Fantasy CHAMATKAR (Completed)

[Fighter]

Bahut bahut shukriya bhai apna kimti review dene ke liye.
Apka kahna sahi ho bhi sakta hai aur nahi bhi ho sakta.
Kisi ki life me pareshaniya kisi ko bata kar nahi aati hain bhai
Yaha koi apna future nahi janta hai ki agle pal uske sath kya hone wala hai.
Ho sakta hai ki shayad aap jante ho...?
Koi bhi writer apni story ko bina vajah beech me nahi chhodta hai.
Har ek ki apni personal life hoti hai bhai.
Aap khud hi socho bhai ki agar aap ke ghar me koi problem aa jaye to kya aap story read karne aaoge uss problem ko ignore kar ke...? ya phir pahle apni problem solve karoge....?
Zindagi me sukh dukh ka aana jana laga rahta hai bhai.
Vaise hi updates bhi hain...agar kabhi break aa jaye to nirash mat ho jaiye
Har raat ke baad subah hoti hai aur subah ke baad phir se raat..phir subah..phir raat
Ye prakriya Anavarat satat chalti rahti hai

So, keep Enjoy having free mind.

Sahi kaha aapne bro

Kya hume maja thode hi aata h update na dene me hum b use pura krna chahate h or krte b h

Shayad kuch waqt jarur lgta h

Hum koye story likhna suru krte h to uski hume b bahut khusi hoti

 

[Fighter]

Update Will Come Late Night After Saajan.

Intjar rhega bro

 

[Story Collector]

Update Will Come Late Night After Saajan.

Ok bhai Intezar rahega

 

[Arjun Singh 72]

we will wait for the next update

 

[sonukale]

Waiting for next update

 

[Raj]

WAITING BHAI

 

[Jitu kumar]

Bahut bahut shukriya bhai apna kimti review dene ke liye.
Apka kahna sahi ho bhi sakta hai aur nahi bhi ho sakta.
Kisi ki life me pareshaniya kisi ko bata kar nahi aati hain bhai
Yaha koi apna future nahi janta hai ki agle pal uske sath kya hone wala hai.
Ho sakta hai ki shayad aap jante ho...?
Koi bhi writer apni story ko bina vajah beech me nahi chhodta hai.
Har ek ki apni personal life hoti hai bhai.
Aap khud hi socho bhai ki agar aap ke ghar me koi problem aa jaye to kya aap story read karne aaoge uss problem ko ignore kar ke...? ya phir pahle apni problem solve karoge....?
Zindagi me sukh dukh ka aana jana laga rahta hai bhai.
Vaise hi updates bhi hain...agar kabhi break aa jaye to nirash mat ho jaiye
Har raat ke baad subah hoti hai aur subah ke baad phir se raat..phir subah..phir raat
Ye prakriya Anavarat satat chalti rahti hai

So, keep Enjoy having free mind.

Bilkul sahi kaha bhai aapne,
jab swayam ke upar pareshani aati hai tab insaan ko ye baate samajh me aati hai,

 

[FRIDAY]

Bhai bura matt manna ek baat kahu to idhar jo bhi writer hai me unse anurodha karta hun ki jab app ko story lihkne ki ichha ho to pehele app sab ek paper ya fir apne laptop ya mobile pe likhe aur jab story ka the end ho jaye uske baad story ko post karo .isse ye hoga ke app ne story to complete kar chuke honge to post to jarur karenge aur hum sab ache se padhenge .aur dusri baat kuch writer dusro ke story ko follow karke lihkte hain jaise unka story kuch aise start hoga ex-hero ka janam fir uske ander power aana fir school aur iss beach baki family ka intro fir heroine aur uske baad collage ,collage ka ragging fir dusman fir nayi dost fir girlfriend bas uske baad koi update hi nahi aata .
Aur baki kuch writer ka same hoga magar usme thoda jayada fighting ya fir jayada love story , family drama hota hai
Fir uske baad writer sab suspense dene me lag jate hain aur khud ushi suspense me hi atak jate hain aur aage ka story lihk nehi pate hain.
Fir bahana aata hai
1.mera exam suru ho gaya
2.mere ghar me shadi hai
3.me out of city hun
4.meeting ke liye bahar gaya tha
5.tabiyat thik nahi hai
Etc
Aur jante ho dosto ye sab esi super hero wali story me jayada hota hai.
Dosto ab app sab khud hi boliye ye sahi hai ya galat .
Aur ek baat jante ho dosto ye pe ek reader jab waiting lihk lihk ke paresan ho jata hai aur kuch mere jaisa bolne laga ta hai to kuch readers aate hain aur bolte hain bhai bolna easy hai writer apna kimti waqt nikal ke hamare liye lihk raha hai aur tum support nahi kar rahe ho are kya ghanta support karenge story me update to aata nahi ab support kisse kare.
Aur kuch kahte hain khud lihko, are hum to yaha readers hai jisko lihkna chaiye vo to lihk hi nahi raha hai.
And last me agar app sab writer ki prosnal problem itni hai to story start hi kyun karte ho. mat lihka karo koi hum thodi na jabardasti kar rahe hain.
Agar galti se story start kar diya hai to ab aage aata hi nahi hai to sorry kahe ke band kar do na kyun sab readers ko aake waiting lihkna na pade.
Ye sab jo mene bola koi personal nahi lega sab writers ke liye hai.

