Click anywhere to continue browsing...
Jarur dekh lunga. Magar Contest ke liye 2 he story submit kar sakte hain.
Jabardasttt Kahani thi. Maza aagaya padh ke.Double Cross
Is waqt ghadi me shaam ke 6 baj rahe the..
Bollywood Super star Shashi Khanna apni nayi film ‘Divyastra’ ke premier ke liye tayar ho raha tha itne me hi monty, uska secratery aaya aur use bola “boss gate par Lucky Langda aaya hai… aapse milna chahta hai..?”
Lucky ka naam sunte hi Shashi ke mathe par shikan aa gayi.. apne career ki shuruwat me films me lead role paane ke liye shashi me underworld ke sath hath milaya tha aur ab uska wo underworld connection uska picha nahi chhod raha tha.. aaj Lucky langde jaise chote mote gunde malaysia me baithe ‘Bhai’ ke liye Mumbai ka kaam sambhal rahe the aur hamesha logo ke kaam me taang adate rehte the
“tu theatre par pahuch mai use niptake aata hu” shashi ne kaha
“ok boss” aur itna bol ke monty waha se chala gaya
Divyaastra ye Shashi ke career 75th movie thi lekin as a villain ye uski pehli film thi.. umra ke 50 saal paar kar jane ke baad ab shashi ke liye filmo me main lead ka role paana mushkil tha isiliye jab divyastra ke makers ne use contact kiya aur script sunayi aur movie offer ki to usme ka villain ka role sunkar shashi ko aisa laga ke ye ek iconic villain ka role ban sakta hai, ye character gabbbar mogambo jaisa famous ho sakta hai jisse wo wapis limelight me aa jayega aur career revive hoga isiliye apni second inning ke liye shashi ne ye fil accept kar li aur ab jab us film ka premier hone ja raha tha aise me ye do kaudi ke langde ke aane par use gussa aa raha tha…
Ander ghuste hi “kaisa hai actor” bol ke Lucky langda shashi ke gale lag gaya…
Apne chehre par ek jhuthi muskan late huye shashi ne use apne aap se alag kiya..
Lucky – actor apun agle hafte Bhai se milne malaysia nikal raha hai mai suna tera naya picture aa raha to socha tumko jate jate naya picture ke vaste all the best bol du iske vaste aaya main
Shashi – thank you, Bhai ko mera namaste kehna mai bhi aane wala bhi Bhai se milne agle hafte
Baad me wo log thodi der baith kar baate karte rahe aur jab Lucky langda waha se gaya tab tak shashi ka mood kafi kharab ho chuka tha
Shashi apne bedroom me aaya usne apne cupboard me ek secret case khola aur usme rakhi ghadi baahar nikali
Wo ek hire jadi huyi golden Rolex watch thi..
Shashi ke swargiya pitaji 70s ke jamane me America se wo ghadi lekar aaye the aur aajki tareekh me us ghadi ki keemat 5 se 6 crore ke aaspaas thi..
24 caret sone ke dial wali us ghadi me chote chote aneko hire jade huye the aur us ghadi ke liye har saal kuch lakh rupayo ka insurance bhara jata tha.
Shashi ke pitaji Rajendra Khanna jo apne jamane ke mashoor abhineta is ghadi ko special occasions par pehante the unke jane ke baad shashi bhi us ghadi ka istamal bas khas mauko par hi karta tha..
Shashi ne apne hath me us ghadi ko pehna fir se apne aapko aaine me dekha aur premier ke liye nikal gaya
**
Time 6:20
Abdul aur Shakib apne footpath ke katte par baithkar bakchodi kar rahe the itne me Shakib ka phone baja.. shakib ne thoda gusse me phone uthaya aur bola.. “ ha ha yaad hai paisa bhejna hai, kar raha hu bandobast ab baar baar phone karne se paisa nahi ayega na.. tum phone rakho karta hu kuch”
Abdul – gussa karke kya hoga be, kuch na kuch intajam karna to padega hi.. chal aaja aaj ek film ki opening hai kismat rahi to ekad hath maar lenge…
Idhar dusri taraf Regal Cinemas the iconic talkies in Mumbai lightings ki roshnai se chamak raha tha, bahar bada sa ‘Divyastra’ ka poster laga hua tha uske aaju baju hero heroine aur villain ke 20-20 foot ke cutouts lage huye the..
Shashi apne cutouts dekh kar kafi khush hua ye sab uske debut film se bhi jyada hai aisa use lagne laga, theatre ke saamne logo ki bhari bheed jami huyi thi, stars ki gaadiyo ke aane pe log waha chillam chot macha rahe the, stars apne fans ke reaction ka has kar swagat kar rahe the..
Shashi ke aate hi use dekhte hi public bekabu hone lagi aur public ko handel karne ko police ko kafi mehnat karni pad rahi thi…
Ander theatre ki lobby me saare stars jame huye the.. reporters ke camera flashes fatafat chamak rahe the sabse mel mulakat hone ke baad ander film ka show shuru hua…
Takreeban aath sadhe aath ke darmayan saare celebrity log baahar nikalne lage…
Reporters celebrities ko film ke baare me sawal puch rahe the jise koi hatho se V ka ishara kar raha tha koi super hit bata raha tha film ko to koi 1000cr ke business ki baat kar raha tha.. koi movie ke treatment ki baat kar raha tha to koi shashi ki acting ki to koi film ki jabardast kahani ki baat kar raha tha, monty ke sath jab shashi baahar aaya tab wo apne aap ki aur apni second innings ki success par kafi khush tha
Thretre ke baahar fans ki tufan bheed thi, fans shashi ke sath selfie khichane ke liye khoshish me jute huye the koi hand shake ki koshish kar rahe the
Apne fans ke reactions dekh kar shashi ko khushi huyi, public ko sambhalna mushkil ko raha tha aur aakhir me police ko protection ke sath shashi ko uski gaadi tak chhodna pada.
Shashi gaadi me baitha aur gaadi Centor Hotel ki or badhne lagi jaha Divyastra film ke producers ne premier ki khusi me ek badi party ka ayojan kiya tha…
Abhi use gaadi me baithe bas 2 minue hi huye the ke shashi ke dhyan me aaya ke uske hath me uski ghadi nahi hai, usne fir se ek baar check kiya aur monty se bola..
“monty bheed me kisi ne to rolex udayi”
“kyaaa!!!” shashi ki baat sunkar monty cheekh pada
Shashi – ha! kisi ne to bheed ka fayda lekar rolex par hath saaf kiya hai
Ek pal ko dono me se koi kuch nahi bola
Monty – sabse pehle chal kar FIR likhwate hai iski..
Lekin shashi ne hath ka ishara karke use rok diya..
Shashi – nahi, is news ko abhi media me uchalna theek nahi hoga, Bollywood me abhi Divyastra ki kafi charcha hai aise me agar rolex chori ki news saamne aa gayi to media focus shift ho jayega, picture ke collection pe asar padega aisa karte hai party me singh sahab se baat karte hai unki police aur politics me kafi pehchan hai wo kuch rasta nikalenge…
Singh sahab bollywood ki ek purani aur jaani mani hasti… unki underworld se lekar police politics sab jagah pehchan thi aur unki baat ko patthar ko lakeer samajhne wale kafi log the.. unki baat me hamesha vajan hota tha..
Wahi dusri tarah abdul aur shakib gardi se baahar aaye aur dur tak chalte huye nikal gaye aur jab wo sure huye ke aaju baju koi nahi hai aur unke koi nahi dekh raha to shakib ne dheere se apni jeb se wo ghadi baahar nikali jise dekh kar un dono ki aankhe chaundhiya gayi..
Shakib – iski maa ki aankh sala kya chiz hai yaar..
Abdul – dikha dikha…. Behanchod.. is se pehle kabhi aisi chiz nahi udayi, iske to lawda mushtak bhai se kam se kam pacchis lenge..
Wahi idhar Centor me pahute sath hi shashi jaldi se singh sahab ke paas pahucha aur unhe side me lekar saari ghanta batayi
Singh – My god.! Rajan babu kafi possessive the is ghadi ke liye aur ho bhi kyu na 70s me kuch 12-13 lakh kharch kar America se laye the.. badi pyari aur mehngi chiz thi aaj dekho to uski keemat croro me jayegi..
Shashi – Singh sahab sawal paiso ka nahi hai wo ghadi mere paas pappaji ki nishani thi, amanat thi hamare sentiments jude hai uske sath
Singh – Arey ha bhai jaanta hu mai aao kuch karte hai iska
Itna bol kar singh sahab shashi ko lekar party me aaye…
Centor hotel ke us hall me party shuru ho chuki thi, party kafi lavishly arrenge ki gayi thi, stage par maujud orchestra kafi madhur sangeet baja raha tha aur south sensation item girl najma adhe adhure kapdo me stage par thirak rahi thi.. party me film industry ke logo ke sath sath media ke log high ranked police officers aur sath hi kuch politicions bhi aaye huye the
Singh sahab shashi ko lekar ek young politicion ke paas aaye ko state ke gruh rajyamantri Patil the.. Singh sahab ne Patil aur shashi ki pehchan karayi
Patil – arey singh sahab inko kaun nahi jaanta hai, inki filme dekh kar to hum bade huye hai.. inke dialogues to hame aaj bhi yaad hai.. mere to baba bhi inke pitaji ke bahut bade fan the..
Baaato ke darmiyan singh sahab ne shashi ke sath huyi ghanta Patil sahab ke kano par dali aur request ki ke is mamle me confidentiality bahut jaruri hai kyuki ye news media me leak ho gayi to media focus shift ho jayega aur iska film ke collection pe asar padega
Singh sahab ki baat ki gambhirta samajhte huye Patil ne jald hi varishth police adhikariyo se charcha ki
‘bade logo ki baat ki kuch aur hoti hain a unke sab kaam jaldi ho jate hai.’
