Update 2
Ranjan jab Shiv ke pass pahuchti hai to dekhti hai ki wo gusse me lakdiya kat raha hai. Manager ke aise sitam seh seh kar hi wo bada hua hai to uski body bhi waisi ho gayi hai. Ranjan dekh rahi thi ke kaise wo pasine se bhig chukka hai. Waise uska sharir bhi jyada bhara nahi hai par phir bhi mehnat ki wajah se uske muscles katile ho chuke hai. Lambe kad aur gore rang ke karan wo sabse alag dikhta tha. Chehra to itna bhola bhala tha ki koi bhi us pe mohit ho jaye. Muchho ke roe dikhne lage the aur halki halki dadhi bhi thi. Par abhi wo gusse me tha jo uske chehre pe saaf dikh raha tha. Ranjan ne purana kurta payjama pehna hua tha. Wo usko dekhte hue uske najdik jati hai aur pyar se bolti hai.
Ranjan : Kya hua Shiv itna gusse me kyu ho?
Shiv : (Ghur ke use dekhta hai aur rukhe swarme kehta hai)Tu kyu ayi hai? Ja yaha se.
Ranjan : Wo Lata didi ne kaha teri madad karne ko.
Shiv : Muje kisiki madad nahi chahiye.
Ranjan : (Udas swar me)Kisi ka gussa muj pe kyu nikal raha hai? Me to bas didi ne kaha isi liye aayi thi.
Ye keh ke waha pe kati hui lakadiyo ko utha ke unko ek jagah ikattha karne lagi. Wo chup chap apna kaam karne lagi. Thodi der bad Shiv ne Ranjan ko dekha to wo buje man se lakadiya ikattha kar rahi thi. Uska udas chehra dekh kar Shiv ko bura laga to usne dukh bhare swar me kaha
Shiv : Sorry!
Jab Ranjan ne ye suna to wo uske samne dekhne lagi. Dono ek do pal ek dusare ko dekh rahe the. Dono bachpan se sath bade hue the to ladai jhagda chalta rehta hai par wo kisi ko dukh me nahi dekh sakte. Ranjan mastikhor thi par wo Shiv ke sath galat hota dekh dukhi ho jati thi. Ranjan ne dekha ki usko dukhi dekh Shiv ka bhi chehra utar gaya hai to Ranjan muskurai
Ranjan : Koi baat nahi. Par tum us kamine ke karan apna mood mat kharab kia karo. Tum bachpan se jante ho use. (Aise hi baate karte hue dono apna apna kaam karne lage. Jab kafi lakadiya cut gayi to Shiv kulhadi rakh kar lakadiya ikartha karne me help karne laga. Ye dekh Ranjan fir muskurai to shiv bhi muskura diya.
Ranjan : Tu na aisi chhoti chhoti bato ko dil se na lagaya kar. Us kamine ki to aadat hai. Aur hum log majbur hai.
Shiv : (Gusse me ) Kisi din na me uska muh tod dunga.
Ranjan : Chal ab gussa chhod. Thodi lakadiya lele didi ko de dete hai.
Dono lakadiya le kar kitchen me rakh diya aur muh hath dho kar Shiv apne room me chala gaya aur Ranjan kitchen me help karne lagi. Jitni bhi ladkia thi wo sab milkar yaha ke kaam dekhti thi. Lata , Sarita aur dusri do char ladkia thi jo thodi badi thi. Dusare kuchh ladke ladkia jo abhi bahot chhote the. Jyadatar bade ladke anathalay chhod ke ja chuke the. Bade hone par ya to wo awara ban gaye the ya to paise kamane lage to anathalay chhod kar kahi chale gaye. Waise bhi manager sab ko dara dhamka kar rakhta tha jis vajah se bade hone par sab waha se chale hi jate the. Lata aur Sarita abhi yaha tiki hui thi aur unse hi yaha ka kaam chalta tha to manager unse jyada sakhti nahi dikhata tha. Aur dusara, wo tha bhi thoda tharki to ladkio ko dara dhamka kar ya behla fuslakar unka sharirik shosan karta rehta tha. Kai ladkia us se tang aakar bhi chali jati thi. Usne kayi baar Lata se bhi karna chaha par wo kisina kisi tarha se bach jati thi. Lata ke liye to jaise Shiv hi sab kuchh ban gaya tha to wo use chhod kar nahi jana chahti thi. To wo manager ke julm sehte hue thi waha tiki hui thi.
