Incest SAAJAN

[Story Collector]

SAAJAN
UPDATE- 281​

Aur phir sandhya dusri taraf muh kar ke rone lagi...maine use samjhana chaha to usne mera hath jhatak diya...main bahar aa kar darwaje ke paas khada ho ke chupchap use dekhne laga.

"Vo Roye To Bahut, Par Mujhse Muh Mod Kar Roye,
Koi Majburi Hogi To Dil Tod Kar Roye,
Mere Samne Kar Diye Meri Tasveer Ke Tukde,
Pata Chala Mere Piche Vo Unhe Jod Kar Roye."
​

Tabhi….

Chatttaaaakkkk…..Chattttaaaakkkk…..Chattttaaaaakkkkk

Ab aage…..

Iss thappad se main chounk gaya….ye payal didi thi jo mera picha karte huye yaha na jane kab pahuch gayi aur sandhya ki baate sunte hi unka gussa satve aasmaan par pahuch gaya…main ya sandhya kuch samajh paate tab tak teer kamaan se nikal chuka tha…unhone gusse me aav dekha na taav tadatad sandhya ke gaalo par teen chaar thappad jad diye.

Payal (gusse me)—raj ko maarne ki baat sochne ki teri himmat kaise huyi…? Iss kulhadi se kaat ke tukde tukde kar dungi tere.. ye mat samajhna ki tu meri bahan hai to main tujhe chhod dungi…hath laga kar to dekh raj ko..phir tujhe abhi issi samay pata chal jayega ki main tera kya haal karti hu..

Iss thappad se sandhya ka gussa bhi badhne laga aur vo payal didi ko ghur ghur kar dekhne lagi…payal didi ne use maarne ke liye kulhadi wala hath upar uthaya hi tha ki maine jaldi se unhe pakad liya…ye achcha hua ki ye kamra sound proof tha jisse kisi ko dono ke chillane ki awaz sunayi nahi padi warna naya bakheda khada ho jata.

Payal (gusse me)—rajjj..chhod mujhe…isne tujhe maarne ki sochi bhi kaise…?

Raj (baaho me le kar)—didi, meri baat to sun lo..sandhya didi ne mujhe maarne ki nahi balki mere dushmano ko maarne ki baat kar rahi thi…aap ne galat fahmi me aa kar unke upar hath utha diya..

Payal (chillate huye)—achcha..ab tu kahna chahta hai ki main bahri hu…? Jaise ki mujhe kuch sunayi hi nahi deta ho..?

Baat badhte dekh maine payal didi ko apni god me utha liya aur apna ek hath unke sir pe rakh kar unke manas patal se abhi jo kuch bhi hua ya unhone jo kuch suna uski yaade mita di…abhi sandhya ki kahi huyi baate dimag se vismrit hote hi aur apne aap ko meri god me dekh kar unka chehra khushi se khil utha…unhone jaldi jaldi mere chehre par chumbano ki jhadi hi laga di.. didi ko room me chhod kar main phir se sandhya ke paas lout aaya jo ki phir se meri tasveer ke tukdo ko dekh dekh kar ro rahi thi.

Raj—sandhya meri baat suno..

Meri awaz sunte hi usne unn tukdo ko phir se phenk diya...maine ek bar phir se usko jabardasti apne seene se laga diya.. pahle to usne chhutne ki bahut koshish ki lekin phir dhire dhire shant ho gayi rote rote….uske shant hote hi main usko apne room me le aaya…sabhi thake huye the to jaldi hi so gaye..main aur veer jagte rahe pahra dete.

Veer—tune mujhse kya kya chhupaya hai…tune mujhe sach batane ke kabil hi nahi samjha kabhi kuch bhi…?

Raj—aisi baat nahi hai yaar…teri dosti mere liye sabse anmol hai dost…mujhe khud hi pata nahi tha pahle to kya batata main tujhe ya kisi ko…har baat ka apna ek samay hota hai…ab jab uska samay aaya to sab ko yaha le aaya, sach se rubaru karane ke liye….

Veer—lekin unn gayab huye logo ka kya hua…kisne gayab kiya unhe..ye to didi ne bataya hi nahi…?

Raj—sab pata chal jayega…

Aise hi hum dono baate karte rahe...main veer ke sawalo ke jawab deta raha jo abhi dene layak tha, baki ko future ke liye taal diya...tabhi rajlaxmi bhi vahi aa gayi.

Veer—apko neend nahi aayi ab tak.... ?

Raj—vo aatma hai…uske liye to raat hi din hai..

Veer—main to bhool hi gaya tha ye..hihihi

Raj—ab tum bhi so jao kuch der veer..

Veer—meri neend to teri kahani sun kar hi gayab ho chuki hai..ab to aane wali nahi hai….vo sab chhod aur ye bata ki aage karna kya hai…?

Raj—uss bhoj patra me likhi bhasa ko padhna hai aur kya…shayad usse kuch jankari mil jaye…

Veer—to padh na phir…main bhi to dekhu ki usme likha kya hai…?

Raj—vo to payal didi ke paas hai..subah dekhte hain.

Veer—kya rajkumari janhavi ka bhi pichle janam se koi rishta hai tumhara…?

Raj—pata nahi..pichle do janam se to koi rishta nahi hai hum dono ka…

Rajlaxmi—aage ka rasta ussi bhoj patra me hi mil sakta hai..jo kanva rishi se saajan ke liye likha tha shayad..

Raj—dekhte hain..

