Iron Man
Try and fail. But never give up trying
- 45,894
- 123,702
- 304
Awesome update.SAAND
UPDATE- 255
KALA KAMRA
Vahi dusri taarf jab mujhe hosh aaya to khud ko kisi aalishan haweli ke makhmali bistar par paya...mujhe hosh me aaya dekh kar vaha teen chaar log turant ekatthe ho gaye jinme teen admi aur ek ladki thi...doctor mujhse mera naam puch raha tha lekin meri kuch samajh me hi nahi aa raha tha, bas sir me tez dard mahsoos ho raha tha aur main jor se cheekh kar phir behosh ho gaya.
Ab aage.....
Raj (dimag par jor dete huye)—mera naam...mera naam...mera naam kya hai... ? kya hai mera naam.... ? aaaaaaaa
Admi—ye to phir se behosh ho gaya... ?
Doctor—maine iske chot ki dressing to kar di hai lekin jaisa ki aapne kaha tha ki main iska koi ilaz na karu to maine dressing ke alawa baki kuch nahi kiya hai…ek baat aur main kahna chahta hu sir..
Admi—kya doctor…?
Doctor— sir, iski condition dekh kar aisa lagta hai jaisi ki iske sir me lagi chot ke sath sath dil aur dimag par koi gahra sadma laga hai..jiski vajah se ye apni yaad dast kho baitha hai.
Admi—hmmm..aur yaad dast vapis aane ke kya chances hain…?
Doctor—kuch kah nahi sakte..
Admi—ok doctor..aur haan, iske baare me kisi ko kuch pata nahi chalna chahiye doctor..warna tum achchi tarah se jante ho ki main kitna bada paidaaishi kamina admi hu…?
Doctor (darte huye)—aap chinta bilkul na kare sir, meri juban kat jayegi magar khulegi nahi..
Admi—good, yahi achcha bhi hai tumhare liye…ab jao, daily aa kar isko dressing kar dena ..aur haan, jane se pahle apni fees le lo…(hath se ishara karte huye)..uss samne wala bag paiso se bhara hua hai..usme hath daal kar jitna nikaal sakte ho, nikaal lo..jitna tumne nikal liya, vahi tumhari fees hogi..
Doctor (khush ho kar)—thank you sir,…(bag me hath dalte hi)..aaaaaaaaaa……aaaaaaaaaaaaaaaaa
Doctor ne darte darte namaste kiya aur vaha se apni fees le kar jaldi khisakne me hi apni bhalayi samjhi…isliye usne jaldi se samne rakhe bag ki chain khol kar paise nikalne ke liye jaise hi hath andar dala vaise hi vaha uski dard bhari cheekh goonj uthi….aur phir agle hi pal vo bejaan ho kar dhadam se niche gir paga aur kuch der tak tadapne ke baad shant ho gaya.
Doctor ke marte hi vo admi khushi se haste huye uss bag tak gaya aur usme hath daal kar kuch bahar khich liya..lekin ye kya….? Uske hath me to ek bhayank kala jahareela naag tha jise usne uss bag me band kar ke rakha tha.
Admi—hahahahahaha….shukriya naag raaj..tumne akhir doctor ko uski fees de hi di…hahahahaha…main aur tum to pakke dost hain….jis tarah tum jahreele naag ho vaise hi main bhi ek jahareela naag hu..akhir dost hi dost ke kaam aata hai… Bhains poonch uthayegi to gaana nahi gayegi….hahahahahaha
Vo admi khushi se mushkuraye ja raha tha, phir usne uss kaale naag ko bag me phir se band kar diya…uss admi ke sath jo ladka aur ek ladki khade the, unhe ye sab bilkul bhi pasand nahi aa raha tha, dono andar hi andat jal kar raakh huye ja rahe the.. doctor ke jate hi unhe bolne ka mouka mil gaya.
Ladki —dad, aap isko le kar yaha kyo aa gaye…? Itna achcha mouka tha, mar jane diya hota sale ko.. hamare raste ka sabse bada kaanta nikal jata jiske liye aap aaj tak koshish kar rahe the raste se hatane ki..aur jab kismat hamare sath thi tab aap use bacha kar yaha le aaye..why dad..why…?
Ladki (narazagi dikhate huye)—haan dad, main bhi aapse bahut naraz hu…akhir kya jarurat thi iss harami ko bachane ki..? yahi vo kamina hai jisne gaon me mere sath badatmizi ki thi jab main mousi se milne gayi thi…ye sala marne ke hi kabil tha..