Jaldi jaldi is mamle me surta hilne lage aur agle 15 minute me hi Inspector Chandrakant Deshpande centor hotel me maujud the.
Centor hotel me hi FIR likhi gayi aur FIR ki ek copy wahi shashi ko di gayi
Shashi ne “thanks” kehte huye jab Inspector Deshpande se hath milaya to itne bade star se hath milane ke baad Deshpande to saatve aasman par tha
“sir, jald hi aapse dobara mulakat hogi” Deshpande ne kaha aur waha se nikal gaya
Wahi dusri taraf abdul aur shakib mushtak bhai ke ghar ka darwaja khatkhatane lage us waqt raat ke kuch 10 baj rahe the
Mushtak ne “itni raat ko kaun aaya hai BC” bolte huye darwaja khola
“arey abhi raat kaha huyi hai abhi to 10 hi Baje hai mushtak bhai” Shakib ne kaha
Mushtak – wo baat nahi hai subah 4 baje Bangkok nikalneka hai to jaldi soya tha, acha bolo kya kaam hai
shakib- Bhai ek chiz uda ke laye hai aap dekhoge to hairan reh jaoge
aur ye bol ke shakib me wo ghadi mushtak ke samne rakhi
Rolex ko dekh ke mushtak ki aankhe fail gayi lekin wo bhi banda tha pakka businessman usne apne chenre se kuch mehsus nahi hone diya
ghadi ko hath me pakadte huye mushtak bola
Mushtak – Ulhasnagar se khadiri kya?
Abdul – kya baat karte ho Bhai kisi bade aadmi ke hath se udayi hai..
Mushtak – kahi se bhi udayi ho lekin hai duplicate
Mustak man hi man muskuraya aur socha ke “chuho ne hira churaya hai ab na to ye use nigal sakte hai na pehan sakte hai”
Abdul – Acha chhodo ye batao kitne me rakh lenge?
Mushtak ne thoda socha thodi der ruka aur fir bola
Mushtak – jyada se jyada 10 isse ek rupaya jasti nahi.
Shakib – kya mushtak bhai hum to soch ke aaye the ke kam se kam pacchis lenge aur aap 10 me vata rahe apne ko.
Mushtak – dekh chokre ye chiz mai aage bech ke paisa kamani ke waste nahi le raha hu chiz pasand aayi theek lagi to kabi kabar khas mauke pe pehan ke raub jhadne ke liye le raha hu theek lagta hai to chhod jao nahi to khuda hafiz mereko jaldi hai maine bola na subah me Bangkok nikalneka hai
Ab shakib aur abdul karte bhi to kya aur aakhir me thoda baat chit karke ghadi ka sauda 15 hajar me done hua usme bhi mushtak me tang adayi ke abhi 10 le jao bache huye 5 bangkok se aake de dunga
**
Raat ke takreeban 10.30 baj rahe the inspector Chandrakant Deshpande ne apne do vishwasapatra sehkarmiyo ko bulaya
Deshpande – sub inspector kadam aur mohile mai tumko ye case de raha hu is case ke bare me ek shabd bhi baahar leak nahi hona chahiye, patil sahab ki sakht hidayat hai isiliye jab tak chori ka maal pakda nahi jata ye baat bahar nahi jayegi ye tumhari jimmedari, apne sare khabriyo ko kaam pe lagao sare sabut jama karo aropi jaha kahi bhi ho dhar dabocho bhosdiwale ko
Mohile – sir, ye kaam bhuse ke dher me rai ka dana dhundhne jaisa hai..
Deshpande – Mohile hum log Mumbai police hai ye baat nahi bhulne ka. 50 saal pehle aisi hi ek case isi Mumbai me huya tha tab hero rajkumar ki aisi hi ek mehngi ghadi choro ne gayab ki thi aur inspector Prakash Godse ne 12 ghanto me choro ko dhar dabocha tha aaj wapis waisa hi kuch case aaya hai dikha do ke hum bhi kuch kam nahi
Deshpande ki baat sunkar kadam aur mohile kadak salute karte huye “yes sir” bole..
Mohile aur kadam ki baat sahi thi kaam sach me bhuse ke dher me raai dhundhne jaisa tha lekin unhone ye case accept kiya
**
Raat ke 11 baj rahe the
Alag alag ilako ke khabriyo ko instructions diye gaye the aur jaldi se report karne bola gaya tha
Sub inspector kadam ne un sare reporters ko phone kiya jinhone premire cover kiya tha aur unse video footage bula liye, news paper ke photographers ko phone karke photo snaps bula liye gaye aur ek ek video photo dekhne ki shuruwat huyi..
Idhar party khatam karke Shashi ghar par aa chuka tha tab tak raat ke 11.30 baj rahe the
Rolex chori ho gayi hai ye bat Delhi me maa saheb ko bata de aisa khayal shashi ke man me aaya lekin fir usne socha ke waise bhi piche 5-6 saalo me maa saheb se usse sare naate tod hi liye hai to ab bat karke kya fayda
Apni life se ab unka koi lena dena nahi hai, ‘ye Shashi khanna star hai star use kisi ki jarurat nahi hai’ ye soch ke shashi ne maa sahab ka khayal apne dimag se nikal diya aur kuch sochne laga
Achanak uski aankho me chamak aa gayi aur dimag me ek idea ne janm liya
Shashi jaldi jaldi apne bangle ke CCTV control room me aaya aur usne uski aur Lucky lagnde ki meeting ki sari footage delete kar di aur fir apne dimag me aage ke plan ko anjam dene ka sochne laga, shashi apne drawing room me bane bar me aaya aur usne apne liye ek peg banaya
"Cheers shashi for second innings and new plan"
**
Raat ke kuch 3 baj rahe honge itne me Deshpande ke phone par kadam ka call aaya
Kadam – sir, kuch photos aur video me ghadi chori hoti huyi dikh rahi hai lekin gardi ki wajah se chor ka chehra saaf nahi dikh pa raha hai
Deshpande – par chehra dikh to Raha hai na? Wo chehra apne pantaro ko dikhao wo barabar bata denge, good job kadam subah dekhte hai ab isko..
**
Raat ke teen baj rahe hai mushtak airport pe check in kar raha hai, kahi apan Rolex ke sath pakde to nahi jayenge iska darr usme man me baitha hua hai uske chehre par chinta ki lakire umti huyi hai,
Usne screening machine par Rolex kuch is tarah se rakhi ke uske dial na dikhe sirf belt dikhe
Rolex rakha hua tray dheere dheere screening machine me aage sarak raha hai sath hi mushtak ke dil ki dhadkan bhi badhi hui hai aur achanak machine ruk gai....
Police ne ek bag uthayi aur pucha "ye kiski bag hai"
Mushtak ki darr se halat kharab thi, usne us bag ko dekha to wo uski bag nahi thi mushtak ne rahat ki saas li aur apni bag utha kar waha se nikal gaya, mushtak sahi salamat Rolex ke sath flight me aakar baith gaya tha,
Idhar raat ke 3 baj rahe hai aur shakib ko neend nahi aa rahi thi usne apna phone nikala aur usme khicha hua us Rolex ka photo khol ka dekhne laga, us photo ko dekhte huye usne abdul ko jagaya
Shakib – Abe abdul mereko lagta hai us mushtak me apun ko fasaya hai bc apan ne lakho ki chiz kaudiyo me bech di
Abdul – Abe so ja yaar sabere dekhte hai isko
Shakib – sabere kya fayda be chidiya to Bangkok ud gayi
Abdul – to wapis bhi to ayegi kal kisi showroom me Jake iska bhav puch ayenge fir mushtak ke lode lagayenge
Fir bhi Shakib ki aankho se neend koso dur thi, wo raat bhar karwate badalta raha
Idhar agli subah Inspector Deshpande ne sub inspector kadam ke dikhaye sabhi photos videos dekh kar unke kaam ki tarif ki
Deshpande – apne punters ko bata diya hai na?
Kadam – ha sir aur chori ka maal kharidane wale sabhi ko bhi warn kar diya hai
Deshpande – good but maintain the secracy
Kadam – ofcourse
Deshpande – mohile kabhi kisi star ka ghar dekha hai kya,? Ha kadam?
Mohile – sir waisa kabhi mauka hi nahi mila
Kadam – mai to aisa case hi pehle baar handel kar raha
Deshpande – to chalo fir aaj tumko superstar Shashi Khanna ke ghar coffee pilata hu.. chalo..
Inspector Deshpande jab subah kadam aur mobile ke sath shashi ke ghar pahuche tab wo neend se jaga bhi nahi tha lekin jaise hi shashi ko monty me inspector ke aane ki khabar di to wo jhat se uth kar drawing room me aaya thodi formal hi hello ke baad inspector deshpande ne shashi ko kal raat ke sare video aur photos dikhaye aur itne me hi ek sunder waitress un sab ke liye coffee ki tray lekar aayi
Deshpande – sir , kya aap in ladko ki shinakht kar payenge?
Shashi – mushkil hai, bheed bahut thi mai un logo ka chehra theek se nahi dekh paya warna wahi pe daboch na leta
Deshpande – koi baat nahi hum koshish me lage hai jald hi um haramiyo ko maal ke sath pakad lenge
Fir un logo ne apni coffee khatam ki aur jane hi wale the ke shashi deshpande se bola
Shashi – Inspector sahab agar aapko aitraaz na ho to kya ye video aur photos mai rakh sakta hu?
