SAAJAN
UPDATE- 267
Rajgarh Ka Raaz Continues.....
Main jhatke se uth kar palang par sidha baith gaya…kintu mere kuch bolne se pahle hi madhuri achanak mere upar jhuk gayi….Jaitun ki shakha ki tarah usne apni dono baanhe mere gale me daal di…uski garam saanse mere seene se takra rahi thi…uske sharir ka dabav mere upar badhta hi ja raha tha..achanak uski ankho me aag jal uthi…
Madhuri—(adhikar bhare swar me)…saajan, mujhse sambhog kar ke meri kamna poori kiye bina aap uss talab aur uske moti tak nahi pahuch sakte….aur kadachit mujhse sambhog karne ke baad hi aap ko apni manzil ka rasta bhi mil sakta hai.
Ab Aage…….
Raj (chakit hote huye)—uss talab aur usse judi paheli ke baare me tum kya janti ho... ? tumhare kahne ka kya matlab hai…?
Meri baat sun kar madhuri bade hi vichitra aur rahasyamayi dhang se khil khila kar hasne lagi…usne ussi mudra me mujhe aalinganbaddh kar liya aur phir mere hotho ko chumte huye kahne lagi.
Madhuri—saajan..! aap matlab janna chahte hain…? Sab kuch batlaungi aap ko…ab to mujhe apko batana hi padega.
Uss samay madhuri ne jo kuch bataya, vah nishchay hi behad vilakshan, rahasyamay aur avishwasniya tha….aage ki kahani madhuri ke shabdo me….
Uss samay Sundar garh ke maharaj Lavanya singh the…..unhone praja ko loot loot kar kafi dhan ekattha kar liya tha…vishnu sharma unke param mitra hone ke sath sath raj pandit bhi the…uss samay unke jaisa ved aur tantra shastra ka dhurandhar vidwan koi nahi tha.
Vishnu sharma kad ke lambe, gora rang, sundar aur tejaswi purush the….unka bahut aadar samman karte the maharaj lavanya singh…vishnu sharma bhi puja path aur tantra mantra dwara lavanya singh ki shri vriddhi, yash vriddhi aur rajya vriddhi ke liye hamesha prayas karte rahte the….phal swaroop teeno prakar ki vriddhiya barabar hoti gayi.
Vishnu sharma ek pahuche huye tantrik bhi the, isme koi sandeh nahi tha….ek din prasann ho kar unhone maharaj se kaha.
Vishnu sharma—maharaj, main apke liye ek aise tantrik deep ke nirman me laga hu, jiski prakhar jyoti ke dhawal prakash se apki kirti amar ho jayegi.
Yeh sun kar maharaj ati prasann aur gadgad ho uthe…Yatha samay uss amogh tantrik deep ka nirman ho jane par vishnu sharma ne use raj mahal ke upar deepawali ki maha nisha me sthapit kar diya.
Uss deep se choubiso ghante ek vilakshan shubhra prakash phutta rahta tha…aandhi, toofan aur varsha aadi ka bhi uss deepak ke upar koi prabhav nahi padta tha.
Nishchay hi prakhand deep tha vah, jo tantrik mantra shakti ke bal par hamesha prajjwalit rahta tha…usko dekh kar sabhi ashcharya chakit the…aise hi samay gujarta gaya.
Akhir vinash ki ghadi aa pahuchi…raj-mahal ke uttar ki oar rajya ki seema se lagi ek domo ki basti thi jo ki rajgarh ka rajya me padti thi… rajgarh ke maharaj uss samay vishwas singh the….uss basti me dom choudhary ki ek sundar putri thi…vah itni roop vati thi ki usko dekh kar koi soch bhi nahi sakta tha ki vah neech jati ki bhi ho sakti hai…rajkumari divya ke baad dusri bar itni sundar ladki rajgarh me koi paida huyi thi vo bhi sadiyo baad.
Ek din uss rupsi sundari padma gandha par na jane kaise vishnu sharma ki nazar pad gayi…usko dekhte hi vah vasna ke vashibhut ho kar pagal ho uthe…kintu lok laaz aur samaj ke bhay se apni mugdh bhavna ko uss samay unhone daba liya…phir bhi vasna ki aag bhitar hi bhitar sulagti rahi.
