Nafrat ya phir Diwaangi.... (Incest Love Story)
Update 47
"Kahi Unkahi Baaten 1"
Sultaan : Nahi.... Wo hua aisa tha ki College aane se pehle main unse milne unke ghar gaya tha.... Wahan jaa ke maine unhe saari sachhayi batayi aur meri madat karne ko kaha.... Meri baat me na kuch jhooth tha aur na hi kuch galat.... Ye dekh wo meri madat karne chali aayi.... Aur waise bhi wo baba ki achhi dost bhi hain to us lihaaz se unka yun meri madat karna to banta hi hai....
Deepa : Wow yaar Sultaan tu na sach me kamaal hai....
Kunal : Yaar wo sab to theek hai magar khane ka kya...? Jaldi se kuch khane ko mangwa yaar badi zor ki bhook lagi hai....
Sultaan sab ke liye Snacks aur Cold drinks order karta hai.... Nashte ke baad wo sab apni apni class ki taraf chal dete hain....
Sultaan jaise hi class me enter karta hai uski nazar jis pe padti hai use dekh ke Sultaan apna sar peet ke kehta hai....
Sultaan : Nahi yaar.... Phir se nahi....
Tina ki Dost : Rakhi..... Namya.... Taani
Sultaan ne ye baat Tina ko dekh ke kahi thi..... Tina jo Sultaan ko bade gaur se dekh rahi thi.... Wo uski harkat aur baat foran samajh jaati hai.... Use Sultaan pe behad gussa aane lagta hai.... Is se pehle ki wo kuch kehti Principal Shobha wahan aa jaati hai.... Unhe dekh ke sab khamoshi se apni seat pe baith jaate hain.... Sultaan ek taraf Rosy ke sath baitha hua hai to wahin dusri taraf Tina apni Friend Rakhi ke sath baithi hui hai.... Theek unke peeche uski baaki ki 2 Friends Namya aur Taani baithi hui hain....
Shobha : Good Afternoon Students.... Sit Down Everyone.... May i Introduce you the New Students of your Class.... She is Rakhi.... She is Namya.... She is Taani and above everyone She is Tina.... Ye sabhi kaafi Brilliant Students hain..... Magar College me 1 mahine deri se aane ki wajah se inki padhayi kaafi chhut gayi hai.... Mujhe yakeen hai ki use poora karne me aap sab inka poora sath denge....
Ye keh ke wo wahan se jaane ke liye mudi hi thi ki tabhi Achanak se palat ke kehti hai....
Shobha : Tina tumhari jaan kaari ke liye bata doon.... Sultaan humare College ka best Student hai.... Isne pichle saal Poore State me Top kiya tha.... Tumhari jo padhayi chhut gayi hai usme Sultaan tumhari poori madat karega.... College ke baad rozana ek ghante ye tumhe padhayega....
Shobha Madam ki baat sun ke Sultaan aur Tina ke muh se ek sath ek hi baat nikalti hai....
Dono : Magar kyun....? Iski koi zaroorat nahi hai....
Shobha : Iski zaroorat hai tabhi keh rahi hoon....
Tina : Madam aap mujhe padhayi me jitna kamzor samajh rahi hain.... Main utni kamzor nahi hoon.... Pichle saal mujhe kaafi achhe marks mile the.... Pichle ek mahine me meri jo bhi padhayi chhut gayi hai use main khud Cover kar sakti hoon.... (Sultaan ki taraf dekh ke apna muh tedha karke kehti hai) Isme mujhe kisi Sultaan ki zaroorat nahi hai....
Sultaan : Mujhe is jaisi nakhchadi ko padhane ki na zaroorat aur na hi koi Shauk..... Na hi ye kaam mera hai.... Ye kaam yahan ke Professor ka hai... Jise wo bakhoobi poora kar sakte hain....
Sultaan ke muh se apne liye Nakhchadi lafz sun ke Tina ko uspe behad gussa aane lagta hai.... Is waqt uska dil chah raha hai ki wo Sultaan ke kareeb jaa ke use ek zordaar punch maar ke uska muh tod de.... Magar Shobha Madam ki maujoodgi ki wajah se wo aisa nahi kar paa rahi hai.... Badi mushkil se wo apne gusse ko daba ke baithi hai....
Shobha : Tum dono chaho ya na chaho ye tumhe karna hi hoga.... Is me main bhi tum dono ki koi madat nahi kar sakti..... Kyun ki ye sab maine taye nahi kiya hai....
Shobha ki baat sun ke dono shock ho jaate hain.... Dono ke dimaag me is waqt ek hi sawaal hai ki agar ye madam ne taye nahi kiya hai to phir wo kaun hai jiske kehne pe madam ye sab kar rahi hai....?
Shobha : Tum dono yahi soch rahe ho na ki ye sab main kis ke keh ne pe kar rahi hoon....?
Shobha ki baat sun ke dono haan me apna sar hila dete hain....
Shobha : Ye sab karne ke liye mujhe Tina ki behen Mona aur Trusty Madam ne kaha hai.... Tum dono ko jo bhi baat karni hai jaa ke unse kar sakte ho....