Truth is always bitter.
That's why it is difficult to digest.

 

[anandsngh12]

Update abhi Likhna start kiya hai
Complete hote hi post karta hu.

 

[anandsngh12]

UPDATE-87​

Shree speed me gadi chalate huye chali ja rahi thi..uski gadi iss samay pahadi pahad ke ghumavdar raste par pahuch chuki thi.

Achanak ek khatarnak turning par dusri taraf se aa rahi ek bus ke horn ki awaz sun kar shree ne side dene ke liye jaise hi kinara liya vaise hi gadi unbalance ho gayi aur tezi se gahri khayi ki taraf badhne lagi.

Khatra aur chitra ye dekh kar tezi se uski taraf bhage lekin unke pahuchate pahuchate gadi ek chattan se takarakar khayi me ja giri aur phir BOOMMM kar ke blast ho gayi.

Tab tak vaha anand aur baki sab bhi pahuch gaye..unki ankho se anshuo ki aviral dhara bahne lagi…dukho ka ek aur pahad unke upar toot pada.

Megha (chillate huye)--Shreeeeeeeeeeee

Vahi ek pagal khane me ek pagal ladki har kisi ke paas jakar kisi ka pata puch rahi thi….

Ab Aage……

Vo pagal ladki koi aur nahi balki margret thi jo pagal khane me kaid har pagal ke paas ja ja kar adii ka pata puch rahi thi….baal poore bikhare huye the uske jaise ki kayi din se unme kanghi ka baalo par sparsh tak na hua ho.

Margret—ye tujhe adii ka pata malum hai…bata na mujhe.

1st pagal—adhii…main adhii nahi hu…main to poori hu….dekh usko pata hoga…usko puch..chal main bhi tere sath chalti hu.

Margret—kyo tujhe adii ka address pata hai na, chal bata mujhe.

2nd pagal—main kyo batau tujhe…

Margret (hath jod kar)—dekh mujhe adii ka pata bata de, vo kaha milega... ?

3rd pagal—arey usse kya puchti hai…vo to pagal hai…mere paas aa…main tujhe batati hu.

2nd pagal—tu khud pagal hai aur mujhe pagal kahti hai.

1st pagal—dekh isko adhii ka pata bata de...nahi to main tujhe bahut marungi.

3rd pagal (adhi roti dikhate huye)—mere paas bhi to adhii hi hai…baki adhii to maine kab ki kha liya…le adhii tu bhi kha le

Margret—ye to roti hai…mujhe roti nahi chahiye, mujhe mera adii chahiye…vo mujhse bahut gussa ho gaya hai… aur kahi chala gaya hai…mujhe nahi mil raha hai…kab se main usko dhoond rahi hu.

Itna kahte huye vo jor jor se rone lagti hai…..usko rote dekh baki pagal bhi uske paas aa kar vaise hi rone lagti hain. Unke rone ki awaz sun kar mahila jail karmi unke paas aa kar unhe vaha se bhagati hain lekin margret kahi nahi jati.

Constable—iss ladki ne naak me dum kar diya hai…jab dekho tab adii..adii ki rat lagaye rahti hai….koun hai ye adii..?

Margret (rote huye)—mujhe adii ke paas jana hai….mujhe koi mere adii ka pata bata do pls.

Constable—koi adii vadi nahi hai yaha….mar gaya hoga kahi..chal uth aur kuch kaam kar ab...kaam chor kahi ki

Margret (sisakte huye)—mera adii nahi mar sakta…mere adii ko tune hi chhupaya hoga kahi…chal jaldi se bata ki kaha chhupaya hai tune mere adii ko.

Constable—mar gaya vo sala adii…chal bhag yaha se

Margret—mere adii ko gali deti hai...ruk batati hu

Margret ne paas me pada ek bada sa patthar utha kar uss mahila constable ke sir me jor se maar diya…vo apna sir pakad kar niche baith gayi aur chillane lagi…mathe se khoon bahne laga.

