Nafrat ya phir Diwaangi.... (Incest Love Story)
Update 65
Hansika : Sultaan tum ne bataye nahi tum humara admission kis School me karwane le jaa rahe ho aur wo School yahan se kitni dur hai....?
Sultaan : St Thomas High School.... Wo yahan ka sab se achha aur naami School hai.... Wahan ke Teachers wahan ke Student aur wahan ki padhayi sab se achhi hai.... Maine bhi isi School se padhayi ki hai aur ab tum dono bhi isi School se apni padhayi Complete karogi....
Sultaan ki baat sun ke jahan Hansika aur Neeta khush ho rahi hain wahin Mona ko teeno pe khaas kar ke Sab se zyada gussa Sultaan pe aa raha hai....
Mona Man me : Wahan jaane Company me kya ho raha hai....? Jaane kitne Employee ne job se isteefa diya....? Is waqt humara wahan jaana sab se zyada zaroori hai.... Aur ye hai ki wahan jaane ke bajaye ise School jaana hai.... Ise in dono kameniyon ka Admission jo karwana hai.... Aaj hi admission karwana kya Company se bhi zyada zaroori hai kal nahi karwa sakta tha kya....? Admission kal karwa dega to iska kya bigad jaayega... Company ke itne important kaam ko chod ke ise in kaminiyon ke admission ki padi hai jaise kal School kahin bhaag jaayega.... Kya karun kuch samajh nahi aa raha hai.... Ise kich keh ke bhi koi fayeda nahi.... Agar maine kuch kaha aur ise bura lag gaya to phir to ye mujhse badla lene ke liye aaj pakka Company me nahi jaayega.... Hey uper waale ab bas ek tera hi sahara hai.... Sambhaal lena bas aaj bhar ke liye sab sambhaal lena bas itna karna ki aaj Company ko band mat hone dena....
Mona abhi ye soch hi rahi thi ki tabhi School aa jaata hai.... School ki aalishan Bldg ko dekh ke Hansika aur Neeta behad khush ho jaati hai.... Wo foran car se utar ke apna sar har taraf ghuma ghuma ke School dekh ke khush ho rahi hain.... Wahin Sultaan Mona ko soch me doobe dekh use hila ke kehta hai....
Sultaan : Apne faaltu ke khayalon se bahar aao aur car se utar ke mere sath chalo.... Aur haan ek baat achhe se apne dimaag me daal lo.... Tumne Mujhe kaha so kaha magar galti se bhi kahin tumne in dono ko ek aur baar kameeni kaha na to main bata nahi sakta ki phir main tumhara kya haal karunga.... Ye dono koi gair nahi balki meri apni hain aur koi mere apno ko kameeni ya kuch bura kahe ye main kabhi bardasht nahi karunga.... To ainda se mere apno ko kuch bhi bura kehne se pehle kam se kam 10000 baar soch lena ab chup chaap bine kuch soche under chalo.... Pehle main inka Admission karwaunga phir inhe ghar chorne ke baad hi hum Company me jaayenge.... Aur ab ispe koi baat nahi hogi chup chap sath chalo.....
Ye keh ke Sultaan car se bahar aa jaata hai sath hi apna mood sahi kar ke Hansika aur Neeta ke sath School ke under ki taraf chal deta hai....
Mona hairat se bas Sultaan ko dekhe jaa rahi hai.... Use kuch bhi samajh nahi aa raha hai.... Wo is baat ko le ke sab se zyada hairaan hai ki usne to ye sab apne dil me kaha.... Dil me kahi hui baat Sultaan ko kaise sunayi di... Ye mumkin hi nahi.... Ki koi kisi ke dil me kahi baat ko sun le.... Magar yahan to Sultaan ne na sirf uske dil ki baat suni balki use us baat ka jawaab bhi diya.... Use yun chup chap car ke bahar khade dekh Sultaan use jo kehta hai use soch ke Mona ek baar phir se chonk jaati hai.....
Sultaan : Maine tumhe wahan khade rehne ko nahi kaha balki sath chalne ko kaha hai.... Aur haan ek aur baat jo cheez tumhare paas jitni hai uska utna hi istemaal karo.... Dimaag... Main tumhare dimaag ki baat kar raha hoon.... Zyada istemaal karne se kahin aisa na ho ki jo hai use bhi ganwa baitho.... Maine kya aur kaise suna ye sochna choro aur jaldi se under chalo.... Soch lo yahan Jitna late karogi.... Company me jaane me utni hi der hogi.... Ab ye tumhe taye karna hai ki tum kya chahti ho.... Jaldi se yahan ka kaam khatam kar ke Company me jaana ya hi late kar ke kaam ko aur bhi zyada kharaab karna....
Sultaan ki baat sun ke Mona foran uske peeche peeche chal deti hai....