Ye kehte hue Shobha Madam Sultaan ko bade gaur se dekh rahi thi.... Wo khush hote hue apne man me kehti hai....
Shobha man me : Ab aaya oonth pahaad ke neeche.... Jivika ke sath mil ke tu ne meri beizzati karwaayi thi na... Maine bhi tere sath waisa hi kiya.... Tina ko tere sath laga diya.... Dekh ab wo tere sath kya karti hai.... Wo ab teri wo haalat karegi ki tu soch bhi nahi sakta.... Tina jitni khoobsurat hai utni hi ziddi aur khatarnaak bhi.... Wo ek baar kisi se dushmani kar le to use har pal har lamha neecha dikhane me lagi rehti hai.... Mujhe ab kuch bhi karne ki zaroorat nahi padegi.... Ab to main bas dur baith ke is sab ka maza lungi....
Ye keh ke Shobha Madam Devil smile de ke dono ko khaas kar ke Sultaan ko Good Luck keh ke wahan se chali jaati hai....
Shobha ke jaane ke baad Sultaan aur Tina ek dusre ke sath jhagadne lag jaate hain....
Sultaan : Tum ho kya cheez.... Na Shakal hai na surat hai aur na hi dimaag.... Tumhe jo ek baar dekh le to uska poora din kharaab ho jaaye.... Mera to tumhe dekhne ko bhi dil nahi karta....
Sultaan ki baat sun ke Tina gusse me aa jaati hai....
Tina : Kameene teri himmat kaise hui mere baare me aisa kehne ki....?
Sultaan : Sach ka aaina dikhane ke liye kisi himmat ki zaroorat nahi hoti..... Maine jo bhi kaha wo sab sach hai....
Tina : Sach my foot.... Aaina mujhe nahi tujhe dekhne ki zaroorat hai.... Dekhne me kisi Jungli Gorilla se kam nahi lagta....
Sultaan : Main Jungli Gorilla to tu kya hai jungli bandariya....
Tina : Teri himmat kaise hui mujhe Tina ko jungli bandariya kehne ki.....?
Sultaan : Theek waise hi jaise teri himmat hui Sultaan ko Gorilla kehne.... Sultaan Jungli Gorilla nahi balki Sher hai Sher....
Tina : Dekha sahi kaha tha maine aur ab ye sab keh ke tu ne khud sabit kar diya ki tu jungli hai.... Jungli.... Rahi baat meri to main Husn ki wo Pari hoon jise apni Girlfriend banane ke liye har koi mara jaa raha hai....
Sultaan : hahahahaha.... kya kaha....? Husn ki Pari aur tu.... Galatfehmi hai teri.... Tu koi Husn ki Pari nahi hai balki ek Average dikhne waali ladki bhi tujh se kahin zyada khoobsurat dikhti hai.... Wo log andhe hi honge jo tujhe apni Girlfriend banane ke liye maare jaa rahe honge.... Mujhe to lagta hai ki wo sab teri Bandariya jaisi Shakl dekh ke dar ke maare hi na mar jaaye..... Rahi baat meri to mere itne bhi bure din nahi aaye ki main tujh jaisi Jungli Bandariya jiski na Surat hai aur na hi Seerat us ko apni Girlfriend banane ke baare me sochun.... For your kind information (Rosy ki taraf dekhte hue) meri pehle se hi Girlfriend's hai.... To tu mujh se dur hi reh samjhi....
Sab ke saamne Sultaan ke muh se apni beizzati hote dekh Tina gusse se Sultaan ko maarne ke liye uspe jhapat ti hai.... Magar tabhi Zainab Madam beech me aa ke use aisa karne se rok deti hai aur sab ko apni apni Seat pe baithne ko kehti hai.... Tina Sultaan ko gusse se ghoore jaa rahi hai.... Zainab Madam ki maujoodgi ki wajah se wo kuch kar nahi paa rahi hai....
Class khatam hone ke baad Tina gusse se wahan se apne ghar ki taraf chal deti hai....
Class se bahar aane ke baad Sultaan aur Rosy.... Nikki Kunal aur Deepa se milte hain.... Sultaan ka kharaab mood dekh ke sab us se iski wajah poochte hain... Rosy unhe poori baat batati hai....
Kunal : Yaar ye Shobha Madam ko tere sath problem kya hai.... Jab dekho tere peeche padi rehti hain.... Pehle us So called Exams ko le aur ab ye Tina.... Waise kaun hai ye Tina....? Humare College me Professor ki kami hai kya jo Shobha Madam ne tujhe hi use padhane ko kaha baat kuch samaajh nahi aayi....?