Subah hote hi sab ek bar phir se mere paas ekatthe ho gaye…maine payal didi se vo bhoj patra le liya…vo meri har cheez ko bade hi dhyan se sambhal kar rakhti thi….kamre se mile uss patra ko dhyan se dekhne laga kintu uski likhawat hum sabki samajh se bahar thi…

Priyadarshini—main dekhu kya…?

Kanta—jab raj nahi samajh paya uss writing ko to tu kya samjhegi…?

Mrinal (gussa ho kar)—ye kaanta (kanta) apko kya pareshani hai…? Meri saheli bahut si bhasa janti hai..ho sakta hai ki use ye bhasa padhni aati ho…? Agar usne dekh liya to kya burayi hai aur apko mirchi kyo lag rahi hai…?

Raj—ye lo priyadarshini…

Priyadarshini—(patra ko dekhte huye)..ye main padh sakti hu..

Divya—thats great…kya likha hai usme…?

Priyadarshini—isme likha hai ki ‘iss tilism ko khatam karne ke liye tilismi kamal mata mahakali ke ek hath me arpan karna hoga jo ki behad mushkil kaam hai...uss kamal ko kewal vahi hasil kar sakta hai jiska namank, mulank aur bhagyank ek hi ho...murti ke niche jo tahkhana hai usme se hi ho kar aage ka rasta nikalta hai...kamal ko mata mahakali ke hatho me rakhte hi aage ka marg khulega.’ Iske aage meri samajh me nahi aa raha hai ki kya likha hai kyon ki aage kuch dikhayi hi nahi de raha hai..

Raj—itna kafi hai…aage keshabd tilism se bandhe huye hain…vo mere liye hain isliye kewal mujhe hi dikhayi denge vo shabd aage ke..yahi tilism ki khasiyat hoti hai..

Sab—ye namank, mulank aur bhagyank ka kya chakkar hai…?

Raj—namank ka matlab hota hai kisi ka naam…vyakti ka naam bar bar bola jata hai, isliye uska bahut bada prabhav hum par padta hai…aisa mana jata hai ki soche samjhe tarike se namank, mulank aur bhagyank ka mel ho jaye to vyakti ka bhagya badalne me der nahi lagti…samanytah manav ka bhagya nahi badla ja sakta..hamare jeevan ki teen mukhya ghatnaye..janam, vivah aur mrityu to bilkul bhi nahi badli ja sakti….mulank aur bhagyank hamari janam tithi se bante hain jinhe badla nahi ja sakta vo sthir hoti hain.. kintu naam kya rakhna hai ye to hamare hath me hota hai…naam parivartan kar ke hum apne jeevan me kuch mahatvapurn parivartan avashya hi la sakte hain.

Raj—namank parivartanshil hai…yadi kisi vyakti ka namank uske anukool nahi hai to uske naam ke anko me plus minus kar ke use parivartit kar sakte hain…jisse vah uss vyakti ke anukool ho sake…namank ka sidha sambandh mulank se hota hai…vyakti ke jeevan me sabse adhik prabhav uske mulank aur bhagyank ka hota hai…kyon ki mulank aur bhagyank sthit hain..jo ki vyakti ke vastavik swabhav ko darshata hai..mulank ka taalmel hi namank se banaya jata hai…parantu namank ka taalmel agar mulank aur bhagyank dono se kar diya jaye to sone pe suhaga jaisi sthiti sambhav hai.

Raj—vyakti ke jeevan me utar chadhav ka karan uska namank hota hai…agar hum kisi city me ja kar naukri ya business karna chahte hain to hame uss city ka namank malum karna hoga..phir uss namank ki khud ke namank se tulna karenge…yadi dono anko me behtar taalmel hai to to vo city apke liye faydemand sabit hogi..aur agar ank bhinn hain to sirf nuksan hi hoga apko uss city me…aise me hamare samne do vikalp hain..pahla to hum uss city ko hi tyag de..dusra apne hum apne naam ke aksharo me kuch iss tarah se change kare jisse hamara namank uss city ke namank ke anukool ban jaye..ye sabse saral aur prabhavi tarika hai..

Neha—vo kaise….?

Raj—namank, mulank aur bhagyank ka hamare jeevan me bada mahatva hai…agar namank, mulank aur bhagyank me taalmel na ho to jeevan me kamyabi nahi milti, jeevan hamesha dukhmay rahta hai…isliye namank hamesha mulank aur bhagyank ko dhyan me rakhte huye hi rakhna chahiye…hum kewal naam hi badal sakte hain…mulank aur bhagyank to hamare janam lete hi nishchit ho jate hain, jinhe badla nahi ja sakta…hamare jeevan ke sabhi mukhya karya namank, mulank aur bhagyank ke anko me hi ghatit hote hain….sabhi vyaktiyo ka janam kisi bhi month ki 1 se 31 tarikh me se kisi ek me hota hai…janam ki date har admi ki alag ho sakti hai kintu mulank 1 se 9 ke beech hi niklega…yadi kisi admi ka janam kisi mahine ki 31 tarikh ko hua hai to uska mulank 3+1=4 hoga.

Raj—bhagyank janne ke liye hame date of birth, month aur year ki avashyakta hoti hai…for example..ki agar kisi admi ka janam 31 july 1978 ko hua hai to uska bhagyank hoga…31.7.1978=3+1+7+1+9+7+8=36=3+6=9…uska bhagyank 9 hoga.

Raj—aise hi namank janne ke liye…hame uska sabse adhik naam upyog me aane wale ko adhar manna hota hai..english me sabhi aksharo ke liye koi na koi ank nirdharit kiya gaya hai..jaise ki.