Manager ke issi ravaiye ki vajah se unki padhayi bhi chhut gayi thi. Wo itna kaam karwata tha ke school ke liye humesha late ho jate the. Shiv ko bhi wo tang karta rehta tha taki wo waha se bhag jaye aur wo Lata pe hath saf kar shake. School ke samay hi wo use koina koi kaam de deta jis se wo na jap aye. Par Lata kaise na kaise uski madad kar deti, fir bhi wo late hi school pahuchta. Pure raste usko bhagte hue jana padta upar se late hone par school ke ground ke chakkar lagane padte wo alag se. Aisi situation me bhi wo achchhe numbaro se pass hua tha. Wo bhi ab bada ho chuka tha to uska bhi maan karta tha ki wo yaha se bhag jaye par Lata use ye keh ke samja deti ki pehle padh le jisse usko achchhi nokari mil sake to wo man mar kar waha reh raha tha.
Waha rasoi me sab ladkia kaam kar rahi thi. Jub Ranjan aayi to Lata ne Shiv ke bare me puchha
Lata: Ho gaya sab, Shiv kaha gaya?
Ranjan : Ho gaya didi aur apka ladla apne kamre me gaya hai. Waise wo thoda gusse me lag raha tha. Lakadiya to aise kaat raha tha jaise manager ka shir hi kaat raha ho. Muje lagta hai kisi din wo sach much uska shir kaat dega.
Lata : Chup kar kamini, kuchh bhi bole ja rahi hai. Wo bahot sidha aur achha ladka hai. Kabhi kabhi gussa ho jata hai par bahot pyara bhi hai.
Sarita : Ha aur bahot handsom bhi hai, ek dum chikna.
Lata : (Ghoorkar): Tu to chup hi reh, use najar na laga.
Sarita : Me kyu najar lagaungi, (arthpurna dhang se muskurate hue)me to kisi din use kha hi jaungi.
Lata : Muh na tod du tera jo tu use kuchh bhi kare to.
Sarita : (Angdayi lete hue) : Hi kitna gora chitta hai aur khambhe jaisa lamba ho gaya hai. To uska sabkuchh lamba hi hoga(sab ladkia hi hi karne lagti hai).
Lata : Chup kar kamini kya bake ja rahi hai.
Sarita : Haye… sach kahu to agar wo mere sath sota hota na to abtak to me…(hi hi..)
Lata : Marungi ab me tuje. Tuje itni aag lagi hui hai to ja manager ke pass.
Sarita : (Chehre par thodi udasi aa jati hai fir turant apne aap ko sambhal kar) Are jo baat
Shiv me hai wo kisi aur me kaha. Tu hi bata hai koi Shiv ki takkar ka?.
Lata : (Use bhi sarita ki udasi dikh gayi aur use pachhtava hua ke wo kya bol gayi, fir muskurati hui) Sach hai uske jaisa ladka to yaha aas pass koi bhi nahi. Wo hai hi aisa.
Chal abb bate chhod aur kaam pe dhyan de sab bachhe bhukhe hai.
Fir sab aise hi baate karte hue jaldi se khana banate hai aur sab chhote bachho ko pehle khana khila dete hai. Fir sab bade khane bethte hai.
Lata : Ari Ranjan ja to jara Shiv ko bula la.
Ranjan : Thik hai didi.