Deepa : Mujhe to lagta hai is me zaroor Shobha Madam ki hi koi chaal hai.... Tina ko main bachpan se jaanti hoon.... Yahan se ek ghante ki doori pe jo ****** Sheher hai wo wahan apne bhare poore parivaar ke sath ek aalishan bunglow me rehti hai.... Main bhi pehle usi sheher me rehti thi.... Uske sath usi School me padhti thi.... Tina jaisi nazar aati hai waise hai nahi.... Wo apne School ki sabse mashoor Students me se ek thi.... Sirf padhayi me hi nahi balki ladayi jhagde me bhi wo poore School me sab se aage thi.... kisi ko bhi bina baat ke pareshan karna sab ko apne neeche daba ke rekhna uska fav kaam tha.... Student hi nahi balki School ke saare Teachers yahan tak ki Principal bhi us se tang aa chuke the.... Usne kisi ko nahi baksha tha.... Jab jise jahan man aa ta wo use apne tareeke se pareshan kiya karti hai.... Koi bhi chah ke bhi uska kuch nahi bigaad sakta.... Sab na chahte hue bhi us ki baat maante hain chahe wo sahi hai ya galat.... Iski sab se badi wajah hai Paisa.... Paise aur Pahunch se kaun nahi darta.... Paise me bahut taakat hoti hai.... Wo aur uske ghar waale ******* Sheher ke sab se ameer logon me se ek hain.... Us Sheher me aisa koi nahi jo unka Mukaabla kar sake.... Ek tarha se dekha jaaye to wahan unka sikka chalta hai unki marzi ke bina wahan ek patta bhi nahi hilta....
Rosy : Wo kameeni apna Sheher chor ke yahan kya kar rahi hai....?
Deepa : Mujhe lagta hai Tina ko yahan is College me bhejne me sab se bada hath Mona ka hai....
Nikki : Ab ye Mona kaun hai....?
Deepa : Mona Tina ki badi behen hai.... Poore ghar me ek Mona hi hai jis se Tina darti hai.... Tina hi kya poore ghar me Mona se sabhi darte hain.... Kisi me itni himmat nahi ki uski koi bhi baat taale.... Chahe wo sahi ho ya galat.... Iski wajah hai Mona ka tez dimaag aur kabeeliyat.... Baat 2 saal pehle ki hai jab uske ghar waalon ko Business me bada loss hua tha... Ek Foreign Company ne unke sath dhoka kiya tha.... Garment ka ek bahut bada Order de ke uski Delivery nahi li.... Ulta Order ko jaali bata ke un se apna palla jhaad liya.... Is se wo bahut bade karze me aa gaye.... Us karze ko chukane ke chakkar me unka ghar aur saari jaayedaat tak girwi ho gayi..... Wo lagbhag sadak pe aa gaye.... Apne ghar waalon aur apne khandani Business ko bachane ke liye na chahte hue bhi Mona jo Shimla me apna Business kar rahi tha use chor ke use yahan aana pada.... kareeb ek saal me hi apni mehnat aur tez dimaag se wo apne khandani Business ko wapis usi unchayi pe le aayi.... Uska ek sapna hai jise wo har haal me poora karna chahti hai magar kaafi koshishon ke baad bhi use poora nahi kar paa rahi hai.... Uska wo sapna hai Sk Group ke sath mil ke kaam karne ka.... Magar jaane kya wajah hai ki kaafi koshishon ke bawajood bhi wo Sk Group ke sath koi bhi kaam nahi kar paa rahi hai.... Sk Group uski Company ko koi bhi order nahi de rahi hai.... Na hi uski Company ke sath kaam na karne ka koi reason bata rahi hai.... Rahi baat Tina ki to use is College me padhayi karne ke liye Mona ne hi bheja hai..... Ye wohi College hai jahan se Mona ne padhayi ki hai aur usne kamiyabi ki is bulandi chua hai... Wo ye chahti hai ki uski choti behen us se bhi zyada kamiyaab ho.... Apni behan ko kamiyaab insaan banane ke liye use jo bhi karna pade wo karne ko taiyaar hai.... Mona ki kahi hui har wo baat chahe wo sahi ho ya galat Tina us se chah ke bhi inkaar nahi kar sakti.... Is ki do wajah hai ek to dono behno ke beech ka pyar aur dusri Tina ke dil me Mona ke liye dar....
Kunal : Wo sab to theek hai magar us Mona ne apni kameeni behen Tina ko Sultaan ke sar pe kyun sawaar kar diya....
Deepa : Mujhe nahi lagta ki Mona Sultaan ko jaanti hai.... Mere hisaab se usne apni behen ke best education ke liye Trusty Madam se baat ki hogi aur unhone hi ye faisla kiya hoga ki Tina ko Sultaan hi padha sakta hai.... Sultaan hi wo hai jo Tina ko sudhaar sakta hai.... Ye kaam aur koi nahi kar sakta.... Ye yahan ke kisi Professor ke bas ki baat nahi....
Rosy : To iska ye matlab hua ki ab se roz Sultaan ko us Tina ko padhana hoga....?
Deepa : Haan....
Deepa ki baat sun ke Sultaan uth ke wahan se jaane lagta hai...
Nikki : Ab tu kahan chal diya....?
Sultaan : Tum log ghar jaao.... Mujhe is sab ko sort out karna hai jiske liye main Trusty Madam se milne jaa raha hoon....
