- 5,758
- 13,139
- 189
UPDATE 35
Jungle me kuch der aur chalne ke baad Anjali ne kaha.
Anjali:- Abb mai aur nahi chal sakti…Bahut thak gayi hu.
Kajal:- Haa mai bhi…Hame thodi der rest karna chaahiye.
Dono ki baat sunne ke baad Rahul sir sab ki taraf dekhne lage…Nisha aur Ajay ne bhi haa me sar hilaaya.
Rahul:- Aut Atul tu? Tu rest nahi karega.
Atul:- Nahi sir…Abhi jyada thaka nahi hu…Aur chal sakta hu kuch der.
Dr. Rahul:- Accha stamina hai tera…Waise mai bhi thoda thak gaya hu.
Atul:- Sir shaayad aapka budhaapa aa gaya hai abb.
Atul ne majaak me ye baat kaha aur uske saath sab hasne lage.
Dr. Rahul:- Bakwas mat kar…Abhi shaadi bhi nahi hua mera aur tu mujhe jawaani me hi buddha bana raha hai.
Atul:- Sir mai regularly exercise karta hu aur cricket bhi khelta rehta hu frequently…So adapt ho gaya hu aisi conditions se.
Ajay:- Bhai cricket to mai bhi khelta hu tere saath…To mere paas itna stamina kyu nahi hai.
Atul:- Wo iss liye ki tu sirf batting hi karta hai…Next time se tujhe sirf fielding hi karaunga…Jab 2 ghante ball ke picche daudta rahega to dhire dhire apne aap stamina badh jaayega.
Ajay:- Nahi mai aisa hi thik hu.
Atul:- Aur roj subah utth kar excersise bhi kar liya kar…College subah 8 baje se start hota hai…Aur tu 7 baje tak sota hi rehta hai…15 minute me taiyaar ho kar fir college nikalta hai.
Atul ki iss baat par sabhi Ajay ko ghur kar hasne lage.
Ajay:- Bhai iss tarah sabke saamne to majaak mat udaa yaar.
Ajay ne bura munh banaate hue kaha…Aur najre chura kar Anjali ko dekhne laga…Anjali ko hansta hua dekh bichaara ka haalat aur kharaab ho gaya.
Fir sabhi waha kuch der baith gaye.
Atul:- Sir mai thoda ghum kar aata hu…Kabhi mauka hi nahi mila hai yaha ghumne ka…Kuch der ghum ke aa jaaunga…Pata nahi fir kab aisa mauka mile.
Atul ki iss baat par Rahul sir kuch der sochne lage.
Dr. Rahul:- Lekin akele.
Atul:- Sir abb baccha bhi to nahi hu…Idhar udhar ghum sakta hu…Jyada dur nahi jaaunga.
Dr. Rahul:- Anjaan jagah hai…Agar koi khatra (mushibat) me pad gaye to? Waise bhi tum sab ki puri jimmedaari mujh par hi hai.
Atul:- Sir aap ne forest officer se baat kiya tha na…Yaha par koi jungli jaanwar bhi nahi hai…Aur log itne andar tak bhi nahi aate hai jungle ke…Fir kaisi khatra? Sir please jaane dijiye na.
Atul bahut excited lag raha tha…Aur ye baat uski request se hi pata chal raha tha.
Kuch der sochne ke baad.
Dr. Rahul:- Ok thik hai…Lekin jyada dur mat jaana…500 meter ke duri tak hi rehna…Aur ha mobile saath me rakhna…Aur koi mushibat aaye to jarur bataana.
Rahul sir puri tarah se khus to nahi the…Lekin Atul ki excitement aur request ko dekh kar manjuri de diya.
Atul:- Thanks sir.
Dr. Rahul:- Kab tak waapas aaoge?
Atul:- Sir aane ka man to 1-2 ghante se pehle to nahi hoga…Lekin jyada vakt bhi nahi hai hamaare paas…Waapsi ki vakt phone kar dijiye…Aa jaaunga.
Itna kehne ke baad Rahul sir ne bhi sehmati de diya aur Atul fir waapas jaane ke liye mud gaya.
Nisha:- Atul.
Ek baar fir Atul ko picche mudna pada.
Nisha:- Mai bhi chalti hu saath mein…Pata nahi fir kab aisa vakt mile.
