Romance Kasam - Love is not Everything (Completed)

[Champ_AK_81]

UPDATE 40​

Jab Nisha ki najar Atul par pada tab wo Atul ko dekh kar hasne lagi.

Atul bhi uske paas pahunch gaya.

Atul:- Kyu has rahi ho? Joker lag raha hu kya?

Atul ne apne upar se niche tak ka getup check kar ke kaha.

Nisha:- Ek baar chehra bhi dekh lo?

Nisha abhi bhi hans rahi thi.

Atul:- Kyu kya ho gaya? Koi pimple to nahi aa gaya ya fir kuch aur?

Itna keh kar Atul ne apne pure chehra me haath laga kar dekha…Fir mirror ke liye mobile nikala.

Atul:- Aisa kuch nahi hai…Fir tum has kyu rahi ho?

Abb Atul ko bhi kuch samajh me nahi aa raha tha.

Nisha:- Pura body check kar liya…Lekin abhi bhi pata nahi chala.

Iss baar Nisha ne bahut pyar se kaha…Ye baat Atul ko bahut hi ajeeb laga…Usne kabhi Nisha ko iss tarah se baat karte nahi dekha tha uske saath.

Atul ne sar ko naa me hila diya.

Fir Nisha apne haatho se Atul ka sunglass utaar deti hai.

Nisha:- Ye hai wo vajah.

Atul iss baar bhi kuch nahi kehta…Bas muskuraata reh jaata hai.

Nisha:- Raat ko kaun sunglass pehen kar ghumta hai? Tum bhi ajeeb ho.

Atul:- Baat ye hai ki…

Nisha:- Puri baat kyu nahi kehte ho…Agli baar se aisa kiya na to bahut maarungi…Abb baat puri karo.

Nisha ne bhi apna jhuttha gussa dikhaate hue kaha.

Atul:- Baat ye hai ki…

Fir Atul chup ho gaya…Iss baar Nisha usse sirf ghurti hai.

Atul:- Baat ye hai ki kabhi kabhi style ka shaukh chhadh jaata hai.

Atul ki iss baat se Nisha muskuraane lagti hai.

Atul:- Abb ye muskaan ki vajah?

Nisha:- Mera har ek prediction galat ho jaata hai tumhaare baare me soch kar…Socha tha tumhe study, music aur sports ke alawa koi aur interest nahi hai…Lekin tumhe abb ye naya shaukh bhi chaddh gaya hai…Style ka shaukh.

Atul:- Kabhi kabhi jee leta hu jindagi khul kar.

Atul ne muskuraate hue hi kaha tha lekin kuch hi pal me uska muskaan gaayab ho gaya.

Atul Nisha ka left hand uthaata hai.

Nisha:- Ouch.

Atul:- Oh sorry.

Fir Atul dhire se uska haath uthaata hai aur pucchta hai.

Atul:- Ye sab kya hai?

Atul ki aawaj me thoda ghabrahat tha.

Nisha:- Jungle me gir gayi thi tab chhot lag gaya.

Atul:- To abhi tak dressing kyu nahi karwaya?

Atul ki aawaj me ghabraahat ke saath gussa bhi aa gaya tha iss baar…Nisha ko aise careless dekh kar.

Nisha:- Thoda sa jakhm hai…Bhar jaayega jald hi.

Atul:- Ye chhota sa jakhm hai…Acche se dekho…5 cm diameter ka wound (ghaaw) hai…Agar aise hi chhod deti to kal tak infection ho jaata…MBBS padh rahi ho aur khud ki health par itna careless kaise ho sakti ho?

Atul ne iss baar gussa me kaha…Lekin Nisha ko uska iss gussa me bhi apne liye care dikh raha tha.

Fir Atul waha se waapas jaane laga.

Nisha:- Kaha jaa rahe ho?

Atul:- Yahi rehna…Kahi mat jaana?

10 minute baad Atul waapas aa gaya…Iss baar uske haath me dettol, cotton aur kuch anti septic tha.

Usne der kiye bina hi apne kaam me lag gaya…Dettol ko cotton me laga kar ghaaw ko saaf karne laga.

Nisha:- Ouch.

Atul:- Bas 2 minute…Fir sab thik ho jaayega.

