Incest SAAJAN

[Sanskari Larka]

Update will come today.

Ok bhidu

 

[janu2016]

waiting

 

[Vinod1368]

CHOTA LEKIN SUPERB UPDATE

 

[Yuvraj singh]

Update will come today.

Ok bro we will be wet

 

[Ameer Khan Khan]

eagerly waiting for update bro

 

[FRIDAY]

Awesome update bhai...
Is tislim me maza a gya.kiu ki sab ki jan ek sath khatre me hai.Dekhte hai Raj kaise tislim ko todta hai?Aur wo chor kon hai zo tislim ki wo kitab chori ki?

Nice update....
waiting for next update....

 

[anandsngh12]

SAAJAN
UPDATE- 261
Rajgarh Ka Raaz Continues......​

Raj (mann me)—agar maine jaldi hi iss tilshm ka tod nahi dhoonda to inme se koi bhi nahi bachegi…jyada samay nahi hai mere paas ab.

Main abhi soch hi raha tha ki achanak tabhi vo poori laashe ek ek kar ke khadi hone lagi…aur phir tezi se hum sab ki taraf badhne lagi.

Ye dekh kar sab aur bhi ghabra gayi aur darr evam khauf se jor jor se cheekhne chillane lagi…bhagne ke liye kahi jagah hi nahi thi……main samajh gaya ki ab mere paas kewal kuch hi seconds ka samay shesh hai….sab ko bachane ke liye.

Ab aage……

Jaise jaise vo laashe paas aati ja rahi thi, unki badbu aur tezi se naak me samati ja rahi thi,ab to saans lene tak ki himmat nahi ho rahi thi…sab ka bahut bura haal ho chuka tha…tabhi mere mann me ek khyal aaya.

Raj (jor se)—divya….tum aage badho…aur dekho ki kahi koi clue milta hai kya kamre me…?

Divya—kyaaaa…main….? Nahi..nahi mujhe nahi marna hai…mujhe iss janam me har haal me tumse shadi karni hai…inn badbudar lasho ke paas main nahi jane wali.

Raj—pagal…tumhe koi touch bhi nahi kar sakta…tumhe darne ki koi jarurat nahi hai….bas tum aage to badho…dekho samay bahut kam hai.

Divya—to tum apni power kyo nahi use karte….? Inhe aag me jala do.

Raj—bina ye tilism toote power kaam nahi karengi yaha…tabhi to tumhe bol raha hu

Mrinal—agar apki power kaam nahi karegi to ye bechari kaise aage itni lasho ko paar karegi…? Kya divya ke paas bhi powers hain…?

Raj—nahi…ye uski khasiyat hai ki divya ko uske saajan ke siwa koi hath bhi nahi laga sakta….ab jao bhi aage aur dekho jara.

Tab tak vo lashe kafi karib aa chuki thi….maine divya ko aage badhne ka ishara kiya to darte darte usne apne kadam aage bdha diye….ye dekh unme se kuch lashe jaldi se divya ko pakadne ke liye uss par jhapti aur jaise hi usko pakadne ke liye hath aage kiye to divya ne cheekh kar darr se apni ankhe band kar li….magar jaise hi unn lasho ka hath usko touch hua vaise hi itna tez jhatka laga ki vo udte huye jakar piche tezi se deewar se ja takraya.

Ye dekh kar baki lashe saham kar vahi apni jagah ruk gayi aur bade ashcharya se divya ki taraf ghurne lagi aur phir khud hi usse door hatne lagi….maine usko aage badhne ko kaha to usne apni ankhe khol kar dhire dhire aage badhne lagi…jaise jaise vo aage badhti, uske paas ki laashe piche khisakti jati

Ye dekh kar priyadarshini aur mrinal ka muh hairat se khula rah gaya….unhone kisi me aisi adbhut khasiyat ka hona kabhi nahi suna tha, balki aaj pahli bar dekh rahi thi.

Raj—bariki se dhyan dete huye aage badhti raho….koi na koi clue jarur milega….

Divya ne ek taraf ka kona dekh liya lekin kahi kuch nahi mila to maine usko poore kamre me ghumne ko kaha….usne dono hatho se apni naak dabe muh se saans khichte huye ek kona se dusra kona ghumne lagi…vo jis taraf bhi mudti to lashe apne aap hi usko aage badhne ka rasta de deti.