Deshpande – jaroor
Aur unlogo ke jate hi shashi monty se bola
Shashi – apne lawyer ko jaldi se bula lo kyuki 24 ghante ke ander hi hame Rolex ka insurance claim karna hai jyada time nahi waste karna
Subah ke is waqt 10 baj rahe the
Shakib ne post office se apne gaon me bihar me 2000 ka money order Kiya aur bahar nikal kar abdul se bola
Shakib – chal Andheri me kisi bade ghadi ke showroom me jake maal ki kimat pata karte hai
Abdul – ha lekin waha nahi jana hai jaha jyada bheed ho logo ko Shaq nahi hona chahiye apne pe
Kuch samay baad wo ek ‘Faithful Ticker’ naam ke ek ghadiyo ke showroom ke saamne pahuche, wo ek parsi aadmi ka showroom tha aur counter par ek umradaraj parsi malak baitha hua tha aur shop me bas 1-2 customers hi the
Shakib counter pe baithe us parsi aadmi jiska naam Jaal Daruwala tha uske paas pahucha aur apna mobile nikal kar use Rolex ki apne phone me khichi huyi photo dikhayi aur pucha
Shakib – ye ghadi ki keemat kya hogi?
Ghadi ki photo dekh kar us Jaal me pehle to un dono chapriyo ko dekha aur fir shaki najro se shakib se pucha
Jaal – tereko ye kharidne ki hai be bechne ki?
Shakib – nahi aise hi jankari ke liye puch raha hu
Jaal – kya karega jaankari lekar lakho croro ki hoti hai ye
Shakib – lakho croro ki ?
Jaal – ha babu ha, lakho croro ki ab bata kya karna hai tereko isse
Budhe ki baat sun ke Shakib chap chapaya aur wo dono fat se us dukan se bahar nikle , unhe jata dekh kar wo parsi aadmi apne naukar se bola
Jaal - Ramesh mereku lagta hai ye dono kahi hath maar ke aaye hai
Agle 15-20 minute wo aadmi wahi kuch sochta raha aur fir usne Andheri East police station me phone laga diya
Idhar Showroom se nikalte hi shakib abdul se bola
Shakib – dekha maine bola tha na sala mushtak chuna laga gaya apun ko harami ne lakho ki chiz bas 15 me kharidi. aane de harami ko
Abdul – ab wo 4-5 din baad hi ayega
Shakib – lekin ayega to sahi
**
Idhar monty hushi khusi shashi ke paas aaya
“congratulations boss, good news hai aapki film ne opening day me 40cr ka aakda paar kiya hai aur trade pandito ka kehna hai ke weekend tak film 200cr cross kar jayegi..”
Shashi – that’s a very good news, pata hai monty picture sign karte time hi mujhe lag raha tha ke ye south ka director hai to south style film banayega lekin jab uski taking aur treatment dekhi to mujhe laga hi tha ke ye kuch hatke bana raha hai, acha mera schedule kya hai??
Monty – aaj 2 baje se filmcity me shift hai.. kal aur parso hydrabaad me ramoji film city me shoot hai fir 1 din ka brake hai aur uske baad aap 15 dino ke liye out of india ja rahe hai shoot ke liye XF productions ke sath..
Itne me hi waha shashi ka wakeel Aakash khurana aaya
Shashi – aaiye khurana sahab dekhiye mai aaj ke din Mumbai me hu fir do din hydrabad uske baad 1 din yaha rahunga aur baad me 15 din abroad, mere kehne ka matlab ye hai ke insurance ke jo jo bhi documents aapne bataye the wo sab tayar hai aap dekh lijiye aur ye mamle jaldi niptaiye
Khurana ne shashi ke bataye sare papers check kiya aur kuch forms par shashi ke signature liye
Khurana – aisa hai shashi sir, claim to aaj hi file ho jayega lekin aage ki karyawahi tab hi hogi jab police case close karegi
Shashi – theek hai lekin insurance walo ko boliyega ke is news ko jyada uchale nahi
Fir khurana aur monty waha se chale gaye jiske baad shashi ne ek cigarette jalayi aur aage ke plan ke bare me sochne laga
Idhar Andheri east police station ka phone baja aur sub inspector tawde ne phone uthaya
“hello main Faithfull Ticker watch showroom se Jaal Daruwala bol raha hu, aapke paas kisi rolex ghadi ke chori ki complaint aayi hai kya? Abhi abhi do tapori mere showroom me wo dikhane aaye the..”
Tawde – nahi aisi koi complaint hamare yaha darj nahi huyi..
“acha, mamla lakho croro ka lagta hai sahab aap aapke baki police thano me khabar kar de mere CCTV me un dono ke photo hai jab bhi jarurat ho le jaiye.”
Tawde – theek theek
Sub inspector ne socha ke kaha sabko phone kare to usme ek message type kiya aur whatsapp par bheja jisme likha tha :Andheri east police station me Faithful Ticker naam ke ghadi ke showroom se phone aaya tha unke paas 2 tapori mehngi ghadi ke bare me puchtach kar rahe the dukandar ko shak hai ke unhone wo ghadi churayi hai agar aapke paas aise kisi ghadi ki chori ki report aayi ho to us dukandaar se sampark kare:
Sath me dukan ka address aur number diya hua tha
Ye whatsapp message apne sub inspector kadam tak bhi pahuch gaya aur unhone jhat se diye gaye number par phone kiya aur Andheri east ki taraf ko njikal liye
Us showroom se mile video footage ko Divyastra ke premire ki raat reporters se liye gaye photos aur videos se mila kar dekhe aur sub inspector sure ho gaye ke ye dono wahi hai jinhone shashi ki rolex udayi hai aur bagair ek pal gawaye unhone apne punters ko wo photo bhej diye
Raat ke 9 baj rahe the.. rolex ko chori huye lagbhag 24 ghante beet chuke the aur hath me sirf do choro ke photo aaye the
Kadam ne insector Deshpande ko dinbhar ka report bataya aur thoda naraji ke sur me bole “sir we are sorry hum pichla record nahi tod paye”
Deshpande – never mind boys, wo time alag tha aur us jamane me aur aajke timer me jamin aasman ka fark hai us time ki Mumbai ki loksankhya aur aajki Mumbai me bahut fark hai, public to police ratio alag hai nothing is comparable so don’t take it seriously apna kaam tumne sahi kiya hai
Itne me kadam ka phone baja, dusri taraf se unka khabri bol raha tha “saab wo dono ladke abi Andheri west ke urwashi dance bar me aaye hai aap jaldi aao to pakad sakte unko”
Aur bagair ek pal gawaye kadam aur mohile Andheri west ki taraf nikal pade
Urvashi dance bar me pahuchte pahuchte kadam ko 10.15 baj gaye the, kadam aur mohile dance bar me ghus ke ek kona pakad ke baith gaye
Dance bar me 7-8 ladkiya filmi gano par apni kamar hila rahi thi, shaukeen log unhe apne paas bulate apne se chipakne ke liyue unke uppar paise uda rahe the
Kadam ne make sure kiya ke waha wo dono chor maujud ho aur bahar nikal kar unke aane ka wait karne lage, mohile ne ek waiter ko pakad ke un dono ko baahar bhejne bola
Jaise hi wo dono baahar aaye unpar najkar rakhi police party ne dhawa bol diya thodi jhatpat huyi lekin police ne un dono ko pakad liya tha aur thane me do dande padte hi shakib aur abdul me sab ugalna shuru kar diya aur ghadi ko mushtak ko bheche jane ki baat bata di.
Jab sub inspectoer kadam un dono ko leke mushtak ke ghar par pahuche to raat ke 11.30 baj rahe the
Mushtak Bangkok gaya hai ye unhe pata tha lekin use Bangkok me dhundhe kaha ye sabse badi samasya thi
Kadam ne sari baat inspector Deshpande ko batayi
Deshpande – kadam mai tumhari Bangkok jane ki vyavastha karta hu tum waha subah subah pahuchoge mushtak ki biwi ko uthake thane lao lady police sath rakho ye mushtak ghar me jarur phone karega to jaise hi uska thikana pata chalega mai tumko bata dunga
Kadam – but sir, dusre desh me use kaise pakdenge,? law?
Deshpande – arey wo businessman hai terrorist nahi uski biwi police custody me hai ye sunte hi wo chup chap ayega tumhare sath to uski fikra mat karo
Agli subah Thailand ke time ke hisab se 8 baje kadam Bangkok ke swarnabhoomi airport par land kiye waise hi unhe deshpande ka whatsapp call aaya ke mushtak ki biwi ne uske sare details bata diye hai aur wo unke wahtsapp par unhe mil jayenge unka booking usi hotel me tha jaha mushtak ruka hua tha aur clear order the ke mushtak ko pakdo aur Mumbai leke aao
Hotel Royal Palace Thailand
Mushtak jaha ruka tha wo jyada bada hotel nahi tha lekin acha tha kadam ne checkin kiya aur fresh hokar reception par aaye
Counter par ke thai girl ne pucha “may I help you?”
Kadam – may I know about my friend mushtak, which room is he staying?
Thai girl – sorry sir we can’t disclose any information about our esteemed customer
Itme me Deshpande ka unhe whatsapp call aaya
Deshpande – kadam sham tak aaram karo information hai ke mushtak fuket gaya hai sham tak ayega but be aleart
Kadam – ok sir
Sham ke 6 baje se kadam mushtak ke liye fielding laga ke baithe the aur ek pal ko unki najar hati hogi ke unhone dekha ke mushtak taxi pakad ke kahi tobhi ja raha hai kadam ne bagair deri kiye dusri taxi pakdi aur uske piche chale gaye
Kuch 40 minute baad mushtak ek night club me ghusa uske piche piche kadam bhi ander gaye, club me beechobech ek stage bana hua tha aur uske aaju baju baithne ki vyavastha ki gayi thi
Wo ek strip club tha jo logo se khacha khach bhara hua tha, khubsurat thai ladkiya logo ki baaho me baith kar unhe sharab ke ghoot pila rahi thi stage par live performance shuru tha jaha koi noorjaha naam ki dancer perform kar rahi thi..