1— A,I,J,Q,Y

2— B,K,R

3— C,G,L,S

4— D,M,T

5— E,H,N,X

6— U,V,W

7— O,Z

8— F,P


For example…31 july 1978 ko janam liye admi ka naam amtul kumar agrawal hai, tab uska namank hoga..
AMTUL KUMAR AGRAWAL
1+4+4+6+3 2+6+4+1+2 1+3+2+1+6+1+3
18 15 17
1+8 1+5 1+7
9+6+8
23
2+3=5..
atah uska namank 5 hoga … jiska namank, mulank aur bhagyank ek jaisa hota hai uske jeevan me khushihali bani rahti hai hamesha…hum naam me kuch changes kar ke usko mulank aur bhagyank ke anuroop bana sakte hain.

Divya—iska matlab ki ab hame aage chalna chahiye…

Raj—hmmm..chalo.

Priyadarshini ne patra me jaisa likha hua bataya uske anusar hum sab apni manzil ki taraf badh chale..jo ki ek tahkhane se ho kar rasta nikalta tha…hum sab ussi tahkhane me ( jo ki mahakali ki murti ke niche hai) ghus kar aage chalte rahe.

Chalte huye hame ek bahut bada gaddha nazar aaya to uske paas pahuch gaye…chaand ki madhyam roshni me bade bade jungli pedo ke beech jamin ki mitti me bane uss bade se gaddhe ka nazara bilkul alag hi tha…uss gaddhe ki satah me mitti ke dhelo se bane bahut saare chote chote patthar kuch iss tarah bikhre pade jaise ki unko jamin par rakh kar kisi ka chehra banaya gaya ho.

Sab ke ankho ke samne ki sachchayi chahe jitni bhi rahasyamayi dikh rahi ho magar unn paristhitiyo me main kuch aur hi manobhavo me bah raha tha..main usko kuch dekhne ke baad yakayak aage badha aur jamin par pade unn mitti ke dhelo me se ek ko utha kar sahsa hi gaddhe me bahar ki taraf jor se phenka…meri dekha dekhi bakiyo ne bhi unn dhelo ko phenkna shuru kar diya..agle hi pal sab ke beech unn dhelo ko jyada se jyada door phenkne ka khel shuru ho gaya…aur yahi vo pal tha jab mere muh se achanak hi alphaz nikal pade.

Raj—khul ja simsim

Mera bolna bhar tha ki maano vaha jadu ho utha…dekhte hi dekhte vaha ki poori jamin kampte huye hilne lagi…jis jamini satah se hum sab mitti ke dhele utha utha kar phenk rahe the, vaha se saare dhele apne aap hi idhar udhar ko ludhakne lage..phir dhire jab jamin ka kampan band hua to unn mitti ke dhelo ne ludhak ludhak kar ek aisi sthiti le li jaise ki vo koi pravesh dwar ho.

Jamin ka kampan jaise hi poori tarah shant hua..yakayak unn dhelo ki sajawat se bane dikh rahe pravesh dwar ke beech se ek tez roshni chhan kar bahar ko samne aane lagi aur vaha ek rasta nazar aane laga…iss ghatna kram ko dekh kar sabhi andar tak dahal gaye..agle hi pal uss raste me ek surang nazar aane lagi.

Ruchi (shocked)—bhagwan jane ..ye koun si bala hai jo hamare samne muh khol kar aa khadi huyi hai..aur tum ho ki khud ja kar uske gale lag jana chahte ho..?

Payal—raj, kya ye vahi gufa hai…?

Raj—ye kya hai aur kya nahi..ye to andar jane par hi pata lagega..

Madhu—lekin ye to bahut gahri surang hai..hum iske jayenge kaise... ?

Raj—hum nahi kewal main jaunga…aap sab yahi bahar mera intazar karna..

Payal—nahi, main tere sath jaungi matlab jaungi..mujhe kuch nahi sunna.. samjha.

Divya—main bhi jaungi.

Mamta—main tujhe akele nahi jane dungi..jayenge to sab jayenge…ye mera order hai

Raj—didi, andar jyada khatra bhi ho sakta hai…aur maa, aap sab andar jayenge kaise…? Yaha se andar utarne ke liye koi sidhi nahi hain…isliye sab yahi bahar ruk kar mera intazar karo...main jaldi hi aa jaunga....sirf payal didi aur divya hi mere sath jayengi..(mann me) agar payal didi ko sath nahi le gaya to koi bharosa nahi ki yaha vo kisse ulajh pade..

Raj—veer tum yaha sab ka dhyan rakhna..sab ki suraksha ki jimmedari ab tumhari hai…mrinal tumhari madad karegi..kyo mrinal karogi na madad veer ki…?

Mrinal—haan, haan kyo nahi…jarur karungi

Veer—abe ..ye chudail meri madad karegi…?

Mrinal—ye chota balatkari..jyada chu.. cha kiya na to iss surang me utha kar phenk dungi tujhe..

Raj—hihihi…good

Mrinal—gud…lekin gud (good) to mere paas nahi hai..kaha milega gud…? Mujhe khana hai…mujhe gud bahut pasand hai..

Veer—arey kaan ki bahri…khane wala gud nahi balki good..matlab ki achcha hota hai..samjhi..

Mrinal—mujhe sikhane ki jarurat nahi hai…samjhe…mujhe malum hai ki gud achcha hota hai tabhi to mujhe gud khana achcha lagta hai..

Veer (sir pakad ke)—kuch nahi ho sakta iss ladki ka..

Mamta—maine kah diya na ki hum sab jayenge..ab kya tu meri baat bhi nahi manega…?

Veer—maa theek bol rahi hai..

Raj—theek hai, jaisi sab ki marzi…lekin pahle main jaunga taaki check kar lu ki vaha niche utarne me koi khatra to nahi hai…veer tum iss rassi ko jor se pakad ke rakhna..