Admi—tumhe kya lagta hai ki maine ise yu hi marne se bachaya hai…? Nahi, tumhare baap ne koi kachchi gotiya nahi kheli hain...jab iske jaise hazar harami mare honge tab tumhara ye baap paida hua tha...ye mat bhulo ki mera naam bhi abhay hai...Bhains Poonchh Uthayegi To Gaana Nahi Gayegi.
Ji haan, ye admi aur koi nahi balki abhay hai aur uske sath iss samay baat karne vale dono shakhs uska beta suraj aur uski badi beti tanu hai jo ki apne baap ke faisle se nakhush dikhayi de rahe hain.
Suraj—lekin phir bhi dad isko bachane ki kya jarurat thi...jab hamara manchaha kaam banta dikh raha tha to... ?
Tanu—haan dad, mujhe bhi jaanna hai ki aapne iss harami ke pille ko kyo bachaya..aur koun hai ye.... ?
Abhay—tanu beta, ye apne aap ko tumhare bade papa vivek ka ladka raj kahta hai sabse jabki vo mar chuka hai....aur maine kaha na ki maine bina matlab use nahi bachaya...ye mat bhulo ki maine court me case file kiya hai iske khilaf.. agar court ka case final hone se pahle ye mar jata to iska sara ilzam mere upar aa jata..media wale aur iske ghar wale kahne lagte ki maine marwa diya aur mera bana banaya plan mitti me mil jata..phir ye sari property govt. Apne kabze me le leti ya phir uski bahan sheetal ke naam transfer ho jati jo main bilkul nahi chahta tha., case ka faisla hone tak iska jinda rahna mere liye behad jaruri hai.
Tanu (shocked)—kyaaa..ye bade papa ka ladka hai….?
Abhay—hai nahi, lekin khud ko kahta jarur hai.
Suraj—lekin dad, jab raj already mar chuka hai to iske jinda rahne ya marne se hame bhala kya fark pad sakta hai….?
Abhay—fark padta hai, bahut bada fark padta hai….kyon ki court me case maine iske khilaf daayar kiya hai ki ye raj nahi balki uska koi hum shakal hai jo property ke lalach me raj ban kar sab ko dhokha de raha hai…agar ye mar gaya to ye baar sabit kaise karoge ki ye asli hai ya naqli…? Uss condition me to sab ise asli hi samjhenge aur iski hatya ka jurm mere upar aa jayega.
Tanu—lekin iski to yaad dast ja chuki hai, aise me case iske upar kaise chalega…?
Abhay—yaad dast chali gayi to kya hua..ye to sabit ho hi jayega ki ye naqli hai aur asli raj mar chuka hai..bas ise theek hone tak saza nahi hogi..isko bachane ka dusra karan bhi hai..
Suraj—vo kya…?
Abhay—kisi bhi tarah iski yaad dast hame vapis lani hogi, iske jariye hum vasiyat ka raaz jaan sakte hain aur hame ye bhi pata chal jayega ki asli vasiyat hai kaha….? Isliye jab tak hamara kaam poora nahi hota tum dono ko iska vishesh dhyan rakhna hoga..kaise bhi kar ke iski yaad dast laane ki koshish karo aur haan, tab tak ye yaha se kahi jane na paye..
Suraj—dad, ye bhi to ho sakta hai ki ye yaad dast jane ka natak kar raha ho….?
Abhay—to ise kisi bhi tarah apne vash me kar ke ugalwane ki koshish karo..magar case final hone tak ise kuch hona nahi chahiye…ye jo mangta hai ise do..jo karta hai karne do..bas isko apni nigaho se door mat hone dena..kyon ki jo raaz main iske jariye janna chahta hu vahi black star bhi chahta hai..to ho sakta hai ki vo pata chalte hi kuch gadbad na kar de isliye iss baat ka dhyan rakhna.
Suraj—iska matlab ki black star ki nazar me ye mar chuka hai….?
Abhay—haan, vo to achcha hua ki mere admi iska saaye ki tarah picha kar rahe the…sadhana ne to isko maar hi diya tha, ye bas behosh ho kar khayi me girne hi wala tha ki tab tak mere admi vaha pahuch gaye aur ise bahar nikaal laaye.. ye bhi theek hi hua ki uss samay tak vo ladki vaha se ja chuki thi…ab iske jariye main asani se vasiyat ke uss raaz tak pahuch sakta hu jo kayi saalo se itihaas ke kisi kone me dafan hai…kaam hote hi samjho ki ye khatam.