Uss constable ki cheekh sun kar baki mahila constable danda lekar uski taraf bhagi jaha margret abhi bhi uske sir me patthar se vaar kiye ja rahi thi.

Sabne jaldi se usko pakad kar usse alag kiya aur baalo se ghasit kar andar le jane lagi….andar le jakar usko bed se baandh diya gaya…doctor ne aate hi usko electric shot dene shuru kar diye…adii adii ke naam ki mala japte huye vo behosh ho gayi.

Dusri taraf khatra, chitra, anand aur baki sab shree ki gadi ko jalte huye dekh rahe the…megha ki halat bahut kharab hoti ja rahi thi…ajeet usko sambhalne ka asafal prayas karne me laga hua tha kintu vo lagatar jor jor se dahad mar kar roye ja rahi thi.

Khatra aur chitra niche khayi me utar gaye kintu unhe kahi bhi shree ki dead body nahi mili…jisse vo bhi pareshan ho gaye..unhone bahut talash kiya lekin unke hath koi surag nahi laga…natiztan dono mayush ho kar sab ke paas lout aaye.

Megha (rote huye)—mujhe meri beti la do…hey bhagwan kaisa ye nyay hai tera….? Pahle mera beta mujhse chheen liya aur ab beti bhi…..jab chheenna hi tha to diya hi kyo tha…? Mujhe bhi niche kood jane do..chhod do mujhe.

Anand—ye sab mere hi papo ka dand hai…pahle urmi aur ab shree..dono ko mere hi paap ka dand bhogna pada hai…main tum sab ka gunahgar hu.

Ajeet—ye aap kya kah rahe hain bhai sahab….? Bhala aapne koun sa paap kiya hai….hum sab jante hain ki aap to ek devta hain jo dusro ki madad karte rahte hain.

Anand—nahi ajeet..main koi devta nahi hu balki main to vo apradhi hu jisne apne swarth ke liye kayi logo ki zindagi me andhera kar diya.

Ajeet—bhai sahab….

Anand (beech me hi rok kar)—aaj mujhe kah lene do ajeet….main barso se iss apradh bodh ki aag me andar hi andar jal raha hu..aaj mat roko mujhe…agar aaj nahi kah paya to shayad phir kabhi nahi kah paunga…isliye aaj mujhe kah lene do apne gunaho ki dastan.

Anand—megha main sabse jyada tumhara gunahgar hu….tumhara rishi kahi nahi khoya tha…

Anand ke muh se rishi ka naam sunte hi sab ke kaan khade ho gaye….sabse jyada shock megha ko hi laga.. achanak uska rona kam ho gaya…kintu uske dil ki dhadkan achanak se bahut tez ho gayi.

Megha (sisakte huye)—kya aap mere rishi ke baare me jante hain…? Bataiye na kaha hai mera beta, kaisa hai vo..? aap kuch bolte kyo nahi….?

Anand (hich kichate huye)—megha vooo…voo….adii hi tumhara rishi hai

Anand ne ye kah kar jaise atom bomb phod diya…..sabhi ko 440 volt ka jabardast jhatka laga…..kisi ko bhi anand se aise vaktavya ki asha nahi thi.

Iske baad to jaise vaha sab kuch shant ho gaya tha…kisi ke bhi muh se kuch bhi shabd nahi nikal rahe the… baat hi aisi kah di anand ne ki unki juban ko lakwa maar gaya tha.

Ajeet (shocked)—ye aap kya kah rahe hain bhai sahab….? Adii to apka aur urmila bhabhi ka beta hai.

Anand—nahi ajeet…sach vo nahi hai jo sab jante hain balki dar asal baat ye hai ki…

Phir anand ne shuru se lekar ab tak ki poori dastan himmat kar ke bina ruke ek hi saans me kah daali…ye soche bina ki unke upar sachchayi janne ke baad kya gujaregi..khas kar ke megha ke upar…ye sunte hi vo dhadam se niche gir gayi.

Megha ko bahut gahra sadma laga…niche girte hi vo behosh ho gayi…chitra ne jaldi se gadi se pani ki bottle la kar uske chehre par dala tab kahi usko hosh aaya…magar hosh me aate hi uska karun krandan chalu ho gaya.

Megha ki rulayi joro se phoot padi….barso se seene me daba hua dukh ka gubbar phat pada…ab usko sambhalna mushkil tha…usne rote huye hi anand ki collar pakad li.

