- 5,758
- 13,139
- 189
UPDATE 17
Itna chup kyun ho?
Saamne jal rahi aag mein haath shek kar Sumit ke thande gaal ko garmi dete hue Megha boli.
Megha ki iss harkat se Sumit chaunk gaya...Kuch alag sa mehsus kiya Sumit ne...Ek karibi...Lekin majbur bhi aisa tha ki abb usse ye karibi bhi bardaast nahi ho raha tha.
Megha:- Itni acchi mausam hai aur tum itna serious ho gaye?
Apne chaaro taraf dekhte hue Megha boli...Raat ki andhera mein dono ek field chaand aur taaro ki roshni mein camping kar rahe thhe...Thand ka mausam mein aaj jalaa kar uski garmi ka aanand lena bhi alag hi sukoon hai...Aur dono wohi kar rahe thhe.
Sumit kuch nahi bola.
Megha:- Pehli baar itna serious dekh rahi hun tumhe? Tum hi kehte thhe naa ki tum mujhse pyar karte ho aur mere saamne serious nahi honge? To kya abb tum mujhse pyar nahi karte?
Ye baat sunte hi Sumit hairaani se Megha ko dekhta hai.
Sumit:- Nahi...Aisi baat nahi hai.
Megha:- To fir kaisi baat hai?
Megha apna chehra Sumit ke saamne laa kar boli.
Sumit:- Aaj bahut khush hun mai...Aur issi khushi ke kuch pal apne tarike se jeena chaahta hun kuch pal ke liye.
Megha:- To fir mujhe saath bulaane ki kya jarurat tha?
Munh fulaate hue Megha boli.
Sumit:- Meri khushi mein tumhe bhi shaamil karna chaahta tha...Bahut jald tum mere itna karib jo aa gayi ho.
Megha:- Itna karib ki tum abhi bhi mujhse apna sukh dukh kuch bhi nahi baatna chaahte.
Sumit:- Ussi ke liye to bulaaya hai...Aaj sab kuch bataaunga tumhe.
Megha:- Sach...To fir bataao naa.
Megha ka excitement dekhne laayak tha.
Sumit:- Ruko naa abhi...Jaldi kis cheej ki hai...Abhi to raat baaki hai baat baaki hai.
Apna sach bataane se pehle kuch keemti vakt bitaate hai ek dusre ke saath...Kyun naa iss pal ko yaadgaar banaaye? Kyu naa iss pal ko iss tarah se jeeye jo jindagi bhar hamesha yaad rahe.
Sumit ki aawaj mein bechaini tha.
Megha:- Sab kuch thik to hai naa Sumit? Tum aise baat kar rahe ho jaise humaare saath sirf aaj tak ka hi hai.
Abb Megha ki baaton mein bhi dar tha...Sumit ki haalaat dekh aur baatein sun kar.
Sumit:- Abhi tak to thik hi hai...Lekin mera sachaayi jaane ke baad kuch thik nahi rahega...Mai waisa insaan nahi hun jaisa tum soch rahi ho.
Megha:- Tum chaahe jaisa bhi ho...Mai itna hi jaanti hun ki tum bahut acche insaan ho...Dil ke saaf...Shayad issi vajah se mai bhi tumse....
Sumit:- Nahi...Isse jyada nahi.
Sumit ki bich mein rokne se Megha bhi hairaan reh gayi.
Sumit:- Tum abhi bhi sure nahi ho...Sure ho jaane ke baad puri baat kehna.
Itna kehne ke baad Sumit chup ho gaya...Megha bhi kuch nahi boli...Dono ke bich khaamoshi aise chaa gaya ki aag jalne aur aas paas se keeda ke gungunaane ki aawaj saaf sunaai de raha tha.
Megha:- Ye tum....
Megha thoda gussa mein boli.
Sumit:- Aaj to nahi chhodunga tumhe.
Sumit ki hontho mein shaitaani hansi thi.
Megha:- Nahi Sumit...Nahi.
Fir Megha khud ko bachaane ke liye bhaagne lagi...Sumit bhi picche pad gaya.
Aakhir kaar Sumit ne Megha ko pakad hi liya...Aur fir wohi hua jis baat ki dar Megha ko thaa.
Kuch hi der mein Megha ke pure chehre par cake laga diya Sumit ne.
Sumit:- Aaj ki raat to tumhara kuch nahi sununga...Khushiyon se pareshaan kar dunga.
Itna keh kar Sumit ne fir se Megha ke chehre par cake laga diya.
Megha:- Ye kya hai Sumit...Pura chehra kharaab kar diya? Abb itni thand mein kaise ponchungi itne cake ko...Tumhe to pataa hai naa mujhe thande paani se dar lagta hai.
Megha ne shikaayat bhari aawaj mein kaha to Sumit jawaab mein sirf hans raha tha.
Sumit:- (Laughing) Aise tadpaane mein hi to majaa hai.
Megha:- Ruko...Abhi tumhe majaa chakhaati hun.