Veer—ok

Veer ke rassi pakadte hi main surang me ghus gaya…surang ke muh se andar jate hi usme andar jamin ki gahrayi ki oar jata hua rasta tha...vo rasta kya tha balki bas chattane yu ek ke upar ek aisi khadi thi ki chattani deewaro par jagah jagah pair tika kar niche ki taraf utra ja sakta tha..main kisi jhijhak ke unn chattano me apne pair tikate huye sidha niche utarta chala gaya.

Uss gufa me kayi feet niche utarne tak apne charo taraf ho rahe badlavo par dhyan hi nahi gaya…par badlav to ho rahe the… kuch niche aur utarte hi mujhe apne ird gird bahut garmi mahsoos hone lagi..tab mera dhyan iss taraf gaya to maine ek baar niche ki taraf dekha..to vaha nazro ke samne sirf aur sirf ankho ko choundhiya dene wali roshni thi...uss tez roshni ko dekh kar achanak hi mere mann me pal bhar me kayi khyal umadne lage.

Niche utarte huye bahut garmi, ankhe choundhiya dene wali roshni aur saare halato ka matlab ek hi tha ki jo kuch bhi vaha tha, vo kuch aur nahi balki khaulta hua lava hai..khaulte tapte laava ka khyal hi bade bade irado ko pighla dene ke liye kafi tha...niche dekhne ke chakkar me jaise hi meri pakad chattano se dheeli padi vaise hi main kamar me bandhi rassi ke sahare hawa me jhul gaya.

Mera ekdam se poore vajan ke sath rassi par jhul jane se rassi ke dusre chhor par aisa jhatka pada ki har koshish kar ke bhi veer rassi ko apne kabu me nahi rakh saka...sab ke dekhte hi dekhte rassi ka dusra chhor gufa ke muhane me sama gaya..rassi ke gufa me samate hi jaha vo gahra gaddha tha, vaha ab vaisa kuch bhi nahi tha...bas gaddhe ki upri satah par nazar aa rahi mitti ki jagah par dher sari chattane aa gayi thi...aur vo bhi aisi bhari bhari chattane ki unhe hatakar niche jana to door ki baat unme se ek bhi chattan ko hila pana bhi unn logo ke bas ki baat nahi thi.

Gufa ke andar jane ka rasta band hote dekh kar sabhi ghabra gaye...tabhi achanak

Fantastic update bhai Raj Gufa Mein Chala Gaya aur uske Samne khaulta hua lava hai ab dekhte hain vah isko Kaise Paar Karta Hai Aur Is Tilism Ko todta hai, aur last moment par wahan kya hua kya gufa ka Munh band Hote Dekh kar koi Aur Bhi usme Kood gaya hai, khair dekhte hain aage kya hota hai.....

Waiting for next update_____

 

[Story Collector]

Index updated on page 1

 

[Naughtyrishabh]

Behad hi shandar or jabardast update bhai.
Bahut khoob superb.

Aage ka intjaar

SAAJAN
UPDATE- 215
5th Janam Ki Love Story Continues.....​

Divya se baat kar ke mere mann ko bahut shanti mili…hum dono bahut samay tak ek dusre ki baaho me simte prem bhari baate karte rahe aur phir subah hone se pahle hi apni apni jagah par chale agle din phir milne ka vada kar ke.

Subah utne ke baad phir se main vivan rishi ke sath unke yagya ki suraksha karne ko tatpar ho gaya….main poori sajagta se yagya ki suraksha me laga hua tha ki tabhi achanak kisi adrishya shakti ne mere dwara banaye gaye suraksha kawach ko tod diya aur mujhe utha kar door phenk diya.

Ab aage……

Main uth kar apne charo taraf dekhne laga magar koi dikhayi nahi de raha tha kewal kisi ke jor jor se hasne ki awaz hi sunayi de rahi thi…main kuch samajh nahi pa raha tha ki ye koun hai…?

Jitu (chilla kar)—koun ho tum…? Jo iss tarah chhup kar hamla kar rahe ho…agar himmat hai to samne aao..

Phir agle hi pal mere samne ek daityakar admi prakat ho gaya..jor jor se haste huye…main kuch samajh pata ki tabhi usne mujhe phir se utha kar phenk diya….ab ki bar main jhadiyo me ja kar gira jisse kafi chot aayi..kintu maine apne dard ki parwah na karte huye turant uth khada hua.

Ab vo daitya yagya sthal ki taraf badhne laga utpaat machane ke liye…ye dekh maine jaldi se apna dhanush sambhal kar uske samne aa khada hua.

Jitu (jor se)—vahi ruk ja dusht….koun hai tu…..?

"Koun rokega mujhe...tuuu.... ? hahahahaha.....bada hi dhith hai tu...phir se aa gaya mere samne....abhi to tere doodh ke daant bhi nahi toote bachche....ja bhag ja yaha se..warna mara jayega...hahahaha" usne bade hi ghamand ke sath kaha.

Jitu—mere rahte tum yagya ka viddhwansh nahi kar sakte..

‘’Lagta hai ki teri mout tujhe yaha khich layi hai, tabhi tu shamri se takrane ki soch raha hai bachche.’’ Usne apna naam batate huye dhamki di.

Usne mere upar aag ke gole phenkne shuru kar diye...to maine varunashtra ka prayog kar uski aag ko bujha diya....usne pani ki shakti ka prayog kiya to maine vayavyashtra ka prayog kar pani ko hawa me uda diya...apna pratyek vaar nisphal hote dekh vo kroadhit ho gaya.

