• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Kasam - Love is not Everything (Completed)

Champ_AK_81

Well-Known Member
5,758
13,138
189
UPDATE 90

Atul kya hua?

Achanak se Atul ko bechain dekh Shreya boli.

Jawaab diye bina hi Atul kabhi apne table par rakhe chamach (spoon) ko table par maarta...Kabhi apne baal par haath ferta...Gusse me uska chehra laal ho gaya tha...Gusse me kabhi wo saamne ki taraf dekhta to kabhi niche ki taraf dekh kar apne chehre ko haatho me chhupa leta.

Atul:- Chalo yaha se.

Bechain ho kar Atul ne kaha.

Shreya:- Kaha?

Atul:- Baad me bataunga...Abhi chalo yaha se.

Iss baar Atul ki aawaj me bechaini ke saath gussa bhi tha.

Shreya Aarav ke saath Atul ke puche piche chalne lagti hai.


Atul

Ek pyari si aawaj Atul ki kaano tak pahunchi...Aawaj ka asar ek dum se dil par hua...Dil jaise dhadakna hi band kar diya...Iss pyara sa ehsas ne Atul ko naa chaahte hue bhi uss taraf mudne par majbur kar diya.

Atul ka andaaja galat nahi tha...Galat ho bhi nahi sakta tha...Saamne Nisha thi...Aankho me pyar hi pyar tha apne Atul ke liye...Aur ek santushti 5 saal baad Atul se milne ki...Jis vakt ka wo pal pal intejaar kar rahi thi.

Atul ko dekhne bhar se uska saara dard sur gham ko bhula khushiyan aur muskaan me badal gaya...Wo bas pyar bhari nigaaho se Atul ko dekhti hi rahi jaise ki ye pal kabhi khatm hi na ho.

Atul bhi Nisha ki aankho ki gehraai me kho gaya...Dil me na jaane kitne armaan wapas jinda ho gaye.

Lekin kismat ka khel...Agle hi pal Atul ka najre badalne lage.

Nisha:- Kya hua Atul?

Pyar se Nisha boli...Atul abhi bhi usse aise najro se dekh raha tha jaise usse pehchaane ki koshish kar raha hai.

Atul:- Tum?

Atul ne jaise sochte hue kaha...Sir ke piche haath le jaa kar.

Atul:- Ohh achha...Tum Nisha ho na.

Atul ne hanste hue kaha.

Nisha ke liye ye kisi jhatke se kam nahi tha.

Nisha:- Atul ye tum kya keh...

Atul:- Sorry...Pehchaan nahi paaya tha...Oh kya hai na ki dil se to tum bahut pehle hi badal gayi thi...Abb to sharir se bhi badal gayi ho.

Bhains jaisa mota jism, Sugga(Parrot) jaise naak aur batak (Duck) jaisa honth.

Atul ne majaak udaate hue kaha.

Nisha abhi bhi hairaani me Atul ko dekh rahi thi...Gusse se kahi jyada usse dukh ho raha tha...Kabhi socha bhi nahi tha usne jisse wo itni pyar karti hai wo saare restaurant me itne logo ke bich usse aise jaleel karega.

Fir Atul ka najar padta hai saamne khada Ravi par.

Atul:- Kaisa hai looser?

Ravi:- Kaun looser.

Atul:- Abe tujh se hi baat kar raha hu...Apna aukaat bhul gaya kya?

Duniya bhar ki nafrat Atul ki jubaan par tha.

Ravi:- Soch samajh kar bol...

Ravi kuch bolta usse pehle hi...

Atul:- Aawaj niche.

Ravi:- Tu apne aap ko...

Atul:- Do thappad lagaunga kaan ke niche...Bola na aawaj kam.

Atul ne dhire se hi kaha lekin aankho me itna gussa tha ki Ravi bhi kuch der ke liye chup ho gaya.

Ravi:- Ajay ki dum par itna ucchal raha hai na.

Atul:- Abb Ajay kaha se bich me aa gaya...Aur Ajay ka naam izzat se le...Baap hai wo tera.

Teri jindagi bachaya hai usne uss din...Warna pata nahi tera kya haal karta...Dil to kar raha tha jameen me gaad du tujhse.

Ravi:- Mai chup hu iska matlab...

Atul:- Warna kya karega? Mera thooka hua chaatne ki hi aukaat hai tera...(Nisha ki taraf dekh kar) Uss din bhi aur aaj bhi.

Abb Nisha aur sun nahi paati...Apna haath ghooma kar ek jodar thappad Atul ki gaalo par maarne hi wali thi ki bich me Atul uska haath pakad leta hai.

Atul:- No Nishu no...Sochna bhi mat...Abb tumhara wo aashiq nahi raha jo tumhaara har nakhre jhelta tha, man maani sehta tha...Abb haath uthaaogi to haath todne me vakt bhi nahi lagega.

Atul fir Nisha ka haath jhatak deta hai.

Nisha abb khud ko rok nahi paati...Abb uski aankho se aansu behne lagte hai...Beizzati ki aansu wo bhi apne hi pyar se...Sab log unhe hi ghoor rahe the lekin sab chup the...Shayad iss tamasha ka maja le rahe the...Free ka entertainment jo chal raha tha.