Ye keh ke Sultaan Trusty Madam ke ghar ki taraf chal deta hai aur baaki sab apne apne ghar....
Idhar Sweety Sultaan ke sheher pahunch chuki hai.... Wo jaldi se Fresh ho ke Sk Group of Company ki taraf chal deti hai....
Wahan pahunch ke jaise hi uski nazar Sk Group ki Building pe padti hai uski khushi ka thikana nahi rehta..... Saalon se dekha hua uska sapna aaj poora hone jaa raha hai..... Wo khushi khushi Sk Group ke Building ke under chal deti hai.....
Reception pe jaa ke wo apna intro deti hai....
Receptionist kisi ko call laga ke uske baare me batati hai....
Receptionist : Uper 12th floor pe left side me HR Mr. Bhushan ka cabin hai aap wahan jaa ke unse mil lijiye....
Sweety use thanks keh ke Lift se 12th floor ki taraf chal deti hai.... Wahan pahunch ke wo door knock kar ke under aane ki ijazat maangti hai....
Bhushan : Come in....
Sweety jaise hi under jaati hai.... Wo Cabin ki khoosurati me kho jaati hai.... Office behad hi khoobsurat hai.... Saamne ek badi si table ke peeche ek chair pe ek adher umar ka aadmi aankhon pe nazar ka chashma lagaye gaur se kuch files ko dekh raha hai....
Sweety : Good Afternoon Sir....
HR Bhushan : Good Afternoon....
Sweety : Ji mere naam Sweety Singh hai...
HR Bhushan use saamne rakhi chair pe baithne ka ishara karte hue kehta hai....
HR Bhushan : Tum baitho.... Ye behad Important papers hain inhe check kar ke main kuch hi der me tumse baat karta hoon....
Ye keh ke wo phir se us file ko check karne lag jaata hai.... Wahin Sweety araam se chair pe baith ke intezaar karne lagti hai.... Kuch der me wo un files ko check kar ne ke baad ek taraf rakh deta hai.... Sweety use apna Appointment letter aur apni file de ke us se kehti hai.....
Sweety : Maine yahan Assistant Manager ki job ke liye apply kiya tha jis me mujhe Select kar ke ye Appointment letter diya gaya hai....
Bhushan Sweety ki file aur documents dekhne ke baad ek nazar us Appointment letter ki taraf dekhta hai..... Phir ek lambi saans chod ke kehta hai....
HR Bhushan : I am sorry to say Miss Sweety assistant manager ki wo job kisi aur ko di jaa chuki hai....
Bhushan ki baat sun ke Sweety shock ho jaati hai.... Uske saare sapne toot ke bikhar jaate hain.... Use samajh nahi aa raha hai ki ye sab kaise aur kyun hua.... Sweety ki is waqt behad gusse ke sath sath rona bhi aa raha hai....
Sweety : Ye aap kya keh rahe hain....? Aisa kaise ho sakta hai....? Jo job aapki Company ne di thi use aap mujhse cheen ke kisi aur ko kaise de sakte hain....? Aap mere sath aisa kaise kar sakte hain....?
Aur na jaane kya kya wo bole jaa rahi hai.... Wo Bhushan ko kuch bhi kehne ka koi bhi mauka nahi de rahi hai.... Khud hi jaane kya kya bole jaa rahi hai... Bhushan na chahte hue bhi chup chaap uski baaten sun raha hai.... Use kuch na kehte dekh Sweety gusse se kehti hai....
Sweety : Aap khamosh kyun hain.... Jawaab kyun nahi dete.... Mere sawaal ka jawaab dijiye... Aap ne mere sath aisa kaise kiya....? Bataiye....
Bhushan : Tum mujhe kuch kehne ka mauka do tab na main kuch kahun....
Sweety badi mushkil se khud ko shant karke Bhushan ki baat sun ne lagti hai...
Bhushan : Haan ye sach hai ki tumhe Assistant Manager ki Post di gayi thi.... Magar tumhare Certificate aur Knowledge ki wajah se Sir ne ye faisla kiya ki wo Post tumhe aur tumhare Education aur Knowledge ko justify nahi karti isi liye tumhe wo post na de ke kisi aur ko wo post de di gayi....
Sweety : kya main ye jaan sakti hoon ki Kaun hain aapke wo Sir jinhone mujhe us job ke kabil nahi samjha.... Main unse mil ke is ki wajah jaan na chahti hoon....
Bhushan : Unka naam hai Mr. Mukesh khanna.... Rahi baat tumhari unse milne ki to tum unse nahi mil sakti... Kyun ki wo yahan nahi balki London me rehte hain.... Wo bahut kam hi yahan aate hain....
Sweety : To ab aap hi bataiye ki mera kya hoga.... Main aise haar nahi maanugi.... Aap ko mujhe wo job deni hi hogi... Aap log mere sath aisa nahi kar sakte....
Bhushan : Isme main aap ki koi madat nahi kar sakta.... Wo job aap ko nahi di jaa sakti.... Ye Mukesh Sir ka order hai.... Unke kehne pe hi maine aisa kiya....
