Update 12
Sumit jhapad khaane ke baad chupchaap cabin se bahar chala gaya. Suman ne Nurse ko bahar dekh ke aane ke liye kaha,
Suman:- Dviti, jara dekho to wo kamina gaya ki nahi.
Dviti ne baahar jaake dekha aur waapas aakar boli,
Dviti:- Mam wo kahin nahi dikh raha. Lagta hai chala gaya.
Suman:- Anyways next patient ko bulao.
Suman isi tarah patients dekhti rahi. Jab lunch ka time hua tab wo bagal ke restaurant me jaane ke liye paidal hi nikal padi. Lunch karne ke baad jab wo waapas aa rahi thi tab use gate ke paas Sumit dikhai diya. Wo use ignore karke jaane lagi tab Sumit ne uska raasta roka.
Sumit:- Thehriye Suman ji. Main aapse kuch kehna chahta hoon.
Suman:- Ab bolne ke liye kya baaki reh gaya hai??? Jaisi giri hui harkat tumne ki hai mera to mann police complaint karne ka kar raha hai par main bakheda nahi karna chahti isliye tumhe chhod rahi hoon.
Sumit:- Ek min meri baat to sunn lijiye.
Suman:- Mujhe kuch nahi sunna. Dafa ho jaao mere saamne se.
Sumit:- (hanste hue) Gussa aap par bahot pyara lagta hai. Aap gussa karti rehna par pehle meri baat sunn lijiye.
Suman ne socha ki ek baar iski baat sunn hi leti hoon.
Suman:- Bolo kya bolna chahte ho??? Par door se hi, mere najdik mat aana.
Sumit:- Aapne aaj Sumesh Ad Agency me call kiya tha na???
Suman:- Kiya tha. To????
Sumit:- Main usi Agency se aaya hoon.
Suman:- Main kaise maan loon???
Sumit:- Aap bas ek min rukiye.
Sumit ne Hitesh ko message kiya aur kuch second baad hi Suman ka mobile ring hone laga. Suman ne call uthaya aur saamne se awaaj aayi,
Hitesh:- Main Sumesh Ad Agency se Hitesh bol raha hoon. Aapke bagal me Sumit naam ka ek ladka hoga red tshirt aur black pant pehne. Use phone dijiye to.
Suman ne Sumit ko phone diya.
Sumit:- Hello.
Hitesh:- Hello ke bacche!!! Kya kaand kar diya jo mujhe phone karna pad raha hai???
Sumit:- Kuch nahi bas thodi galatfehmi ho gayi thi.
Hitesh:- Tu ghar aa. Uske baad tujhse baat karta hoon.
Sumit:- Ab bharosa hai ya kahi aur se bhi confirm karaun???
Suman:- Iski koi jarurat nahi. Par tum seedhe seedhe bhi to bata sakte the na. Mere cabin me wo sab naatak karne ki kya jarurat thi???
Sumit:- Wo to aise hi prank karne ka mood hua to kar liya. Tumhe mujhe apne bf ke murder case ke liye bulaya hai na???
Suman:- Haan, par tumhe kaise pata???
Sumit:- Mere jasoos charon taraf faile hain. Mujhe to ye bhi pata hai ki use Inayat Khan ne hi goli maari hai.
Suman:- Jab itna sab pata hai to time kyun waste kiya????
Sumit:- Abhi to aap time waste kar rahi ho.
Suman:- Jyada bolne ki jarurat nahi hai. Chalo mere cabin me chal kar baat karte hain. Yaha baat karna theek nahi hoga.
Dono waapas Cabin me aaye. Suman apni chair par baithi par Sumit ko usne saamne ki bajay door rakhi chair par baithne ko kaha. Sumit ne der na karte hua sawaal poocha.
Sumit:- Inayat Khan ne Baljit ko goli kyun maari???
Suman:- Semi-final me Baljit ke hi jeetne ke chances the. Inayat Khan pehle bhi Baljeet se jitne matches khela har match me use haar ka munh dekhna pada. Issbaar agar wo haar jaata to use tagda nuksaan hota aur jeb se paise dene padte. Saamne se lad kar jeet nahi sakta tha to dhokhe se goli maar di.
Sumit:- Par iske liye jaan lene ki kya jarurat thi??? Wo to paise deke match se hatne ke liye bhi keh sakta tha.
Suman:- Baljeet hamesha kehta tha ki Inayat Khan ek number ka sanki hai. Uske liye paise se badhkar kuch nahin. Isliye usne Baljeet ko goli maar di.
Sumit:- To tum kya chahti ho???
Suman:- Main use jinda nahi dekhna chahti. Use goli maar do.
Sumit:- Paagal ho gayi ho kya??? Mujhe hatyara samjha hai???? Tum iss kaam ke liye kisi aur ko dhoondh lo. Good Bye.