Nisha:- Aisa kyu kar rahe ho tum?

Atul:- Mai kya kar raha hu.

Hanste hue chaaro taraf dekh Atul bola.

Nisha:- Tum bilkul badal gaye ho?

Shikayat bhari aawaj me Nisha ne pucha.

Abb serious ho kar....

Atul:- Ha badal gaya hu...Bahut pehle badal jaana chahiye tha...Vakt rehte hi ek bewafa ki pyar ko samajh jaana chaahiye tha.

Nisha:- Kaun bewafa?

Atul:- Tum.

Nisha par ungli dikhaate hue Atul ne kaha.

Nisha:- Bas ek hi sawaal...Tum mujhse pyar nahi karte?

Atul:- Nahi.

Sidha jawaab Atul ne Nisha ki aankho me dekh kar kaha.

Nisha:- To fir Papa se kyu kaha ki tum abhi bhi mujhse pyar karte ho?

Atul:- Unhone sab ugal diya...Wo iss liye ki unhe sochne ke liye majbur kar raha tha ki unhone jo bhi kiya galat kiya...Jaisa mai tadpa tha unhe bhi to tadapna chaahiye.

Nisha:- Aur unhe hospital me admit karna?

Atul:- Bewakoof hi rahogi tum...Agar ek doctor patient ko nahi bachayega to kya karega?

Kya maine unhe ghar bana kar diya...Ya fir unke liye case lada...Unke liye kheti karke unko 2 bori chaawal diya.

Wo patient the aur mai doctor...Bas itna hi.

Wo saamne ek kutta dekh rahi ho (Gate ke baahar dikhaate hue) Agar wo bhi jakhmi ho gaya to uska bhi ilaaj karunga...Abb bataao uss kutta me aur tumhare Papa me kya fark hai?

Nisha:- Atullllll

Gussa me chilla kar Atul ko ghoorne lagi wo.

Atul:- Aawaj niche...Waise bhi hakikat yahi hai.


Fir kuch der ek khamoshi chha jaati hai...Atul kuch bol nahi raha tha...Nisha gusse se Atul ko ghoor rahi thi...Andar hi andar dard bhi itna ho raha tha ki khud se hi wo sawaal kar rahi thi, "Kya ye wohi Atul hai jise wo itna pyar karti thi"?

Shreya Atul ki roop par hairaan thi...Ravi bas Atul aur Nisha ki ladaai se khush tha...Aarav bhi chup tha aur Atul ka gusse se dar raha tha...Log free ka entertainment ka pura maja le rahe the.

Hotel ka owner Atul ka dost tha...Iss liye abhi bhi shaant thhe...Warna sabhi ko baahar nikaal chuke hote.

Atul:- By the way...Meet my wife Shreya.

Shreya ko apne paas laa kar Nisha se introduce karwaya...Jo baat apni Papa se sunne ke baad Nisha vishwash nahi kar rahi thi aaj Atul ne khud ye bol kar saabit kar diya.

Shreya bhi hairaani se Atul ko ghur rahi thi.

Atul:- Shreya ye hai Nisha...Bataya tha na mera ex-girlfriend...Kaise isne mujhse pyar ka naatak kiya aur aakhiri vakt par mujhe dhokha de kar iss namoona (Ravi) se shaadi kar li.

Nisha:- Atul...

Atul:- Tum to kuch bolo hi mat...Rk baat sun lo.

Duniya me acche logo ki kami nahi hoti...Tumne haath chhod diya lekin jald hi mera haath thaamne wali mujhe mil gayi...Meri Shreya...Abb jaa kar mujhe sacche pyar ka ehsas hua hai.

Abb samajh me aa raha hai kitna bewakoof tha mai jo tumhaare pyar me khud ko barbaad karne jaa raha tha.

Nisha:- Jindagi bhar saath naa chhodne ki Kasam khaane wala...Aaj tumhe bhi dekh liya.

Atul:- Bewafa se toda gaya Kasam koi paap nahi...Galti tumhara tha...To mai kyu bewafa ko diye hue kasam ki vajah se ghoot ghoot kar jiyu.

Ha ye Kasam agar Shreya se kiya hota to jarur nibhata...Wo tumhari tarah bewafa to nahi hai.

Atul jaan bujh kar Bewafa shabd par jor de raha tha.

Nisha:- Agar tumne mujhse pyar kiya hota to mujhe samajhte...Meri majburi dikhti...Khair, bewafa hi hu na mai tumhare liye...Yahi sahi.

Abb jaao yaha se...Aur tamasha mat banao.

Atul:- Tamasha mai bana raha hu...Mai to apne raaste jaa raha tha...Tumne hi mujhe rok kar tamasha banaya hai.

Nisha:- Acha maine hi tamasha banaya hai...Jaa rahi hu.

Nisha ne ye keh to diya...Lekin man hi man ek awaaj utth rahi thi..."Please rok lo...Aur bolndo ki ye sab majaak hai." Lekin

Atul:- To jaao naa.