Sultaan Principle ke Cabin me jaa ke Hansika aur Neeta ka Admission karwata hai sath hi Principal se dono ka khaas khayaal rakhne ko bhi kehta hai.... Principal Madam Sultaan ki khoob tareef karti hai sath hi ye bhi batati hai ki itna Brilliant Student aaj tak maine nahi dekha.... Isne na sirf is School me balki Poore State me top kiya tha.... aur na jaane wo Sultaan ki kitni hi tareef karti hain.... Jise aun ke Neeta aur Hansika ko behad khushi hoti hai.... Phir wo log wahan se bahar aa jaate hain.... Sultaan unhe poora School achhe se ghumane ke baad sath le ke Sk House aa jaata hai.... Unhe wahan chor ke wo Mona ke sath Singh Group ki taraf chal deta hai....
Ghar aate hi Neeta aur Hansika khushi se uchalte hue wahan kya kya hua aur Principal ne kya kya kaha wo saari baaten sab ko batane lagti hain.... Sath hi ye bhi batati hain ki aaj dono kitni khush hain....
Raste me Sultaan Mona se kehta hai ki...
Sultaan : Company me Call kar ke Company ke har ek Staff ko jald se jald Hall me aane ko kaho....
Sultaan ki baat sunte hi Mona foran call kar ke sab ko Hall me aane ko kehti hai....
Kuch hi der me dono hall me pahunch jaate hain....
Sultaan Mona ko sath leke Stage pe jaata hai aur Mic ke saamne khade ho ke kehta hai....
Sultaan : Hello Everyone.... Ummeed karta hoon ki kal jo maine kaha tha us baare me aap sab ne achhe se soch samajh ke faisla liya hoga.... To bataiye aap sab ka kya faisla hai.... Is Company me reh ke kaam karna hai ya phir chor ke jaana hai.... Jo log Company me kaam continue karna chahte hain wo right side aa jaaye.... Aur jo bhi Company ko chor ke jaana chahte hain wo left side aa jaaye....
Sultaan ne abhi ye kaha hi tha ki tabhi Total 350 Employees me se 30 se 35 log Left side chale jaate hain aur baaki bache 315 Employees Right Side aa jaate hain....
Sultaan ek nazar un 35 Employees pe daalta hai.... Ye 35 Employees sab ke sab badi Post pe hain.... Kuch to Board Members hain kuch Manager ki post pe hain to kuch kisi aur badi post pe.... Sultaan sab ko gaur se dekhne ke baad sab se sawaal karta hai....
Sultaan : Kya main ye jaan sakta hoon ki aap sab ne Company ko chorne ka faisla kyun kiya....?
Unme se 1 Emp jo inka leader lag raha tha wo kehta hai.....
Emp 1 : Hum aisi Company ke sath kaam nahi karna chahte jo pichle 1.5 saal se loss kar rahi hai.... Aur aage jaane is Company kya kya future hoga....
Sultaan : kya main ye jaan sakta hoon ki jab in 315 logon ko Company pe itna yakeen hai to aapko kyun nahi....?
Emp 1 : Ye sab ke sab to ek number ke bewakoof hain..... jo ye jaan ke ki ye jahaaz poori tarha se doob chuka hai.... Ye ise chor ke jaane ke bajaye ab bhi is pe sawaar hain.....
Sultaan : To aap ye kehna chahte hain ki aap sab inse zyada akalmand aur hoshiyaar hain.... Jo is Company roopi jahaaz ko us waqt chor ke jaa rahe hain jab ise aap sab ki sab se zyada zaroorat hai.... Aap sab ye kyun bhool rahe hain ki ye hi wo Company hai jisne saalon se aap ke sath sath aap ke apno ki bhi har zaroorat ko poora kiya aur jab is Company ka bura waqt aaya aur ise aap sab ki sab se zyada zaroorat hai to iska sath dene ke bajaye aap sab iska sath chor ke yun bhaag rahe hain....
Emp 1 : Hum kuch alag nahi kar rahe hain balki wo hi kar rahe hain jo ek Practical insaan ko karna chahiye.... Aap is Company ke Owner hai aur ye sab yahan ke Employees.... Aap sab ko is company ke sath barbaad hona hai to ye aap ki marzi hai..... Magar hum na to ab aage iska sath denge aur na hi iske sath barbaad hona pasand karenge....
Sultaan : Aap sab ko aisa kyun lagta hai ki ye Company barbaad hone waali hai....?
Emp 1 : kal aap ne hi to khud kaha tha ki ye Company pichle 1.5 saal se loss me chal rahi hai....
Sultaan : Haan maine aisa kaha tha magar maine ye kab kaha ki ye Company barbaad hone waali hai....