Sweety : To phir mera kya hoga....? Kya main ye samjhun ki aap ne aur aap ki Company ne mere sath dhoka kiya hai....
Bhushan : Sk Group kabhi kisi ke sath kuch galat nahi karta dhoka dena to bahut dur ki baat hai....
Sweety : Ye dhoka nahi hai to phir kya hai....? Pehle aap logon ne mujhe select kar ke ye job di aur jab main is job ko join karne yahan aayi hoon to ab aap ye keh rahe hain ki meri wo job aap ke Sir ne kisi aur ko de di.... Ye dhoka nahi to aur kya hai....?
Bhushan : Haan ye sach hai ki ye job Sir ne aap ke badle kisi aur ko di.... Kyun ki unka ye maan na hai ki ye job aap Education aur Knowledge ko justify nahi karti.... Is liye unhone ye faisla kiya hai ki iske badle aap ko koi aur post di jaaye....
Sweety : Mujhe koi aur post nahi balki wo hi post chahiye....
Bhushan : Aap ko pata nahi is liye aap aisa keh rahi hain.... Sir ne aap ko jo post di hai wo is Company ki sab se khaas post hai.... Secretary ki post....
Sweety : Maine kaha na mujhe koi aur post nahi chahiye.... Mujhe wo hi post chahiye jo mujhe di gayi thi.... Assistant Manager ki Post.... Main kisi aur post ko accept nahi karungi.... Nahi matlab nahi....
Bhushan : Theek hai.... Magar us se pehle in papers ko achhe se padh lo uske baad tum jo kahogi waisa main karne ko taiyaar hoon....
Ye keh ke wo Papers Sweety ki taraf badha dete hain....
Sweety use padhna to nahi chahti thi magar phir bhi na chahte hue bhi wo gusse me use padhane lagti hai....
Jaise jaise wo un dono papers ko padhti jaati hai.... Uska gussa hairat me badalne lagta hai.... Un Papers me jo bhi kuch likha hai use padh ke use uspe yakeen nahi aa raha hai..... Wo hairat se kabhi apne hath me pakde un papers ko dekhti hai to kabhi saamne baithe Bhushan Sir ko.... Wo unhe aise dekh rahi hai jaise ki poochna chah rahi ho.... Isme jo likha hai kya wo sach hai....?
Bhushan : In Papers me jo bhi likha hai wo sach hai.... Mujhe lagta hai tumhara kehna theek hai.... Assistant Manager ki post hi tumhare liye theek hai..... Tumhe wo job hi karni chahiye.... Main abhi Mukesh Sir ko call kar ke bata deta hoon ki is Assistant Manager ki Post ke badle unhone jo post tumhe di hai wo tum nahi karna chahti.... Wo tumhe is post se hata ke Assistant Manager ki post hi de....
Ye keh ke wo jaise hi apna Mobile nikalte hain Sweety foran unhe rok ke kehti hai....
Sweety : Nahi ruk jaaiye.... Jo Post Sir ne mujhe di hai wo mujhe manzoor hai....
Bhushan : Magar tum to inkaar kar rahi thi....
Sweety : Ji wo baat aisi hai ki mujhe nahi pata tha ki unhone mujhe itni badi post di hai.... Mujhe unki di gayi ye post manzoor hai.....
Sweety ki baat sun ke Bhushan hanste hue kehte hain....
Bhushan : Magar tum to ye keh rahi thi ki Mukesh Sir aur Sk Group ne tumhare sath dhoka kiya hai.....
Sweety : I am Sorry Sir main apne alfaaz wapis leti hoon.... Us waqt mujhe sach ka pata nahi tha is liye maine anjaane me aur khaas kar ke Gusse me wo sab keh diya..... Apni kahi hui har galat baat ke liye main aap se aur is Company se maafi maangti hoon....
Bhushan : Sahi kaha tumne aksar aisa hi hota hai gusse me aur jaldbaazi me insaan aksar aisa kaam kar jaata hai jiske liye use baad me pachtave ke sivaye kuch haasil nahi hota... Magar yahan tumhare paas apni galti sudhaar ne ka ek aur mauka mil raha hai... Umeed karta hoon ki aage se tum aisa kuch nahi karogi.... Jo bhi faisla logi wo gusse aur jaldbaazi ke bajaye thande dimaag se soch samajh ke logi....
Sweety : Main waada karti hoon....
Bhushan Sweety ko Contract ke Papers de ke use achhe se padh ke use Sign karne ko kehte hain....
Papers padhne ke baad Sweety kuch der tak sochti hai phir jaise hi wo un papers pe Sign karne lagti hai.... Bhushan use rok ke kehte hain....