Kareeb 3 ghante baad mushtak noorjaha ke sath apne hotel wapis aane ke liye nikla, kadam bhi uske piche hi the
Mushtak noorjaha ko lekar apne room me gaya aur kuch 15-20 minute baad kadam ne mushtak ke room par knock kiya
“behanchod is waqt kaun hai” aisa bolte huye mushtak ne darwaja khola
Kadam – Mumbai police.. mushtak .. jitna tu aaram se cooperate karega bhabhiji ko utni takleef kam hogi
Aisa bolte huye kadam ne use uski biwi ka behind the bar photo dikhaya
Okay okay bolte huye mushtak thoda piche hata aur ander room me aakar sofe par baith gaya wahi uske room me noorjaha bed par leti thi, ya yu kahe ke leta tha bc kya bole sala usko, uske upar to tarbooj lage huye the par niche kela bhi latak raha tha jiske dekh ke kadam ne apne par pe hath maar liya aur socha ke betichod kya kya shauk hote hai logo ke..
Kadam ne sahi time par mushtak ko pakad litya tha wo aaj raat ko wo rolex ghadi noorjaha ko present karne wala tha aur agar wo ghadi noorjaha ke hath lag jati to fir uska milna mushkil tha.
Mushtak ko chori ke maal ke sath Mumbai laya gaya aur inspector Deshpande ne shashi ko bula liya aur shashi apne wakeel khurana ke sath waha pahuch gaya.
Police ne ghadi dhundh li hai ye pata chalte hi insurance company ne raahat ki saas li kyuki us ghadi ka inshurance 5 crore ka tha aur agar wo na milti to 5 cr dene padte isiliye insurance company ka ek aadmi bhi waha aaya
Inspector Deshpande ghadi original hai ye dekhne ke liye shashi ko di
Shashi ne us ghadi ko parakh kar dekha, fir uska wajan feel kiya fir use hath par bandh kar dekha do char baar hila kar dekha aur fir ek baar gaur se dekhne ke baad use Deshpande ko wapis dete huye bola
Shashi – no its not mine, inspector ye meri rolex nahi hai
Kadam ko toi bas chakkar aane baki the
Unhone 60 ghante bhukh pyas bhul kar us ghadi ko dhundha tha aur ye wo ghadi hi nahi bc?
Deshpande – what do you mean??
Shashi – I mean its duiplicate, meri rolex me asli hire jade huye hai 24 caret sone ka dial hai, aap kisi johri ko yaha bulaiye aur tasalli kar lijiye
Dusra option bhi nahi tha fir diamond market se ek parkhi johri ko bulaya gaya usne 20-25 minute bariki se dekhne ke baad kaha ke ye sadhe american diamond hai original diamond nahi hai aur dial bhi sirf gold plated hai original gold nahi
Inspector Deshpande ne photos videos me jo ghadi hai wo yahi hai kya ye dobara dekha jo hubehub match ho raha tha lekin shashi ke anusar ye uski ghadi nahi thi
Ye ek nayi bhasad thi
Shashi ke statement se insurance company ko to dhakka laga hi sath hi is case ka pura focus ab mushtak par shift ho gaya
Deshpande apni jagah se uthe aur kadam ko side me lekar unhone phone karke Faithfull Ticker ke parsi malik ko bulwa liya
Deshpande – kadam ye to ekdum shocking news hai tumko kya lagta hai?
Kadam – sir agar focus mushtak par shift hua hai tab bhi usne 48 ghanto me maan lo ke rolex badal bhi di to tab bhi itni hubehub rolex milna mushkil hai
Deshpande – kadam chor bajar me dhanda karne wale kuch bhi kar sakte hai, khair apan ne apna kaam theek kiya sirf 60 ghanto me rolex hasil ki wo bhi abroad jakar this is proud thing for mumbai police ab bas us daruwala se pata chale ye kya gadbad hai aur fir case close kar denge.
Kadam – sir par original rolex mile bagair case kaise band karenge ?
Deshpande – wo hamara problem nahi hai ab ghadi ke owner aur insurance walo ko decide karne do mushtak ke khilaf court me kaun ladega
Jab Faithful Ticker ka malik Jaal Daruwala police station me aaya aur usne us ghadi ko parakh ne ke baad bata diya ke wo ek duplicate rolex hai
Deshpande – lekin jya itni perfect duplicate copy ho sakti hai?
Daruwala – ho sakti hai nahi haesha banayi gayi hai, bilkul shuru se yani 50-60 saalo se rolex ki duplicate copy banti gayi.. dekhiye aisi ghadiya hatho se banayi jaati thi, they used to make it manually, ye sab hire ka kaam kisi artist ki tarah karna padta hai, hamare Ulhasnagar me bhi kitni chizo ki duplicate banayi jati hai lekin khair ye Ulhasnagar walo ka kaam nahi hai aisi duplicate usi desh me banti hai jaha original banti hai ab kuch log shaukiya taur par original ghadi kharidte the to kuch chori ke darr se duplicate.
Us aadmi ki bat sunkar sab ko samajh aa gaya tha ke ye bhi ho sakta hai
Aakhir me Deshpande bole
Deshpande – gentalman humne apni jaan laga kar sirf 60 ghanto me aropi ko pakad liya hai, ab wo chiz original hai ya duplicate ye decide karna hamara kaam nahi hai isiliye Mr. Shashi Khanna mai ye ghadi aapko saup kar case band karna chahta hu
Shashi – lekin inspector sahab jab ye rolex meri hai hi nahi to mai ise kaise lu? Aapko case band karna hai to kijiye lekin report me likhiye ke original rolex nahi mili isiliye case band ho raha hai.
Insurance agent – nahi aa paisa nahi kar sakte.
Shashi – kyu Bhai? Dekho hum aur mere pitaji ke jamane se inska insurane aapki company se kara rahe hai, aajtak lakho ki rakam aapko mili hai aur aaj claim ki bari aayi to aap piche nahi hat sakte
Shashi ka para chadhta dekh Shashi ko lekar uska wakeel baju me aaya aur uske kaam me kuch kaha jisse sun shashi me ha me garden hilayi
Khurana – inspector sahab aapka aur aapki team ka bahut bahut shukriya, aap aaj ki jo bhi stithi hai uspar report bana dijiye wo hame manjur hai baki hum aur insurance wale apni ladayi court me ladenge
Inspector Deshpande ne report banayi aur us report par shashi, hire parakhne wala johri, watch expert Daruwala ki signature li chori ka maal aur report seal ki aur recoed room me bhej di aur report ki copy lekar shashi aur uska wakeel bahar aa gaye..
Us raat shashi XF productions ki film ke liye 15 dino ke liye bharat se baahar jane wala tha aur shooting khatam hone ke baad wo 2-3 din wahi aaram karke bharat me wapis aane wala tha
Raat 8 baje khurana case ki file lekar aaye aur uska draft shashi ko padh kar sunaya aur shashi ne un papers par sign kiya aur pucha
Shashi – wakeel sahab aapko kitni guarantee hai ke hum ye case jheet jayenge?
Khurana – 200%
Jispar shashi muskura diya
**
Malaysia ke kuala lampur airport par jab shashi utra tab shaam ke 7 baj rahe the.. malaysia me baithe underworld don ‘Bhai’ ko birthday wish karne ke liye shashi chupke se yaha aaya tha aur Bhai se milke jald hi film shooting ke liye euope me Austria nikalne wala tha
Airport se bahar aate hi Bhai ne bheji huyi black Mercedes par uski najar padi, shashi jaise hi car me baitha ander baithe bodyguard ne uska phone mang liya, shashi me band mobile aur dono sim card use de diya jispar wo hasa aur “very good” bola
Shashi – mai jab bhi baahar jata hu to plane me baithne se pehle hi sim card phone se nikaal deta hu aur phone band kar deta hu tab tak jab tak mai destination na pahuch jau
Bodyguard – good practice, pata nahi chalna chahiye ke admi kaha hai
Bhai ke aalisham flat par jab shashi pahucha to raat ke 9 baj rahe the Bhai malayaia me underground hokar rehta tha isiliye party wagaira nahi karta tha ya ki bhi to jyada ho halla nahi karta tha aur 9 baje tak party khatam karni padti thi jisse wo logo ki najar me na aaye
Shashi Bhai se jakar mila aur uske pair chuye fir uske hath ko chuma aur bola “happy birthday BHAI aap 100 saal jiye sur tandrust rahe aur aapka hath hamare sar par rahe”
Shashi ki baat me Bhai hasa aur bola
Bhai – kayko jine ka re itne din, saala paisa hai power hai lekin mu chipake rehna padta hai, acha shashi tera janmdin ka taufa mil gaya, mai bahut khcsh hua aur ander se rona bhi aaya
Wahi shashi confuse tha ke apan se isko kaunsa gift bhej diya
Shashi – Bhai mai kuch samjha nahi
itne me Bhai se apne coat ki jeb se rolex nikal kar shashi ko di aur Bhavuk hoke bola
Bhai – Shashi ye bade saab ki nishani hai, mere dil me raj saab ki alag jaga hai mai unki barabari nai kar sakta ye tohfa bhej ke tune meri ijjat badhayi hai lekin iska hakdar main nai tu hai
Itna bolke Bhai ne wo ghadi shashi ke hath par bandh di..
