• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Kasam - Love is not Everything (Completed)

Champ_AK_81

Champ_AK_81

Well-Known Member
5,758
13,139
189
UPDATE 38​


Dono apne full speed me daudne lage...Iss beech dono ne naa hi ek dusre ko dekha aur naa hi ek dusre se koi baat kiya…Sirf apne manjil ki baare me hi sochte rahe…Dono ki sirf aankh aur kaan hi kaam kar raha tha…Aankh raasta dekhne ka kaam kar raha tha to kaan apne hi kadam aur tej dhadkan sunne ki kaam kar raha tha.

Kisi bhi jagah bina ruke dono daudte rahe…Yahan tak pahunchne me unhe 1 ghanta laga tha lekin waapsi me sirf 15 minutes.

Iss baar kismat ne bhi saath diya dono ka aur unhe iss baar kisi khatra ka saamna bhi nahi hua.

Jab wo jungle se nikal kar seher me pahunche tab dono ne raahat ka saans liya…Hontho me vijayi muskaan ke saath dono ne ek dusre ko dekha aur fir ek lamba saans liya.

Fir dono auto se waapas apne hotel pahunchne ke liye auto me baith gaye…Auto me bhi dono shaant the aur apne hi thakaan se lad rahe the…Abb dono ko apna dard ka ehsas ho raha tha.

1 ghante se lekar abhi tak saara badan ka thakaan, dard, bhukh aur dard ye sabhi abb apna asar dikha raha tha…Badhte vakt ke saath dard asahniya hota jaa raha tha aur upar se bhukh ka asar…Dono ko aisa lag raha tha ki kahi ye unka aakhiri samay to nahi aa gaya.

Nisha baar baar Atul ko dekh rahi thi…Atul ki aankhein kabhi band ho raha tha to kabhi apne aap khul jaata tha…Aisa lag raha tha wo khud se hi lad raha hai hosh me rehne ke liye…Nisha ka bhi haal kuch aisa hi tha lekin wo abhi tak kisi tarah khud ko sambhaal paane me kaamyab thi.

Nisha:- (In her mind) Kitna dard ho raha hai pure body me…Saha bhi nahi jaa raha…Ye aankh aur pet bhi dhokha de raha hai…Pata nahi kab tak aise hi ladti rahungi khud se…Ye hotel me bhi kab aayega samajh me nahi aata.

(Atul ko dekh kar) Atul ka haalat bhi thik nahi hai…Kitna kuch kiya usne aaj ham dono ke liye…Mujhse jyada to wo lada hai aur aadha raaasta tak mujhe utha kar bhi bhaaga tha…Yaha mujhe hi baaki ke kaam karna chaahiye.

Kisi tarah khud ko sambhaal kar rakhna hoga aur hosh me hi rehne ki koshish karna hoga…Ek baar hotel pahunch gaye to sab kuch thik ho jaayega.


Fir Nisha utth kar baith jaati hai…Itne bure haalaath me bhi khud ko sambhaal rahi thi aur auto wala ko raasta bata rahi thi.


Kuch der baad hotel bhi aa gaya…Nisha ne payment kiya aur fir Atul aur Nisha dono hotel ke andar ki taraf chal pade.

Atul do teen kadam hi chal paaya tha ki achanak usse chakkar sa aaya aur wo wohi par gir gaya.

Ye dekhte hi Nisha ghabra kar Atul ke paas aa gayi.

Atul Atul chilla kar uthaane ki koshish karne lagi…Lekin koi faaidaa nahi…Abb Atul hosh me nahi tha…Dar ke mare Nisha ne Atul ka pulse check kiya…Pulse kuch jyada hi tej chal raha tha.

Isse Nisha aur bhi jyada dar gayi…Usse dar tha ki kahi Atul ko kuch ho to nahi gaya…Wo apne man me dua kar rahi thi ki kaash job hi uska dar hai wo sab galat saabit ho jaaye.

Atul ka murjhaaye aur behosh chehra dekh Nisha ki aankho se aansu ki kuch bund rahe the.

Fir wo Atul ke kandhe ko pakad kar teji se hilaa kar aur uska naam pukaar kar usse uthaane ki nakaam koshish karne lagi.

Iss baar uski aawaj, aankhein aur chehra sab kuch bata raha tha ki usse Atul ke liye kitna fikar ho raha hai…Abb usse pata chal raha tha ki itne kam din me bhi Atul ne uske dil ki kitne gehraai me apna jagah bana liya hai…Behosh Atul tha lekin jaan Nisha ki nikal rahi thi…Atul ko ek pal bhi wo iss haalat me nahi dekh paa rahi thi…Ek hi pal me usse Atul ke saath bitaaye suruwaat se aakhir tak ka pal yaad aa raha tha…Kahi Atul ko kuch ho na jaaye issi dar me uska dil baitha jaa raha tha.

Abb usse ehsas ho raha tha wo Atul se kitna pyar karne lagi hai aur Atul uske liye kya ehmiyat rakhta hai…Na jaane kuch hi pal me kitne bhagwaan ko yaad kar chuki thi wo apne Atul ke liye…Inn sab ke baawjud wo aansu se bhare hue aankho se Atul ko dekh kar aur dard bhare aur roti hui aawaj aur kaamp rahi haatho se Atul ko uthaane ki nakaam koshish karti jaa rahi thi.

Pyar kya hota hai aur apne pyar ko aise haalat me dekh kar kitna dard hota hai ye baat abb Nisha ko samajh me aa raha tha…Lekin bechaari itna majbur ho gayi thi ki wo kuch kar bhi nahi paa rahi thi…Sirf wo roo rahi thi aur Atul ko uthaane ki naakaamyab koshish…Haalaath aisa ho gaya tha ki isse jyada usse kya karna hai kuch samajh me nahi aa raha tha.

Inn sab se bekhabar Atul abhi bhi puri tarah se jameen me behosh laita hua tha.
 
  • Like
  • Love
Reactions: Ezio Auditore, Mahi Maurya, ragish7357 and 7 others
You must log in or register to reply here.
Top