Emp 1 : Jo Company pichle 1.5 saal se loss me chal rahi ho wo barbaad nahi to kya abaad hogi....
Sultaan : Haan kyun nahi ek bada Order aur ye Company phir se apne usi mukaam pe laut aayegi.... Jis tarha se achha waqt hamesha sath nahi rehta theek usi waqt bura waqt bhi hamesha ke liye nahi rehta.... Waqt sab ke liye ek samaan nahi rehta... Sab ka waqt ek na ek din badlega... Rahi baat is Company ki to kal se hi iska waqt badal chuka hai tabhi to jo log is Company ke sath dhoka kar rahe the unhe pakda jaa chuka hai aur sath hi unhe unke kiye ki saza bhi di jaa chuki hai.... Aur rahi baat is Company ki to main ye yakeen dilata hoon ki is 1 mahine me Company phir se usi mukaam pe pahunch jaayegi.... Infact us se bhi kaafi aage nikal jaayegi...
Emp 1 : Hum aap pe kaise yakeen kar le hum to aap ko jaante tak nahi....
Sultaan : Mujhpe na Sahi aap apni Mona Madam pe to yakeen kar hi sakte hain....
Emp 1 : Aap bekaar me apna aur humara waqt barbaad kar rahe hain hum ne faisla kar liya hai ki aaj se balki abhi se hum is Company ko chor ke jaa rahe hain aur ye rahe humare Resignation letters.... Ab humare is Faisle ko koi nahi badal sakta.... Kyun dosto....
Uske aisa kehte hi uske sath khade baaki sab bhi ek sath uski haan me haan milate hain jise sunke Sultaan us se kehta hai....
Sultaan : Main aap sab ko sochne ka ek aakhri mauka deta hoon.... Aur ye chahta hoon ki aap sab Please apne is faisle pe ek baar aur soch le....
Emp 1 : Abe tujhe ek baar me baat samajh nahi aati kya....? kab se keh raha hoon ki hum ko yahan kaam nahi karna magar tu hai ki baat ko samajh hi nahi raha.... Hum is barbaad Company me ab aur kaam nahi karna chahte samjha ab ya phir kisi aur tareeke se tujhe samjhaun....
Emp 1 ki baat sun ke Sultaan ko uspe behad gussa aa jaata hai...
Sultaan : Maine socha tha ki tum sab ko ek mauka to milna hi chahiye magar tum wo log ho jo kisi mauke ko deserve hi nahi karte.... Ab agle ek ghante ke liye Jahan khade ho wahi chup chap khade raho ek kadam bhi idhar udhar kiya ya yahan se bahar jaane ki koshish ki to maar maar ke wo haalat karunga ki umar bhar hospital ke bed se uthne ke kaabil nahi rahoge.... Mujhe kuch announcement karni hai use poora kar loon phir dekhna kaise tum sab ko yahan se bahar phekwata hoon....
Emp 1 kuch kehne hi waal hota hai ki tabhi Sultaan use dhamkate hue kehta hai....
Sultaan : Galati se bhi tu ya koi aur apni jagah se ek inch bhi hila to dekh lena kal jo halat maine Nimesh Sharma aur uske logon ki ki thi us se battar haalat main tum sab ki karunga.... Ab chup chaap shareef ban ke wahin jam jaao....
Phir baaki 315 logon ki taraf dekh ke un se kehta hai....
Sultaan : Aap sab ne is bure waqt me Company ka sath na chorne ka jo faisla kiya hai wo kaabile tareef hai.... is se ye pata chalta hai ki aap sab is Company ko apna samajhte hain.... Na ki sirf kaam kar ke paisa kamane ki jagah.... Is sab se khush ho ke Company ne aap sab ko kuch khaas dene ka faisla kiya hai sath hi aap sab ke liye ek bada Surprise bhi hai jise sun ne ke baad aap sab khushi se naachne lagenge.... Mujhe is baat ka poora yakeen hai.... Magar wo sab batane se pehle main
Aap sab se kuch poochna chahta hoon.... Main ye jaan na chahta hoon ki us baare me aap kya sochte hain.... Kya aap me se koi mujhe ye batayega ki Company ko aisa kya karna chahiye jis se Company kuch profit bana sake.... Main is baare me aap sab ke khayalat jaan na chahta hoon....
Sab me se 10 logon ne jawab dene ke liye apne apne hath uthaye.... Jinme 7 Ladies aur 3 Gents hain.... Jinke jawaab Sultaan ne bade dhyaan se sune.... Phir Sultaan sab se kuch aur bhi sawaal kiye aur is baar kuch aur logon ne bhi apne hath uthaye.... Aur apne hisaab se jawaab diya.... Ek ke baad ek Sultaan sawaal kiye jaa raha hai aur sab ke jawaab sun raha hai....