Wo Shiv ko bulane uske kamreme jati hai. Shiv ankhe band karke leta hua tha. Usne upar ke kapade utar diye the jo pashine me bhig gaye the. Ranjan ne jab usko dekha to bas use dekhti hi rahi. Sharir ki sari mass peshiya dikh rahi thi. Wo kuchh pal yu hi use niharti rahi. Uske dil me jaise hulchal si ho rahi thi. Wo jawan ho chuki thi aur uske dil me ek alag si bhavnaye panapne lagi thi. Shiv ko aise dekh kar use lag raha tha ja ke us se lipat jaye. Par jaise taise apne aap ko sambhala aur
Ranjan : uhu uhu..(Khasi)
Shiv : (bina dekhe ruche swar me)kya hai.
Ranjan : khane chalo.
Shiv : Muje nahi khana.
Ranjan : Thik hai me didi ko bhejti hu.
Shiv : (ghoor kar use dekhte hue): Aata hu.
Ranjan muskurai aur chali gayi. Jab wo rasoi pohcha to sab usi ka wait kar rahe the to wo beth gaya aur khane laga. Khane ke baad wapas wo apne kamre me aa gaya. Thodi der bad Lata bhi kamre me aa gayi. Shiv leta hua tha jo use dekhte hi wo uth ke khada ho gaya.
Lata: Kya hua tuje?
Shiv : Didi aap to aise baan rahi hai jaise apko kochh pata hi nahi?
Lata : Dekh muje pata hai par tuje bhi pata hona chahiye ke ye sab to roj ka hai to tuje uspe jyada dhyan nahi dena chahiye. Waise bahot achchhe mumbaro se pass hua hai tu.
Ye keh kar wo use gale laga leti hai. Shiv ka bhi mood thik ho jata hai aur wo bhi Lata ko kas ke apne shine me daba leta hai.
Lata : Ouch! Thoda ahista, kitni takat aa gayi hai tujme pata bhi hai.
Shiv : Sorry didi, par abhi me to bachcha hu, muj me kaha se taqat aa gayi hai?
Lata : Bachcha hai? Kitna lamba ho gaya hai, ab to me tere samne bachchi lagti hu. Kisi ki najar na lage tujko(keh kar uska sar sehla deti hai). Abb to tu bade school jayega. Kal ja ke admission karwa dena.
Shiv : Hamare ek teacher hai unhone school me baat kar li hai aur scollership bhi mili hai to admition to ho hi jayega.
Lata : Aise hi maan laga kar padh, in chhoti chhoti bato pe dhyan na diya kar. Hamare pass aur to kuchh hai nahi to tu achchhe se padhayi karega to achchhi naukari kar payega aur apni jindagi sawar payega.
Shiv : Apni nahi didi humari. Me aap ko apne sath hi rakhunga.
Lata : (Muskurakar uska sar sehlati hai)Baad ki baat bad me dekhenge.
Shiv : Nahi didi aap mere sath hi rahengi, khao meri kasam.
Lata : (muskurate hue) Thik hai baba, bus ab isme kasam kaha se aa gayi. Chal ab aaram kar muje bhi aaram karna hai.
Aise hi dono letegaye aur thodi der me so bhi gaye. Uss din jyada kuchh nahi hua. Dopahar ke baad sab ne milke kapde dhoye aur Shiv bhari baltiya utha kar sukhane ke liye dene laga jo Ranjan aur Vina milkar sukha rahi thi. Dusare din Shiv ko admition ke liye jana tha to subah Lata ne use jagaya. Fir chai nasta karwa kar use kaha
Lata : Chal jaldi se tuje nehla deti hu.
Waise Lata use kayi baar nehla deti thi. Bachpan me to roj dono sath hi naha te the. Dono kya kayi ladke ladkia sath hi nahate the. Par bade hone ke baad sab apne aap nahane lage par kabhi kabhi Lata use nehla deti thi. To ye koi nayi baat nahi thi. Aaj bhi wo use ragad ragad ke nehla rahi thi. Par aab dono bade ho chuke the to jane anjane dono me kuchh bhavnaye jagne lagi thi. Abhi dono us se anjan the par Shiv ko didi ka yu nehlana aur apne pure badan ko aise chhuna achchha lag raha tha wahi Lata ko bhi aisa karna achchha lag raha tha. Jab naha na khatam ho gaya to wo taiyar ho kar addmission ke liye nikal raha tha ki manager ne use bulaya.
