- 5,758
- 13,139
- 189
UPDATE 91
Tumhari aankhein kyu sujha hua hai?
Chhat me jaate hi Atul se Shreya ne sawal kiya...Shreya aise hi chhat par ghum rahi thi ki tabhi Atul bhi waha aa gaya.
Atul:- Cockroach ko maarne wala spray galti se aankho me lag gaya.
Shreya:- Aur kitna jhuth bologe?
Atul:- Jab pata hi hai to kyu puch rahi ho?
Shreya:- Dekhna chaahti hu ki aur kitna jhuth bol sakte ho?
Atul:- Aur kar bhi kya sakta hu?
Shreya:- Aaj jo kuch bhi tumne kiya wo sab jaruri tha kya?
Shreya sidhe mudde par aa gayi...Atul ki wo baatein usse bilkul bhi pasand nahi aaya tha.
Atul:- Jaruri tha.
Shreya:- Aisi kya jaruri tha ki tumhe apne hi pyar ko jaleel karna pada itne logo ke bich? Nisha di...Unka pyar...Unki khushiyan...Jo itne saalo baad tumse milne par unhe mili thi...Tumhari do baaton ne unhe kitna dukh diya hai jaante ho tum?
Aur aisi kya jaruri tha ki saccha pyar nafrat me badal jaaye?
Shreya ki sawaal par to Atul kuch der chup raha...Fir muskuraya...Aur bolna shuru kiya.
Atul:- Jaanti ho Shreya...Jab ham alag hue thhe...Karib 1 mahine baad...Jab tumhaare gaanw me aaya tha ek doctor ban kar.
Uss vakt akele me baith kar rota tha, tadapta tha aur har pal yaad karta tha apni Nishu ko...Bardaast nahi kar paata tha usse apni duriyan...Apne kismat par gussa aata tha.
Ek din aise hi apne kismat ko hi challenge kar diya..."Mujhe dobara Nisha se kabhi mat milaana...Warna usko chhin lunga tujhse (Kismat se), puri duniya se."
(Thoda aur muskura kar) Lekin dekh lo aaj...Aaj Nisha mere paas thi...Aur aaj bhi wo mujhse pyar karti hai...Beintehaah pyar...Lekin mai kuch kar hi nahi paaya...Himmat bhi nahi juta paaya.
Apni khushi se jyada uski khushi ka parwaah karne lag gaya...Kaise usko chheen lu uske hi khilaaf...Wo meri ho kar bhi meri naa hoti.
Shreya Atul ki baatein hi sun rahi thi...Atul ne ek najar usse dekha aur kaha.
Atul:- Nisha se pehle maine usse dekha tha...Ravi ke saath kisi baat par lad rahi thi...Tumne pucha tha na mai itna bechain kyu ho raha hu?
Wohi vajah tha...Achanak se itne saalo ke baad Nisha saamne aa gayi...Aankho me to khushi tha...Pyar tha...Lekin dil...Dil bechain tha...Usse baat karne ke liye, Pyar karne ke liye, Ladne jhagadne ke liye...Ek baar fir mai se ham banne ke liye.
Lekin kya kar sakta tha...Abb vakt aur kismat mere saath nahi tha...Kisi tarah najre chura kar bhaag jaana chaahta tha taaki Nisha mujhe dekh naa sake lekin aisa nahi ho saka.
Shreya:- Aur wo gussa?
Atul:- Wo saala Ravi ke liye...Apni Nishu se kaise gussa ho sakta hu...Wo kamina Ravi...Meri Nishu se lad raha tha...Dil to kar raha tha kamine ka munh ja naksha hi badal du...Lekin hai to wo Nisha ki pati...Kya kar sakta hu?
Shreya:- Nisha ki pati ? Tum aise confirm kaise ho?
Atul:- Shaadi me nahi gaya tha unki...Lekin itna jarur jaanta hu ki unki shaadi ho gayi hai...Rohit...Mera dost tha college me...Usne hi bataya...Photo bhi bheja tha...Bahut himmat jutaane ke baad dekh paaya tha.
Kuch der tak to dono chup rahe...Fir.
Shreya:- Lekin itna jaleel karna jaruri tha kya? Kya tumhe lagta hai tumse nafrat karne ke baad wo khush rahegi?
Atul:- Wo to nahi pata...Lekin nafrat nahi karegi to khush to bilkul bhi nahi rahegi...Jis baat ka dar tha wohi hua...Wo aaj bhi mujhe pyar karti hai...Utna hi pyar jo pehle karti thi...Itna pyar karne ke baad wo kaise aage badh sakti hai.
Jaruri hai ki pehle wo mujhse nafrat kare...Mere alawa baaki ki cheejo par dhyan de...Ye aaj sambhav nahi...Kal bhi nahi...1 saal, 2 saal ya fir kuch aur saal...Mujhe bhulne ke baad jindagi usse jeene ki vajah to de hi dega...Dhire dhire wo khush hona sikh jaayegi...Usse hona hi padega.
Ravi...Saala wo to itna kamina hai ki kya bataau...Lekin ek baat abb accha lag raha hai uska...Nisha se wo bhi saccha pyar karta hai...Ye maine bhi mehsus kiya hai.