Nisha:- Jindgi me fir kabhi tumhari shakl nahi dekhungi...
I hate you.

Atul:-
I hate you too.

Atul ki hontho me ek shaitaani mushkaan tha...Abb Nisha aur bardaast naa kar saki.

Wo waha se jaane lagi...Fir piche mood kar.

Nisha:- Shreya.

Shreya Nisha ke paas gayi.

Nisha:- Atul ka khayal rakhna...Wo bahut accha ladka hai...Tumhe bahut pyar karega, tumhara khayal rakhega...Bas mujhse naaraj hai isliye aisa bol raha hai.

Ham dono ka saath me rehna shayad kismat ko manjur nahi...Par abb wo tumhari jimmedaari hai...Tum dono hamesha khush raho.

Dil par patthar rakh kar Nisha ye sab bole jaa rahi thi...Apne pyar ko dusre ko saupna...Na jaane kya gujar raha tha Nisha ke dil par...Lekin usne himmat kar ke bol diya.

Shreya ne kuch jawaab nahi diya...Par usse dekh kar Niaha ko vishwas ho gaya.

Abb Nisha waha se chali gayi...Shayad hamesha hamesha ke liye.

Ravi bhi khushi se jhumta hua Nisha ke piche chalta raha.

Ravi:- Tum itna ghatiya insaan se pyar karti thi.

Ravi abhi bhi Nisha ko bhadkaane ki puri koshish kar raha tha...Par Nisha ne koi jawaab nahi diya.


Dusri taraf Atul bhi Shreya aur Aarav ke saath chal raha tha.

Atul ki aankho me aansu aa gaye the...Aankh aur mutthi ko jor se bhinch liya tha usne...Shreya ke man me bhi bahut se sawal the jo wo abhi iss vakt puch nahi sakti thi.

Aarav bechara darte hue Atul ko dekh raha tha...Usne kabhi kisi ko itna gussa me nahi dekha tha.

Atul andar hi andar kabhi ro raha tha to kabhi khud par hi hans raha tha...Apni kismat par...Apni majburi par...Bahut hi ajeeb haalat ho gaya tha uska...Na jaane ye pyar insaan se kya kya karwata hai?
 

Damha

I LOVE KUNG FUUUUU!!
Staff member
Sectional Moderator
17,250
19,162
229
Chahat Toh Aaj Bhi Thi Unki Liye

Per Kismat Ke Hathon Majboor Ho Gaye,

Dekhi Jo Un Mein Apne Liye Berukhi


Hum Unki Khushi Ke Liye Unse Dur Ho Gaye

Kaun Chahta Hai Khud
Ko Badalna,


Kisi Ko Pyar Toh Kisi Ko
Nafrat Badal Deti Hai

great update superb bohat zabardast akhir aisa kia huwa hai past main jo Mohabbat Itni Hai Ke Dekhe Begair Raha Nahi Jaata, Aur Nafrat Itni Hai Ke Dekhne Ka Bhi Jee Nahi
Chahta

KEEP WRITING
KEEP POSTING
KEEP ROCKING
 
  • Like
Reactions: Champ_AK_81

Aryan s.

Active Member
744
1,383
139
Yeh kya ho gaya !!!
Akhir atul ki mazburi kya hai....
Aap ki last story mein bhi hero ne aadhe raste haar maan liya tha cancer k karan....
Yahan par bhi Atul wohi kar raha hai.....
Dekhte wajah kya hai...
 
  • Like
Reactions: Champ_AK_81

Champ_AK_81

Well-Known Member
5,758
13,138
189
Chahat Toh Aaj Bhi Thi Unki Liye

Per Kismat Ke Hathon Majboor Ho Gaye,

Dekhi Jo Un Mein Apne Liye Berukhi


Hum Unki Khushi Ke Liye Unse Dur Ho Gaye

Kaun Chahta Hai Khud
Ko Badalna,


Kisi Ko Pyar Toh Kisi Ko
Nafrat Badal Deti Hai

great update superb bohat zabardast akhir aisa kia huwa hai past main jo Mohabbat Itni Hai Ke Dekhe Begair Raha Nahi Jaata, Aur Nafrat Itni Hai Ke Dekhne Ka Bhi Jee Nahi
Chahta

KEEP WRITING
KEEP POSTING
KEEP ROCKING
Thanks Damha bhai for your support and reviews...Mohobbat hi aisa hai bhai dono me ki dusre ki khushi ke liye khud hi galat ban jaate hai...Atul ka aisa karne ki vajah agle update me pata chal jaayega...Aise hi saath bane rahiye.
 

Hellohoney

Well-Known Member
3,471
8,206
159
Kya kahun es update ke bareme kabhi ghussa aaya atul ki baate sunke kabhi dukhbhi huva kabhihasne ka man huva bhai bhot hi imotonal update lagta he ab sreya ko sabkuch sahi karna padega kuch to misundastending he sayad nisa ki bhi sadi nahi huvi lekin saath me ravi tha esliye atul ne esa kadam uthaya
 
  • Like
Reactions: Champ_AK_81
Top