Sultaan : Aap sab ke jawaab wakayi me lajawaab hai... Agle ek ghante ke baad aap sab mujhe Mona ke Cabin me aa ke milenge.... Mujhe aap sab se kuch zaroori baat karni hai.... Haan To ab baari hai us baat ki jiske liye maine khaas kar ke aap sab ko yahan bulwaaya hai....
Sultaan : Aap sab me se kis kis ne Sk Group of Companies ka naam suna hai....?
Sultaan ke muh se Sk Group ka naam sun ke Mona ka dil zor se dhadak jaata hai... Wahin baaki sab ek sath hath utha ke kehte hain hum sab ne....
Sultaan : Good... Ab ye bataiye ki agar koi Company Sk Group ke sath kaam karne lage to Uski kya position hogi....
Sab ek sath : Wo tezi se uper ki taraf jaayegi....
Sultaan : Chaliye ab baat karte hain asal Surprise ki jo ek nahi balki 3 hai.... Ji haan aaj aap ki Company jiska aapne is bure waqt me bhi sath diya..... Wo bhi aap sab ka poora sath dete hue aap sab ko ek nahi balki 3 - 3 Surprise degi....
Sultaan ke muh se Achanak se Sk Group ka naam sun ke sab ko pehle hi shock laga hai wahin ab 3 - 3 Surprise ki baat sun ke wo Surprise ke baare me jaan ne ke liye bechain ho jaate hain.... Wo besabri se Sultaan se us Surprise ke baare me sun na chahte hain....
Tabhi Achanak se Hall ka darwaza khulta hai aur Suit boot pehne ek shaks Hall me enter karta hai.... Wo seedhe Sultaan ke paas jaa ke use ek File de ke wahan se chala jaata hai.....
Sultaan sab ko wo file dikha ke kehta hai....
Sultaan : Is waqt mere hath me jo file hai wo hi aap sab ka pehla Surprise hai.... Jaante hain is File me kya hai....? Is file me ek Contact hai jo is Company ke sath sath aap sab ki life ko pehle se bhi kaafi behtar bana dega.... Is File me ek Contact hai jo Singh Group aur Sk Group ke sath hai....
Ye sun ke sab khushi se uchal padte hain.... Sultaan unhe rok ke kehta hai....
Sultaan : Are are ruk jaaiye pehle poori baat to sun lijiye.... Jaante hain is Contract ki Value kitni hai....? Poore 500 Crore....
Sultaan ke muh se 500 Crore sun ke wahan maujood sab ke sath sath Mona bhi khushi se uchal padti hai.... Wo to itni khush ho jaati hai ki khushi ke maare us se wo ho jaata hai jiske baad wo khud use mehsus kar ke hairaan ho jaati hai.... Use yakeen hi nahi hota ki ye usne khud kiya.....
Jaise hi Sultaan 500 Crore kehta hai Mona khushi ke maare daur ke Sultaan ke paas aati hai aur kas ke uske seene se lipat ke khushi ke maare uske honthon pe ek deep kiss kar deti hai.....
Sab ke sath sath Sultaan bhi hairat se use dekhta rehta hai....
Mona foran Sultaan se thoda dur jaa ke khadi ho jaati hai.... Sultaan is ko nazar andaaz kar ke aage kehta hai....
Sultaan : Ab baari hai kiss ki....
Phir Mona ki taraf gusse se dekhta hai.... Jo ki is waqt Sultaan se nazren chura rahi hai.... Sultaan phir palat ke sab ki taraf dekh ke kehta hai....
Sultaan : Sorry.... Haan to ab baari hai dusre Surprise ki.... Company ki taraf aap sab ko isi mahine se Salary me 20 Percent ki increment di jaati hai.... Is ummeed ke sath ki aap sab isi tarha aage bhi Company ka poora sath denge.... Aur ab baari hai aap ke teesre Surprise ki jo hai Sk Group ke is Contract ke milne ki khushi me Company aap sab ko 1 mahine ki Salary Bonus me de rahi hai....
Sultaan ne itna kaha hi tha ki sab ke sab khushi ke maare naachne lagte hain....
Sultaan : Aap sab ko itna khush dekh ke dil kar raha hai ki aap sab ko ek Surprise aur de doon....
Ek aur Surprise sun ke sab foran Sultaan ki taraf dekhne lagte hain....
Sultaan : Sk Group ka Contract milne ki khushi me Company kal apne saare Employees ko ek shandaar Party de rahi hai jisme aap sab ke sath sath aap ke poore Parivaar waale bhi invited hain....
Sultaan ke itna kehte hi sab ek baar phir se khushi se naachne lagte hain....