Bhushan : Mujhe umeed hai ki tum ne Contract ke in Papers ko achhe se padh liya hai.... Phir bhi tumhare Sign karne se pehle main ye bata doon ki inme kya likha hai.... In me likha hai ki tumhe Company ki is Branch me Boss ki Personal Secretary ki job ke liye appoint kiya jaa raha hai..... Jiske liye tumhe 4 lakh Per month Salary rehne ke liye ek ghar aane jaane ke liye ek Car di jaa rahi hai.... Sath hi Company ke sath tumhara ek Contract hoga jiske hisaab se tum kisi bhi haalat me is Company ko chor ke nahi jaa sakti.... Agar tum ne kisi bhi wajah se is Contract ko tod ke jaane ki koshish ki to tumhe harjaane ke tor pe Company ko 50 Crore rupees dene honge.... Ya phir 2 saal ki saza.... Rahi baat Company ki to Company ko ye poora ikhteyaar hoga ki wo jab chahe tumhe job se nikaal sakti hai.... Uske liye Company tumhe kisi bhi baat ke liye koi Justification dene ke liye Baadhya nahi hogi....
Sweety itminaan se uski poori baat sun ne ke baad Documents pe sign kar deti hai....
Sweety : Mujhe manzoor hai....
Bhushan Sweety ko us Contract ki copy de ke kehte hain....
Bhushan : Mubarak ho... Welcome to Sk Group of Companies..... Aaj se tum Company ke is Branch me Boss ki Personal Secretary ban gayi ho.... Chalo tumhe tumhara Cabin dikha deta hoon aur tumhara kaam bhi samjha deta hoon....
Bhushan use sath le ke 14th Floor pe bane ek behad hi aalishan cabin me le ke jaate hain.... Sweety ek tak us Cabin ko dekhti reh jaati hai... Wo uski khoobsurati me kho si jaati hai.... Itna aalishan cabin usne aaj tak nahi dekha tha....
Bhushan : Ye lo do mahine ki Advance Salary ka cheque aur ye rahi Tumhari New Car aur ghar ki chabi....
Is waqt Sweety ki khushi ka koi thikana nahi hai.... Uski khushi sambhale nahi sambhal rahi hai.... Badi mushkil se wo apne dil aur khushi ko kaabu karti hai....
Bhushan use uska poora kaam samjhane ke baad kehte hain.....
Bhushan : Ek sab se zaroori baat achhe se apne dimaag me daal lo..... Chahe jo ho jaaye Qayamat hi kyun na aa jaaye.... Tum kabhi bhi kisi bhi haalat me uper 15th floor pe nahi jaaogi...
Sweety : Kyun aisa kya hai us Floor pe jo aap mujhe wahan jaane se rok rahe hain....?
Bhushan : 15th Floor pe humare Boss Sk Group of Companies ke Owner Mr. Sk ka Cabin hai.... Wahan jaana mana hai... Chahe wo koi bhi kyun na ho wahan nahi jaa sakta.... Jab tak Mr. Sk khud kisi ko wahan aane ko na kahen koi wahan nahi jaa sakta....
Sweety : Aisa kyun bhala....?
Bhushan : Mujhe nahi pata.... Mujhe to kya ye baat kisi ko nahi pata..... Bas itna pata hai ki Company ki sirf is Building me hi nahi duniya me Sk Group ki har Building ka Top Floor Sk Sir ka khaas cabin hai wahan jaana sab ke liye mana hai.... Is baat ko achhe se apne dimaag me daal lo.... Agar galti se bhi tum bina ijazat ke wahan gayi to usi pal tumhe job se nikaal diya jaayega.... Pehle bhi kuch logon ne chup ke wahan jaane ki koshish ki thi unhe usi waqt job se nikaal diya gaya tha itna hi nahi unpe kaanooni kaarwayi bhi ki gayi thi.... Wo log aaj tak jail me sad rahe hain.... Sk Sir chahe yahan ho ya na ho jaise hi koi 15th floor ya unke Cabin ki taraf jaata hai unhe foran is baat ka pata chal jaata hai.... wahan ka Security system behad tight hai jise khud Sk Sir ne banaya aur install kiya hai.... Us floor ka hi nahi balki is poori Company ka Security system behad hi safe aur Secure hai.... Use todna ya hack karne is poori duniya me kisi ke liye bhi mumkin nahi....
Sweety : Aisa kya khaas hai Us floor me....?
Bhushan : Ye to mujhe nahi pata..... 3 saal ho gaye hain mujhe is Company me lekin phir bhi aaj tak main wahan kabhi nahi gaya....
Sweety : Kya main Sk Sir se mil sakti hoon....?
Bhushan : Nahi... Pehli baat to ye ki wo yahan nahi hain.... Aur dusri baat ye ki jab tak wo nahi chahte koi unse nahi mil sakta..... Milna to dur aaj tak is Company me koi bhi unse Face to face nahi mil saka hai..... Aaj tak kisi ne unhe nahi dekha hai.... Bas Phone pe ya phir Video call pe hi unse baat hui hai.... Usme bhi unka poora chahra nazar nahi aata....
Sweety : Strange.... Very Strange....
Abhi ye log baat kar hi rahi hain ki tabhi Achanak se room me ek awaaz goonjti hai jise sun ke dono chonk jaate hain....