Iss baar Atul ne bhi pyar se kaha…Aur fir apne kaam me lag gaya.

Kuch hi der me ghaaw ko saaf karke, anti septic laga kar cotton ka bandage baandh diya.

Fir wo utth kar Nisha ko dekhne laga…Nisha bhi usse pyar se dekh rahi thi...Atul ka aisa care dekh usse bhi bahut accha lag raha tha.

Jab dono ki aankhein ek dusre se takraya.

Nisha:- Thanks.

Nisha ne muskura kar kaha.

Atul ne bhi muskura kar jawaab diya.

Atul:- Welcome.

Atul:- Jyada dard to nahi ho raha hai?

Nisha:- Nahi.

Atul:- Ek request karta hu tumse… Aise careless kabhi mat karna…Wo bhi apne health ko le kar…Pata hi hoga tumhe bhi…Bahut si bimaari aur rog aise hi careless rehne ki vajah se hota hai…Aur fir careless hone ki vajah se hi complications bhi badh jaata hai.

Doctor ban rahi ho yaar…Itna to khayal rakho apna.

Atul ki baato me Nisha ke liye bahut fikar tha…Aur last line ko usne jis tarah se muskura kar kaha usse Nisha bhi muskuraane lagi.

Nisha:- Fir se thank you.

Atul:- Fir se welcome…Lekin agli baar se aisi galti kiya na to mujhse bura koi nahi hoga.

Nisha:- Acha baba sorry…Iss baar galti se mistake ho gaya…Aage se nahi karunga.

Fir dono ke bich kuch pal ke liye khaamoshi chha gaya…Lekin iss khaamoshi me bhi dono apne aap se baatein karte rahe.

Atul:- (In his mind) Ye Nisha bhi na…Paagal hai…Dusro ke baare me accha sochti hai…Bure vakt me bhi apni baato se maahaul ko khusi se bhar deti hai…Lekin apna hi khayal nahi rakhti…Bhagwan isko kuch akal de dena.

Nisha:- ( In her mind) Bahut pyare ho tum…Wo sab kuch hai tum me jo hona chaahiye…Sirf ek cheej ko chhod kar…Pyar par vishwas hi nahi karte…Lekin bahut jald pyar karna bhi sika dungi…Jyada din bach nahi paaoge…Aaj se hi tumhe pataane ka mission start.

Badhte vakt ke saath dono aur bhi paas aa rahe the…Nisha ka pyar Atul ke liye badhta hi jaa raha tha aur dusri taraf Atul bhi Nisha ko aur jyada jaan raha tha…Uska baar baar Nisha ke saath hansi majaak bhi yahi dikha raha tha ki uska aur Nisha ka friendship kitna close ho gaya hai.

Atul:- Tum ne mujhse kuch baatein karne ke liye bulaaya tha na yaha?

Atul ko achanak hi ye baat yaad aa gaya.

Nisha:- Ha.

Atul:- Kya baat hai? Kahi propose to nahi karne wali ho?

Atul ne to ye baat majaak me kaha tha…Lekin Nisha ko iss baat se bahut bada jhatka lag gaya…Hairaani me uska aankh aur bhi fail gaya.

Atul:- Sorry sorry…Aise ghuro mat…Dar lagne laga hai tumse abb...Maine to majaak me hi ye baat kaha tha…Jaanta hu tum kisi aur se pyar karti ho.

Nisha ne to kuch nahi kah lekin apne man me sirf ek baat kaha.

Nisha:- (In her mind) Buddhu.

 

[Champ_AK_81]

Friends Update 40 is posted...Please read and give your valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36
Update 37
Update 38
Update 39
Update 40



​

Index Updated.

 

[Lord Saint]

Kya atul samaj payega ya fir atul kisi past ki wajeh se dur rehta h pyar se

 

[Champ_AK_81]

Kya atul samaj payega ya fir atul kisi past ki wajeh se dur rehta h pyar se

Thanks for your support and review Sam. Thoda time lagega Atul ko samajhne me...Abhi meri tarah hi pyar me nastik hai . Saath bane rehna

 

[Champ_AK_81]

UPDATE 41​

Nisha:- Aaj ke baare me baat karne bulaaya tha.

