- 5,758
- 13,170
- 189
UPDATE 50
Itna chup kyu ho?
Kuch lambi khaamoshi ke baad Kirti boli.
Sumit aur Kirti ko nadi kinaare mein aaye 2 ghante ho gaye thhe...Lekin baat naa ki barabar hua tha...Nadi ke kinaare ek patthar mein dono baithe thhe ek dusre ki baahon mein.
Sumit:- Bas aise hi.
Kirti:- Itna hi to nahi thha na tumhara pyaar? Abhi se man to nahi bhar gaya.
Iss baat par Sumit ne Kirti ki taraf dekha...Aur fir muskura kar.
Sumit:- Kabhi sher ko ghaans khaate dekha hai?
Kirti:- Lekin tum mein abb wo sher wali baat nahi.
Sumit:- Sher abhi khush hai...Bahut khush hai...Dil ki iccha jo puri hui hai...Bas yahi vajah hai ki wo shikaar nahi kar raha hai.
Bas kuch pal aur...Warna tum bhi jaanti ho iss shikaari ka shikaar karne ka andaaz.
Bolna chaalu kar diya to tumhare do kaan bhi kam pad jaayenge sunne ke liye.
Mushkuraate hue Sumit ne kaha...Jawaab mein Kirti bhi mushkuraayi.
Kuch der dono ke bich fir khaamoshi chhaa gaya.
Sumit:- Aaj tumhare itne paas...Tumhare itne karib baitha hun to ehsaas ho raha hai...Jindagi mein kis cheej ki kami hai.
Aaj wohi pyaar ko mehsus kar raha hun...Aisa lagta hai tumhata fir se mil jaane se mera jindagi pura ho gaya hai.
Dil mein to hai bahut kuch bataane ke liye...Lekin kaha se shuru karu aur kaha par khatm? Bas issi liye khaamoshi mein iss pyaar ka ehsaas ka majaa le raha hun.
Kirti:- Mai bhi.
Kirti ki iss pyaar bhari baat par Sumit ek baar fir fidaa ho gaya.
Sumit:- Tumne bataya nahi...Fir se kaise maan gayi?
Kirti:- To kya fir se ruth jaau?
Thoda gussa dikhaate hue Kirti boli.
Sumit:- Nahi nahi...Abb to tumhara jhutha naraajgi bhi bardaast nahi kar paaunga.
Sumit ne Kirti ki honth par apna ungli rakhte hue kaha jo ye saaf dikha raha tha ki iska kalpana bhi karna kitna dardnaak hai uske liye.
Kirti:- Bahut pehle hi impress ho gayi thi.
Ye Sumit ke liye kaafi hairaani ki baat tha.
Sumit:- Lekin kab aur kaise? Mujhe to kabhi pata hi nahi chala.
Kirti:- Agar impress naa hoti to iss vacation par kyu rukti?
Sumit:- To fir itna gussa kyu thhi mujhse?
Iss baar Sumit ki aawaj mein shikayat tha.
Kirti:- Dekhna chaahti thi tum mere liye kya kya kar sakte ho...2 saal ki naarajgi tha...Itna hak to banta hai naa.
Kirti ki iss maasumiyat bhari baat par.
Sumit:- Hamesha sochta tha...Tum mere takkar ki ho...Lekin aaj lag raha hai koi mukaabla hi nahi hai tumse.
Kirti:- Kuch baaton ki samajh der se hi hoti hai.
Iss baat par Sumit bhi hanse bina nahi reh paaya.
Aur iss hansi ke baad fir se ek khaamoshi chaa gaya...Sumit ko baat karne se jyada pyaar ko mehsus karne me majaa aa raha tha.
Kuch der tak Kirti bhi Sumit ke kandha par sir tikaaye baithi rahe.
Sumit kabhi Kirti ki taraf pyaar se dekhta to kabhi saamne nadi ki taraf.
Kirti:- Pyaar...Kuch alag hi baat hai iss shabd hai iss shabd mein...Kya sahi aur kya galat...Aasani se iska andajaa laga sakte hai bas dil ki baat suno.
Jab maine bhi dil ki baat suni tab ehsaas hua tum galat nahi ho...Fir kya? Tabhi se maaf kar diya...Bas dikhaya nahi...Warna mere nakhre kaun jhelta.
Sumit bas Kirti ki baat sun raha tha aur yahi chaahta tha ki bas sunte hi rahe.
Kirti:- Aur tum...Paagal ho bewkuff ho.
Itna keh kar Kirti Sumit ko maarne lagti hai.