(confused ke rolex waha kaise pahuchi?? Aao flashback me chale)
Is waqt ghadi me shaam ke 6 baj rahe the
Bollywood Super star Shashi Khanna apni nayi film Divyastra ke premier ke liye tayar ho raha tha itne me hi monty, uska secratery aaya aur use bola “boss gate par Lucky Langda aaya hai… aapse milna chahta hai..?”
Lucky ka naam sunte hi Shashi ke mathe par shikan aa gayi.. apne career ki shuruwat me films me lead role paane ke liye shashi ne underworld ke sath hath milaya tha aur ab uska wo underworld connection uska picha nahi chhod raha tha.. aaj Lucky langde jaise chote mote gunde malaysia me baithe ‘Bhai’ ke liye Mumbai ka kaam sambhal rahe the aur hamesha logo ke kaam me taang adate rehte the
“tu theatre par pahuch mai use niptake aata hu” shashi ne kaha
“ok boss” aur itna bol ke monty waha se chala gaya
Ander ghuste hi “kaisa hai actor” bol ke Lucky langda shashi ke gale lag gaya…
Apne chehre par ek jhuthi muskan late huye shashi ne use apne aap se alag kiya..
Lucky – actor apun agle hafte Bhai se milne malaysia nikal raha hai mai suna tera naya picture aa raha to socha tumko jate jate naya picture ke vaste all the best bol du iske vaste aaya main
Shashi – thank you, Bhai ko mera namaste kehna mai bhi aane wala bhi Bhai se milne agle hafte
Samne hi table par ek bahut sunder box rakha hua tha , Lucky langde ne us box ko khola aur uske ander rakhi rolex ko dekhte hi bola
Lucky – wow, Bhai ke waste janam din ka mast tohfa hai ye Bhai bahut khush hoyga tumhara ye tohfa dekh ke
Shashi ko kya bole samajh nahi aa raha tha, ha bole to itni mehngi antique ghadi hath se jayegi aur na bola to ye sala tapori kuch ulta siddha bol ke Bhai ke kaan bhar sakta tha shashi na chahte huye bhi chup raha aur langda rolex leke chala gaya
Lucky langda waha se gaya tab tak shashi ka mood kafi kharab ho chuka tha
Shashi apne bedroom me aaya usne apne cupboard me ek secret case khola aur usme rakhi ghadi baahar nikali
Wo ek hire jadi huyi golden Rolex watch thi..
Par wo duplicate rolex thi.
Shashi ke pitaji Rajenndra Khanna ne kuch saalo pehle ye duplicate ghadi khas Switzerland ke ek karigar se banwayi thi aur wo itna hubehub tha ke sirf jaakaar aadmi hi samajh sakta tha, is ghadi ka upyog sirf Raj sahab emergency me karte the aur original Rolex hamesha bank locker me rehti thi jis din use pehanna ho use bank locker se laya jata tha aur duplicate rolex ghar me cupboard ke safe me rehti thi..
XF films ke untitled movie ka Austria schedule khatam karke shashi oman ke prince se milne muscat pahucha
Divyastra film milne ke pehle shashi ka career down chal raha tha. Jo bhi paisa tha wo sab real estate aur shares me laga hua tha paiso ki tangi thi isiliye usne Saudi ke ek aadmi ke through Rolex ka sauda tay kiya tha itni badi kimat ki antique ghadi lene ki kshamata kisi shaikh me hi thi aur 15 din pehle ek deal muscat ke prince ke sath fix huyi thi.
10 lakh doller mauritius me transfer karne ke baad shashi watch handover karega aisa decide hua lekin jab langda ghadi lekar gaya tab is saude ka kya kare ye shashi ke samne sawal tha, Bhai ke hath se ghadi nikalne yani bhuke sher ke muh se maas chin ne jaisa tha isiliye rolex chori huyi tab shashi ko itna dukh nahi hua par Khushi huyi kyuki kam se kam 5 crore ki insurance ki rakam to confirm use milne wali thi, aur ab yaha to andhe ne ek aankh chahi thi do mil gayi, shashi ne watch handover ki, shahi daawat ka maja liya aur apne hotel par janeke liye nikla.
Wo hotel par pahucha hi tha ke khurana ka call aa gaya
Khurana – congratulations shashi insurance company ne hamara rolex claim pass kar diya hai
Shashi – badhai to aapko deni chahiye khurana sahab kaise kar liya aapne ye.?
Khurana – wo sab India aane ke baad baat karenge
Shashi- ok bye
Shashi ne aasman ki taraf dekha aur bola
“thank you pappa, aap bade dur ki sochte the lekin mai bhi aap hi ka beta hu aur mai bhi kam nahi hu dekha kaise rolex ka double cross karke paisa banaya na..!
Khatam.. ab jao reviw do.
Well, Thank you so much for your valuable review my friend.
Bahot hi jabardasttt story thiii. Har ek scene mein bahot hasi aayi. Mast kahani thi.Let Us Sleep..
(Inspired by true events)
Location :- Mehmano se khachakhach bhara hua ek ghar.
Shaadi me aaye dahej.. sorry.. gifts se bhara hua ek tempo ghar ke niche parking me safe jagah par khali karke thake haare apne dono potte jaise taise seedhiya chadh kar ghar me aaye..
Unke thobde dekh ke koi bhi bata sakta tha ke tempo ke aalsi aur chatur driver ne dahej.. sorry gift me aaye almari, palang, dining table, sofa aur bhi bahut kuch in dono namuno ke hatho khali karwaya tha aur in dono ne bhi uski har baat maan ke sara saaman tempo se utara tha lekin jab sab kaam ho chuka tab inke dhyan me aaya ke apan bc driver ka kaam kar rahe the fir kya usse raat me jhagad kar adhe paise use pakda kar use waha se bhaga diya..
Dono upar chadhe aur apne paas ki chabi se ghar ka darwaja khol kar ander ghuse, dono ki aankhe adhi band thi aur usi haalat me dono bewdo mafik jhulte huye ghar ke hall me pahuche,
Waise to ghar bada tha 3BHK tha lekin mehman hi itne aaye huye the ke sone ke liye jagah kam pad rahi thi,
Ek minute ek minute in dono ke naam batana to mai bhul hi gaya, to ye dono bhai the, mausere bhai jo bada tha uska ye ghar tha aur usi ke bade bhai ki aaj shadi thi, iska naam, Jitu aur jo dusra tha wo isse 1 saal chota Animesh jo is shadi ke chalte pichle mahine bhar se yahi jama hua tha, is pariwaar me inhi dono namuno ki aapas jyada banti thi aur aaj bhi marriage hall se sabse aakhir me yahi aaye the
Is waqt ghadi ka chota kata 12 pe aur bada kata 1 pe tha.
Ghar me ghuste ghuste hi Jitu ka pair kisi chiz se takraya aur wo girne hi wala tha ke Animesh ne use pakad liya aur sidha khada kiya..
"Abe bc papa ne kya ghar me speed breaker bana diye hai kya ek din me." Jitu ne aankhe malte huye mathe par bal lakar Animesh se pucha
"Nahi be, uncle speed breaker kyu banane lage wo bhi ghar me, ye kuch alag jhol hai" Animesh ne apni adhi band aankhe puri kholte huye kaha
"Ha be speed breaker to kadak hota hai ye kuch naram naram tha bc " Jitu ne andhere me aankh malke animesh ko dekhte huye kaha
“wahi to bhai, ruk main dekhta hu” animesh ne Jitu se baat karte huye niche jhuk ke Jitu ke aas paas ki chiz tatolte huye kaha
“abe anya mila kya be bina cement ka speedbreaker ?”
“bhai ye kuch alag hi locha hai be” animesh ne chauk ke Jitu se kaha
“ruk light lagata hu main bc pata to chale kya hai ghar me” Jitu ne animesh se baat karte huye andhere me switchboard dhundhna shuru kiya aur pehla button dabaya
“iski maa ki aankh!!” Jitu ke button dabate hi dim light wala bulb jal gaya jisse pure hall me halki peeli roshni fail gayi aur usi light ki roshni me Jitu ne jo dekha use dekh ke uske muh ke ye shabd nikle..
“bhai kya hu….” Animesh Jitu ne shirt ko pakad ke uth hi raha tha ke samne ka najara dekh ke wo bhi shock ho gaya aur uski awaj hi na nikli
“abe yaha to dadar station se bhi jyada gardi hai bc! mere bapu ne aur tere mausaji ne kya ghar me dharamshala khol li hai kya” saamne akkhe hall me bhar bhar ke pakki neend me soye huye mehmano ko dekhte huye Jitu ne animesh ko dekha..
Jitu ka pair uske dur ke fufaji se takraya tha, unka wo pair hi inke raste me aane wala speedbreaker tha..