Manager : Kaha ko chal diye?
Lata : (Shiv ki jagah Lata ne jawab diya): Wo school me admission ke liye ja raha hai.
Manager : Kya kare ga padh ke? Ise kaho Koi kaam dhandha dekhe aur yaha se chalta bane.
Lata : Use abhi padhna hai.
Manager ne bhi koi jyada baat ko nahi khicha aur Shiv nikal gaya. Apne addmission ke liye.
Manager : Tuje kitni baar kaha hai use apne se chipkana bandh kar. Tuje yaha rehna hai to reh tuje to mana nahi kia.
Lata : Wo abhi chhota hai, pehle use padh likh lene do hum apne aap hi chale jayege.
Manager ko pata tha ki agar usne Shiv ko nikal diya to Lata bhi chali jayegi aur usko uski jawani lootni thi to usne jyada kuchh nahi kaha. Lata apne kaam me lag gayi. Shiv naye school pahuch gaya. Ye uske school se kafi bada school tha. Anathalay ka eklota bachchha tha jo is school tak pahuch saka tha. Ye bhi semi gornment school hi tha to yaha ki fees bhi kam hi thi par usko schoolarship mili thi to use utni bhi fees jama karne ki jarurat nahi thi. Kayi ladke aur ladkia apne maa-baap ke sath aaye hue the. Jab Shiv unke bich se gujar raha tha to kayi ladke jalan se aur ladkia use aahe bharke dekh rahi thi. Waise wo tha bhi aisa lamba uncha ki sab me wo alag hi dikhta tha, jis wajah se wo logo ki nigaho ka akarshan ban hi jata tha. Usne office me ja kar sab formalities complite ki. Ek hafte baad school khulne wale the to fir wo wapas anathalay aa gaya.
Manager kahi bahar gaya hua tha. Ladkia sab kam me lagi hui thi. Lata ne use dekha aur pucha
Lata : Ho gaya sab thik se?
Shiv : Ji didi.
Lata : Thik hai kapde badal le. Thodi der me khana ban jayega.
Shiv vaha se apne kamre me chala gaya. Kapde badal ke wo chhote bachcho ke sath khel ne laga vaha Ranjan aur dusari ladkia unke sath khel rahi thi. Wo bhi sab me samil ho gaya. Wo bachcho ke sath bachcha ban ke unhe hasa raha tha ye dekh kar Ranjan has rahi thi.
Ranjan : School me ho gaya sab?
Shiv : (normally) Ha ho gaya. Ek baat puchhu?
Ranjan: (Savaliya najaro se dekhte hue) Is me puchh ne wali kya baat hai, Jo puchh na hai puchh na.
Shiv : Tum dono ko school me admition nahi lena kya?
Ranjan : Lena to chahti hu par ab tu alag school me jayega aur hamara school alag ho jayega to dar lag raha hai.
Shiv : Isme darne ki kya baat hai. Aur tuje dar bhi lagta hai kya, tu aisi hai ki kisi ki bhi hava tight kar de.
Ranjan: (Muskurate hue Sharma ke najare jhuka kar) Kya me itni buri hu?
Shiv : Mere kehne ka matlab hai ki tum itni himmatwali ho. Aur me to hu hi. Agar tumhe kuchh bi dikkat ho to muje keh dena.
Ranjan : (Uski aur duvidha me dekh rahi thi par boli kuchh nahi)
Shiv : Koi aur baat hai?
Ranjan : (jepte hue) : Nahi nahi aur koi baat nahi?
Shiv : (Maan me: Jaroor koi baat hai) Dekh tu batayegi nahi to pata kaise chalega.
Vina : Tumhe pata hai na hamare sath kya hota hai, hum anathalay se aate hai ye sunkar koi humse baat nahi karta tha. Abtak to hum tino the par ab to hum dono ladkia hi hai to dar lagta hai.