Atul:- Aaj ke din…Kuch samajh me nahi aa raha kya kahu…Kabhi uss jungle ke baare me soch kar dar lagta hai, kabhi hamaare jeet par khushi aur kabhi apne bewkufi par gussa.

Nisha:- Hamaara bewkufi?

Atul:- Ha bewkufi hi to tha…Kisi anjaan jagah wo bhi jungle me kaise itna befikar reh sakte the…Aankh aur kaan dono ka istemaal karna chaahiye tha…Lekin hamne pre decide kar liya ki waha koi khatra hai hi nahi.

Nisha:- Ha ye baat to hai…Information bhi tha ki jungle me aisi koi khatra nahi hai jungli jaanwaro se…Lekin fir bhi hame saawdhaan rehna chaahiye tha.

Lekin tum hamaari taarif me kyu kuch nahi bolte.

Atul:- Taarif…Sach me aaj taarif laayak hi tha hamaara hausla…Aakhiri vakt tak bhi haar nahi maana…Aur aaj hame ye bhi pata chala ki ham mushibat me bhi dimaag se kaam le sakte hai.

Nisha:- Aur tiger se kya sikhne ko mila?

Atul:- Kuch nahi sikh paaya…Uss time itna dara hua tha ki kuch sikhne ke baare me socha hi nahi…Ha agar tiger khunkhar nahi hota to jarur usse shikaar karna sikhta.

Nisha:- Tum nahi sudhroge…Kitna bhi serious baat kyu na chal rahi ho tumhe majaak ke liye koi na koi point mil hi jaata hai…BTW I like your sense of humor.

Atul:- Taarif ke liye shukriya…Tum hi bata do tiger se kya sikhne ko mila.

Nisha:- Yahi ki ham kitne bhi shaktishaali kyu na ho dusro se hame dusro ko underestimate nahi karna chaahiye.

Pehle to tiger ne hame koi hint nahi diya ki wo ham par hamla karne wala hai…Bilkul shaant…Wo chaahta to hame bhaagne ka mauka de kar bhi maar sakta tha lekin wo sirf usne kaam se hi matlab rakha.

Hame bhi apne kisi bhi kaam me jyada der nahi karna chaahiye…Kisi ko apne taaqat ka ehsas dilaane me time waste karne se accha hai ki jo kaam karna hai usse kar lena chaahiye.

Aur fir tiger ghamand aur overconfidence me apna shikaar gawa baitha…Agar thoda bhi teji dikhaaya hota to aasani se shikaar kar sakta tha.

Aur hame iss baat se ye sikhne ko milta hai ki hadd se jyada overconfidence, ego aur ghamand se jindagi me kabhi bhi haar ka saamna karna pad sakta hai.

Nisha ki baat sunne ke baad Atul ne dhire se taali bajaya aur muskura kar kaha.

Atul:- Superb…Bilkul sahi kaha…Maine to iss baare me socha bhi nahi tha...Accha observation tha.

Nisha:- Iss taarif par ek aur knowledge deta hu tumhe…Kabhi kabhi dushman aur mushibat se bhi kuch sikhna chaahiye.

Atul:- Ye bhi sahi hai…Mai bhi apna kuch gyan baat sakta hu iss case se related?

Nisha:- Jarur.

Atul:- Yahi ki sirf jungle aur anjaan jagah me hi nahi har jagah saawdhaan rehna chaahiye…Warna maut kahi bhi piccha nahi chhodta…Jaise road cross karte vakt, gaadi chalaaate vakt aur bhi bahut condition hai jo abhi yaad nahi aa raha.

Nisha:- Kuch hi der ki baat cheet me bahut knowledge exchange ho gaya…Tumhe nahi lagta ham dono ko ek saath book likhna chaahiye…Dekhna superhit hogi.

Abb dono fir se baatein karte hue khul gaye the…Fir se dono ko baat karne me maja aane laga tha.

Atul:- Abhi nahi…Fursat hi nahi milega padhaai se…Baad me sochenge.

Atul ne aise hi kaha.

Nisha:- Baad me kab?

Atul:- MD complete karne ke baad.

Nisha:- Itni der…Bhul jaayenge.

Atul:- Chalo abb nahi bhulunga…Tum bhul jaaogi lekin mai nahi bhulunga.