Sk : Mr. Bhushan agar mere baare me discussion hoga gaya ho to kya aap dono apne apne kaam pe dhyaan denge....? Main chahunga ki aap dono wo hi kaam karen jiske liye aap ko yahan appoint kiya gaya hai.... Na ki mere baare me discussion.... And You Mrs. Sweety. Singh Congratulations.... Main ummeed karta hoon ki aap ko jo post aur zimmedari di gayi hai use aap lagan aur imaandari ke sath bakhoobi nibhayengi....
Sweety : Thanks Sir.... Main poori koshish karungi ki aap ne jo bharosa mujhpe kiya hai main usme khari utar sakun.... Waise kya main aap se pooch sakti hoon ki aap ne mujhe Miss ke bajaye Mrs Sweety kyun kaha....?
Sk : Jis ladki ki Shadi ho jaati hai use Miss nahi balki Mrs hi kehte hain.... Thats for all Today.... Good Luck....
Ye keh ke wo awaaz khamosh ho jaati hai.... Sath hi Sweety ke dimaag me chor jaati hai kayi sawaal jiska jawaab Sweety ko samajh nahi aa raha hai....
Idhar College se nikalne ke baad Sultaan Trusty Jivika ke ghar pahunchta hai....
Bell bajane pe Jivika Darwaza kholti hai.... Saamne Sultaan ko khade dekh wo behad khush ho jaati hai....
Jivika : Kya baat hai aaj kuch khaas hai kya....?
Sultaan : Aap aisa kyun keh rahi hain....?
Jivika : Ek hi Sheher me rehne pe bhi jab Sultaan mahino se yahan nahi aaya uska Achanak se ek hi din me 2 baar aana to baat kuch khaas hi hogi.....
Sultaan : Haan khaas baat to hai magar aap se zyada khaas nahi.... Aap ki baat hi alag hai.... Aap ki khoosurati ko dekh ke to jannat ki Pari bhi jal uthe.... Ye haseen aur Masoom Chehra.... Ye Saadgi.... Ye dilkash ada.... Haye.... Kyun kaise na khicha chala aaye....
Sultaan ke muh se apnj tareef sun ke Jivika khush ho jaati hai.....
Jivika : Bas bas ye bekaar oi tareef karna band kar aur seedhe seedhe mudde ki baat kar.....
Sultaan : Yahin darwaze pe khade khade hi pochogi.... Ya under bhi aane dogi....
Jivika : Sorry yaar wo main bhool hi gayi.... Isme galti meri nahi hai.... Tu hai hi itna Pyara.... Khaas kar ke teri dil lubhane waali baaten jise sun ke kuch hosh hi nahi rehta... Dil bas tujh me kho sa jaata hai....
Sultaan : Lo ji aap to Flirt karne lagi....
Jivika : Sanghat ka asar hai....
Sultaan : Achha ji....
Jivika : Haan ji....
Sultaan : Aaj thand kaafi hai.... Aap ke jaise ek Coffee mil jaaye to maza aa jaaye....
Jivika : Tu baith yahan main tere liye Coffee le ke aati hoon.....
Sultaan : Waise Aap ke Pati Dev Sharma ji kahan hain....? Aur humari Pyari Binu bhi gayab hai.... Dono kahin bahar gaye hain kya....?
Jivika : Sharma ji Business ke silsile me Delhi gaye hain..... Binu ke School me 1 hafte ki chutti thi to wo bhi unke sath hi gayi hai..... Shukr mana ki dono yahan nahi hain.... Sharma ji to phir bhi theek hain.... Magar Binu.... Uska to tu pooch hi mat wo tujhse itni naraaz hai ki agar wo yahan hoti to ab tak to tujhe kachha hi kha gayi hoti....
Sultaan : Kya baat kar rahi hain....? Kya wakayi me Binu itni naraaz hai.....?
Jivika Coffee la ke Sultaan ko de ke kehti hai....
Jivika : Pichle 3 mahine se tu yahan aaya nahi hai aur na hi tu ne call kiya.... Itna hi nahi humare call karne pe bhi tu ne call pick nahi kiya.... Ab tu hi bata kya aise me hum ko tujhse naraaz nahi to kya khush hona chahiye.....? Humara to phir bhi theek hai magar Binu to tujhe apna bhai maanti hai.... Tu ne uske dil ko bhi bahut dukhaya hai....
Sultaan : Maanta hoon ki maine jo kiya wo galat tha.... Magar ye sab maine jaan ke nahi kiya.... Aap to meri majboori jaanti hi hain.... Abhi tak main apne Parivaar waalon ko nahi dhoondh paaya hoon.... Aur uper se in 3 mahino me mere sath kya kya hua wo aap nahi jaanti.... Ek baar jaan jaayengi to aisa nahi kahengi....
Jivika : To bata na roka kisne hai.... Tu hai ki kuch batata hi nahi....
Sultaan unhe poori baat batata hai.... Jise sun ke Jivika ki aankhen nam ho jaati hain sath hi unhe behad gussa aane lagta hai....
