Update 40
Dubai me Akram Khan ko bhanak tak nahi lag paayi ki Pitamgarh ke uske saare kutto ka Ram Bolo Bhai Ram ho gaya. Wo apne office me baitha Altaaf ko gusse se dekh raha tha.
Altaaf:- Bhai aap mujhe aise gusse se kyun dekh rahe ho????
Akram:- Tum sab madarchod randi ke bacche ho. Ek kaam diya tha tujhe, wo bhi nahi hua abhi tak.
Altaaf:- Bhai banda laga hua hai par thoda time lagega bol raha tha.
Akram:- Tum sab saale time time karte reh jaaoge aur wo bhosdika khulla ghumta rahega.
Altaaf:- Bhai aap uss DGP ko kyun nahi kehte???
Akram:- Saale dimaag upar hi hai ya goton me fit kar liya hai. Jiski beti ko chara banake istemaal kar raha hoon usi se madad maangu ab!!!
Altaaf:- Sorry bhai wo galti se munh se nikal gaya.
Akram:- Aisi galeech baat dubara munh se nikaali to teri jabaan kheench loonga.
Akram Altaaf dono bas kisi tarah video bhejne waale ko jaan-na chahte the par Hitesh ne unhe aisa uljhaya tha ki carodo ke package waala IT expert banda bhi bas sar khuja raha tha. Agarwal Mansion ke bahar ek kursi par baitha hua wo kisi ke call ka wait kar raha tha.
Hitesh:- Hello, DGP sir ki beti ki location pata chali???
Sid:- Pata to chal gayi hai par!!!!
Hitesh:- Par kya???
Sid:- Wo ilaaka iss rajya ka sabse ghatiya ilaka hai. Wahan to police bhi jaane se katrati hai. Bhadodih gundon ka gadh hai, jahan sab gundey full on mauj masti ke saath rehte hain.
Hitesh- Yaha se kitni door hai???
Sid:- Kuch hi der me tere paas ek banda sab detail ke saath pahunch jaayega. Meri baat maan bhai, akele wahan mat jaa. DGP ki beti hai to use action lene de.
Hitesh:- Main darpok nahi hoon. Waise bhi iss Bhadodih ke charche bahot sune hain, aaj dekh bhi loonga.
Itna keh usne call cut kar diya aur bande ka wait karne laga. 15 min baad ek boodha hilta dulta hua Agarwal Mansion ke saamne aaya. Use gate par khade guard ne roka to wo usse bola.
Boodha:- Are guard babu, humko kyun rok rahe ho??? Hum to yaha ye chitthi dene aaye hain.
Guard:- Tum postman to nahi ho chacha. Sach sach batao kisse milne aaye ho.
Boodha:- Siddhu babu humko bheje hain. Hum unke office ke chaprasi hain. Wo to khud hi aa jaate par bahot busy the isliye humko bole.
Guard:- Hum kya pooch rahe hain aur tum kya bata rahe ho??? Jaao yahan se. Agar inn bodyguard logon ne dekh liya to tum to pitoge hi humko bhi pitwaoge.
Mansab:- Kya chal raha hai idhar??? Sattu kaun hai ye bujurg???
Guard:- Ek chitthi dene aaye hain. Kisko dene aaye hain poocha to katha sunane lag gaye.
Boodha:- Ye chitthi Hitesh Babu ke liye hai. Hum unko hi denge.
Mansab:- Laao ye chitthi mujhe de do.
Boodha:- Nahi babu. Humko siddhu ji se daant nahi khaana hai. Chitthi to hum Hitesh ji ko hi denge.
Gate ke paas mach raha ye shor sunke Hitesh waha pahunch gaya.
Hitesh:- Ye shor kyun macha rakha hai???
Mansab:- Ye chacha ek chitthi leke aaye hain aur bol rahe hain sirf aapko denge.
Hitesh ne gaur se uss boodhe ki ore dekha aur use turant pata chal gaya ki ye boodhe ke bhesh me chhipa hua ek jawaan banda hai.
