• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Kasam - Love is not Everything (Completed)

Champ_AK_81

Well-Known Member
5,758
13,138
189
i am fine sir
Khwahishein ke baad to baat hi nahi hua...Mai bhi study me busy hone ki vajah se The Lounge me nahi aa paa raha hu.

And one request bhai...Just call me Champ or AK or Atul...It feels awkward to be referred as Sir.
 
  • Like
Reactions: ULTRA

King Aryan

Active Member
1,807
1,826
143
Nice Update
 
  • Like
Reactions: Champ_AK_81

Champ_AK_81

Well-Known Member
5,758
13,138
189
UPDATE 25


FLASHBACK


Aur dusri taraf Atul aur Kajal ka ek dusre se khul kar aur muskuraate hue baat karna accha nahi lag raha tha wo bhi pyar ke topic me aur Kajal ka Atul ko challenge dena ki usse bahut jald kisi se pyar ho jaayega.

Uss vakt to usse vajah pata nahi tha bura lagne ki lekin abb jab wo sabhi baato ko ek saath soch rahi thi aur vajah dhund rahi thi tab usse bhi lagne laga ki kahi wo Atul se pyar to nahi karne lagi hai?

Ye soch dimaag me aate hi wo ek dum se serious ho gayi.

Nisha:- Nahi nahi…Ye mai kya soch rahi hu…Atul mera dost hai…Bahut accha dost hai…Aur thoda unique bhi…Issi liye uske baare me kuch baatein yaad aa jaata hai…Iska matlab pyar to nahi hai…Mai bhi paagal ho gayi hu…Pata nahi kya kya soch rahi hu.

Itna keh kar wo thoda muskuraayi jaise usne sach me usse koi nadaani kar diya hai...Jo seriousness uske chehre me aaya tha wo achanak hi gaayab ho gaya.

In Class


Class me pahunch kar Nisha Atul ke paas baith gayi…Ek najar usne Atul ko dekha…Atul ka hansta muskuraata hua chehra dekh kar usse yakin ho gaya ki Ajay ne majaak hi kiya tha.

Tabhi waha Kajal aa gayi.

Kajal:- Nisha!! K
ya tum picche mere seat me baith sakti ho? Iss lecture me mai yaha aage baithna chaahti hu.

Nisha:- Kyu?

Kajal:- Wo Anatomy ki class me mai bahut picche reh gayi hu…Rahul sir ki last class me acche se dhyaan bhi nahi de paayi…Agar aaj bhi dhyan nahi de paayi to aur picche reh jaaungi…Aaj kisi tarah sab cover karna hai please aaj picche chali jaa.

Nisha ka picche jaane ka man bilkul nahi tha…Abb usse bhi front me baithna accha lag raha tha.

Nisha:- Lekin Rahul sir ka class to sabse last me hai? Abhi bahut time hai?

Kajal:- Lekin abb koi break bhi nahi hai…Agar abhi seat exchange nahi kiya to bahut mushkil ho jaayega…Rahul sir seat bhi change karne nahi denge…Bahut strict hai…Picchli baar Ajay ko bhi bahut sunaya tha unhone…Please yaar jaa na…Kahi sir aa gaye to ye mauka bhi nahi milega.

Kajal ne ek hi saans me saari baat keh diya.

Abb Nisha ke paas bhi kehne ke liye kuch bacha nahi tha…Jaane ka man bhi nahi tha aur mana bhi nahi kar sakti thi…Wo bina kuch bole utth kar chali gayi par chehre me udaasi ko dikhne nahi diya.

Nisha piche Anjali ki paas baith gayi…Aur bag se book nikaal kar dekhne lagi…Usne Anjali se bhi koi baat nahi kiya.

Thodi der me class start ho gaya.

Class start hone ke baad Nisha padhaai me dhyan dene lagi…Kabhi kabhi uska dhyan aage Atul aur Kajal par bhi chala jaata.

Jyadatar dono ka dhyan padhaai me hi tha lekin kabhi kabhi teacher ki najro se bach kar dono hansi majaak bhi kar rahe the.

Ek lecture khatam hua aur dusra suru...Yaha bhi dono ka haal aisa hi tha…Padhaai ke vakt dono acche se padhaai bhi kar rahe the aur teacher se bach kar masti bhi.

Abb dhire dhire Nisha ko gussa aane laga.

Nisha:- (In her mind) Ye Atul bhi ajeeb hai…Jab mai uske paas baith ti hu to kehta hai ki masti majaak free time me…Lecture ke vakt sirf padhaai…Lekin abhi dekho kaise iss Kajal ke saath hans hans kar baatein kar raha hai…Aur ye Kajal…Sidhe bol deti ki mujhe Atul ke saath baithna hai tum picche chali jaao…Chali jaati…Lekin isse padhaai ka bahana chaahiye.

Nisha ye soch kar aur bhi gussa ho rahi thi…Ya indirectly jealous feel kar rahi thi aur iska ehsas abhi bhi ussse hua nahi tha…Iss lecture Nisha ke liye bekaar ho gaya…Atul aur Kajal ki chakkar me wo concentrate hi nahi kar paayi.

Fir aaya class Rahul sir ka.

Class me sir ki entry hone ke baad pin drop silence chaa gaya…Picchle lecture ke baad sabhi Rahul sir ko ek strict teacher ke roop me jaane lage.

Dr. Rahul:- So students kaise hai aap sab?

Aate hi sabhi ko dekh kar Rahul sir ne pucha.