Badi mushkil se Sultaan unke Gusse ko shant karta hai.....
Jivika : Ye sab kya hai Sultaan.....? Jinhe tu apna keh raha hai wo hi tere peeche pade hue hain..... Ye kaise apne hain.....? Inse to Paraye hi achhe hain.....
Sultaan : Kuch ke galat hone se saare galat nahi ho jaate....
Jivika : Haan magar jo log galat hain to wo galat hi hain na.... Chahe wo apne ho ya paraye... Chal ab ye bata ki ye Tina ka kya chakkar hai.....?
Sultaan : ********************************
Jivika : Ye tu kya keh raha hai....?
Sultaan : Wo hi jo sach hai.... Ye bhi poora sach nahi hai.... Ye aadhi adhoori baat hai..... Jab tak poora sach saamne nahi aa jaata main poori baat nahi bata sakta.... Isme mujhe aapke sath ki sakht zaroorat hai.... Aap ke sath ke bina ye mumkin nahj ho sakta....
Jivika : Main Sharma ji aur Binu tere sath hain.... Achha ho ya bura hum kisi bhi haal me tera sath nahi chorenge..... Har pal har lamha tere sath rahenge....
Phir kuch zaroori baat karne ke baad Sultaan wahan se apne ghar ki taraf chal deta hai....
Wahin Dusri taraf Tina apne ghar pahunchti hai.... Fresh hone ke baad wo seedhe apni Mona di se baat karne ke liye uske Room me jaati hai.... Dar ke maare uski haalat kharaab bani hui hai... Use samajh nahi aa raha hai ki wo Mona se kaise kahe ki use Sultaan ke madat ki zaroorat nahi hai.... Wo apni padhayi bina uski madat ke poori kar sakti hai....
Tina ko dekh ke Mona khush hote hue us se poochti hai...
Mona : Tina tu aa gayi.... Main tera hi intezaar kar rahi thi..... Aa baith yahan mere paas.....
Tina Mona ke paas jaa ke baith jaati hai....
Mona : Haan ab bata College me tera aaj pehle din kaisa gaya....
Is se pehle ki Tina kuch kehti Mona use beech me hi rok ke kehti hai....
Mona : Main bhi na kya pooch rahi hoon.... Tera aaj ka din achha hi gaya hoga.... Wo college aur wahan ke Students itne achhe hain ki pocho mat.... Main khud wahan padh chuki hoon.... Wahan ke Professors aur Students behad hi hoshiyaar hain.... Wahan se padhayi karne ke baad tu mujhse bhi zyada kaamiyabi hasil karegi.... Us College me sab ek dusre ke sath achhe se pesh aate hain.... Koi na to kisi ke sath jhagda karta hai aur na hi koi aur Galat kaam.... Tu bhi to ab kaafi sudhar gayi hai... Aur jo baaki reh gaya hai use dur karne me us College ke Professor aur Students teri poori madat karenge.... Maine already Jivika Madam se baat kar li hai wo teri poori madat karengi.... Unhone mujhe call kar ke bataya tha ki teri Class ke ek Student ko unhone teri help karne ko kaha hai.... Wo roz 1 ghanta Studies me teri help karega....
Tina kaafi der se apni Di ki baat sun rahi thi.... badi mushkil wo bas itna hi keh paati hai....
Tina : Wo sab to theek hai di magar us Student ki madat lene ki kya zaroorat hai.... Main khud bhi to padh ke apna chhuta hua Syllabus poora kar sakti hoon....
Tina ki baat sun ke Mona thodi oonchi awaaz me jawaab deti hai....
Mona : Zaroorat hai tabhi Jivika Madam ne use tujhe padhane ko kaha hai.... Unhone mujhe ye bhi bataya hai ki wo us College ka Sab se Brilliant Student hai.... Poore College me aisa koi nahi jo uska Mukaabla kar sake.... Us se padhne me tera fayeda zaroor hoga.....
Tina : Magar Di....
Mona gusse se : Koi agar magar nahi.... Wo tujhe padhayega to padhayega.... Is pe mujhe koi behes nahi chahiye.... Aur haan yaad rakhna College se mujhe teri koi Shikayat nahi aani chahiye.... Us ladke ko le ke to bilkul bhi nahi.... Samjhi....
Mona ko gusse me dekh ke Tina ki bolti band ho jaati hai.... Na chahte hue bhi wo haan me apna Sar hila deti hai...
Mona : Chal ab jaldi se fresh ho jaa phir sath baith ke khana khate hain....
Idhar Sultaan apne ghar pahunch ke fresh hone apne room me chala jaata hai.... Phir wo Moni ko call laga ke kehta hai....
Sultaan : Kal taiyaar rehna main Subah tujhe College le jaa ne ke liye aaunga....
kuch der baat karne ke baad call Cut kar deta hai.... Phir ek ek kar ke wo sab ko call kar ke unse baat karta hai....
Agli Subah Sultaan taiyaar hone ke baad apni Car le ke Mehek ke ghar ki taraf chal deta hai....