Abhi vo baate kar hi rahe the ki Tabhi unka dhyan meri taarf gaya kyon ki mere jism me phir se hulchul hone lagi thi aur kuch hi der me mujhe phir hosh aa gaya.
Abhay—ab kaisi tabiyat hai tumhari beta….?
Raj (hairan)—tum log koun ho... ? hum kaha hu... ? ye koun si jagah hai…? Kya tum log mujhe jante ho... ? agar jante ho to batao na ki Mera naam kya hai... ? kya hai mera naam... ? aaaaaa..mujhe kuch yaad kyo nahi aa raha..aaaa... ?
Abhay—apne dimag par jor mat do...tumhara naam raj hai..aur main tumhara chacha abhay hu..ye tumhara bada bhai suraj aur ye tumhari badi bahan tanu hai..tum apne hi ghar me ho beta...
Raj—kya tum sach bol rahe ho... ? phir aur koun koun hai mere ghar me…?
Abhay—beta, tumhare mummy papa bachpan me hi mar gaye the, tab se tum hamare hi paas ho…yaha hum teeno ke alawa tumhari chachi kalyani aur ek aur badi bahan rekha rahti hai…tumhara accident ho gaya tha..isliye tum hame pahchan nahi pa rahe ho..dhire dhire sab yaad aa jayega..abhi araam karo..
Raj—aap meri didi ho…?
Tanu (muh bana kar)—haan, main tumhari tanu didi hu..
Raj (hath pakad kar)—sach me aap kitni achchi ho didi…mujhe akele darr lagta hai didi..aap mujhe chhod kar mat jana..
Abhay—koi tumhe chhod kar kahi nahi jayega..ab tum araam karo..tanu, mujhe thoda bahar jana hai, tum dono iska dhyan rakhna..aur haan akele mat chhodna..Bhains poonch uthayegi to gaana nahi gaayegi.
Suraj—dad, mujhe bhi apne friends ke paas jana hai party me...tanu rahegi iske paas..
Tanu—main hi kyu... ? mujhe bhi kaam hai apni friends se milne jana hai..
Abhay—maine ek bar jo bol diya so bol diya, under stand...
Tanu (mann me)—iss kamine ko to aisa sabak sikhaungi ki hamesha yaad rakhega ki isne badatmizi karne ki himmat kiske sath ki thi..sala harami…
Suraj—tanu main bhi ja raha hu..iska dhyan rakhna..
Uske baad abhay aur uske piche piche suraj bhi vaha se chale gaye...uss aalishan kamre me main aur tanu hi bache the.. unke jate hi vo bhi vaha se uth kar jane lagi.
Raj—didi, aap mujhe chhod kar kaha ja rahi ho... ?
Tanu (jor se)—jahannum me...tujhe bhi pahucha du kya... ?
Raj—ye jahannum kya aur kaisa hota hai didi... ?
Tanu (chillate huye)—mera dimag mat kha..chupchap pada rah samjah, sala harami...(mann me)..dad ne mujhe kaha phasa diya... ?
Uske aise chillane se main chup ho gaya..tanu dusre room me ja kar kisi se phone par baat karne lagi..uske baat karne ke andaz se lag raha tha jaise ki vo apne boy friend se baate kar rahi ho...mujhe bade jor se peshab lagi thi lekin jab lagbhag ek ghante tak tanu bahar nahi aayi to main jis room me vo gayi thi, main bhi usme ghus gaya.
Samne laptop par vo koi english movie dekh rahi thi jisme ek ladka aur ladki ek dusre ke hotho ko khaye ja rahe the lipat kar...Mujhe ye dekh kar hairani huyi ki ye sab kya hai... ??
Raj (hairan)—didi, ye dono kya kar rahe hain... ? ek dusre ka muh kyo kha rahe hain ye.... ?
Tanu (chounk kar gusse me)—tu yaha kya kar raha hai... ? tu aaya kaise mere room me... ? chal bahar nikal yaha se... ? aur dubara kabhi mere room me aana mat..
Raj (sir jhuka ke)—vo didi, mujhe bahut jor se susu lagi hai...aap batao na ki susu kaha karu main... ?
Tanu (chillate huye)—yaha mere sir me kar de...
Raj—achcha theek hai, bas yahi to puch raha tha..
Tanu ki baat sun kar main pant ki chain kholte huye uski taraf badhne laga, mujhe apni taraf aate dekh kar vo chounk kar aur jyada bhadak gayi..