Aur wo bhi Rahul sir ki taraf dekhne lagi.
Dr. Rahul:- Ok…Lekin abhi bhi keh raha hu jyada dur mat jaana.
Aur kisi ko bhi jaane ka iccha hai?
Sab ne naa me sar hilaaya…Thakaan ki vajah se aur koi jyada chal paane ki haalat me nahi tha.
Fir Atul aur Nisha dono saath me aage badh gaye.
Nisha:- Tum ne to sir par jaadu hi kar diya…Tum jo kehte ho bahut jald hi maan lete hai.
Atul:- Sir ke saath acche se behave karta hu aur respect deta hu…Shaayad issi vajah se.
Atul ne thoda smile ke saath kaha.
Nisha:- Kya tumhe jungle itna pasand hai? Sir se to bahut excited ho kar request kar rahe the?
Atul:- Ha bahut pasand hai…Sirf jungle hi nahi…Har ek natural resources bahut pasand hai…Aur saath me nayi jagah ghumna aur travelling bhi…Aaj pehli baar iss pahadi ilaaka me aaya hu to bahut alag sa feel kar raha hu…Bahut alag sa sukoon mehsus kar raha hu.
Atul ki khushi uski baato se hi dikh raha tha…Nisha bas Atul ko dekh kar muskura rahi thi.
Atul:- Tum bhi to kuch bolo…Hamesha mujh se hi kuch na kuch puchti rehti ho.
Nisha:- Mai bhi utna hi khush hu jitna tum ho…Sach me iss tour me bahut maja aa raha hai…Aur aage ki soch kar bahut excited hu…Sach me yaha ka thanda mausam aur shaant environment ka majaa hi kuch aur hai.
Hamesha sochti thi kabhi aise jagah jaane ki jo seher se bahut dur ho aur aisi hi shaant jagah me kuch vakt gujaar saku…Mujhe bhi alag hi sukoon mil raha hai yaha aa ke…Socha nahi tha iss tour me itna maja aayega.
Nisha bhi ye baat kehte vakt bahut khus najar aa rahi thi.
Atul:- Mere liye to tour me aane ka ek aur khaas vajah hai.
Nisha:- Kya?
Atul:- 3, 4 din tak uss manhus Gaurav ka shakal dekhna nahi padega.
Nisha kuch kehne hi wali thi ki Atul ne uss rok kar keh diya.
Atul:- Sorry…Galat topic par aa gaya tha…Mai bhi paagal hu tour enjoy karna chhod uske baare mein baatein kar raha hu.
Atul ne bahut teji se hadbada kar kaha…Aur Atul ki iss baat se Nisha ko bhi hansi aa gaya.
Nisha ko iss tarah se hanste dekh Atul bhi ek pal ke liye Nisha me kho gaya…Pehle to usne Nisha ke chehre ko gaur se dekha aur fir uske pure sharir ko.
Atul ki iss tarah ka najar dekh Nisha ko thoda sharm aane laga…Dhire se usne pucha.
Nisha:- Kya hua?
Nisha ki aawaj kaan me padte hi Atul waapas hosh me aa gaya.
Atul:- Tum aaj bahut khubsurat lag rahi ho.
Atul ne sidha hi keh diya ye baat.
Atul ki ye baat sun kar Nisha ko bahut accha laga…Jis ke liye wo itna saj kar aayi thi aaj uske najar me wo aa hi gaya tha.
Nisha:- Abb fir flirt karne lag gaye tum?
Kuch der baad Nisha boli.
Atul:- Are nahi…Aisi koi baat nahi hai…Tum galat samajh rahi ho…Mera baat ka wo matlab nahi tha…Mai to ye kehna…
Atul issi tarah aur bhi badbadaata agar Nisha ne usko bich me na roka hota to.
Nisha ko Atul ka hadbada kar aise bolne par bahut hansi aa raha tha.
Atul ka chehra me pareshaani saaf dikh raha tha ki kahi Nisha ne uske baare me galat to nahi soch liya fir se.
Nisha:- Tum bhi bahut darpok ho.
Atul:- Darpok nahi hu…Bas samajh me nahi aa raha tha kya kahu aur kya nahi…Sach keh raha hu…Mai flirt nahi kar raha tha…Mujhe jo laga wo hi kaha…Aaj sach me tum bahut khubsurat lag rahi ho.