“bhai apne hi mehman log hai be, ye sara majma shadi me tha aaj” animesh ne Jitu ko satya se avgat karaya
“abe to kya inke ghar kya jameen me dhas gaye kya bc shadi ho gayi ab jao apne apne ghar yaha aise adhe tedhe pasre hai, ye kaha ka niyam hai bc ke jaha shadi ko wahi jake raho” Jitu
Jitu aaj dinbhar shadi me bam thak gaya tha aur achi neend ki aas me ghar me ghusne ke baad saamne ki gardi dekh ke aur pareshan ho gaya tha
“bhai apni kismet hi gadhe ki puch se likhi hai be, socha tha mast naram gadde pe aaram karenge pura ghar khali hoga gine chune mehman honge mast tanna denge lekin yaha to kuch aur hi bhayanakta faili hai bc” animesh bhi shadi ke kamo se pura thak gaya tha
“jane de apan waise bhi mere room me sote hai udhar chal mast darwaja lock karke kal dophar tak tanna denge ye jane inka kaam jane” Jitu ne khush hote huye kaha aur animesh ke kandhe par hath rakh ke hall bhar pasre(soye) huye mehmano me se rasta nikalte huye apne room ke saamne aake ruka
Dono ne khush hoke ek dusre ki taraf dekha.. fir darwaje ki taraf dekha ab kahi jake din bhar baad unhe aaram milne wala tha, naram gadde par gir ke dono sapno me khone wale the
Jitu ne darwaje ka latch ghuma ke darwaja ander dhakela aur khushi khushi room me kadam rakha
Butt :booty: butt :booty: butt :booty:
jaise hi usne ek aur kadam aage badhaya wahi ghar me ghuste time mila speed breaker wala feel use mehsus hua
“animesh ek minute” Jitu ne animesh ko piche rukne kaha fir apna phone nikal ke torch on karke jaise hi usne roshni room me ghumayi waise hi uski kuch der pehle ki khushi gam me tabdeel ho gayi
“kya hua be.. chal na ander, bahut neend aa rahi men” piche darwaje ke paas khade animesh ne Jitu ke kandhe par hath rakhte huye bola
Wahi Jitu jaise ander gaya tha waise hi wapis bahar aa gaya aur darwaja band kar diya
“Jitu, tu bahar kyu aaya be, tere ko neend me chalne ki adat to nahi lag gayi na, abe apne ko ander jana hai baahar nahi, tu ander jane ke badle baahar aa gaya” animesh ko lag raha tha ke Jitu full neend me hai isiliye aisa kar raha hai
“animesh, apni room gayi be.. waha ye jo baahar so rahe hai inki biwiya kharrate bhar rahi hai.. apne akkhe room pe kabja kar liya hai un logo neaur bhai ke room me bhabhi maa wagaira honge to waha jane ka bhi chance nahi hai
“bhai iska matlab apna chhat chala gaya” animesh ne kaha jise sun ke Jitu ne ha me gardan hilayi
“to bc ab apan kaha soye ab” animesh ne sar khujate huye pucha
“chal karte hai kuch prabandh apne liye”
Dono ne murjhaye chenre ke sath hall me najar daudayi ke kahi to jara to jaga mile sone ke liye
“bhai mere ko nahi lagta ke yaha apna jugad lagega kitchen me chale kya waha koi nahi hoga” hall ki bheed ko dekhte huye animesh ne Jitu se kaha
“ha chal waha dekhte hai apne ko kya bas sone ke liye jagah mile kafi hai” Jitu ne bhi uski baat ka samarthan kiya
“abe abe ruk, kitchen me chale to jayenge lekin soyenge kispar, thande farsh pe? subah uthne ke baad masi ko kitchen ke farsh pe do large size ice candy milegi direct thande fark pe soye to” animesh ne subah hone wali unki haalat imagine karte huye kaha
"o bc nahi nahi.. ruk dhunte hai kuch bichane ke liye fir mast shanti se soyenge” Jitu ne bhi un dono ki ice candy bante huye imagine kar li thi
Aur fir kya tha ye dono bhoot mehmano se bhare hall me aankhe barik karke koi gadda ya chadar dhundhne lage.. dim light shuru thi isiliye jyada andhera nahi tha isiliye neend ke nashe me jhulne wale in dono bewdo ko jyada dikkat nahi aa rahi thi hall me khoj been karne me
Ye dono dhundh hi rahe the ke animesh ki najar ek kambal par padi jo kisi ke to pair ke niche tha jiski abhi tak ghadi bhi nahi khuli thi usne Jitu ko bhi wo kambal dikhya par itni bheed me animesh kaha ishara kar raha hai use samajh hi nahi aa raha tha
“animesh, tere ko itni neend chadhi hai kya ke jo us baba ke kapdo ko tu odh ke soyega
“ye bhai hattmai kya pagal lagta hu kya teko bc jo kisi ke kapdo ko odh ke sounga, bc din bhar wo aadmi dhup me ghum raha tha pasine se nahate huye, soch kya jaan leva khushboo rahe honge uske kapde, soch
“ohhh.. mere ko laga.. jane de chhod.. chal wo kambal lete hai, dubte laundo ko kitchen ka sahara bc” Jitu ko bikkat neend aa rahi thi aur uski baato se ye saaf tha
“bhai tu rehne de tera dimag thikane pe nahi hai kuch bhi bol raha tu chal kambal leke aate” animesh ne Jitu ka kandha thap thapate huye kaha aur dono dheere dheere manjil ki or badhne lage
“abe kya ye log ameba jaise adhe tedhe fail ke soye hai be
“mere ko to inse railway station wala vide aa raha bhai udhar bhi aise ho soye rehte log” animesh
Soye huye apne hi rishtedaaro ko ulta siddha bolte huye ye log jaise taise kambal tak pahuche aur use utha hi rahe the lekin wo kambal inse uth hi nahi raha tha
“bhai ye kambal itna bhari kyu hai be uthaye hi nahi ja raha ye kambal lohe ka hai kya bc” animesh kambal kheechte huye dheeme awaj me bola
“abe ye to dekh pehle manushya rupi hathi ka itna bada pair rakha hua hai us kambal pe, itna aasan nahi hai ise paana, apne ko ye kaka ka pair baju me hatana padega tab kahi jake kambal milega re… ek kaam karte hai mai ye hathi ka pair uthata hu tu jhat se kambal kheech ke side me lele” Jitu ne plan banaya aur animesh ne apni mundi hilake hami bhari
Jitu ne us aadmi ka pair uthane ki koshish kari lekin use tas se mas nahi kar paya to dono ne chauk ke ek dusre ko dekha
“bhai tu hi bola na manushya rupi hathi ka pair hai thodi jyada taakat laga, le prabhu ka kaam aur utha is parbat ko”
“hmm.. correct.. maine hi underestimate kiya hai is hathi ko.. dum laga ke..”
“haishaa..”
“dum laga ke..”
“haishaa.”
“huppa huiyaaa…”
“jai bajranga… Admin baba ki..”
“Jai…”
“sumo maharaj ki..”
“jai..”
“mods….” Animesh aage bolne hi wala tha ke Jitu ne use rok diya
“ abe kya saara dum aaj hi lagwa dega kya bc aaram se be thoda.. ek hi pair uthane ka hai apne ko jyada dum laga diya to kahi aadmi na uth jaye bc, ghoshnao ko aaram de mere bhai” Jitu
Jitu ki baat ko gambhirta se lete huye animesh ne apni mundi hilayi
Idhar Jitu ne uske sharir me jitni thi utni shakti lagake apne dur ke double decker chacha ka pair uthaya aur waise hi animesh ne furti ke sath wo kambal apni taraf khicha lekin abhi adha hi kambal khich paya tha ke Jitu ke hath se wo pair chhut gaya aur bache huye kambal par gir gaya
“mar gaya bc..” Jitu
Jitu ne saari takat jhonk di thi par us ek pair ke aage uski sari shakti kam pad gayi aur wo pair uske hath se chhut gaya..
Jitni der tak Jitu ne un uncle ka pair uthaya hua tha uska chehra tamatar jaisa laal ho gaya tha itni taakat lagayi thi usne
Pair gir gaya aur kambal atak gaya, animesh ne utre chehre ke sath Jitu ko dekha aur bola “wapis try karte hai”
Is baar Jitu se mansik aur sharirik tayari kar li aur dobara un uncle ka pair uthaya animesh bhi kambal kheechne ke liye tayar hi tha jaise hi pair upar utha waise hi kambal baahar kheech liya gaya aur animesh ne battesi nikal kar Jitu ko dekha aur Jitu ne bhi pair chhod diya aur haafne laga, fir dono bhai wo tedha medha raasta paar karke wapis bedroom ke darwaje ke paas aaye..
Kambal milne se dono kafi khush ho gaye the ke ab kam se kam subah unki kulfi nahi jamne wali thi lekin jab is kambal ke liye ki gayi mehnat dono ne yaad ki to wapis irritate ho gaye
“kya hi kharab time aa gaya hai bc khud ke hi ghar ne sone ke liye room room bhatakna pad raha hai” Jitu ne chidchid karte huye kitchen ki or rukh kiya
Is baar animesh aage chal raha tha aur Jitu uske piche aur dono jab kitchen ki taraf aa rahe the tab unko toilet ka darwaja band hone ka awaj aaya ab itni badi gardi me koi utha hoga isiliye unhone dhyan nahi diya aur animesh ne jaise hi apne phone ka torch kitchen me mara dono ke saare sapne toot gaye..