Tanu (jor se)—kamine idhar kaha aa raha ahi.. ? sach me mere sir me hi mootega kya... ?
Raj—mujhe kyo daant rahi ho didi jabki aapne hi to kaha tha ki aap ke sir me susu kar lu…
Tanu (shocked)—kyaaaa…? Chal bhag yaha se ..sala ahrami..sach me kamina mere upar hi mootne chala aa raha hai.. ohh god, dad ne ye namuna kaha se pakad liya…? Abe bewaqoof, vaha bathroom me ja kar moot le…kamine ko ye bhi yaad nahi hai ki kaha mootna chahiye…?
Raj—ye bathroom kya hota hai…? Jaldi batao na didi, nahi to yahi mera susu nikal jayega..
Tanu (hadbadate huye jor se)—arrey nahi nahi, ruk ruk..yaha nahi..yaha nahi...vo raha bathroom..chal idhar aa..yaha kar le..aur baad me ye wala pani daal dena uss par...chal jaldi ja..hey bhagwan, kaha phans gayi..kaise kaise log hain duniya me... ?
Tanu ne bhag kar jaldi se apne bathroom ka darwaja khol kar mujhe ishara kiya..main jaldi se vaha ja kar mootne laga..tab ja kar kuch araam mila...pani dalne ke baad main bathroom se bahar aa gaya.
Tanu—ab chal ja yaha se..
Raj—didi batao na vo dono ek dusre ka muh kyo kha rahe the... ?
Tanu (ankh dikhate huye)—tujhe kya karna hai jaan kar..? chal ab ja yaha se..
Raj—vo mujhe bhi vaise hi karne ka mann ho raha hai didi...hum dono bhi ek bar vaisa hi kare didi... ?
Tanu (shocked)—kyaaa kahaaa... ? chal nikal mere room se bahar harami…aur dubara kabhi mere kamre me aana mat… “Hoti Nahi Hai Abhi Lulli Khadi, Aur Baate Karta Hai Badi Badi.”
Tanu jaise hi mujhe maarne ke liye uthi to main jaldi se uske room se bahar bhaga, jaise hi bahar nikla vaise hi kisi se takra gaya jor se..
Vahi dusri taraf……
Sadhana—chacha, suna hai ki check point ke aage kuch rahasyamayi cheeze bhi hain... ?
Buddha—ye sab bakwas hai...uss paar kewal kabile wale aur jungli janwar rahte hain…maine khud ek do bar kabile walo ko dekha hai..vo khud kisi bhoot pret se kam hain kya…? Uss paar jane wala aaj tak jinda lout kar nahi aaya...jab police bhi kisi gayab huye admi ko talash karte huye pati hai ki vo uss paar gaya hai to turant apni investigation band kar deti hai.
Sadhana (shocked)—kyaaaa.... ?
Uss admi ne aise kaha jaise ki use sari sachchayi pata ho…sadhana ne usse ek do sawal aur puche jinka jawab shayad use pahle se hi pata tha..uske baad dono car se hi dhire dhire aage badhne lage.
Thodi door chalne ke baad hi fencing dikhayi padne lagi…vo ek tarah se iss raste ka dead end tha…sadhana ne kuch doori par hi car rok di…raste me unhe do jagah pedo ki aad me do premi yugal jode bhi dikh gaye the, agar vo thoda aur dhyan dete to unhe kuch bhi jode dikh sakte the.
Deepak—(car se utarte huye)..ab…?
Sadhana—main fencing ke uss paar jaungi aur jitna door tak dekh sakti hu, dekhne ki koshish karungi..tum ej ghante tak mera yahi intazar karna..
Deepak—areey, main bhi chalunga..ek ghante me to main yaha pagal ho jaunga..
Sadhana—pagal mat bano..
Deepak—arrey yaar, main kam se kam iss fencing ko to paar kar hi lunga..college me sports champion rah chuka hu..
Sadhana apne jute utar kar fencing par chadhne lagi..vah pair ke anguthe aur hath ki ungliyo ki madad se upar chadh rahi thi…vo jaan bujh kar poori hatheli aur pairo ki madad nahi le rahi thi warna fence me lage kaante dhans sakte the…lekin ungliyo ko vah badi savdhani se kaanto ke beech rakh kar aage badh rahi thi…issi karan usne jute bhi nikaal diye the.