Hitesh:- Kisne bheja hai aapko???
Boodha:- Humko to Siddharth ji ne bheja hai ye chitthi dene ke liye. Aajkal kaam ka bojh bahot badh gaya hai isliye unki jagah humko aana pada.
Hitesh boodhe se envelope lene laga to usne dheere se uske kaan me kaha.
Boodha:- Kya be saale, bahot teesmaar khan ban gaya hai na tu!!! Bhadodih me gaya to pairon pe chal ke vaapis nahi aayega.
Hitesh:- Mera kya hoga wo tu paper me padh lena. Company waale muft ka vetan de rahe kya jo tu yahan ghoom raha hai.
Boodha:- Siddhu ka call aaya to mujhe aana pada.
Hitesh:- Yaha jyada baat karna theek nahi hoga. Chal bahar chal ke baat karte hain.
Hitesh:- Mansab ji main chacha ko auto bitha ke aata hoon.
Dono ek saath Agarwal Mansion se bahar nikal 200 metre door bane park ke pass khadi ek gaadi ke paas pahunche. Dono car ke andar baithe aur sheeshe chadha ke AC on karne ke baad uss boodhe ka vesh banaye vaykti ne bolna shuru kiya.
Boodha:- Ek hitman hone ke naate tujhe bata raha hoon. Bhadodih jaane ka khayaal dil se nikaal de. Ek baar jo ladki wahan gayi, wo agle din se kothe par ghante ke hisaab se bikti hai.
Hitesh:- Sun Amrit, main hoon jara alag type ka banda. Bhale wo DSP ki beti meri kuch nahi lagti par meri bhi behan hai. Main kaise kisi ladki ko uss nark me chhod doon. Pata nahi aaj tak kitni ladkiyon ko waha se veshyavriti me dhakela gaya hoga. Kitno ke ghar ujaade honge waha ke gundon ne. Aaj tujhse ek vaada kar raha hoon, Bhadodih ka naam iss rajya ke manchitra se hata doonga main. Sab kuch jala kar raakh kar doonga.
Amrit:- Nashe patte kar ke aaya hai kya??? Kuch pata bhi hai ki kya bol raha hai.... Bhadodih ki abaadi hai 10000, tu akela kya kar lega???? Wahan jo boodhe bacche mahilayein hain unka kya kasoor hai??? Badle ki aag me tu andha ho gaya hai.
Hitesh:- Wahan reh raha koi bhi doodh ka dhula nahi hai. Paap ki kamai khaane waala bhi paapi hi hota hai. Kisi ko bhi jiwit rehne ka hakk nahi hai.
Amrit:- Tu jo karne jaa raha hai usse tere peeche poori police force aur prashashan lag jaayega. Kab tak bhagega unn sabse???
Hitesh:- Bhadodih ka mission mujhe R&AW ke office se mila hai. Iss state me R&AW ke operational head Rawat Sir ka mujhe kal hi email aa gaya tha. Unki najar iss basti par kayi saalon se thi. Wahan rehne wali mahilayein dhandha karti hain, boodhe shehar ke alag alag hisson me chori chakari karte hain aur paida hue bacchon ko bhi sharab ki smuggling sikha di jaati hai.
Amrit:- Par tu kab se R&AW ke saath kaam karne laga???
Hitesh:- Bhale hi mujhe sab gunda badmash samjhe par aaj tak kisi bhi begunaah ko maine kharonch tak nahi pahunchayi hai. Saalon saal train kiye hue agents ko aisi gutter jagah par bhejne se accha unhe mujhe chunna sahi laga.
Amrit:- Par ye karega kaise???
Hitesh:- Paper me padh lena.