Usne mere upar bade bade patthar phenkne shuru kar diye...ye dekh kar maine apne nukile teero se unn pattharo ko chur chur kar diya....gusse me aa kar usne burf ki shakti ka prayog kiya to maine aagneyashtra ka prayog kar uske dwara phenki gayi burf ko pani bana kar baha diya.

Shayad uske paas isse jyada shaktiya nahi thi...apni parajay hote dekh kar usne janwaro ki haddiya aur khoon yagya kund me phenkne ki phirak me lag gaya...ye jan kar maine ek baan chala kar uska ek hath aur phir dusre baan se uska dusra hath bhi kaat diya....aur uske baad ek ardh chandrakaar baan se uski gardan dhad se alag kar di...

Shamri—aaaaaaaaaaaa.....tu nahi bachega ab...aaaaaaaaaaa

Uske mrit sharir ko aagneyashtra ke prayog se jala diya…Uske marte hi phir aur koi bhi vyavdhan uss din nahi aaya yagya karne ke dauran...uss din ka anushthan safalta purvak sampann ho jane ke pashchat main vivan rishi ke sath vapis lout chala.

Divya mujhe anusuiya ke paas hi baithi huyi mil gayi sath me priyamvada bhi vahi thi...teeno ke chehro par chinta ke bhav the khas kar ke divya ke chehre par...vo mujhe le kar chintit thi...mujhe sahi salamat dekh kar uske dil ko santosh hua..lekin phir mere jism me chot ke nishan dekh kar vo pareshan ho gayi magar sab ke vaha hone ki vajah se kuch bol nahi pa rahi thi...jab ki anusuiya aaj mujhe dekh kar sharma rahi thi.

Vivan—putri, yuvraj ki chot par haldi aur chandan ka lep laga dena...main snan karne ja raha hu.

Anusuiya (meri taraf dekhte huye)—ji pita sri

Jitu—iski koi avashyakta nahi hai rishivar....apne maqsad ki purti ke liye main aaj gaon me ja kar vaha ke halaat ka jayza lena chahta hu...vaise bhi aaj ka yagya sampann ho hi chuka hai....subah apki seva me phir upasthit ho jaunga...mujhe jane ki agya de...maine yagya sthal ko suraksha kawach se surakshit kar diya hai

Vivan—jaise apki ichcha yuvraj..kintu kal subah apko yaha aana hoga... yagya ki raksha ke liye...

Jitu—avashya rishivar

Mere jane ki baat sun kar divya ghabra gayi...vaise bhi aaj vo din bhar se meri suraksha ko le kar chintit thi...maine usko ankho ke ishare se pushp vatika me aane ko kaha.

Priyamvada (dhire se)—dekh divya....tujhe tere saajan kuch ishara kar rahe hain...ja mil le...aur anusuiya bata rahi thi ki kal tune raat me gadbad ghotala kiya hai kuch... ?

Divya (tunak kar)—Maar Dalungi.. !

Main vaha se uth kar pushp vatika ki taraf chala gaya...lekin mera dhyan ek baat par jarur gaya vaha se chalte huye ki anusuiya ke chehre par ab achanak se kuch pareshani ke bhaav umad aaye the...khair maine uski taraf jyada dhyan nahi diya...pushp vatika me mere pahuchte hi thodi der me divya bhi aa gayi.

Divya—chalo pahle apne kapde utaro... ?

Jitu (chounk kar)—ye tum kya bol rahi ho…?

Divya—jaldi utaro na…mujhe lep lagana hai aap ke ghaavo par..

Jitu—achcha to ye baat hai…main to kuch aur hi samjha tha..

Divya—kitni chot lag gayi hai…raat me jana jaruri hai kya…?

Jitu—sabhi gaon wale mere upar hi apni ummid lagaye baithe hain …yuvraj hone ke naate unke dukh dard me shamil ho kar unhe door karna mera kartavya bhi hai.

Divya ne mere jakhmo par lep lagana shuru kar diya…uski komal ungliyo ke sparsh ke hsaas ne jaise mera dard apne aap hi kahi nadarad ho gaya…main uski jheel jaisi neeli gahri ankho me khota chala gaya.

“Tumhare Paas Aata Hu To Saanse Bheeg Jati Hain,
Mohabbat Itni Milti Hai Ki Ankhe Bheeg Jati Hain.”
​

Divya (seene se lag kar)—mujhe bhi sath me chalna hai…

Jitu—main kal subag phir lout aunga…tumse door rahna ab mere bas me nahi hai…main chah kar bhi tumse jyada samay tak door nahi rah sakta.

Divya—main to khud hi pagal hoti ja rahi hu…jane ye koun sa bandhan hai, kis janam ka rishta hai…jab samne aate ho to dil dhadakta hai aur jab door hote ho to dil tadapta hai..

"Chandni Chaand Karta Hai Aur Chamakna Sitaro Ko Padta Hai,
Mohabbat Ye Ankhe Karti Hain Aur Tadapna Dil Ko Padta Hai."
​

Kab hamare hoth ek dusre ke hotho se mil kar apne apne dil ki halat ka izhar karne me vyast ho gaye, pata nahi chala..hum ek dusre ko alingan me liye hotho ka amrit paan karne me vyast the magar iss dauran kisi ki do ankhe hamare iss chumban ki gawah thi...vo badi hi bechaini se hame ek dusre ko chumte huye chupchap dekh rahi thi..dekhte dekhte achanak hi uski ankhe anshuon se bheeg gayi to vah vaha se apni bhigi palko ke sath kuch sochte huye vaha se chali gayi.