Sultaan ki saari baat sun ne ke baad wahan maujood un 35 logon ke to hosh hi udd jaate hain.... Wo kya soch ke baithe the aur kya ho gaya.... Unhe ab apne faisle pe afsos hone lagta hai.... Wo Sultaan se apne kiye ki maafi maangna chahte hain is ke liye wo jaise hi aage badhte hain.... Sultaan Security Guards ko bulwa ke unhe dhakke maar ke Company se bahar nikaalne ko kehta hai.... Phir Wahan se nikal ke Mona ke Cabin ki taraf chal deta hai... Mona bhi khushi se uchalte hue uske peeche peeche cabin me aa jaati hai....
Is waqt wo khushi se paagal hui jaa rahi hai.... Kahan wo kal se pareshaan bani hui thi aur kahan abhi uski khushi sambhaale nahi sambhal rahi hai.... Wo khushi me aage badh ke Sultaan ke seene se lipat ne hi waali hoti hai ki tabhi Sultaan us se dur jaa ke kehta hai....
Sultaan : Madam ji sambhaaliye apne aap ko yun baar baar sadak ke bhikari ke seene se lipatna aap ko shobha nahi deta... Kahan aap itni badi Company ki maalkin aur kahan main gali ka awaara... jisko koi apna naukar bhi na banaye.... Aap ka aur mera koi mel hi nahi.... To please baar baar aisa kar ke apni image ko kharaab mat kijiye.... Koi dekhega to kya sochega.... Ki itni badi Company ki maalkin baar baar sadak ke awaara ke gale lag rahi hai.... So Please aage se aisa kuch mat kijiyega.... Ab chaliye Jaldi se mujhe un logon ke details dijiye jin logon ne abhi abhi job ko chora hai sath hi un sab ke bhi jinhe kuch der pehle main yahan aane ko kaha tha....
Ye keh ke Sultaan Saamne Chair pe baith jaata hai.... Wahin Mona ko uski baaton ko sun ke ye ehsaas hota hai ki us din Sultaan ke sath usne kitna bura kiya.... yahan tak ki use Jail bhejwane tak ke liye Dig aur Sp ko bulwa liya.... Aur ek Sultaan hai jisne itna sab hone ke baad bhi uske sath kuch galat nahi kiya galat karna to dur ulta usne uski aur uski Company ki saari pareshani ko dur kar diya.... Aur to aur Sk Group ka 500 Crore ka Project bhi uski Company ko dilwa diya.... Aur ab bhi Company ki baaki Problems ko dur kar raha hai....
Mona abhi ye soch hi rahi thi ki tabhi Sultaan ki awaaz sun ke uski tantra toot ti hai....
Sultaan : Ab wahin khadi rahogi ya wo kaam bhi karogi jo maine kaha hai....
Mona Sultaan ki baat sun ke Sab papers laa ke use deti hai....
Sultaan bade gaur se ek ek kar ke sab ki details ko padhne lagta hai....
Phir ek ek kar ke sab ko bulwa ke unse baaten karta hai.... Ek tarha se wo unka interview le raha hai.... Jis se is waqt sab anjaan hain....
Kareeb 30 logon ke interview lene ke baad ab bas 5 log hi bach jaate hain.... Jinme 4 ladies aur ek Gents hai....
Sultaan ek ek kar ke unhe bulata hai aur sab se unke kaam ke baare me poochne ke sath sath unki family ke baare me bhi baat karta hai.....
Wo un paanchon ko baaki sab ke sath bahar wait karne ko kehta hai aur kuch soch ke ek Paper pe sab ko unki knowledge aur Experience ke hisaab se unke naam ke aage unki new Post mention karta hai.... Sath hi kise kitni Salary bhi milni chahiye wo bhi usme likh deta hai....
Mona gaur se uski baaten sun rahi hai aur sath hi uski harkaten bhi dekh rahi hai.... Us samajh nahi aa raha hai ki aakhir Sultaan karna kya chahta hai....
Sultaan ne jo paper ready kiya use Mona ko de ke uske hisaab se sab ke Appointment Letter aur 1 mahine ki advance salary ka cheque bhi ready kar ke laane ko kehta hai.... Sath hi ye bhi keh deta hai ki jab tak main na kahun ye baat kisi ko pata nahi chalni chahiye....
Jaisa Sultaan ne kaha Mona theek waisa hi karti hai.... Kareeb aadhe ghante ke under sab kuch ready ho ke Sultaan ke hath me aa jaata hai....
Phir Sultaan ek ek kar ke Sab ko under bulwa ke unhe unki New Post ka Appointment letter aur sath me 1 mahine ki salary aur 1 mahine ka Bonus ka cheque bhi deta hai.... Jise dekh ke sab shock ke sath sath behad khush bhi ho jaate hain.... Wo sab ko Conference Hall me jaa ke wait karne ko kehta hai.....