Kuch hi students ne bola "Fine sir".

Dr. Rahul:- Are itna silence kyu hai? Daro mat koi bhut nahi hu…Aap sabhi ka teacher hi hu.

Rahul sir ne muskura kar kaha.

Dr. Rahul:- So students…Aaj ham forearm padhenge…Lekin usse pehle last lecture ki kuch question aap sabhi se puchunga…Ummeed hai aap sabhi padh kar aaye honge.

Rahul sir ne muskura kar hi kaha lekin unki iss baat se sabhi students ke chehre me dar chaa gaya…Sabse jyada Kajal ke chehre me.

Dr. Rahul:- Accha to fir koi bataao…Cubital fossa ka boundary kya hai? Muscles ka naam bataao.

Unhone pucha to sabhi students se tha lekin kisi ne apna munh nahi khola…Sabhi ko khaamosh dekh Rahul sir ne sabhi students ko dekha…Fir Atul par najar padte hi unhone pucha.

Dr. Rahul:- Atul tumhi bata do? [Last lecture me sir ko Atul aur Ajay ka naam pata chal gaya tha.]

Atul:- (Khada ho kar) Sir medially it is Pronator teres and laterally it is Brachioradialis.

Dr. Rahul:- Very good…Sit down.

Unka muskaan iss baar thoda aur badh gaya…Fir unka najar Kajal par pada…Fir unhone Kajal se sawaal kiya.

Dr. Rahul:- So tell me its content?

Kajal ko jo dar tha wohi hua…Usne iss topic me kuch padha hi nahi tha.

Dr. Rahul:- Maine practical me bhi padhaya tha?

Lekin Kajal khaamosh hi khadi rahi…Kajal ko aisi haalat me dekh pata nahi kyu Nisha ko bahut accha lag raha tha…Last lecture ka saara frustration nikal gaya tha.

Dr. Rahul:- Koi aur bata sakta hai iss question ka answer?

Rahul sir ne itna kaha hi tha ki Nisha achanak khadi ho gayi aur kehna suru kiya.

Nisha:- Sir…From medial to lateral it is Median nerve, Brachial artery, Tendons of Biceps brachii and Radial nerve.

Dr. Rahul:- Excellent…Sit down.

Fir Kajal ki taraf dekh kar.

Dr. Rahul:- Aap bhi baith jaaiye.

Kajal baith jaati hai lekin usse bahut bura lag raha tha…Wo soch rahi thi ki puri class me uski beijjati ho gaya.

Dr. Rahul:- So students…Picchli baar bhi kaha tha aur aaj bhi keh raha hu…Ummeed hai aage kehna na pade…Mere class me discipline, punctuality to compulsory hai…Lekin iske alawa aap sab ko hamesha padh kar aana hoga.

Itna aasan sawaal ka jawaab nahi de paa rahe hai…Exam me to ye important question hai lekin saath me aap sab baad me jab doctor banenge tab ye aur bhi important hoga…Jab aap ko pata hi nahi ki artery, vein aur nerve kaha hota hai to kaise patient ka treatment karenge?

So be serious in your study from now…Aap log soch rahe honge ki baad me padh kar bhi cover kar lenge to ye impossible hai…2 saal hi hai aapko basic knowledge padhne ke liye Fir 2 saal clinical science and 1 saal internship…Aur kitna syllabus padhna padega ye to aap ko pata hi hai…Iss tarah padh kar kaam nahi chalega…Bahut mehnat chaahiye.

Ummeed hai aage se aisi mistake repeat nahi hoga…Jaanta hu kuch jyada hi strict ho raha hu…Aap sabhi adult aur mature ho chuke hai…Iss tarah baatein karna mujhe bhi accha nahi lagta…Lekin kya karu profession hi aisa hai…Patient ki life aur acche medical system ka sawaal hai…Agar aap sab nahi padhenge to aap ka career to mushkil me pad jaayega aur saath hi patient ki life bhi.

So after entering into medical college be serious…Koi bhi problem ho bina dar ke mere paas aa jaana…Puri help karunga…Class ke baahar aap sabhi ka dost hi hu lekin class ke andar ek responsible teacher.

Aage se padh kar aana…At least jo lecture complete ho chukka hai wo jarur padh kar aana.

Itna keh kar Rahul sir Nisha aur Kajal ka naam puch kar aage ki lecture padhaana start karte hai.

Unki iss baat se sabhi student sehmat the…Khaas kar Atul aur Nisha…Kajal ko bhi realize ho gaya ki Sir ne jo kaha hai bilkul sahi kaha hai…Padhne ke liye abhi bahut kuch baaki hai aur time bhi jyada nahi hai…Saath me doctor ko responsible bhi hona chaahiye.

Iss lecture me Nisha ne Atul aur Kajal par bilkul bhi dhyan nahi diya…Iss baar wo sirf lecture par concentrate kar rahi thi…Rahul sir ki baato se wo bahut motivate ho gayi thi aur usse padhne me maja bhi aa raha tha…Aur saath me jeet ka khushi bhi.

Usse lag raha tha ki wo aaj Kajal se jeet gayi hai…Pata nahi anjaane me kaisa competition tha uske dil me…Jo bhi tha wo Nisha ki chaahat aur insecurity ko dhire dhire dikha raha tha.
 

Mbindas

Active Member
1,928
4,105
158
Bhai bohot achchha update diya apne.
:yourock:
 
  • Like
Reactions: Champ_AK_81
Top