Ummeed hai dono dhire dhire khushi se aage saath rahe.
Shreya:- Kya tumhe lagta hai aisa hoga?
Atul:- Ummeed hai...Aur ummeed se hi kisi cheej ki shuruwat hoti hai.
Shreya:- Kya tumhe bura nahi lag raha Ravi aur Nisha ki ek hone ka soch kar?
Atul:- Bura...Bahut bura lagta hai...Jis insaan ko mai sabse jyada nafrat karta hu...Aaj Nisha ussi ki hai...Lekin kya karu...Apne liye sochna to bahut pehle hi chhod diya hai...Abb sirf Nisha ki khushi ki dua hai...Aur mai sirf yahi chaahta hu ki Nisha khus rahe.
Shreya:- Fir bhi mujhe lagta hai tumhe Nisha di se acche se baat karna chaahiye tha...Wo bhi khush hoti itne saalo baad milne se...Aur agar Nisha di Ravi ke saath khush naa hoti to tum dono ek bhi ho sakte thhe?
Atul:- Sach dikhta kuch aur hai aur hota kuch aur...Nisha aaj bhi mujhse utna hi pyar karti hai...Aur karti rahegi...Lekin ye bhi sach hai ki wo chaahe kitni bhi dukhi kyu naa ho wo mere saath kabhi nahi aati.
Agar aana hi tha to pehle hi aa jaati...Social life bhi kuch hota hai...Pehle hi apne Papa ke liye wo apni marji ke khilaaf shaadi ke liye taiyar ho gayi thi...Aur abb...Itna sab ho jaane ke baad?
Maine aaj jo bhi kiya wohi sahi laga...Abb accha yahi rahega ki Nisha apni life me aage badh jaaye...Abb isa baat ko aur complicate naa karna hi thik rahega.
Shreya:- Kya aaj unko itna sab sunaate vakt tumhara honth nahi kaampa?
Atul:- Bahut baar...Aisa lag raha tha ki kahi mere andar ki aashiq baahar naa aa jaaye...Lekin kisi tarah control kar liya.
Shreya:- Lekin jhuth bola...Kya ye sahi tha?
Atul:- Kya baccho jaisi baatein kar rahi ho? Mai bas ek sadharan (simple) insaan hu...Jab dharm ke liye Dharmaraj Yuddhisthir bhi jhuth bol sakte hai to mai apne pyar ke liye kyu nahi bol sakta...Uski khushi ke liye.
Aur ye jhuth...Koi nayi baat nahi hai mere liye...Khud se hi kayi baar jhuth bol chuka hu.
Shreya:- Khud se?
Atul:- Ha bahut baar...Khud se hi jhuth bolta hu ki mai khush hu... Aur jindagi me aage badh raha hu...Lekin sach kuch aur hai...Aaj bhi Nisha ke pyar me mai wohi khada hu jaha se mai Nisha se alag hua tha.
Ek dardnaak muskaan ke saath Atul ne kaha.
Shreya:- Aur tum? Abb tum kya karogey?
Atul:- Mai...Kuch bhi to nahi...Ye jindagi maine kismat ki haathon chhod diya hai...Uski marji...Mujhe kahi bhi le jaaye...Chala jaaunga...Aankhein band kar ke...Aur abb to aadat ho gayi hai aise hi jeene ki.
Ha lekin jab tak jinda hu...Dua karta rahunga...Apni Nishu ke liye...Uski khushi ke liye.
Jab bhi Nisha ki naam Atul ku jubaan par aata achanak se uski hontho par pyara sa muskaan fail jaata.
Shreya bas Atul ko hi dekh rahi thi...Soch rahi thi kaisa insaan hai ye...Kya pyar kisi ko itna majbur kar sakta hai, itna paagal bana sakta hai? Kya pyar me itna shakti hota hai?
Atul:- Nisha bahut khubshurat ho gayi hai naa?
Muskaan ke saath Atul ne pucha.
Shreya:- Badshurati ki taarif karte hue tum nahi thak rahe thhe tabhi to.
Atul:- Wo to aise hi...Lekin jhuth bolna aaj bhi dhang se nahi sikh paaya.
Shreya:- Haa...Nisha di bahut khubshurat hai...Jitna tum ne bataya tha usse bhi kahi jyada.
Atul:- Dil karta hai bas dekhta hi rahu...Aankho me hi kaid kar lu...Kahi jaane hi naa du.
Atul apni khwaab me kho gaya tha.
Shreya:- Mr Majnu...Abb hakikat me aa jaiye.
Fir Atul ka chehra utar gaya.
Shreya:- Sorry...Mai to...
Atul:- Waise bhi sacchai yahi hai...Sach se kitna bhaag sakta hu.
Jhuthi muskaan ke saath Atul ne kaha.
Shreya:- Aur mai?
Atul:- Kya?
Shreya:- Mai kitni khubshurat hu?
Thodi der Atul Shreya ko gaur se dekhta hai...Fir.
Atul:- Tum bhi khubshurat ho...Lekin meri Nishu jitni nahi.
Shreya:- Accha.
Jhuthi gussa ke saath Atul ne kaha.
Atul:- Haa...Meri Nishu jaisi koi nahi.
Mushkuraate hue Atul ne jawab diya.