30 logon ko unki New Post ke Appointment Letter dene ke baad ab Sultaan ek gehri saans le ke Pehle shaks ko under aane ko kehta hai.... Unhe unki New Post ka Appointment letter aur sath me 2 Cheque bhi deta hai....
Ye dekh Mona ko badi hairaani si hoti hai.... Use samajh nahi aa raha hai ki wo to sab ke liye ek ek cheque bana ke hi laayi thi.... Aur baaki 30 logon ko bhi Sultaan ne ek hi cheque diya phir is bande kk 2 cheque kyun....? Ek Cheque to Company ka hai to dusra Cheque....?
Appointment letter ke sath hi Salary ka amount dekh ke wo shaks (Sharma ji) khush ho jaate hain.... Wahin dusre Cheque ko dekh ke hairaan bhi....
Sharma ji : Sir.... Maaf kijiyega... Aap ne galti se mujhe ek ko jagah 2 Cheque de diya hai....
Sharma ji ki baat sun ke Sultaan muskurate hue kehta hai....
Sultaan : Ji nahi maine galti se nahi balki jaan ke aap ko 1 mi jagah 2 Cheque diya hai.... Pehle Cheque aapki 1 mahine ki Salary aur Bonus ka hai.... Aur ye dusra Cheque aapki Beti ki Shadi ke liye hai....
Sultaan ki baat sun ke Sharma ji ke sath sath Mona bhi buri tarha se shock ho jaati hai....
Sharma ji : Magar Sir ji 20 Lakh badi rakam hoti hai itni rakam main wapas kaise karunga....?
Sultaan : Maine kab aap se kaha ki aap ko ise waapas karna hai....
Sharma ji : Sir ji main aap ki baat ka matlab nahi samjha.... Ye paise aap mujhe advance ke taur pe de rahe hain na... Taaki is se main apni beti ki shadi karwa sakun...
Sultaan : Ji nahi....
Sharma ji : Matlab...
Sultaan : Matlab ye ki ye paise Company ke nahi hain balki main aap ko apni taraf se de raha hoon.... Taaki aapki beti ki shadi me paison ko le ke koi Problem na aaye.... Mera ye maan na hai ki agar aap khud ko khush rakhna chahte hain to apne aas paas ke logon ko khaas kar ke unhe jo aap ke liye kadi mehnat karte hain.... Unka khaas khayal rakhiye.... Aap ka ye farz banta hai ye dekhte rehna ki unhe kisi bhi tarha ki koi takleef ya pareshani na ho... Aur agar koi pareshani ya zaroorat aaye to unke kehne se pehle hi aap jald se jald use poora kar de.... Mera ye maan na hai ki uper waale ne aap ko jo diya hai wo bas apne tak mat rakhiye usme se kuch hissa unko bhi dete rahiye jinhe uski sab se zyada zaroorat hai.... Aur sab se badi aur ahem baat.... Pyar aur khushi ko jitna baanto wo uthni hi badti jaati hai.... To bas main wohi karta hoon.... Jitna ho sake utna sabme khushiyan baatne ki koshish karta hoon..... Ab aap araam se jaaiye aur apni beti ki dhoom dhaam se Shadi kijiye.... Aur haan ek baat yaad rakhiyega... Iske baad bhi agar aapko kisi bhi cheez ki zaroorat pade to bas keh dijiyega....
Sultaan ki baaten sun ke Sharma ji ki aankhen nam ho jaati hain sath hi Mona ki bhi....
Sultaan foran unke paas jaa ke unke aansu poch ke kehta hai....
Sultaan : Ye kya Sharma ji aap ro rahe hain.... Aap ko to khush hona chahiye.... Ab aapki beti ki Shadi me koi pareshani nahi aayegi...
Sharma ji : Main ro nahi raha.... Ye to khushi ke aansu hain.... Aap jaante hain sab ki tarha jab main chota tha to meri Dadi aur maa ye baat aksar kaha karti thi aur main bhi apne bachho ko yahi baat aksar batata rehta hoon ki jab bhi aap kisi mushkil me ho to saaf man se uper waale se dua karo.... Uper waala aap ko kabhi niraash nahi karta wo apne sab se Nek aur Pyare Farishte ko aapki madat ke liye bhej deta hai.... Dekhiye aaj khud meri kahi hui baat sach ho gayi.... Aaj Uper waale ne apne sab se khaas Farishte ko mere aur mere Parivaar waalon ki madat ke liye bhej diya.... Wo farishta aap ho....
Ye keh ke wo Sultaan ke aage apna hath jod dete hain.... Sultaan foran unka hath thaam ke kehta hai....
