Me waha se nikal gaya. Subah ka waqt tha aur asman ab halka halka roshan hone laga tha. Halaki sadak ki battiya abhi jal rahi thi aur raste pe ekka-dukki vahan bhi najar aa raha tha. Wo bag ko apne kandhe pe latkaye daudna suru karta hai. Aab uske liye daudna jaise chalne ke barabar tha. Bachpan se daudte daudte wo ab itna majbut ho chuka tha ki wo aram se lambi daud laga sakta tha. Aise hi daudte daudte me Gym ke najdik pahucha hi tha ki ek scooter ne usko overtake kia aur gym ke pass ruka. Ye Juhi madam thi. Me unke pass pahucha aur Good morning madam kaha. Unho ne bhi smile ke sath Good morning Shiv kaha.
Juhi madam: Tum daud kyu rahe the Shiv?
Shiv : Wo bas aise hi, Subah subah exersice ho jati hai aur jaldi se gym bhi pahuch jata hu.
Juhi madam: Sahi kaha tumne, Waise kis taraf rehte ho tum.
Shiv : Ji Jankidas anathalay me.
Juhi madam:Kya? Tum anathalay me rehte ho?Sorry, muje pata nahi tha.
Shiv : Aap kyu sorry feel kar rahi hai mam, Muje koi shikayat nahi hai Jindagi se. Jis hal me hu achchha hu.
Juhi madam: That’s great. Sach me khushi hui tum se mil kar.
Fir wo mere bareme puchh ne lagi aur batata gaya utne me pawan sir bhi aa gaye to hum log apne apne kaam me lag gaye. Jyadatar aurte hi thi aur do teen ladkia jo shayad apna wajan ghatana chahti thi. Juhi madam unki help kar rahi thi aur wo unke kahe anusar kar rahi thi. Jyadatar ka ye routin ho chuka tha to juhi madam free hi hoti thi to wo bhi kasarat kar leti thi aur bich bich me dusaro ko guide kar rahi thi. Juhi madam bhi ekdum shape me thi. Aur chust kapdo me unke sare katav dikh bhi rahe the. Ek ladka hone ke nate ladkio ko dekhna sayad swabhavik hi tha. Mere maan me aur koi bhavna nahi thi. To me waha padi kitabe bhi padh leta tha. Waha par massage teqnics kar ke kitab bhi padi hui thi to me wo padh raha tha. Aise hi fir ladko ki bari bhi aayi aur wo bhi khatam hua aur me sab thik kar kar ghar nikal gaya. Dopahar me, Ranjan aur Vina padhayi karne baithe. Raat ko fir mai Lata didi ke sath chipak kar so gaya. Ye jaise roj ka routin ban chuka tha. Manager kabhi kabhi dikhta tha aur jyada ta gayab hi rehta tha. Ranjan se bhi koi khas baat na hui thi wo dur dur hi reh rahi thi. Aise hi wo din bhi aa gaya jub hamare school chalu ho rahe the. 11 baje ka school tha to me daud kar ghar aur fir taiyar ho kar school nikal gaya. Mera school alag tha aur Ranjan aur Vina ka school alag tha. Mere school me sirf gyarvi aur barahvi ke chatra aur chatraye thi. Saher me ye kafi jana mana school tha aur achchhe gharo ke ladke-ladkia yaha padhte the. Upar se ye science stream thi to jyadatar achchhe aur hosiyar ladke ladkia hi admission lete the. Me jab school pahucha to charo taraf kafi bhid thi. Kai ladke ladkia apne ma-baap ke sath aye the kyu ki aaj unka pehla din tha to wo unhe chhod ne aaye the. Kuch cycle pe to kuchh two wheeler le ke aaye hue the. Kahi jagah ladkia to kahi jagah ladko ka group bana hua tha. To kahi jagah ikatthe khade the. Waise bhi mere dost the nahi aur upar se ab Ranjan aur Vina bhi alag ho chuki thi. kuch jane pehchane chehre aur kuch anjane chehre najar aa rahe the. School achchhi aur shant jagah pe tha aur school ke aas pass kafi hariya li aur ped the. Ek taraf bada Maidan aur ek aur chotasa garden bhi tha. Me apna class dhundh te dhundh te apne class me chala gaya. Abhi bahot kam ladke ladkia aaye hue the. Jitne bhi baithe the wo apna group bana kar baithe the to me ek