Kafi der tak divya ke madhur hotho se madira paan karne ke pashchat main usse alag hua aur kal phir milne ka vada kar ke gaon vapis lout aaya...gaon me pahuchte hi maine apna bhesh badal kar ghumne chal diya...gaon ke andar pahuchte hi mujhe afra tafri ka mahoul dikhayi diya..log chillate huye udhar udhar bhag rahe the...mukhiya ke ghar samne bheed jama thi to main bhi vahi pahuch gaya.

Jitu—kya baat hai bhai..yaha itni bheed kyo jama hai... ?

Ek admi—kya kahe bhai..ab to iss gaon me rahna hi mushkil ho chuka hai...

Jitu—kyo aisa kya ho gaya…? Phir se koi gayab ho gaya kya…?

Admi—haan bhai

Jitu—koun…?

Admi—khud mukhiya ji hi aaj gayab ho gaye..

Jitu (jhatka)—kyaaaa….kab aur kaise…?

Admi—bas abhi kuch der hi huye….vo baith kar khana kha rahe the aur unki patni unhe vahi baith kar khana paros rahi thi.. tabhi hawa ka ek tez jhonka aaya, uss hawa ke jhonke me mukhiya ji ki ek dard bhari cheekh sunayi di aur jab ye hawa shant huyi to mukhiya ji apni jagah se gayab the…iss shapit jagah ne aaj ek aur insan ki bali le li.

Jitu (hairan)—kyaaaaa…?

Admi—hmmm bhai…meri mano to tum jaldi hi iss gaon se nikal jao…..ye ab logo ke rahne layak nahi rah gaya hai..yuvraj ne aane ka vada kiya tha kintu abhi tak nahi aaye..ab to unse hi ummid rah gayi hai..jane kab ayenge yuvraj..? kahi aisa na ho ki unke yaha pahuchne tak ye poora gaon hi ujad jaye…?

Ye sun kar main hairan rah gaya…maine turant vaha se nikal kar apne ghode par baitha aur jungle me uss kali pahadi ki taraf nikal gaya…ye soch kar ki shayad main mukhiya ji ka koi surag mil jaye..

Jitu (mann me)—mujhe jitna jaldi ho sake jungle ke andar pahuchna hoga…uss admi ke kahne ke anusar mukhiya ji ko gayab huye abhi kuch hi samay hua hai…ho sakta hai ki main unhe bacha lu aur asli gunahgar bhi pakad me aa jaye.

Raat jyada ho gayi thi magar mujhe fauran jungle ki taraf rawana hona pada kyon ki iss veeran se shapit jungle me shayad main hi sab ki madad kar sakta tha aur ye mera farz bhi tha.

Yaha rahte huye mukhiya ji se mere kafi achche sambandh ban chuke the, halanki unhone mujhe ab tak pahchana nahi tha…unke gayab hone ki khabar aur gayab hone ke tarike ko sun kar meri ruh kaamp gayi.

Main poori raftar se ghode ko bhagate huye akhir jungle tak pahuch hi gaya…magar jungle tak pahuchte hi ghoda akasmaat hi ruk gaya…maine kafi koshish ki usko jungle ke andar jane ki magar vo hinhina kar jungle ke andar jane se mana kar diya..usko vahi chhod kar maine jaise hi jungle me ghusne laga to usne mere kapde ko apne muh se pakad kar khichne aur inkaar me sir hilane laga…jaise ki vah mujhe bhi jungle ke bhitar jane se rokna chahta ho..?

Jitu—(ghode ke sir me hath pherte huye) tu mera yahi intazar kar…main abhi aata hu…mujhe kuch nahi hoga, tu chinta mat kar..

Ghode ne phir se inkaar me sir hila diya..vo mujhe jungle me jane se rokna chahta tha lekin maine kisi tarah apna daman uske muh se chhuda kar akhir jungle ke bhitar apna pahla kadam rakh hi diya.

Jungle ke andar pahla kadam rakhte hi aas maan me joro se bijli kadakne lagi …do char second ke liye jaise vaha bhukamp jaisa aaya.. vaha kijamin hil uthi aur phir sab kuch pahle jaisa shant ho gaya…main inn sanketo se anjan ho kar aage badhta gaya jo ki aage aane wale kisi bhayanak khatre ka sanket kar rahe the.

Jungle ke andar raat me bhatakte huye maine ek mashal jala kar hath me le li aur aage badhta chala gaya…chalte chalte achanak hi mera pair kisi cheez se takra kar niche girne laga magar jamin par girne se pahle hi maine ek hath niche jamin par tika diya..tabhi meri nazaro ko jo dikha vo dekhte hi main stabdh rah gaya.

Meri ankho ke samne kisi ki sir kati taazi lash padi huyi thi…usse kuch doori par uska kata hua sir pada hua tha…khade ho kar maine uss sir ko dekha to chounke bina nahi rah saka kyon ki ye sir mukhiya ji ka tha.

Vaha ja kar pata chala ki mukhiya ji ke sharir ke sath kitni barbarta barti gayi thi….unke poore sharir me gahre nakhuno se bane ghaav the….sir unka alag pada tha…ankhe noch li gayi thi…itni barbarta koi janwar hi kar sakta hai…mukhiya ji ki laash ke bagal me mujhe kisi janwar ke baal bhi dikhayi diye..isse to yahi sabit hota tha ki mukhiya ji ki hatya kisi janwar ne hi ki hai.. magar itni buri tarah se hatya…?

Ye kaam kisi janwar ka ho sakta hai, mujhe vishwash nahi ho raha tha…kyon ki jaha tak maine suna hai iss jungle ke baare me to iss jungle me na to koi sher hai aur na hi cheeta….phir koun sa yeh vichitra prani hai….?