Kitchen ki haalat bhi waisi hi thi jaisi hall aur bedroom ki thi waha bhi local train jaisi gardi ho rakhi thi jise dekh animesh jaise aaya tha waise hi wapis ghum gaya, Jitu ko bhi samajh aa chuka tha fir bhi usne kitchen me jhak kar dekha hi aur dono namune wapis bedroom ke darwaje ke paas hall me aa gaye
Dono ne ek baar haal par najar ghumayi, umeed to nahi thi ke kahi jagah milegi
Butt :booty: butt :booty: butt :booty:
Is baar bhagwan adinand ki kripa unpar barsi aur unlogo ko ek sofa pura akkha bandha khali dikh gaya, kuch time pehle to sofe par koi tha lekin abhi wo khali dikh raha tha
Sofe ko dekh ke to dono ki khushi ka thikana nahi raha bhale hi ek hi sofa tha lekin dono me se kisi ek ka jugad ho gaya tha
“bhai tu bhi wahi dekh raha hai kya jo main dekh raha hu” animesh ne apne bhai se pucha
“hao be anya main bhi wahi dekh raha hu jo tu dekh raha hai” Jitu ne khush hote huye kaha
“sofa..” dono khushi se cheekhe lekin dheeme awaj me
“sofa to theek hai lekin uspe soyega kaun” animesh ne deri se hi sahi lekin sahi sawal pucha
“kaun kya tu soyega aur kaun” Jitu ne bhi bade aaram se kaha
“na bhai tu soja, mere se jyada thaka hua hai tu aaj” animesh ne Jitu ke kandhe pe hath rakhte huye kaha
“oye chomtiye chup chap jake so ja sofe pe samjha na baado ki baat mana kar” Jitu ne uska hath apne kandhe se hata kar khud ka hath uske kandhe par rakhte huye kaha
“na tu soyega sofe pe final nahi to abhi ruk chilla ke ye sari bheed ho jagata hu idharich”
“oye chomtiye, chup, ye public jaag gayi to L lag jayenge, chal abhi wapis sofe tak pahuchne me mehnat karni padegi”
Dono wapis raste me aane wale sabhi speed breakers ko paar karte huye sofe tak pahuche
Jitu sofe par baith gaya aur animesh aaju baju me wo adjust ho paye aisi jagah khojne laga aur Jitu bhi baithe baithe jagah khojne laga
“ani jara soch abhi agar kisi ki aankh khuli aur usne apne ko aise dekha to usko to lagega ke ghar me bhoot ghum rahe bc” Jitu ne haste huye kaha jise sun ke animesh ho bhi hasi aa gayi
“bhai wo dekh mama ke baju me jagah hai thodi apun fit ho jayega udhar” animesh ko jagah mil gayi
“aah yeah gajab ja jaldi jake so udhar waise bhi bam der ho gayi hai” bolte huye Jitu sofe par aada ho gaya
Abhi in logo ko settle huye bas 3 hi minute huye the ke animesh jis aadmi ke baju me leta tha waha se apni naak ko ungliyo se band karke utha
“Jituuuuu…..bhaiiii!”
“kya hua be ani aur tu naak kyu band kiya hai be..”
“bhai tereko kisi chiz ki baas nahi aa rahi kya” animesh ne naak dabake hi bola aur tab Jitu ki batti jali
“abe.. yuck.. hatt.. chiiii..
“shadi me ke manchurian hai ye.. maine dekha tha ye mama ko khana shuru hote hi manchurion pe dhava bolte huye, apne adhe manchurian to inhone hi khatam kiye hai” animesh ne shadi me dekha hua scene sara Jitu ko bata diya
“abe to bsdk uski saja hum kyu bhugte” Jitu ne chidh kar apne dur ke mama ki taraf dekha
“bhai ye inka manchurian pachane ke chakkar me apna khaya hua muh ke through baahar nikalenge aisi strong feeling aari meko” animesh ho apna darr bataya
“tu pehala uth waha apan dusri taraf dhundhte hai tere liye jagah.. uth” Jitu ne animesh ko waha se uthaya aur ab wapis namune jagah dhundhne lage
“animesh mai abhi bhi bol raha hu so ja sofe pe mai dekh lunga jagah”
“bhai apna decided hai tuhi soyega waha mere liye dekhte hai apan jagah” is baar bhi animesh ne Jitu ki nahi suni..
“oye waha dekh wo chacha ke baju me badhiya jagah hai tu aaram se fit ho jayega udhar” Jitu ne ek taraf ishara kiya
Ab finally animesh ke liye jagah ka jugad ho gaya tha.. animesh height aur sharir me Jitu se bhi jyada barik tha isiliye uske liye wo jagah perfect thi.
Animesh waha jake so gaya aur Jitu sofe pe pasar gaya aur dono ne aankhe mund li..
Kuch 18 minute beete honge ke Jitu ko aisa laga mano koi use pukaar raha ho… Jitu ne apni neend se bhari huye aankhe kholi aur charo taraf najar ghumayi to uski najar ek jagah ruk gayi..
“bh… bhaiii… bhaii” ye animesh tha jo ek bhari bharkam mote se hath ke niche daba hua tha, wo hath uske gale pe tha jisse uski awaj kam nikal rahi thi
Jitu ne jaise hi ye dekha tadkan uth ke uske paas pahucha aur jor laga ke wo hath baju me hataya
Animesh mano koi marathon daud ke aaya ho aise haaf raha tha.. Jitu ne uski peeth par hath ghuma kar use normal hone me madad ki
“feeling better?” Jitu ne animesh se pucha
“bc kya bhari hath tha bhai, sunny paji ka to dhai kilo ka hai ye top 5 kilo ka tha, kya khane me kya dumbles khate kya lawda” animesh apne gale pe hath rakh ke aankhe badi karke bola wahi Jitu uski baat sun ke hasne laga, abhi animesh us hath ke niche daba hua chuha lag raha tha
“isiliye main bol raha tha ke tu sofe pe jo ja nahi to yaha kisi ke hath ya pair ke niche dab jayega pata bi nahi chalega abhi kam se kam awaj to nikal rahi tha teri dobara to aisa hua to awaj bhi gale me hi dab jayegi” Jitu ne aakhir animesh ko sofe pe sone ke liye convince kar hi liya tha
“sofe pe sone me hi bhalai hai be abhi to shadi bhi nahi huyi meri itne me bhagwan ke paas nahi jana mereko apne hath se maut ko kahe bulawa de” animesh badbadate huye sofe pe jake baith gaya
“that’s better” Jitu uski badbad se hasne laga tha
“Jitu aise maha bhayankar rishtedaar kaha se leke aaya bhai.. ek baas maar raha ek jaan lene ki koshish kar raha aur najane kaise kaise prani dekhne baki hai is raat me abhi to maine khali trailer dekha hai tujhe puri film na dekhne mile to hi acha” animesh ko ab Jitu ka tension aa raha aur is trailer ki film kaisi hogi wo soch raha tha..
“dekhte hai jo uparwale ki marji ab to uska hi sahara hai” aur wo dono ab Jitu ke liye jagah dhundhne lage aur barabar dedh minute ki mehnat ke baad ek jagah dikhi, bagal wala aadmi bhi normal tha isiliye Jitu bhi uske baju me letne ke liye ready ho gaya
Jitu aur animesh ab jagah mil gayi hai is khushi me aaram se so gaye the.. Jitu ne apni aankhe band ki..
Butt :booty: butt :booty: butt :booty:
Jaise hi Jitu ne karwat badli aur bagal wale aadmi ki taraf muh kiya waise hi adhe second me uski naak me ek aur durgandh ghusi jisse Jitu ke rongte khade ho gaye usne jhat se apni aankhe kholi aur uth ke khada ho gaya..
Animesh ko bhi kuch hulchal ka awaj aaya usne apni aankhe adhi kholi to use Jitu khada dikha jise dekh ke wo bhi uth gaya
“ab kya hoya bhai tu khada kahe hai?” animesh
“abe wapis baas aa raha be” Jitu
“firse manchurian?”
“nahi..”
“to is baar kaunsa dish hai?” animesh
“dish nahi hai be.. gobar hai..
“whaatttt!! howwww!!”
“I don’t know, mereko lagta hai ye inke sharir ki badbu hai.. maine jaise hi karwat badli naak me bhap se badbu ghusi..
“abe ye to apna vimal mama hai”
“ab bol ke dane dane me iske kesar ka dum bhi hai, bsdk” Jitu
“abe bhai majak nahi kar raha tere ko yaad hai apan jab bachpane me mama ke yaha jate the tab waha mama ke sath ek aadmi kaam karta tha jise apni bhains jaan se jyada pyari thi…” animesh ne Jitu ko yaad dilane ki koshish ki
“ha ha tha aisa ek aadmi use sab uski bhains ke naam se jaante the” Jitu ne dimag pe jor dala
“exactly wahi hai wo inki bhains ka naam vimal hai” animesh sofe pe kudte huye bola
“tabhi jaise hi mai ghuma gobar ka baas aaya” Jitu ne niche soye huye vimal mama ki taraf dekha
“yup”
“abe par ani agar mai yaha soya to sapne me bhi bhainse hi dikhengi be upar se is gobar ki badbu ko raat bhar sehna padega wo alag jo apne se na hoga” Jitu ne pareshan hoke kaha
“to bhai wapis jagah change usme kya hai ab to adat ho gayi apne ko iski
“wahi to kar rahe to apan tabse aur lagta hai raatbhar yahi karte rehna padega ye khel lamba chalega” Jitu ne irritate hoke kaha ek to wo dinbhar kaam karke thaka hua tha raat me mast chain ki neend soyenge is aas me pura din bitaya tha aur ab ghar aane par sone ke liye sangarsh chal raha tha
“mil jayegi be jaga rukh dekhte hai apan” animesh
Aur kuch hi samay baad unhe wapis ek jagah dikhi par waha jara dhoka jyada tha, baju me ek mast pehalwan soya hua tha par ab uske alawa option nahi tha kyuki aankho me neend ka nasha chadh raha tha bas fir Jitu ne wo jagah pakdi aur let gaya…
Kuch samay baad…
Ghadi me 3 baj ke 22 minute huye the wo karwat ke bal leta hua pehalwan sidha hua aur jaise hi wo siddha hua adha Jitu uske niche dab gaya.