Divya (naak pakde huye)—iss taraf kuch bhi nahi hai..

Raj—to dusri taraf palat jao aur dekhti raho.

Vo palat kar dusri disha me chalne lagi….usko apni taraf aata dekh kar dusri taraf ki laashe bhi piche hatne lagi….chalte chalte na jane kyo divya ek jagah ruk kar khadi ho gayi.

Raj—kya hua meri bulbul…khadi kyo ho gayi…..?

Divya—saajan….yaha par badbu nahi aa rahi balki bahut sundar khusbu aa rahi hai kisi sugandhit phool ke jaisi.

Raj—very good….ab vaha par hi apne charo oor dekho ki aisa kya hai vaha par jiski ye khusbu aa rahi hai….?

Divya (ghum kar dekhte huye)—yaha to mujhe kuch bhi nahi dikh raha aisa

Raj—aur achche se dekho….kuch na kuch hoga vahi par hi

Divya—nahi dikh raha kuch bhi.

Raj—to phir aage badho….aur haan ye lo vaha par pahle nishan bana do.

Maine divya ki taraf chalk phenkte huye kaha…Divya ne apne khade hone ki jagah par chalk se ek gol ghera bana diya aur phir se aage badh gayi.

Divya—ab phir se badbu aane lagi hai.

Raj—pahle ek baar poora kamra to check kar lo

Idhar dusri taraf ki laashe ab tak baki sab ke paas pahuch chuki thi…ye dekh kar sab phir se chillane lagi ghabrahat aur darr se….jab koi upay nahi sujha unse bachne ka to payal didi ne apni kulhadi se ek laash ki gardan uda di…lekin agle hi kshan uski gardan phir se uss lash ke sharir se ja kar jud gayi…vo baar baar kulhadi se kabhi gardan to kabhi hath to kabhi pair kaatne me lagi rahi magar agle hi pal vo jyo ka tyo ho ja rahi thi.

Kintu payal didi ki iss himmat se ek kaam jarur ho raha tha ki vo laashe baki kisi ko pakad nahi pa rahi thi…aur unka dhyan bhi payal ki taraf ho gaya tha.

Idhar Divya ne charo taraf ghumte huye poora kamra dekh liya lekin kahi bhi kuch nahi mila usko iss jaanleva badbu ke siwa….vo chakkar kaat kar baki sab ke log ke paas pahuch gayi….uske paas me aate hi vo laashe bhi piche hat gayi.

Neha—uuuffff….ek to ye itni buri badbu ne saans lena mushkil kar diya hai upar se ye laashe bhi piche padi huyi hain….

Payal—raj ab kya kare….?

Raj—uss nishan wali jagah par hi kuch hona chahiye.

Mrinal—lekin vaha par to kuch bhi nahi tha na…?

Raj—shayad jamin ke niche ho lekin gahrayi me na ho….vaja jamin me kisis barik darar se ye khushbu nikal kar bahar aa rahi hogi…..hame uss jagah ko khodna hoga, tabhi kuch pata chal sakta hai.

Payal—lekin hamare paas to khodne ke liye kuch bhi hathiyar nahi hai….?

Raj—aap ki iss kulhadi se hi kaam chalana padega abhi philhal to.

Payal—theek hai…ye lo aur kaise bhi kar ke iss badbu ko khatam karo.

Priyadarshini—lekin ye laashe aap par hamla kar sakti hain….aisa karna khatarnak hai….yaha par to shaktiya bhi kaam nahi kar rahi hain.

Divya—saajan ko kuch nahi hoga…..shaktiya na sahi par unke achche karmo aur logo ki dua ki taqat ko koi tilism nahi rok sakta hai….saajan ko nuksan pahuchane se pahle unhe mujhse takrana hoga.

Raj—aa jao sab vahi par aur mere charo taraf baith jao ghera bana kar.....aur divya tum hamare charo taraf ghumti rahna jab tak ki main apna kaam na khatam kar lu.