*************​

Vahi ek dusri jagah ek ladki kisi ki tasveer ko hatho me liye huye usse kuch baate kiye ja rahi thi..

"Mana Ki Kismat Par Mera Koi Jor Nahi,
Par Ye Sach Hai Ki Mohabbat Meri Kamjor Nahi,
Tere Dil Me, Teri Yaado Me Koi Aur Hai, Lekin,
Meri Har Saans Me Tere Siwa Koi Aur Nahi."
​

Next Big Suspense Clue & Story Turner Update Will Come Tonight.

 

[Jon123]

Awesome fantastic Mind-blowing update Bhai

 

[Tripuri chakraborty]

Bhaut khub update nice

 

[Jon123]

Wating bhai

 

[anandsngh12]

SAAJAN
UPDATE- 216
5th Janam Ki Love Story Continues...​

Ye kaam kisi janwar ka ho sakta hai, mujhe vishwash nahi ho raha tha…kyon ki jaha tak maine suna hai iss jungle ke baare me to iss jungle me na to koi sher hai aur na hi cheeta….phir koun sa yeh vichitra prani hai….?

Vahi ek dusri jagah ek ladki kisi ki tasveer ko hatho me liye huye usse kuch baate kiye ja rahi thi..

"Mana Ki Kismat Par Mera Koi Jor Nahi,
Par Ye Sach Hai Ki Mohabbat Meri Kamjor Nahi,
Tere Dil Me, Teri Yaado Me Koi Aur Hai, Lekin,
Meri Har Saans Me Tere Siwa Koi Aur Nahi."
​

AB AAGE.........

Vo ladki kabhi uss tasveer yuvraj jitu ki thi, usko kabhi chumti to kabhi tasveer dekhte huye mushkurane lagti to kabhi usse shikayat karne lagti...badi hi ajeeb manodasha thi uski.

Ladki—mujhe aaj bhi yaad hai vo din jab tumne mujhe pahli bar sparsh kiya tha...ek ajib si sansanahat mere jism me daud gayi thi....uss chhuwan me kuch to tha...akasmat hua vah sparsh, lekin aisa laga maano mere jism me anginat phoolo ki khushbu bas gayi ho...barish ki halki halki fuharo ka ehsaas tha uss chhuwan me....kabhi kabhi kshan bhar me bhi jeevan ke anant palo ko ek sath jiya ja sakta hai, maine uss pal vahi mahsoos kiya.

Ladki—khubsurti aur ichcha ka sangam..bhar si gayi thi main uss sparsh se....kise pata tha ki vah ek chhuwan meri zindagi ki disha hi badal dega.. ? dher saare rang bhar kar phir use....nahi abhi vah sab nahi, warna khubsurti ka marm kam ho jayega... kuch pal ankho me tairta pyar bhi kabhi kabhi poori zindagi jeene ke liye kafi hota hai...lekin sirf khushnuma lamhe ko jeene wale hi iss baat ko samajh sakte hain.

Ladki—jab maine pahli bar tumhari awaz suni to aisa laga ki jaise ek sath kayi ghantiya baj gayi ho…jaise jharna kal kal karta hua bahne laga ho...jaise kisi ne baansuri par mithi taan chhed di ho...tumne mujhse pani manga to main hadbada gayi thi aur ussi hadbadahat me tumhe pani dete huye hath chhu bhar gaya tha tumse...uss chhuwan se mere jism me ek madak lahar daud gayi thi.

Ladki—bharpoor nazro se dekha tha maine tumhe...na jane kya ho gaya tha mujhe uss pal.. ? na koi sankoch, na darr, na kisi kism ki jhijhak, kuch bhi to uss waqt nahi tha mere mann me...awaz aur chhuwan ki tarah chehre me bhi ek kashish thi, jaise ki khud kaam devta mere samne khade ho...haan, yahi khyal to aaya tha tab mere dil me.

Ladki—pani de di, kaam khatam...lekin mann tha ki mujhe vahi thahre rahne ke liye majbur kar raha tha...baat karne ke liye bhi to koi vishay ya bahana chahiye hota hai...agar meri koi sakhi saheli hoti to dus baate, nirarthak, kuch bhi ki ja sakti hain ya phir bevajah hasi ke thahake hi lagaye ja sakte hain..lekin tum to hone wale yuvraj the....uss par pahli mulaqat, vah bhi bina parichay ke..phir bhi main dheeth bani vahi khadi rahi.

Ladki—baat karne ka kya andaz tha...maano har shabd kadam taal karta chal raha ho..jaise fisalne ki jaldi na ho shabdo ko bhi.. mujhe aise ektak ghurte dekh kar tumhare chehre par mushkan phail gayi thi...ohhh.. ! uss samay mere dil me aaya ki kisi tarah se tumhari iss mushkan ko apni hatheliyo me qaid kar ke hamesha ke liye apne paas sanjo kar rakh lu.

Mera Sajna Sanwarna Gajab Ho Gaya
Khushbuo Ka Bikharna Gajab Ho Gaya
Teri Ankho Me Kab Tak Main Rahti Bhala
Mera Dil Me Utarna Gajab Ho Gaya.

Har Taraf Pyar Hai, Ghum Kar Dekhiye
Iss Nashe Me Jara Jhoom Kar Dekhiye
Meri Khushbu Se Tum Bhi Mahak Jaoge
Bas Hatheli Jara Choom Kar Dekhiye.
​

Ladki—jab main apni tez chalti saanso ko niyantrit karte huye tumse door huyi to aisa mahsoos hua jaise ki meri antratma ka koi hissa piche chhut gaya ho...pahli bar to maine kisi purush ko nahi dekha tha..magar mere dil me kisi ko dekh kar aisa jwar bhata pahle kabhi nahi utha tha...maine bahut koshish ki apna dhyan tumhare upar se hatane ki kintu har pal aisa lag raha tha jaise ki tumhari vo ek chhuwan mere dil me bas gayi hai aur use sahla rahi hai.