Shiv : To tum bhi isi liye school chhodna chahti ho. Tumhe kya lagta hai mere sath ye sab nahi hoga kya. Hum anath hai to isme hamari koi galti nahi hai. Aur log bolte hai to bolne do. Par unki baato se hum apna to nuksan nahi kar sakte. Agar hume aage badhna hai aur achchhi jindagi jini hai to hume padhayi karni hi padegi. Hume koi kya bolta hai use hume najar andaj kar dena chahiye. Wo bhi bachche hi hai unhe kya pata anath hona kya hota hai. Unko family hai to unko ye sab nahi pata hota to wo bolte hai. Hume kya, hume to apna bhavisya banana hai na. To ignor karo aise logo ko.
Ranjan : Wo manager bhi kitna tang karta hai.
Shiv : Me didi se baat karunga iss bare me. Par tum to maan banao padhne ka.
Ranjan : Thik hai agar tu hamari help karne ke liye taiyar hai to me bhi school join karungi.
Vina : Me bhi.
Itne me Sharita didi aayi aur sabko khane ko bola. Sab log chhote bachho ko le kar khane chale gaye aur bachcho ko khilane ke baad sab khane beth gaye.
Shiv : Didi aap se kuchh baat karni thi.(Lata uski aur dekhti hai) Didi ye Ranjan aur Vina ne padhayi chhod ne ka fainsla kia tha par maine unhe samjaya hai to wo aage padhne ke liye school jane ko sehmat ho gayi hai.
Lata : (Dono ladkiyo ki aur dekh kar) To jao na isme kon si puchh ne wali baat hai.
Ranjan : Par wo manager...(baat achuri chhod deti hai)
Sarita : Uska kya hai, me dekhlungi us sale ko. Tum chinta mut karo. Agar tumhe padhna hai to tum padho baki sab hum dekh lenge. Kyu Lata?
Lata : Ha tum log chinta na karo.
Shiv : Aap ne bhi to padhayi chhod di he didi. Aap bhi join kar lo.
Lata : Yaha hum hi bade hai to hume ye jimmedariya uthani padegi. To tumhi padho baki sab hum dekh lenge.
Aage koi bahesh nahi hui. Sab ne khana khaya aur me apne room me aa kar lete gaya. Kuchh time baad didi bhi aa gayi.
Lata : Bada samajdar ho gaya hai. Apne sath sath dusro ki thi chinta karne laga hai.
Shiv : (Muskura kar) Aap se hi sikha hu didi. Aap sabki itni fikar karti ho to me to sikhunga na. Par didi aap ka padhna bhi to jaruri hai na.
Lata : Jaruri to hai par kya kar sakte hai. Aur padhayi ke liye school jana hi jaruri nahi. Padhayi hamara baudhik star badhata hai to ab tu muje padha diya karna.
Shiv : Ye sahi hai. Ab tak aap muje padhati thi ab me aap ko padhaunga.
Lata : (Muskurate hue) Thik hai. Kal inka dakhila bhi karva aana. Aur tera kya hua, sab achchhe se ho gaya na.
Shiv : Ji didi hamare ek teacher ne pehle se baat kar li thi to waha koi dikkat nahi hui. Par didi ek baat me soch raha tha.
Lata : Kya?
Shiv : Didi agar me padhayi ke sath koi kaam dhundh lu to?
Lata : Kyu kya jarurat hai?
Shiv : Didi padhayi ke liye extra kitabe fir uniform aur aise hi chhote mote kharcho ke liye paise to chahiye hote hai. Hume yaha rehna aur khana to mil jata hai par... Aap samaj rahi ho na meri baat ko.
Lata : Bol to tu sahi raha hai, par us se teri padhayi ka nuksan hoga na.
Shiv : Nahi didi me sab manage kar lunga.
Lata : Thik hai par kaam kya karega.
Shiv : Abhi tak socha nahi par kuchh kar lunga.
Lata : Thik hai jaisa tuje sahi lage.