Suman:- (Cheekhte hue) Kya kasoor tha Baljit ka??? Yahi na ki wo apni mehnat se semi final tak pahuncha??? Tum nahi jaante usne kya kya saha yahan tak pahunchne ke liye. 2 saal pehle uska ek accident hua tha jisme uske haathon me gambhir chot aayi thi. Maine hi uska ilaaj kiya tha. Aisi sthiti thi uski ki wo chai ka ek cup tak nahi utha paa raha tha. Uss haal se wo semi final tak pahuncha. Apni lagan aur mere pyaar ki badaulat usne anhoni ko honi kar dikhaya. Kya sirf isliye ki ek sanki use goli maar de??? Kya aise sanki ko jeene ka adhikaar hai???
Itna sab kehte kehte Suman ke pet me bhayankar peeda hone lagi. Usne table par padi ek dibbi se jaise taise tablets nikaali aur ek tablet khaa li. Tablets nikaalne ke kram me uske haath se ek tablet neeche gir gayi jise Sumit ne chupke se apni jeb me rakh liya.
Sumit:- Tum thik to ho na???
Suman:- Haan main thik hoon.
Sumit:- Main tumhari baat samajh gaya. Ab uss Inayat Khan ke din poore hue. Jald hi tumhe uski maut ki khabar mil jaayegi.
Suman:- Nahi, Main uski maut apni aankhon se dekhna chahti hoon.
Sumit:- Theek hai main use tumhari aankhon ke saamne hi maarunga. Ab main chalta hoon.
In sabse door ek ghar ke gym me,
Ladki:- Papa, aur kitni exercise karoge??? Aapko yaad hai na aaj mere saath market chalna hai.
Papa:- (hanste hue) Yaad hai mujhe. Tum ladkiyon ko Insta reels aur shopping ke siwa kuch soojhta nahi hai kya??? School se aate hi reels dekhne lag jaati ho aur nahi to shopping ki ratt lagaye rakhti ho.
Ladki:- (munh fulate hue) Jaaiye mujhe aapse baat nahi karni. Aap lage raho apni exercise me.
Papa:- Kaaya beta, tum jaanti ho na kal mera final match hai. Koi baat nahi, aaj shaam tumhe jo chahiye main le doonga.
Kaaya:- Shaam ko kyun abhi kyun nahi??? Aap faltu me exercise kar rahe ho. Poora shehar jaanta hai Akshay Singh se accha boxer aur koi nahi hai.
Akshay:- Galat baat beta. Hame apni mehnat me kabhi katauti nahi karni chahiye. Ab main exercise karoon ya koi aur aagya hai rajkumaari ki???
Kaaya:- Sewak tum exercise karo. Hum tab tak apne shahi bistar par aaram karne jaa rahe hain.
Itna kehkar Kaaya aapne kamre me chali gayi. Akshay use jaate dekh hanse laga aur mann hi mann socha.
Akshay:- Itni badi ho gayi par iska bachpana nahi gaya. Chal Akshay exercise par dhyaan de, iske naatak to lage hi rahenge.
Dusri taraf Sumit Suman se baat karne ke baad jab ghar pahuncha tab Hitesh ne use dekhte hi pooch liya
Hitesh:- To manyavar batane ka kasht karenge ki mujhse call kyun karwaya???
Sumit:- Kuch nahi wo thodi masti ki isliye usns cabin se bahar nikaal diya tha.
Hitesh:- Par tune aisa kiya kya???
Sumit:- Safed coat me wo itni sexy lag rahi thi ki mujhse control nahi hua. Maine bimaari ka bahana kar uske chuche daba diye. Ekdum rui jaise the yaar maja aa gaya.
Hitesh:- Kitni baar bola hai kaam ke samay masti mat kar. Agar wo case kisi aur ko de deti to??? Kya karta tu???
Sumit:- Aisa kuch nahi hota. Maine sab sambhal liya.
Hitesh:- Khaak sambhala. Mujhe phone karna pada. Sudhar jaa saale nahi to tu kisi din badi musibat me fans jaayega.
Sumit:- Wo sab chhod. Inayat Khan ke baare me kuch pata lagaya??
Hitesh:- Haan, ek khabri se pata chala ki wo ab Akshay Singh ke peeche pada hai. Ho sakta hai use bhi jaan se maar de.
Sumit:- Nahi wo aisa nahi karega kyunki final nahi hua to use footi kaudi nahi milegi.
Hitesh:- Theek hai. Jaldi se kaam par lag jaa.
Sumit:- Uss Inayat Khan ko to aisi maut doonga ki uski saat pusht aisa ghinona kaam karne se pehle sochengi. Tu jara iss tablet ke baare me pata laga.
Hitesh:- Par kyun???
Sumit:- Suman se jab case ke baare me baat ho rahi thi tab achanak se uski tabiyat bigad gayi thi. Ye tablet khaane ke baad uski haalat thik hui.
Hitesh:- Main pata karwata hoon.
Jaari.......
