to mujhe hairaani nahi hoga.

Bike mein bhi dekha hoga...Tum saath thi fir bhi 70 kmph...Akela rehta hun to 100 se kam nahi rehta hai open road mein...Pata nahi kab accident ho jaaye.

College mein hi dekh lo...Itna bunk kar raha hun ki kabhi bhi suspend yaa rusticate ho sakta hun.

Aur bhi bahut kuch...Jisse tum anjaan ho...Har pal har vakt mai khatron se ghira rehta hun...Wo khatra jisko paidaa bhi maine hi kiya hai.

Sumit iss baar kaafi gambhir tha.

Megha:- Aur kya karte ho?

Iss baar Megha bhi darte hue boli.

Sumit:- Fir kabhi.

Megha:- Mujhe bhi nahi bataaoge.

Sumit:- Tumhe nahi bataunga to kisse bataunga...Bahut jald.

Megha:- Lekin kab?

Sumit:- Bas itna yaad rakho...Vakt se pehle aur kismat se jyada kisi ko kuch nahi milta...Sahi vakt aane par sab kuch bataunga.

Megha bhi abb kuch nahi bolti...Bas Sumit ki salaamati ka dua maangti hai...Sach mein abb usse Sumit ki bahut fikar hone lagi thi.

Sumit:- Agar sach kahu to maine tumhare Papa se jhuth bola tha ki mai accha category mein hu...Mai usse bhi giraa hua "bura category" mein belong karta hun...Jo vakt aane par tum khud samajh jaaogi.

Itna keh kar Sumit waha se aage badh jaata hai.

Superb update sirji

 

[Sunil Ek Musafir]

Nice Update....

 

[kamdev99008]

Abb uparwala ne dimaag diya hai to thoda faaidaa to uthaana padega naa...Waise bhi sochne mein kya jaata hai...Free ka cheej hai...Paisa bhi nahi lagta.

ye meri bhi soch hai............. baki sab kam ke liye kharch karna hota hai.......... lekin sochne mein kharche ki baat chhodo profit rahta hai........
dimag aur bhi tej ho jata hai........... jayada samajh aa jati hai.............

bahut badhiya...........ab megha dhire dhire khulne lagi hai sumit se

keep it up

 

[Chinturocky]

Ladka to bahut tez bhag raha hai

 

[aman rathore]

amazing update champ bhai,
Sumit to poori shadi tak ka plan bana kar baitha hai,
aur usne megha se ye bhi kah diya hai ki vo jaisa hai vaisa hi rahega,
ab dekhte hain aage kya hota hai,
Waiting for next update

 

[Champ_AK_81]

Superb update sirji

Welcome Black water bhai on the story and thanks for your comment...Update 11 bhi post ho chuka hai...Saath bane rahiye bhai.

 

[Champ_AK_81]

Nice Update....

Thanks Sunil bhai for your support and review...Keep supporting.