Ladki—maine apne unn hatho ko dekha jisko tumne sparsh kiya tha...sab kuch bahut sangeetmay lag raha tha mujhe…payal ki chhan chhan mere hriday ke taaro ke sath lay mila rahi thi...shishe ke samne khade ho kar jab maine swayam ko nihara to mere gaalo par gulab ki pankhudiyo ka rang chadh gaya tha..ankho me sapne khumaar ban kar tair rahe the tumhare.

Ladki—agle din jab meri neend khuli to mahssos hua ki raat bhar me main badal si gayi thi…meri alhadta aur bindaspan ko viram sa lag gaya tha...ankho me shararat ki bajaye tumhari talash sama gayi thi.

Ek Adhuri Kahani To Mujh Me Bhi Hai
Dhadke Dil Vo Jawani To Mujh Me bhi Hai
Tum Jo Chhu Lo, Shiwalay Banu Prem Ka
Ek Meera Deewani To Mujh Me Bhi Hai.
​

Vahi dusri taraf main mukhiya ji ki laash milne ke baad hatyare ko aas paas hi dhoondte huye uss ghane jungle ke kafi andar tak ghusta chala gaya….badi hi darawani raat lag rahi thi…hawa ka rukh kuch saaf nazar nahi aa raha tha…ajib si hararat thi jungle me…shaam apne charam par thi….chandrama apni chandni bikher raha tha aur bhediye na jane kise pukar rahe the.

Achanak mujhe mere paas ki jhadiyo se aisa laga ki jaise koi mujh par nazre jamaye huye hai…magar maine mud kar nahi dekha. Vaha ek ajib si gandh joro se aa rahi thi..main apni jagah se hila nahi kyon ki shayad main bhi janta tha ki agar hila to mera bhi sir dhad se alag milega.

Mgar phir bhi maine himmat kar ke apna hath jhadiyo ki taraf jaise hi badhaya..mujhe uss vichitra prani ki chandni raat me chamakti huyi lal chamakdar ankhe nazar aa gayi…vah prani mujhe dekh kar chounka aur main bhi usko dekh kar chounk gaya.

Maine ekdam se apni talwar se uss jhadi par vaar karna shuru kar diya magar meri kismat ne mera sath nahi diya aur vo vaha se achanak gayab ho gaya…maine apne kadam jaise hi unn jhadiyo ki taraf badhaye vaise hi vo na jane kaha se aaya aur meri peeth par apne nakhuno se ghaav kar ke chala gaya…mujhe itna tez dard mahsoos hua jaise ki main abhi yahi dum tod dunga.

Andhera hone ke karan main uss janwar ka chehra dhang se to nahi dekh paya magar uske pair ke nishan jo ki kafi had tak insaan ke pair ke nishan jaise hi the..magar main bina piche dekhe raat bhar jungle me yaha vaha uski talash karta raha…vo bhi janwar shayad mera picha kar raha tha…magar raat ke andhere me vo mujhe kahi dikh nahi raha tha.

Main ghayal avastha me poori raat bhatakta raha aur ant me mukhiya ji ki laash ko le kar vapis gaon lout aaya…main jaise hi mukhiya ji ke ghar pahucha to mujhe vaise hi gandh mahsoos huyi jaisi ki maine jungle ke andar mahsoos ki thi…jisse mujhe aisa laga jaise ki vo janwar pahle bhi yaha kayi bar aa chuka ho.

Mukhiya ji ki laash dekhte hi unki patni jor jor se chhati peet kar rone lagi..kuch hi der me vaha logo ki bheed jama hone lagi.. unki patni ke chehre ko dekh kar mujhe aisa abhaas hua jaise ki vo kuch chhupa rahi ho lekin maine kuch nahi kaha aur apne shiwir lout aaya.

Sainiko ne mere ghaav par haldi chandan ka lep lagaya..ghaav bahut gahra tha jise bharne me kafi samay lagega…phir main dainik kriya se mukt ho kar raat ki ghatna ke baare me hi sochne laga.

Jitu (mann me)—akhir vo vichitra sa janwar kaha chhup jata hai….? Aur iske pairo ke nishan insano ki tarah kyo hain... ? kya hai ye bala…? Koi janwar hai ya phir koi manav .... ? aisa bhi ho sakta hai ki vo nishan mere hi pairo ke ho kintu itne bade pairo ke nishan mere to kya, kisi aur manav ke bhi nahi ho sakte hain....kaash ! main uska chehra dekh pata...lekin kismat ko kuch aur hi manzur tha...mujhe apne ghaav ki fikra nahi hai..kisi bhi tarah mujhe uss katil tak pahuchna hi hoga...na jane kaha chhupa hoga vo.. ?

Dimag pareshan tha to isliye maine aaj raat phir se uss jungle me jane ka faisla kiya aur phir aashram ki oar chal pada unn rishiyo ke yagya ki suraksha ke liye.

Sorry Friends, Update bahut chhota hai..Lekin aaj office se aane me hi bahut late ho gaya tha to jitna bhi likh paya..utna post kar diya.

 

[anandsngh12]

Comments Reply Evening Me Karunga.

 

[Iron Man]

Awesome update

 

[Jon123]

Bahut hi khub surat update bhai