Megha (rote huye)—tum mere bete aur shree ke katil ho….main tumhe kabhi kshama nahi karungi…main aaj tak apne bete ke liye tadapti rahi aur tumne mujhe bataya tak nahi….tum aastin ke vo saanp ho jo apne hi bachcho ko nigal jata hai….mujhe mera rishi la kar do..chahe jaise bhi ho..mujhe mera beta mera rishi chahiye…jaoooo door ho jao meri nazaro se…aaj ke baad main tumhari shakal bhi nahi dekhna chahti…apni doulat, gadi, bunglow jo bhi tumne diya hai vo sab lelo bas mera rishi mujhe louta do.

Megha (rote huye)—haaye..main kaisi abhagin maa hu..mera beta mere samne bhi aaya lekin main usko pahchan nahi saki…dhikkar hai meri mamta par…jane vo ufanti nadi me bah ke kaha gaya hoga…? Mera rishi mujhe louta do main tumhare hath jodti hu….sari zindagi tumhari naukarani banke rahungi…bas mera beta mujhe de do.

Megha ki halat behad nazuk ho gayi thi…rote rote hi vo phir se behosh ho kar niche gir gayi…aisa lag raha tha ki ganga ka sara pani aaj megha ki ankho ke jariye ho kar bah raha ho aur sab ko usme dubo dena chahta ho.

Megha ki mansik avastha ka andaza laga pana ya phir uske dard ka varnan kar pana iss samay bahut mushkil tha.. uski iss samay ki halat ko to sirf koi putra shok se pidit maa hi laga sakti thi.

Vahi Pari lok me akaal aur bakaal sonalika ko ghasitate huye Kilwish ki batayi huyi jagah par le ja rahe the…. sonalika ko tab tak hosh aa chuka tha aur vo apne bachav me hath pair maar rahi thi jabki dono uski bebasi par hase ja rahe the jor jor se.

Tabhi kisi ki awaz sun kar dono ke kadam sahsa ruk se gaye..

"Agar Jinda Rahna chahte ho to Ladki ko chhod do" kisi ne dono se chillate huye kaha.

Ye awaz sunte hi akaal aur bakaal turant uski disha me palat gaye aur samne wale shakhs ko dekhte hi ashcharya chakit ho gaye..To vahi haal uss shakhs ka bhi hua, uski ankhe bhi inn dono ko aur sonalika ko dekh kar hairat se khuli rah gayi..aur uske muh se anayas hi nikal gaya…

"Sonaaaaaa..‼!".

Akaal aur bakaal ne jaise hi palat kar dekha to vo bhi samne khade shakhs ko yaha dekh kar hairat me pad gaye kintu jaldi hi dono ne khud ke manobhavo par niyantran pa liya.

Akaal (hairan)—Rajnandiniii…aur yaha….par kaise…..?

Bakaal—ohhhh...Rajnandiniii...tum yaha bhi aa gayi...achcha kiya...ab dono ko pakadne ke liye hame pareshan nahi hona padega.

Rajnandini (jor se)—kabhi suwar ki aulad ko kisi sherni ka shikar karte huye dekha hai..... ? Ulta sherni hi unka shikar karti hai aur aaj bhi vahi hoga.

Akaal—bahut ghamand hai tujhe apni jawani par na...chal bakaal aaj pahle iski jawani ka hi ras nichodte hain.

Akaal tezi se rajnandini ki taraf badha usko pakadne ke liye..kintu rajnandini to iske liye pahle se hi taiyar khadi thi akaal ke paas me aate hi usne tezi se ghum kar ek jor ki laat akaal ke main point par hi maar di.

Akaal ko aise hamle ki katayi ummid nahi thi...vo dard se tadapte huye niche jamin chatne laga...apne bhai akaal ko aise dard me bilakhte dekh kar bakaal gusse se apna aapa kho baitha aur usne turant rajnandini ke upar aag ke gole barsane chalu kar diye.

Rajnandini daye baye ho kar uske aag ke golo se khud ko bachati rahi...apna har vaar nishphal jate dekh bakaal aur bhi gussa ho gaya.

Vo apni maya rachne laga lekin vo poori tarah se isme kamyab ho pata uske pahle hi rajnandini ne furti dikhate huye uchhal kar uske seene me laat aur ghoonso ki barsat kar di sath hi uske main point me bhi ek laat jama di.

Bakaal bhi apne bhai ki tarah jamin me lot kar dard se tadapne laga...sahi mouka samajh kar rajnandini ne sona ko utha kar vaha se gayab ho gayi. Aur sidhe pari lok ki seema me pahuch gayi...abhi usne apna pahla kadam pari lok me rakha hi tha ki tabhi achanak......