Sultaan : Main koi Farishta nahi balki aap ki hi tarha aam insaan hoon.... Bas mujhe mere apno ki kuch zyada hi fikr rehti hai... Unhe zara si bhi takleef me main nahi dekh sakta.... Jab tak us takleef ko dur na kar doon mujhe chain nahi aata.... Ab aap jaaiye aur khushi khushi badi dhoom dham se apni beti ki Shadi kijiye.... Aur haan mujhe Shadi me bulana mat bhooliyega....
Sharma ji : To to aap ko aana hi hoga....
Sultaan : Main zaroor aaunga....
Phir Sharma ji khushi khushi wahan se chale jaate hain....
Ab baari hai baaki 4 ki jo saari ladkiyaan hi hain....
Lakshmi... Gauri... Damini aur Anjali....
Sultaan Lakshmi ko bhi uski New Post ke Appointment letter aur sath me 2 Cheque bhi deta hai....
Lakshmi aur Gauri ko Ghar ki Problem hai.... Kam Salary aur bade parivaar ke zyada logon ki wajah se kuch bach nahi paata ulta hamesha kam hi pad jaata tha.... Jis wajah se unke bhaade ke ghar ka pichle 4 mahina ka rent baaki hone se makaan maalik unhe ghar se nikal waa raha tha.... To Sultaan ne unhe 15 - 15 Lakh Rs diye taaki wo dono apne liye heavy deposit pe ek ghar le sake.... Taaki unki Pareshani kuch had tak kam ho jaaye... Is baat se dono bhi behad khush ho jaati hai aur dil khol ke Sultaan ka shukriya ada karti hain....
Ab bach gayi hai Damini aur Anjali.... Pareshan to ye dono bhi hain.... Magar inki pareshani sab se alag hai.... Jahan Anjali ki maa Hospital me admit hai.... Paison ki kami ki wajah se unka ilaaj nahi ho raha hai wahin dusri taraf Damini ki behan Aalia ke 92 Percent aane pe bhi bina Donation ke uska Admission Medical College me nahi ho paa raha hai.... Dono hi is baat ko le ke behad pareshan bani hui hain....
Baaki Teeno ki tarha Sultaan Damini ko bhi uska New badi Post ka appointment letter ke sath 1 Cheque deta hai.... Jise dekh Damini khush ho jaati hai.... Sultaan use ek envelope de ke kehta hai....
Sultaan : Ye lo ye meri taraf se tumhe ek Gift hai....
Sultaan ki baat sun ke Damini ke sath sath Moni bhi shock ho jaati hai....
Sultaan ki baat sun ke Damini ki hansi foran gayab ho jaati hai sath hi uski jagah gussa le leta hai....
Damini : Jaise ki in do dino me aap ne Company ke sath sath yahan ke logon ki kaaya palat di.... Mujhe laga ki aap sab se alag ho aap me zaroor koi baat to aisi hai jo aap ko sab se alag banati hai.... Magar jaise hi aap ne mujhe ye Envelope diya.... Mujhe apni galti ka ehsaas ho gaya.... Main ye bhool gayi thi ki sab ameer zaade ek jaise hi hote hain.... Paise de ke...
Sultaan use is se aage kuch kehne hi nahi deta wo use beech me rok ke kehta hai....
Sultaan : Ek baar is Envelope ko khol ke dekh lo phir jo tumhe kehna ho keh lena....
Damini gusse se Envelope ko khol ti hai.... Use uske under ek Kagaz milta hai wo jaise hi use padti hai hairat se uski aankhen badi ho jaati hain....
Sultaan : Tumhe ab bhi agar aisa lagta hai ki tumhe ye de ke maine tumhare sath kuch galat kiya hai ya phir tumhari majboori ka fayeda uthaya hai....? To main....
Sultaan ne abhi itna kaha hi tha ki tabhi Damini uske aage hath jod ke kehti hai....
Damini : Mujhe maaf kar dijiye.... Maine anjaane me na jaane aap ko kya kya keh diya.... Please mujhe maaf kar dijiye.... Isme meri galti nahi hai.... Aaj tak jo bhi mile hawas ke bhoole bhediye mile aaj pehli baar koi Farishta mila to maine use bhi auron jaisa samajh liya....
Sultaan : Are nahi nahi isme tumhari koi galti nahi hai.... Jab waqt aur halaat bure ho to insaan aksar aisi galti kar jaata hai.... Mujhe pata hai tum ne wo sab jaan ke nahi anjaane me kaha.... Aur anjaane me ki hui galti ko Sultaan dil pe nahi lagata.... Bhool jaao us baat ko.... Aur haan main koi farishta nahi balki ek aam insaan hoon....