Sumit:- Abb kya hua?
Hairaani se Sumit ne pucha.
Kirti:- Uss din nadi mein chalaang kyu lagaya? Agar kuch ho jaata to.
Iss baar Kirti ki aawaj mein shikayat tha.
Sumit:- Kuch nahi hota...Swimming mein expert hun wo bhi bachpan se.
Kirti:- Fir bhi agar kuch ho jaata to socha hai mera kya hota? Kitna muhkil tha mere liye uss pal tumhe nadi mein behta dekh.
Kirti ki iss baat par Sumit koi jawaab nahi de paaya.
Kirti:- Bas tabhi se thoda narm hona pada...Warna tum to ho hi paagal...Na jaane iss paagalpan mein kya kar baithoge?
Sumit:- Paagal to hun lekin tumhaare pyaar mein.
Kirti:- Aage se aisa kiyaa naa to hamesha ke liye dur chali jaaungi.
Sumit:- Are nahi nahi...
Dar mein Sumit aage bol bhi nahi paaya.
Kirti:- Vaada karo...Aage se aise pareshaan nahi karunga.
Sumit:- Vaada hai...Aage sirf pyaar karunga pareshaan nahi.
Kirti fir Sumit ki kandha par apna sir tikaa deti hai.
Kuch pal yunhi khaamoshi mein bitne ke baad.
Sumit:- Saamne nadi dekh rahi ho.
Kirti:- Haan.
Sumit:- Abb dil ki ek hi khwahish hai...Iss nadi ki bahaav ki utaar chadhav ki tarah hum dono bhi hamaare jindagi ki utaar chadhav mein ek dusre ka saath rahenge.
Kirti:- Vaada hai.
Fir dono yunhi ek dusre ki baahon mein pura shaam gujaar dete hai.
Aur jab andhera chhaane lagta hai tab.
Kirti:- Abb hame chalna chaahiye.
Sumit bhi uthh jaata hai.
Kuch pal hi hua tha dono ko chalte hue tabhi.
Sumit:- Aaj to tum kuch jyaada hi khubsurat lag rahi ho...Andhera mein bhi tumhari khubsurti nahi chhip raha hai.
Kirti:- Kyu? Aur din badsurat lagti thi?
Sumit:- Nahi...Aaj kuch jyada...Aaj dil ki najar se bol raha hun.
Kirti:- Dil ki najar? Tumhara Anatomy kuch jyada hi kamjor hai...Thoda aashiqui kam aur padhai likhai par jyada dhyan do.
Itna keh kar Kirti aage badh gayi.
Sumit:- Anatomy of heart....Issmein utna expert kabhi nahi raha.
Sumit ne itna to kaha aur aage bhi kuch bola jo uske munh se baahar na nikal saka.
Sumit:- Iss subject mein to Megha expert hai.
Megha ki yaad aate hi wo bhi dil ki baare mein...Ek baar fir Sumit kamjor pad gaya.
Sumit:- Shayad ye jakhm hamesha mujhe mere uss bhool ka yaad dilaata rahega...Aakhir kaam bhi to aisa hi kiya hai.
Sumit kisi tarah iss yaad ko bhulaana chaahta hai kuch pal ke liye...Taaki Kirti ke saath kuch pal bitee wo bhi pyaar se.
Bahut kuch soch rakha tha usne...Abb iss vacation ke kal ka aakhiri din ko kaise ek yaadgaar lamha banaye...Fir Kirti se uska pichle 2 saal ke baare mein jaanna tha...Aur aage ki jindagi ke baare mein planning.
Kuch yahi soch ke saath Sumit Kirti ke saath aage badh raha tha.
At Night 9 pm
Abhi iss vakt? Tune kyu bulaya hum sab ko?
Ye sawaal tha Megha ka Kirti se.
Sumit bhi abhi abhi pahuncha tha...Kirti kuch excited lag rahi thi...Megha kuch confused thi...Aur Vivek...Uska abhi bhi gaal fulaa hua tha.
Kirti:- Kuch bataana tha.
Megha:- Kya?
Kirti:- Yaad hai tujhe...Jab iss vacation mein aaye thhe maine tujhse kaha tha ki abb mujhe kabhi pyaar nahi hoga...Lekin mai galat thi.
Megha kuch nahi bolti.
Kirti:- Ye ek yaadgaar pal hai mere jindagi ka...Pyaar ka ehsaas dobaara ho hi gaya...Issi liye socha kyu na iss pal ko apne dosto ke saath celebrate karu.
Kirti ne bolna jaari rakha.