Nisha:- Tum bhi bhul jaaoge…Dekhna haalaath itna badal jaayega ki aisi chhoti chhoti baatein yaad nahi rahega.

Atul:- Jaanta hu haalaath bahut badal jaayega…Hamaari shaadi ho jaayegi lekin issi book ke liye tumhe jarur yaad rakhunga.

Nisha:- Hamaari shaadi?

Atul:- Ha lekin alag alag…Mai kahi aur rahunga aur tum kahi…Tum bhi baato ka galat tarike se samajhti ho.

Atul ki iss baat Nisha ko bahut bura laga…Lekin wo kuch kar bhi nahi sakti thi…Aur wo kuch der ke liye chup ho gayi.

Dusri taraf Atul muskura raha tha.

Nisha:- Ye muskaan ki picche ki vajah?

Nisha ne khud ko sambhaal kar kaha.

Atul:- Tumhaare baare me hi soch raha tha.

Nisha ko Atul ki baat se jhatke par jhatka lag raha tha.

Nisha:- Mere baare me!!!

Atul:- Ha…Yahi ki kitni jaldi tum mere best friends me se ek ban gaye ho…Sach me tum se baatein karne me bahut accha lagta hai…Kabhi socha nahi tha koi ladki bhi mera itni acchi dost ban sakti hai.

Nisha:- Ladki acchi dost nahi banti matlab?

Atul:- Aaj se pehle koi ladki se aisa dosti kabhi nahi tha…Wo mujhe ignore karti aur mai unhe.

Atul ne hanste hue kaha.

Nisha:- Agar hamara fight chalata rehta to hamara dosti itna gehri nahi hota?

Atul:- Nahi…Maine to tumhe ignore karne ka soch liya tha…Mai nahi chaahta ki kisi ko meri vajah se koi problem ho agar mai kisi ko pasand nahi hu to.

Nisha:- Bahut alag ho baaki ke ladko se.

Atul:- Yahi to khaasiyat hai mera.

Atul ne hanste hue kaha aur Nisha bhi uska saath dene lagi.

Atul:- Mai bahut khus hu…Best friend ke roop me tum, Ajay aur Kajal.

Kajal ka naam sunna Nisha ko jyada accha to nahi laga par isme wo kuch kar bhi nahi sakti thi…Ye Atul ka choice tha aur uske choice me wo koi interfere bhi nahi kar sakti thi aur karna bhi nahi chaahti thi.

Nisha:- Aur Anjali.

Atul:- Wo bhi bahut acchi dost hai…Lekin utna close nahi hu jitna tum logo ke saath…Ek problem hai mere saath aur ye mera hi kamjori hai…Ladki ke saath jyada ghula mila nahi hu to khud jyada aage nahi le jaa sakta hu friendships ko.

Nisha:- Maan lo…Agar kisi ladki ko tumse pyar ho gaya to usse hi propose karna hoga tumhe?

Atul:- Fir se pyar ki baat…Pyar ke case me ye exception hai…Jitna bhi gehra dosti kyu na ho jaaye mai usse pyar ka naam kabhi nahi dunga…Sirf aur sirf dosti tak hi simit rehne dunga.

Shaadi karunga to bhi arranged marriage.

Atul ki iss baat se Nisha aur bhi jyada hurt ho gayi…Wo soch rahi thi ki usne Atul ki dil me koi jagah to bana hi liya hoga ab tak…Lekin Atul ka pyar se abhi tak dur dur ka jaan pehchaan nahi tha…Sirf uska aur Atul ka dosti hi gehra ho paaya tha…Abb usse samajh me nahi aa raha tha ki usse aage kya karna chaahiye…Abb to usse shak ho raha tha ki wo Atul ko kabhi apne pyar ka ehsas kara paayegi bhi ya nahi.

 

[Champ_AK_81]

Friends Update 41 is posted...Please read and give your valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36
Update 37
Update 38
Update 39
Update 40
Update 41



​

Index Updated.

 

[Lord Saint]

Atul ne tho jhatke p jhatke de raha h nisha ko

Ab bechari kya karegi

 

[Champ_AK_81]

Atul ne tho jhatke p jhatke de raha h nisha ko

Ab bechari kya karegi

Thanks Sam for your support and review...Abhi to bechari ko bahut papad belna padega...Saath bane rehna .