Deepak bhi vaise hi chadhne laga..uss paar pahuchne tak uski ungliya chhil gayi thi..unhone fence ke niche se apne jite khiche aur unhe pahan kar aage badhne lage.
Dono abhi kuch door hi gaye the ki unhe ek dus metr choudi nahar dikhayi di..dekhne se ye ek prakratik nahar lag rahi thi.. jo kisi nadi ki dhara bhatakne se ban gayi lagti thi.
Dekhne se nahat ki gahrayi ka andaza lagana mushkil tha…par unn dono ki samasya ka hal vaha pahle se hi moujud tha.. ek choude ped ke tane ko nahar ke dono taraf se tikaya gaya tha..jahir tha ki koi use aane jane ke liye istemal karta hoga. Sadhana ne hath se tatol kar uss tane ko dekha to ye andaza ho gaya ki tana khokhla nahi tha aur kam se kam ek admi ka bojh to vah araam se utha sakta tha.
Sadhana—bari bari se uss paar jayenge..
Deepak—theek hai..
Sadhana dhire dhire uss tane ke sahare aage badhne lagi..usne apna santulan banaye rakhne ke liye dono hath phaila rakhe the..kuch hi der me dono sahi salamat uss paar pahuch gaye lekin abhi unki samasyayo ka ant nahi hua tha.
Lagbhag sau kadam aage badhne par achanak hi unke samne teen kabile wale aa gaye...unka aana itna apratyashit aur achanak tha ki unko dekhte hi dono chounk kar rah gaye...unhe apni saans rukti huyi mahsoos huyi.
Teeno kabile walo ke hatho me tedhe medhe bhaale the jinka agla bhag nukile pattharo se bana hua tha…unhone ajibo garib kapde apni kamar se upar aur kamar se niche lapet rakhe the...unke vastra kis cheez se bane the ..ye batana namumkin lag raha tha...teeno ka rang koyle ki tarah ekdam kala aur sir par ek bhi baal nahi the..hatho me lakdi ke kade pahne huye the teeno hi.
Unhe dekhte hi sadhana aur deepak thithak kar ruk gaye....par unki ummido ke ulat unhone dono ke khilaf koi aakramak tevar nahi dikhaye…teeno ajib si bhasa me kuch bol rahe the...aur bhaalo se unhe vapis jane ka ishara karne lage.
Unka ishara samajh kar dono ne vapis jana hi uchit samjha..unhe vapis jate dekh teeno kabile walo ne kuch aur nahi kaha, bas unhe vapis jate huye dekhne lage.
Deepak—kya hum issiliye yaha aaye the... ?
Sadhana—jaldbazi me koi kaam safal nahi hota..baad me hum poori taiyari ke sath dubara ayenge….abhi ke liye hame itna to pata chal gaya ki kabile wale itne khatarnak nahi hain jitna ki vo buddha bata raha tha…agar hum jabardasti aage jane ki koshish karte to shayad vo aakramak bhi ho sakte the.
Iss baar deepak ne sabse pahle uss tane par chadh kar nahar ke dusri taraf pahuch gaya..uske uss paar pahuchte hi sadhana ne bhi uss tane ke sahare nahar paar karna shuru kar diya…abhi usne aadha rasta hi paar kiya tha ki tabhi uske kaano me ek awaz takrayi..
“Chal Chal Chal Chal..Chal Mere Yaar..Chal Mere Yaar,
Aa Ja Le Chalu Main Tujhe Nadiya Ke paar
Nadiya Ke Paar Basa Ek Sansar, Ek Sansar
Jaha Dono Karenge Dil Khol Kar Pyar…..”
Awaz dhimi thi par darr ke karan sadhana ki reedh ki haddi me sihran daud gayi…uske dil ki dhadkan asamanya roop se tez ho gayi…use apni saanse phulti huyi mahsoos hone lagi..
Update Abhi Incomplete Hai...Complete Update Dophar Tak.
Mera umid sahi nikla wo ladki Abhay ki beti thi aur waha abhay aur uska beta bhi tha .
Abhay ne Apne hi ghar me saandh ko rakh diya hai use pata nahi usne kya bhool kar di hai.Vinashkale Viprit Boodhi .
Raj sach me yaadasht khobdiya hai ya jaanbujhkar natak kar raha hai . Tanu pe jald hi chafhnewala hai .
Saadhna kya pta lagane ki koshish kar rahi hai . Ye gana kon ga raha hai ye tab bhi gaya tha jab raj ped gira tha pahadi se.