Divya—theek hai

Maine kulhadi liya aur chal pada uss nishan ki taraf….hame uss nishan ki taraf badhte dekh kar vo laashe hamari taraf badhne lagi….khas kar meri taraf.

Uss jagah pahuch kar maine uss nishan ko gaur se dekha to mujhe ek patli si darar nazar aayi jo ki bade dhyan se dekhne par hi dikh rahi thi..ek dam dhaage ke barabar patli darar thi vo jisme se ris ris kar vo khushbu bahar aa rahi thi….maine kulhadi se uss darar ko khodna chulu kar diya.

Mujhe vaha khudayi karte huye dekh kar vo sabhi lashe bhadak gayi aur sab ki sab ek sath mere upar hamla kar di…lekin divya mere charo taraf doudte huye chakkar rahi thi….jisse vo divya se takrate hi jhatka kha kar deewar se ja takrati….phir uth kar mujh par attack karne ke liye bhagti aur phir se divya se takrate hi door ja girti.

Unn sab laasho ka dhyan ab poori tarah se mere upar hi kendrit ho chuka tha….magar divya mera suraksha kawach ban kar pahra laga rahi thi….iss dauran main lagatar uss darar ko tezi se khodne me laga raha.

Priyadarshini—rukiye main vaha ki mitti nikalti jati hu.

Payal—main bhi

Main jaldi jaldi khodta raha aur priyadarshini aur payal didi khodne se ekattha huyi mitti ko uss jagah se hatane lagi…kuch hi samay me maine uss ghere ko khod diya tha….upar ki kathor jamin ki papdi alag hote hi andar geeli mitti ke sath sath ret nikalne lagi jise hum jaldi jaldi bahar phenkne lage kyon ki ab tak tezi se doudte huye divya ki saanse phulne lagi thi jiske karan vo haanf rahi thi aur shayad thak bhi gayi thi.

Jaise jaise uss jagah se mitti alag hoti ja rahi thi, vaise vaise ek sugandhit khushbu ka risaav bhi badhta ja raha tha jiske karan ab saans lene me asani hone lagi thi aur vo durgandh nirantar kam hoti ja rahi thi..

Akhir me jab ye sugandh kafi tez ho gayi to hum sab jaldi jaldi uss gaddhe ki mitti aur ret bahar nikalne lage, iss kaam me sabhi jut gaye….aur jaise hi mitti nikal gayi vaha ki to sab ek bar phir se cheekh uthi.

Kyon ki uss gaddhe me bhi ek laash dafan thi….jisme se badi sugandhit khushbu nikal rahi thi…maine bade dhyan se dekha to uss laash ke bagal me ek patthar gada hua tha jisme kuch likha tha…maine vo patthar khich ke bahar nikal liya aur usme lagi mitti ko saf kar ke usme jo bhi likha tha usko padhne laga.

“Ek Qile Ke Do Hi Dwar, Jiske Sainik Lakdidar
Takraye Jab Deewaro Se, Khatam Ho Jaye Unka Sansar.”

Payal—ye kaisi paheli hai bhala…?

Mrinal—ye sab kitni baar to deewaro se takra chuke hain, lekin khatam ek bhi nahi hua.

Main sochne laga uss paheli ke baare me…tabhi mera dhyan gaya ki ab unn laasho me se koi bhi paas me nahi aa raha tha.

Raj—mrinal iss laash ki talashi lo….jarur iss paheli ka uttar bhi milega iske paas hi.

Mrinal—itni bhayanak laash ko main nahi hath lagati….kahi isne bhi hamla kar diya to….?

Raj—chhodo….main hi dekhta hu.

Main uss lash ko khichne ki koshish kiya lekin vo apni jagah se tas se mas nahi huyi….tab maine aise hi uski talashi lene me lag gaya….akhir me mujhe uske paas se ek machis mili to paheli bhi meri samajh me aa gayi.

Neha—ye machis hai iske paas….? Pakka ye bidi pine wala raha hoga.

Raj—iss paheli ka matlab hi machis hai.

Vidhi—lekin isse kya hoga….?

Raj—dekhte hain.