Jitu ke muh se awaj bhi nahi nikal raha tha, bagal wale aadmi par do char baar hath mara to usne bhi tali baja ke macchar mare aur hath hawa me ghumake so gaya aur usko aise hath hilate dekh Jitu ko apna sar fod lene ki icha huyi, Jitu ne us pehalwan ko apne se hatane ki koshish ki lekin koshish vifal rahi wo jara nahi hila ulta energy khatam huyi alag
Jitu ne man hi man us aadmi ko bhar bhar ke gaaliya baki aur dimag chala shuru kiya aur uske dimag ki batti jali, usne jeb se apna phone nikala aur animesh ka number dial kiya, animesh ka phone silent par tha. Jitu ne phone laga ke sofe par dekha lekin koi hulchal nahi koi awaj nahi fir dobara phone lagaya, idhar phone ke vibration se animesh ki neend khuli aur phone band, Jitu ne teesri baar call lagaya to animesh ne phone nikal ke dekha to screen par Jitu ka naam dekh ke usne aankhe mali fir dobara check kiya fir jaha Jitu soya tha us taraf dekh aur tan kan uth ke bath gaya
“abe bhai tu ye road roller ke niche kaise dab gaya bc” animesh ne baithi jagah se aankhe badi karke Jitu se pucha
Jitu se bola nahi ja raha tha isiliye usne ishare se wo fas gaya hai aisa bataya par animesh ke samajh me kuch nahi aaya
“abe mai thodese se bacha tha tu samjh ke liyo jara nahi to subah ya to tera papad banega ya tu duniya se uthega” aur haste huye tali dene ke liye apna hath Jitu ki taraf badhaya lekin uske expressions dekh ke hath piche le liya
Jitu ne ghur ke animesh ko dekha aur uska ishara samajh ke animesh use us pehalwan ke shikanje se baahar nikalne ke liye kheechne laga, Jitu bhi jor laga raha tha lekin koi fayda nahi ho raha tha itne me animesh ke dimag me ek idea aaya usne Jitu ko aankh mari aur waha se nikal gaya.. ghar me show ke ek vaas me kuch morpankh rakhe huye the usme se ek mor pankh leke animesh waha aaya aur us pehalwan ke chenre ke paas baitha
Animesh ne wo morpankh us pehalwan ek chehre par se halke se ghumaya jisse us aadmi ke chhehre par ek vichitra muskurahat aa gayi aur gayab bhi ho gayi jise Jitu aur animesh dono ne dekha fir dusri baar animesh ne usi mor pankh se uski naak me gud gudi kari jisse usne apni naak masli aur wapis so gaya aur isse animesh aur Jitu ne roti shakal ke sath ek dusre ko dekha.. ab bari thi aakhri hamle ki animesh ne us bande ke kaam me gud gudi karna shuru kiya jisse wo apne kaan khujlate huye uth ke baith gaya lekin uski aankhe abhi bhi band thi par chehra bigad chuka tha
Jaise hi wo aadmi utha Jitu ajad ho gaya aur baju me sarak gaya par uske uth ke baithne se dono ki gand fat chuki thi, Jitu ne thoda jhuk ke dekha to us aadmi ki aankhe ab bhi band thi fir Jitu ne dheere dheere use wapis letaya
“bhai isko sulane ke liye lori gaaye kya apan” ye idea animesh babu ke dimag aaya
“kyu tu kya iski aaya hai kya bc yaha khud ki neend ke bara baje hai aur ye chale hai dusro ko lori sunane” Jitu ab acha khasa bhadak gaya tha
“abe to naraj kayko hota hai mai kya bolta hu isko uthake waha main door ke paas sula aate hai waise bhi do logo ki jagah gher rakhi hai isne apan yaha aaram se aa jayenge” animesh ne apna khali dimag chalaya
“animesh mere bete aaj kuch khane me alag aa gaya tha kya.. aisa bigboss dekhne walo jaise harkate kyu kar raha tu, abe bsdk usko dekh apne ko dekh ye kya koi tv ka remote hai kya yaha se uthake waha rakhne ko bc, tu chhatak bhar ka mai 75 gms ka aur ye 1 kilo ka bojh kaise uthayenge be apan kyu bc yamdut ko bulawa dena”
“ha be ye bhi hai pilan cancel” Jitu ki baat sun ke animesh se apna plan cancel kar diya aur ab dono wapis jagah dhundhne lage
“bhai pyas lag ri be” animesh
“ha be yaha neend kam aur bhagam bhag jyada ho ri chal pehle kitchen se pani pike aate fir dhundhenge jagah” Jitu ne kaha aur dono apna kambal uthke kitchen me paani pine gaye, pani pite huye unhe wapis toilet ke darwaje ka awaj aaya, ek to sone ki jagah nahi mil rahi usse dono pareshan tha isiliye is baar bhi unhone us awaj ko ignore kar diya
Pani pike jab ye dono namune baahar aaye waise hi inko ko ek aadmi apna sar khujate huye waha dikhai diya, in namuno ko laga ke koi chor ghar me ghus aaya hai dono ne ekdusre ki shakle dekhi fir apne hath me ke kambal ko dekha aur fir us chor ko dekha aur fir kambal ko khol ke jaise hi us aadmi par daalne wale the us aadmi ki badbad inko sunai di
"Kya be sandas me gaya aur baithe baithe wahi so gaya, dinbhar jo bhi shadi me bhukhe jaise khaya tha sab baahar nikal gaya aur thakan to saala aaj aisi huyi ke wahi so gaya ab neend khuli hai to chalke apni jagah pe sote hai mast"
Aur ubasi lete huye wo aadmi aage badh gaya inhi ka bulaya mehman tha wo, din bhar shadi me free ka maal thusa aur thak ke sandas me hi so gaya
Ye jab ghar me ghuse the tab bedroom jate huye jo awaj aaya tha wo yahi mahanubhav the jo tab toilet me ghuse the jo ab jake nikle the.
Wo aadmi jake sofe ke paas ruka usne ek najar saamne ajgar jaisi faili huyi bheed par mari to us bheed ke pare use do log andhere me jhulte huye dikhe jinko dekh ke uske halak se to kuch nahi nikla lekin unko bhoot samajh ke wo behosh hoke sofe pe gir gaya..
Is aadmi ka waha khade khade badbadana apne potto ne saaf suna tha aur dono vichitra najro se ek dusre ko dekh rahe the..
"Bhai toilet me koi kaise so sakta hai bc
"Ye kya ye maahan prani jo apne samne hai usse puch experience hoga unko ye mahanubhav kahi bhi so sakte hai
"Abe par ye aadmi to aake sofe pe so gaya ab, ab wapis shuru se shuru karna padega dono ke liye jagah dekhni padegi
In dono ko khabar bhi nahi thi ke wo aadmi inko bhoot samajh ke behosh hua pada hai
"Chal bhai dekhte hai kuch milta kya to nahi to aakhri option bachega bas" Jitu ne kaha jispar Animesh ne mundi hilayi
Ghadi me subah ke sadhe chaar baj rahe the dono ko ek jagah dikhi jaha do log nahi 1.5 log jam sakte the ab marta kya na karta dono jaise taise waha adjust huye lekin kuch 9 minute baad hi Animesh ko kuch uncomfortable lagne laga
“Jitu, bhai sun na.. ye baju wala chipak raha be mere se"
"Kuch nahi be sapna hoga so ja tu"
Fir kuch time tak Animesh ko bhi kuch mehsus nahi hua to wo bhi so gaya lekin kuch samay baad wapis waisa hi lagne laga usne dekha to uske baju me soya hua uska ek cousin usse chipak raha tha aur kuch badbada raha tha.. Animesh ne apna kaan uske paas sarkaya aur sunne ki koshish karne laga
"Shona.. kaha ja rahi ho babu tum.. idhar mere paas aao naa... ek kiss do na baby.. janu paas aao naa.."
Wo Banda neend me apni babu ko yaad kar raha tha lekin idhar apne Animesh maharaj ki neend hi ud gayi thi kyuki bhale hi wo yaad uski babu ko kar raha tha lekin feel to Animesh ka le raha tha na..
"Behanchod yaha to ijjat ke lawde lag jayenge be Jitu uth bhai ijjaat khatre me hai meri lawda.. hatt...." Animesh ne Jitu ko jor se hilake jagaya jisse Jitu bhi hadbada ke utha
"Kya hai be ek to raat bhar baad jaga mili thi bc usme bhi dikkat hai ab"
"Dikkat chhod bc yaha ijjat khatre me lawda" Animesh ne Jitu ko kheechte huye main door tak laya
Jitu ko ab bhi samajh nahi aa raha tha ke ye aisa kyu behave kar raha hai
"Anya pagal pan ke daure pad rahe kya tereko ? kya hoya?"
"Bhai abhi mai lut jata barbad ho jata agar tu time pe na uth ta to"
Fir Animesh ne Jitu ko saari baat batayi jise sun ke Jitu se uski hasi control ho nahi ho rahi thi wahi Animesh ghur ke usko dekh raha tha
"Bhai gandu kismat hai be apni. Jane de chal aakhri rasta bacha hai apne paas ab yaha to neend milne se rahi"
"Abe par jayenge kaha??
"Parking..
Aur aakhir kaar jab dono ko ghar me sahara nahi mila to dahej... I mean gift me aaye parking me rakhe palang pe aake dono so gaye..
Khatam...
Niklo ab
waise ye koi story nahi hai kissa hai na jinko ise story manna hai maan sakte ho.. jaise maine kaha tha inspired by true events jise maine bas thoda ya kaho thoda jyada masala laga ke parosa hai taste acha laga to review thread me chaar line likh dene ka..
Tata.
Bahot hi pyaara aur khubsoorat update thaa. Rohan aur Rashmi do sachhe premiyon ki kahani. Par inki badkismati dono jeevan bhar saath naa reh paaye. Par Rohan ne apne sachhe pyaar ka parichay diya hai jisse dekh kar mujhe bahot achha laga. Bahot kam dekhne ko milta hai aisa pyaar.
Ha 3rd story sirf logo ke manoranjan ke lie likhi he
Good story showing the reality of materialistic life of morden age, where ppl are becoming money making machine and forgets the real life.