Itna keh Hitesh waha se paidal chalta hua Agarwal Mansion me aa gaya aur uss envelope me maujood har detail padhne laga. Mansion par hone waale humle ko rokne ka ab bas ek hi tarika tha, Bhadodih me dhawa bolke police ko itna hadka dena ki poore rajya ki police high alert par ho jaaye aur Akram Khan ka poora plan chaupat ho jaaye.
Paris me Sumit Swati ek dusre ki baahon me besudh pade hue the jaise marathon daudke aaye ho. Dono ko hi gehri neend aa chuki thi par Pipcho gaanv me Mita ka haal behaal ho chuka tha. Wo poori tarah ready hokar room me kursi par baithi kisi soch me khoyi hui thi jab Sumitra ji ne use hilaya.
Sumi:- Beta kis soch me gum hai???
Mita:- Abhi bhi Sumit ka call nahi lag raha Nani. Hitesh ka bhi number off bata raha hai.
Sumi:- Bhagwaan ka naam leke ek baar aur call karle, Kya pata call lag jaaye.
Iss baat se Mita ke mann me bijli kaundhi aur usne jhatt se Sumit ke number ko save kar use Whatsapp call laga di. Sumit ne uska number contact list me se block kar diya tha par whatsapp pe block karna bhool gaya tha. Kuch der tak ring hone ke baad alsayi hui awaaj me Sumit bola.
Sumit:- Hello
Mita:- Hello Sumit main Mita bol rahi hoon.
Sumit:- Kaun Mita???
Mita:- Paramdev ji ki beti jiski tumne jaan bachayi thi.
Sumit:- Main iss naam ki kisi ladki ko nahi jaanta. Call cut karo.
Mita:- Aisa kyun kar rahe ho Sumit??? Kya main tumhari kuch nahi lagti???
Sumit:- Main ek baar kisi ko dilo dimaag se nikaal deta hoon to phir wo mere liye mar jaata hai. Tu bhi mere liye mar chuki hai.
Mita:- Please aisa mat kaho. Main tumse bahot pyaar karti hoon. Main tumhare bina nahi jee sakti.
Sumit:- Bada accha pyaar tha tumhara jo mujhpe har samay bhadakti rahi, mujhe nicha dikhati rahi. Ab inn baaton ka koi arth nahi reh gaya, Meri shaadi ho chuki hai wo bhi aisi ladki se jo tujhse karod guna sundar sushil aur gunvaan hai. Bahot ghamand hai na tujhe apne figure par, thookta hoon tere uss bedaul sharir par. Aaj ke baad mujhe disturb kiya to jin haathon se tujhe bachaya tha unhi haathon se teri jaan le loonga. Call kaat saali.
Mita ko to samajh hi nahi aa raha tha ki kya ho gaya. Usne mobile ko gusse se patak diya aur bed pe so rahi Chinki ke bagal me kambal pe munh chhipake rone lagi. Aaj use apni karni par bahot jyada pacchtava ho raha tha. Uska dil aaj tukde tukde ho gaya. Jor se awaaj hone par jab Sumitra ji room me aayi to Mita unhe kambal me chhipi hui dikhi aur mobile kursi ke paas chaknachoor sthiti me mila. Unhone Mita par se turant kambal hatakar use bed par acche se bithaya aur uske aansoo poche.
Sumi:- Beta kya ho gaya??? Aise kyun ro rahi hai????
Mita:- Nani wo, wo.....
Sumi:- Jaldi bol beta, mere mann me bure bure vichaar aa rahe hain. Kahin ghar pe kisi ko kuch.....
Mita:- (jor se rote hue) Nani......... Sumit ki shaadi ho gayi. Maine use kho diya hamesha ke liye. Maine use kabhi value nahi di jiski mujhe saja mili. Main jeena nahi chahti, main jeena nahi chahti......
Mita bed se neeche utar kursi ke pass pahunchi jahan uske mobile ke tukde faile pade the. Tempered glass ka ek tukda usne uthaya aur baaye haath ki nass pe chala diya. Khoon tap tap girne laga. Sumitra ji ko jara sa bhi andaja nahi hua tha ki wo aisa karegi. Unhone jhatt se apni saadi ka pallu cheer uske baaye haath pe kisi patti ki tarah baandha aur use hosh me laane ke liye jor se ek thappad maara.