Samay gujarta raha aur deepawali ka tyohar aa gaya….rajya ki shri vriddhi ke liye har varsh uss raat vishnu sharma tantrik vidhi se laxmi ji ki pooja karte the…iske liye vibhinn jati ki paanch kanyayo ki avashyakta padti thi, jisme dom jati ki kanya ka vishesh mahatva tha….iske liye vishnu sharma ne iss bar dom choudhary ki uss ladki ko hi bulane ka nishchay kiya.
Jab unhone apne iss vichar se lavanya singh ko avgat karaya to unhone koi aapatti nahi ki….anusthan aur pooja ke samay vah ladki aa gayi….anusthan poora hone par anya ladkiyo ko to vishnu sharma ne vapis bhej diya, kintu dom choudhary ki ladki ko rok liya…ekant milte hi vishnu sharma ne usko jabardasti apni baho me jakad liya.
Vishnu sharma—main tumhare roop aur youvan par mohit hu aur tumse vivah karna chahta hu…kya tum meri patni banogi….?
Dom putri yeh sun kar nihal ho gayi….usne vishnu sharma ki taraf apni dristi uthayi…uska tejaswi roop aur balistha sharir dekh kar vah bhi mohit ho gayi…aur usne vishnu sharma ke gale me baanhe daal di….maha tantrik vishnu sharma ki atript kamna poorn ho gayi…unhone ussi samay usse gandharv vivah kar liya….kintu vah uss ladki ke sath sharirik sambandh sthapit nahi kar paye…suhagrat me unhone jaise hi uss ladki ke kapde utarne ki koshish ki vaise hi vo napunsak ho gaye.
Dusre din uss vivah ki charcha jungle ke aag ki tarah charo taraf phail gayi…logo ko yeh antar jatiya vivah pasand nahi aaya….itna bada vidwan brahman aur tantrik, ek dom putri se vivah karega, iski kisi ne kalpana tak nahi ki thi.
Vishnu sharma ko kafi samjhaya bujhaya gaya, jati se nikalne ki dhamki di gayi… kintu vishnu sharma apne nirnay par ading rahe.
Akhir unhe brahman samaj se niskasit kar diya gaya…jab yeh sari kahani lavanya singh ko malum huyi to uski bhi bhounhe tan gayi…vah swayam uss rupsi dombala ke roop youvan ka bhog karne ke liye mann hi mann lalayit the…aur uske roop youvan ka raspan karne ke liye uchit mouke ki talash me the.
Iss ghatna se unhone apni parajay ka anubhav kiya….kuch samay baad jab vishnu sharma darbar me aaye to unhe ghurte huye vah kroadh me aa gaye.
Lavanya singh (gusse me)—pandit ji..! aapne brahman samaj ka hi nahi balki mera bhi ghor apman kiya hai….ab hamesha ke liye mere mahal ka darwaja aap ke liye band ho gaya hai….aap turant mere rajya ki seema se bahar nikal jaiye.
Vishnu sharma—maharaj, brahmano se kis swar me bolna chahiye…? Kya iski shiksha apko nahi mili hai…?
Vishnu sharma bhala kab sahan karne wale the…unhone bhi maharaj ko suna diya…..vishnu sharma ki baat sun kar lavanya singh kroadh se aag babula ho gaye.
Lavanya singh (kroadh me)—arey vishnu sharma…! Ab tum brahman kaha rah gaye…? Tum to chandal kanya se vivah kar ke brahman samaj ke kalank ka tika ban gaye ho…ab tum kis muh se khud ko brahman kahte ho…? Tum to chandal ho chandal, aur ek chandal ko main raj pandit ke pavitra aasan par nahi baitha sakta.
Bhare darbar me apne iss ghor apman ko vishnu sharma kisi vish ki tarah pi gaye lekin kuch bole nahi.. iss par lavanya singh ka kroadh aur bhi bhadak utha…kroadhavesh me unnamatt ho kar vah cheekhne chillane laga.
Lavanya singh (chillate huye)—neech chandal…! Abhi issi waqt mere rajya ki seema se bahar nikal ja… warna mere sainik tujhe utha kar laat maarte huye phenk ayenge.
Aur phir achanak lavanya singh apne singhasan se uth khade huye aur aage badh kar vishnu sharma sharma ko dhakka dete huye mahal se bahar nikal diya.
Girte girte bacha vishnu sharma lekin vah niche girte ki tabhi kisi ne unhe sambhal liya……