Itna keh kar Megha waapas campfire ki taraf jaati hai...Aur Cake ka tukda uthaane hi wali thi ki usse side mein ek aur cake milaa.
Usme likha tha. "Thanks Beauty queen for these beautiful 6 months."
Ye dekh Megha apne jagah par khadi reh gayi...Sumit bhi uske paas aa gaya.
Sumit:- 6 months...Pehle hi to tumse milaa tha..Aur wohi se suru hua tumhe irritate karne ka silsilaa.
Pyar se Sumit ne kaha.
Fir Sumit ne Megha ka haath pakda aur ek chaaku thamaa kar kaha.
Sumit:- Abb suruwaat to karo...Aur raha nahi jaa raha hai.
Sumit ne cake ki aur ishaara karte hue kaha.
Megha ne cake kaat kar pehla tukda Sumit ko pyar se khilaya...Aur ussi tukda ko tod kar Sumit ne Megha ko.
Fir kya tha...Dono ke bich holi suru ho gaya...Ek dusre ke chehre mein Cake lagaane ki...Kuch hi der mein dono ke haalath aise ho gaye thhe ki ek dusre ke pehchaan mein bhi nahi aa rahe thhe.
Megha:- Thanks Sumit...Thanks a lot...It is really a lovely surprise.
Megha ki khushi ka koi thikaana nahi tha.
Sumit:- And this is your gift for 6 months meeting anniversary.
Itna keh kar Sumit ne apne pocket se ek dairy milk chocolate nikaal kar diya.
Megha:- Thanks ek baar fir se...Na jaane aaj aur kitna surprise milne wala hai.
Sumit:- Aaj khushi aur surprise ki din hai...Khushi mere liye aur surprise tumhare liye.
Megha:- Abb kaha jaa rahe ho?
Sumit ko camp ki andar jaata dekh Megha ne pucha.
Sumit:- Ek aur surprise ke liye.
Megha intejaar karne lagi aur kuch hi pal mein Sumit ek gift le kar aa gaya...Gift wrapped tha...Megha dhire dhire gift ko kholne lagi...Aur dekhte hi wo khushi ke saath hairaan bhi reh gayi.
Megha:- Kya mai tumhe padhaai ka keeda dikhti hun?
Gift mein ek book tha.
Sumit:- Tum girls mein to topper ho...Iss baar pure class mein top karna hai tumhe.
(In his mind) Kuch aur deta to mera sacchaayi jaan ne ke baad tum usse faad kar fenk deti...Book hai jo tumhare paas surakshit reh sakta hai.
Megha:- Aur tum? Tumhe top karna nahi hai?
Sumit:- Do ghante najar kitaab par rahe yahi bahut badi baat hai...Top wop karne ki koi shaukh nahi hai mera.
Megha aaj Sumit ka pyar aur surprise se sach mein emotional ho gayi thi.
Megha:- Sumit, tum hamesha mera aise hi saath doge naa?
Sumit:- Haan hamesha tumhare saath rahunga...Tum mere liye itna especial ho ki mai bataa nahi sakta.
(In his mind) Lekin kis roop mein saath rahunga...Ye mai khud nahi bata sakta.
Megha fir Sumit ko apne baaho mein bhar leti hai...Sumit usse alag karne hi wala tha ki fir kuch sonchte hue aise hi chhod deta hai.
Fir dono aise hi aag ke saamne baith baatein karte rehte hai...Megha Sumit ke saath bitaaye iss pal ko soch bahut khush thi.
Sumit bhi khush tha ki kuch khushiyon ka pal usne Megha ke saath bitaa liya jo shayad fir kabhi mile yaa naa mile...Kuch khushiyan wo Megha ko bhi de paaya iss baat se wo kaafi santusht tha...Dil ka bojh kuch hadd tak kam bhi ho gaya...Bas abb wo jaldi se Megha ko apne sach bataana chaahta tha.
Megha ko bhi ye sahi mauka laga...Wo abhi Sumit ko apne dil ki baat bataana chaahti thi.
Megha:- Sumit...
Wo apni baat pura kar paati usse pehle hi Sumit ke mobile mein phone aaya.
Sumit:- 1 minute.
Itna keh kar Sumit ne call recieve kiya...Dusri taraf se usne jo bhi sunaa wo sun kar bilkul hi hairaan reh gaya.
Darte hue usne kaha.
Sumit:- Raj...
Isse jyada wo kuch bol paane ki himmat bhi nahi tha usmein.
Jaldi se dono sab kuch pack kar ke waapas laut jaate hai...Sumit bahut dara hua tha...Thoda gussa aur thoda fikar bhi tha Raj ke liye.
Megha...Wo bechaari to hairaani mein hi thi...Naa hi wo Sumit ka sach jaan paayi aur naa hi Raj ki haal.
Friends Next Update mein Sumit ka raaj aap sab ko pata chalega...Ussi ke saath Story ke jyadatar sawaal ke jawaab bhi mil jaayenge.
Maha ShivRatri ki aap sabhi doston ko Shubh kaamana.