Sumi:- Isi din ke liye Param ne tujhe paal pos ke bada kiya tha kya??? Pyaar nahi mila to kya mar jaana chahiye. Vipul beta gaadi nikaal.
Sumitra ki awaaj sunn kar ghar me sabhi chintit ho gaye. Pushpit, Girija, Vipul, Champa bhaagte hue andar aaye. Andar Mita ke aankhon me aansoo aur Sumitra ji ko uske baaye haath par saadi ko patti ki tarah lapete dekh sabhi ko kuch samajh nahi aaya. Jab unka dhyaan haath ke neeche tapak rahe khoon par gaya tab sabke dimaag ki batti jali.
Pushpit:- Didi ye kaise hua??? Mita bitiya ne ye kyun kiya???
Sumi:- Abhi inn sab baaton ka time nahi hai Pushpit. Vipul beta jaldi se gaadi nikaal.
Sumitra Mita ke haath pe kapda lapete use neeche laane lagi. Vipul apne room me bhaagta hua gaya aur car ki chaabhi nikaal fatafat gairage ki ore bhaaga. Waha se gaadi chaalu kar wo gate ke theek saamne laaya. Sumitra ke saath Champa bhi gaadi ki back seat par Mita ke saath baith gayi. Hospital yahan se 10 km ki doori par tha jise Vipul ko jaldi se jaldi paar karna tha.
Agarwal Mansion me parivaar ke sabhi log apne apne kamre me bhavishya ko lekar chintit the. Shobhit apne kaam ko kekar chintit tha, Kanishk apne papa ko chintamukt dekhna chahta tha, Kaaya ko to bas sab khush khushaal dekhne the aur Vrinda Shobhit ke bagal me baithi use himmat de rahi thi. Hall ke kisi ke kadmo ki aahat hui to sabhi apne kamron se bahar nikle. Andar aane waala Hitesh tha jisne bina koi samay gawaye bolna shuru kiya.
Hitesh:- Maine iss shehar me Akram Khan ke har thikaane ko mitti me mila diya hai par khatra abhi tala nahi hai. DGP ki beti ko usne kidnap kar liya hai aur main use chhudane jaa raha hoon.
Kanishk:- Humne aapko apni safety ke liye kaha hai, aap uss par dhyaan dijiye. Jiski beti hai usko dekhne dijiye. .
Hitesh:- Aap sab ek baat acche se samajh lijiye. Main ek aam sa banda hoon jiska underworld me bahot naam hai par Akram Khan koi gali ka gunda nahi hai jiske paas bas 40 50 log hain. Main abhi uske 500 logon ko cheer kar aa raha hoon par uske paas aise hazaron log honge. Hum kis kis se ladenge???
Shobhit:- Matlab aap hume aise hi chhod kar bhaag rahe ho???
Hitesh:- Main kahi jaane ki baat nahi kar raha par aap log jara thande dimaag se sochiye. DGP ki beti kidnap hui par aapne kahi koi khabar padhi ya suni??? Nahi, kyunki aisa karne se uss kamine ka manobal badh jaayega. DGP sir ki beti Bhadodih me kaid hai jo jurm ke liye kukhyaat jagah hai. Main uss jagah ko tabah karne jaa raha hoon. Ab itni badi jagah tabahi machegi to uske talwe chaat rahi Police ko bhi uss par action lena hi padega.
Shobhit:- Samajh gaya. Aap Akram aur police ko waha uljha dena chahte hain taaki hum par se khatra hamesha ke liye tal jaaye.
Hitesh:- Ji. Aap sab bas mere kahe anusaar rahiye, main kisi ko ek kharonch tak nahi aane doonga.
Jaari......
ek bar dimag se nikal Diya to diya