bench pe ja kar beth gaya. Thodi der me bell baji to aur ladke ladkia class me dakhil ho gaye. Do ladke mere sath me aa kar beth gaye par sayad wo dost the to wo apne me hi lage hue the. Me aise hi najare ghuma raha tha aur naye chehro ko dekh raha tha. Kuchh ladkia bhi thi to meri najar waha bhi chali gayi. Kuchh thik thak thi to kuchh achchhi dikh rahi thi aur abhi pehla din tha to sab rangbirange kapdome the to aur bhi achchhe lag rahe the. Me apne sade kapdo me tha kyu ki hamare pass jyada kapde nahi hote the. Jo hote the wo bhi koi na koi apne purane kapde daan de jata tha to wahi hamare pass hote the. Par jo bhi the unme se jo achchhe the wo pahan kar aaya tha. Thodi der me teacher bhi aagayi. Ye hamari class teacher thi. Unhone apna itro diya to pata chala ki unka naam Bina madam hai. Dikhne me jyada umar ki nahi lag rahi thi aur sach kahu to khubsurat bhi thi. Wo humko Physics padhane wali thi. Fir sab ka introduction chala aur kisne 10th me kitne percent mile hai wo sab ne bataya. Jab meri bari ayi to mene mere percentage bataye to sab meri taraf dhyan se dekhne lage, kyo ki sabse jyada mere hi percentage the. Madam ke kehne par sab ne taliya bhi bajayi.
Ek ladki jiska naam Vaisvi tha jiske second most marks the. Par wo aage bethi hui thi to me thik se dekh na saka. Usne koi mehngi dress pehni hui thi . Recess ke dauran jo ladka mere pass me baitha tha usne mujse baat ki.
Ladka : Hi, mera naam Harsh hai aur ye Mahesh hai.
Shiv
Hath badhate hue) Mera naam Shiv hai(aur Mahesh se bhi hath milaya)Hi Mahesh.
Harsh : Tumhara naam to shayad sabhi ko pata chal gaya hoga, class me topper jo ho.
Shiv : (Has kar) Aisa kuchh nahi hai dost.
Mahesh : Are bhai sach keh raha hu, Waise achchha laga ke hamare sath me topper betha hua hai par me ye bata du ki hum padhaku nahi hai.
Shiv : Main bhi padhaku nahi hu, ye to bas aise hi mark achhe aa jate hai.
Mahesh : Chalo canteen chalte hai kuchh khayenge aur baate bhi karenge.
Shiv : Nahi yaar tum log ho aao me yahi baitha hu Me tifin lekar aya hu.(Aab unhe kaise batata ki canteen ke liye paise bhi chahiye hote hai. Aur waise bhi didi ne tifin bana kar diya tha)
Mahesh : Thik hai jaisi tumhari marji.
Wo log chale gaye. Me wahi betha raha. Ye choti recess thi to jald hi khatam ho gayi wo dono bhi lot aye. Mene Vaisvi ki aur ek do baar dekha par uska pichhe ka bhag hi dikha. Khair fir dusare lacture shuru hue aur fir wahi daur chala. Aise hi badi recess bhi hui. Wo dono canteen chale gaye aur kayi ladkia bhi chali gayi thi.Khair mene apna nasta kia aur me bathroom bhi ho aaya. Maine dhyan diya ki wo ladki apni jagah nahi thi shayad wo bhi bahar gayi ho. Wapas aakar me apni jagah beth gaya aur recess bhi khatam ho gayi. Harsh aur mahesh bhi aa gaye aur hum aise hi bate karne lage. Aise hi school khatam ho gaya. 5 baje school chhuta to ghar ki aur nikal gaya, kapade change kie aur sabse thodi der baate ki uske baad gym pahuch gaya. Waha bhi sab nipta ke raat ko 8:30 ko ghar pahucha. Didi roj ki tarha aaj bhi mera intejar kar rahi thi.Dono sath milakar khana khate hai. Aur school ki baate karte hai. Aise hi do teen din nikal gaye.
Aise hi ekraat ko khana kha kar hum tino padhne baithe the. Ranjan aabhi bhi jyada baat nahi kar rahi thi. Thodi der to hum tino padhayi kar rahe the ki tabhi Vina ne Ranjan ke kaan me kuchh kaha to Ranjan ne naa me ishara kia. Muje kuchh samaj nahi aaya par fir Vina uthkar bahar gayi.