Atul ne iss baar himmat karke apni baat puri kar hi diya.
Nisha:- To kya pehle mai khubsurat nahi thi.
Atul:- Aaj kuch jyada hi makeup laga liya hai tumne…Issi vajah se shaayad maine notice nahi kiya tha pehle.
Atul bhi abb sambhal gaya tha aur majaak ke mood me aa gaya tha.
Atul ki ye baat sun kar Nisha ne bhi jhuttha gussa dikhaate hue uske kandhe par maarne lagi.
Nisha:- Aaj bhi makeup nahi lagaya hai…Natural beauty hai ye.
Itna kehne ke baad bhi Nisha Atul ko maarti rahi.
Kuch der baad.
Atul:- Accha sorry…Galti se bhi aisa mistake nahi karunga aage…Iss baar maaf kar do.
Atul ne hanste hue hi kaha.
Nisha:- Iss baar chhod rahi hu...Fir aage aisi baat kaha to bahut maarungi.
Itna kehne ke baad Nisha picche hat gayi.
Atul fir lambi lambi saans lene ka naatak karne laga…Aur Atul ko aisa karta dekh Nisha ko bhi bahut hansi aa raha tha.
Atul:- Shaayad pehle dhyan nahi diya hoga maine lekin aaj sach keh raha hu bahut khubsurat lag rahi ho.
Atul ki iss taarif se Nisha man hi man bahut khus ho rahi thi aur thoda sa sharm bhi uske chehre se jhalak raha tha…Lekin Atul iss maamle me pura anjaan tha.
Fir dono thoda aur chalte rahe…Thodi hansi majaak bhi chal raha tha…Achanak Atul ke dimaag me ek baat aaya aur usne kaha.
Atul:- Shaayad Ajay sach hi keh raha tha.
Nisha:- Kya?
Atul:- Agar iss tour me koi girlfriend hoti to tour ka maja hi alag hota…Soch raha hu koi mere saath iss safar me har vakt mere saath chalti aur mai usse pyar bhari baatein kar ke iss tour ko enjoy kar paata…Kitna maja aata.
Atul ne aankh band kar ke apna man ke baat keh diya...Aur jab usne apna aankh khola aur saamne Nisha ki hairaan chehra ko dekha to sapno ki duniya se waapas hakikat me aa gaya.
Nisha:- To iss me badi baat kya hai? Bana lo girlfriend.
Itna keh kar Nisha Atul ka reaction ka intejaar karne lagi.
Atul:- Nahi...Shaayad mai paagal ho gaya tha jo aisi bekaar baatein soch raha tha.
Nisha:- Bekaar baatein?
Atul:- Ha…Pata nahi kya ho gaya tha mujhe ki aisi baatein soch raha tha…Shaayad uss bewkuf Ajay aur sir ki pyar topic ke baare me sun kar hypnotize ho gaya tha.
Warna aisi faaltu baato ke baare me sochne ka time hi nahi hai mere paas.
Atul ki ye baat sun kar Nisha ki munh se sirf ek hi shabd nikla.
Nisha:- Buddhu.
Nisha ne bahut dhire se ye baat kaha aur Atul thik se sun bhi nahi paaya.
Atul:- Kya?
Nisha:- Kuch nahi.
Nisha:- (In her mind) Buddhu ko apne liye pyar meri aankho me dikhta hi nahi…Bas sapne dekh raha hai…Koi baat nahi dhire dhire sudhaar kar sahi raaste me le aaungi.
Fir dono idhar udhar hi ghumne lage baatein karte hue…Dono ko aaj bahut accha lag raha tha aur dono bahut khus bhi the ki aaj iss tarah apne ghar se bahut dur aur bina koi tension ke apne jindagi ke kuch pal ko sukun se jee rahe the.
Atul apne ghar aur padhaai ki tension bhulne ki khushi mana raha tha…Aur Nisha Atul ke saath kuch vakt bitaane ki khushi mana rahi thi…Atul ki baat aur paagalpan usse aaj bahut accha lag raha tha…Wo bas yahi soch rahi thi ki kaash ye tour itni jaldi khatam na ho aur aage bhi ye tour aise hi beete jaise abhi beet raha hai…Ek aur khwaaish thi uski…Kaash ye buddhu Atul ko thoda akal aa jaaye.