Damini : Ji nahi aap aam insaan to ho hi nahi sakte.... Balki aap to wo beshkeemti heera hain jiski chamak jispe pade wo andhere me bhi 7 rangon me roshan ho jaaya hai.... Pehle aap ne yahan is Company me aa ke yahan ki saari pareshani dur kar di.... Aur phir Sab ki Salary badha ke sab ke dukh dard ko kam karne lage.... Ye kya kam tha jo ab aap ne Meri Behen jiska 92 Percent aane pe bhi kisi Medical College me admission nahi ho raha tha aap ne uska Admission yahan ke sab se bade Medical College me karwa diya..... Itna hi nahi uski poore 4 saal ki fees bhi Advance me pay kar di.... Taaki aage use koi pareshani na aaye..... Aap humare liye aur kitna karenge.... Aap ne jo kiya hai wo to koi apna bhi na kare.... Aur ek main hoon jisne aap ko bina sach jaane kya kya suna diya.... Please use meri galti samajh ke maaf kar dijiye....
Sultaan : Jo beet gaya use bhool jaao.... Main wo hi kiya jo mujhe sahi laga....
Damini : Aap wakayi me kisi Farishte se kam nahi hain....
Ab baari hai Anjali ki....
Sultaan use bhi sab ki tarha New badi Post ka appointment letter ke sath me 1 Cheque deta hai.... Jise dekh wo khush ho jaati hai....
Wo abhi kuch kehne hi waali hoti hai ki tabhi uska Mobile bajne lagta hai....
Call uski Choti behen ka hai.... Jise dekhte hai Anjali Sultaan se kehti hai....
Anjali : Sorry Sir mujhe ye call uthana padega.... Ye meri Choti behen ka call hai jo mere liye bahut Important hai....
Sultaan use haan ka ishara karta hai....
Anjali : Haan bol Aditi Maa to theek hai na....? Unhe koi problem to nahi....? Dr ne kuch kaha kya....? Dr se kehna main paise ke intezaam me lagi hui hoon.... Jald hi jama karwa dungi....
Aur na jaane wo kya kya kahe jaa rahi hai....
Anjali : Kya hua Aditi tu kuch bolti kyun nahi....
Aditi : Aap mujhe kuch bolne ka mauka do tab na main kuch kahungi....
Anjali : Wo achanak se tera call aa gaya to main ghabra gayi thi.... Ab bol baat kya hai....? Achanak se tu ne is waqt kyun call kiya....?
Bas phir kya tha Anjali ek baar phir se shuru ho gayi....
Badi mushkil se Aditi use chup kara ke use apni baat batati hai....
Aditi : Di humari saari pareshani ab dur ho gayi hai.....
Anjali : Pareshani dur ho gayi matlab...?
Aditi : Matlab ye ki Maa ka Operation ho gaya hai.... Aur agle 4 se 5 din me Dr unhe discharge kar ke ghar bhi bhej denge....
Aditi ki baat sun ke Anjali shock ho jaati hai...
Anjali : Maa ka Operation ho gaya magar kaise....? Operation ke Paise to ab tak hum jama nahi karwa paaye hain to phir bina paise ke maa ka Operation kaise hua....?
Aditi : Is baat se to mujhe bhi behad hairani hui.... Maine jaa ke Billing Counter se pata kiya to unse mujhe pata chala ki Operation ke 15 Lakh Rs jama ho jaane ke baad hi Maa ka Operation hua.....
Aditi ki baat sun ke Anjali buri tarha se shock ho jaati hai....
Anjali : Kyaaaaaaaaaa....?
Aditi : Ji haan theek aise hi main bhi Shock hui thi jab mujhe ye baat pata chali thi.... Ye to kuch bhi nahi maa ke naam pe 5 lakh aur bhi jama hue hain taaki Operation ke baad unhe Special ward me Shift kiya jaa sake.... Taaki Operation ke baad unhe kisi tarha hi koi pareshani na ho aur unka achhe se khayaal rakha jaa sake..... Poore 20 lakh Rs Hospital me jama hue hain....
Anjali Shocked : 20 lakh....
Aditi : Ji haan 20 lakh....
Anjali : kahan se aaye 20 lakh....? Aisa kaun hai jisne is bure waqt me aa ke humari itni badi madat ki.... Bade mama ji honge... Ya Chacha ji honge.... Nahi Shayad Tau ji honge....
Aditi : Ji nahi is sab me se kisi ne ek paisa bhi nahi diya.... Aur na hi wo hum pe kabhi ek paisa bhi kharcha karenge.... Jab tak Papa the sab har waqt humare sath hi rehte the..... Jhoothe pyar aur dikhave ke sath aur jaise hi Papa hum ko chor gaye ye sab humse humara sab kuch loot ke aise gayab hue ki in sab ne dobara palat ke bhi nahi dekha ki hum zinda bhi hain ya mar gaye....
Anjali : To phir kaun hai wo jisne humari itni badi madat ki.....?