Kirti:- Aaj mai propose karne wali hun tum sab ke saamne jise mai abb apne jaan se bhi jyada pyaar karne lagi hun.
Itna keh kar Kirti apne piche se gulab ka phool nikaalti hai aur dhire dhire Sumit ki taraf badhti hai.
Sumit ka dhadkan kaabu se baahar ho raha tha...Chaandni raat mein Kirti ki ye khubsurati...Aur apne haatho mein gulaab ko lekar chalne ki wo aadaayein...Sumit se raha nahi jaa raha tha...Aur upar se Kirti ki ye muskaan...Uff
Sumit dil thaame Kirti ko dekh raha tha aur intejaar kar raha tha uss pal ka jiska wo pichle 2 saal se intejaar kar raha tha.
Kirti bhi dhire se aage badh rahi thi aur Sumit ke paas pahunch kar muskuraati hai aur...Aur...
Aur wo Sumit ke paas se nikalte hue Vivek ki taraf badhne lagi.
Ye dekh Vibek bhi ekdum se hairaan ho gaya...Sumit ko to yakin hi nahi hua.
Sumit aankh band kar ke fir se dekhta hai lekin ye sach tha...Lekin yakin shayad abhi bhi nahi ho raha tha.
Kuch hi pal mein dil mein dard bhar utha.
Sumit:- (In his mind) Nahi...Nahi...Aisa nahi ho sakta.
Dard ka asar chehre mein bhi saaf dikhne laga.
Jor se khud ko pinch karke dekhta hai....Kaash ye sapna ho...Ek bura sapna.
Lekin hakikat kuch aur hi tha.
Kirti:- I love you Vivek.
Kirti ki iss baat se Sumit ke kaan ne bhi apna kaam karna band kar diya.
Ek najar khud ke haath mein dekha...Ye sapna to nahi nikla lekin haath ke uss jagah par ek jakhm ho gaya tha...Jiska dard abhi uthh rahe dil ke jakhm ke mukaable naa ke barabar tha.
Darte hue usne Kirti ki taraf apna najar ghumaya...Vibek bhi hairaani mein koi jawaab nahi de paa raha tha.
Kirti mud kar Sumit ko dekhti hai.
Kirti:- Bewkuff hi rahoge...Jo pyaar aur dikhawa mein fark karna nahi jaante.
Sumit kuch bolne ki haalaath mein nahi tha.
Kirti abb Megha ki taraf dekhti hai.
Kirti:- Plan Successful.
Kirti ki iss baat par Megha bhi hairaan reh jaati hai...Wo kabhi Kirti ko ghurti to kabhi Sumit ko.
Sumit aur Megha ka jab najar mila to Sumit ki hontho mein ek muskaan aa gaya...Haara hua mushkaan.
Kirti:- Bahut irritating ho tum...Bahut baar mana kiya tha irritate mat karo...Mat karo...Lekin sunte kaha ho tum.
Bas isse bachne ke liye permanent ilaaj dhund liya...Future Doctor jo hun.
Sumit abhi bhi kuch nahi bol paa raha tha...Abb dard mein do bund aansu aakhon se tapak gaye.
Kirti:- Bas issi liye socha tumhare karib hone ka naatak karti hun...Expectation itna high kar dungi ki tum aasmaan mein udne lagoge...Aur reality...Ekdum se jamin mai patak dungi.
Aur wohi kiya.
Ummeed hai bahut bada jhatka laga hai tumhe...Lagna bhi chahiye...Aur abb tum mere paas aane se bhi daroge...Irritate karna bahut dur ki baat hai.
Kirti ki baaton mein nafrat tha...Sirf nafrat.
Ye sab sun kar Sumit ka sir fatne laga tha.
Kirti:- "I Love You" mere munh se ye sunna tumhare liye ek aisa sapna hai jo kabhi pura nahi ho sakta...Abb thoda reality mein aao...Aur reality.
"I hate you."
Iss baar kuch jyada hi tej aawaj mein kaha Kirti ne...Sumut abb aur jhel nahi paaya.
Wo waha se bhaagte hue apne toom mein pahuncha aur sidhe apne bed par gir gaya.
Megha ko bhi Sumit ka bahut fikar hone laga Sumit ko iss haal mein dekh kar...Kirti par to bahut gussa aa raha tha lekin isse jyada Sumit ka fikar...Wo bhi Sumit ke piche chali gayi.
Aur Kirti...Wo abhi bhi khadi thi wohi par...Ek vijayi mushkaan ke saath.
kya danw khela hai Kirti ne.