Maine machis ko khola to usme ek hi stick thi....sab ko vaha se door karne ke baad maine uss stick ko jala kar uss laash ko jalane laga...jaldi hi vo aag pakad li aur tezi se jalne lagi...aur agle hi pal vo sugandhit khushbu poore kamre me phailne lagi....uss khushbu ke phailte hi vo laashe cheekhne chillane lagi aur phir ek ek kar ke vo sabhi uss aag me ja ja kar gir kar jalne lagi....kuch hi samay me unn badbu wali laasho ka sansar khatam ho gaya tha...unke khatam hote hi vo durgandh bhi samapt ho gayi....ab bachi thi to kewal sungandhit khushbu.

Payal—yahoooo....vo badbu phailane wali laashe khatam ho gayi.

Mrinal—bada hi ajib tilism tha ye….lekin iss laash se khushbu kyo aa rahi thi….? Isse badu kyo nahi aayi…?

Raj—dekhte hain…

Hum sab phir se uss gaddhe ke paas aa gaye aur usme jhank kar dekha to vaha ek tahkhana jaisa kuch samajh aaya…halani uske andar andhera hi andhera tha phir bhi hamne anuman lagaya.

Divya—ab kya kare….?

Neha—haan, unn laasho ke khatam ho jane ke baad bhi koi raaz nahi khula…..?

Paridhi—mujhe lagta hai ki hame ab iss tahkhane me jana hoga….yahi ek rasta khula hai aage badhne ka unn laasho ke khatam hone ke baad to…

Raj—mujhe bhi aisa hi lagta hai

Mrinal—kya iske andar bhi kuch khatra hoga.... ?

Raj—hoga to jarur, kuch na kuch khatra.

Payal—chal dekhte hain….jab tum ho hamare sath to phir darr kaisa…!

Raj—chalo aa jao sab

Main sabse pahle uss gaddhe me kud gaya….jab kuch der tak meri koi awaz nahi aayi to sab mujhe awaz lagane lagi lekin phir bhi meri taraf se koi prati kriya hote na dekh kar sab ek bar phir chintit ho gayi aur phir meri dekha dekhi ek ek kar ke sab usme jump karti gayi.

Hum sab ja kar niche kafi gahrayi me ja kar pani me gire…halanki pani kamar tak hi tha jisse kisi ko chot nahi aayi.

Payal—aaahh..marr gayi…rajjj…tu kaha hai….ye kaisa tahkhana hai…?

Raj—main yahi hu..tension mat lo….aap ko chhod kar kahi ja sakta hu main didi….?

Vidhi—maine to socha tha ki isme sidhi lagi hogi niche utarne ke liye, magar kudte hi yaha aa giri sidhe.

Mrinal—achcha hua ki niche yaha pani bhara tha warna hum bhi unn laasho me shamil ho chuke hote ab tak.

Neha—ab kaha jaye…yaha to kuch dikh bhi nahi raha hai.

Raj—ab to iss pani me hi chalte chalo aage….dekhte hain kya milta hai hame ab….?

Paridhi—koi saanp vaanp to nahi hoga na iss pani me….?

Raj—kya pata…? Ho bhi sakta hai aur nahi bhi….

Hum pani me hi chalte huye aage badhne lage....maine yaha mani ki shakti se roshni kar di thi jisse aage ka rasta dikhayi de raha tha....kyon ki unn laasho ke khatam hone ke baad jo shaktiya bandhi huyi thi vo ab azad ho gayi thi.

Jaisa maine socha tha ki ye koi tahkhana hoga, meri soch ke vipreet ye ek surang nikli....hum aage badhte hi rahe..kuch door chalne ke baad achanak se pani gale tak aa gaya....lekin phir bhi maine sab ko samjha kar aage badhte rahne ko kaha......sab meri baat maan kar apni jaan hatheli pe rakhe aage badhti rahi.....

Kuch door aur chalne par yakayak hum kuch dekh kar hairan ho gaye….kyon ki aage surang char surang bani nazar aa rahi thi…lekin pani ek hi surang me ja raha tha….dusri surang me daldal tha…teesri me kaante wali jhadiya thi bahut aur chouthi surang bilkul saf suthri dikh rahi thi….uske raste me kuch bhi nahi dikh raha tha.

Payal—lo ab ek nayi musibat aa gayi....ab koun si surang me ghusna chahiye hame... ?

Mrinal—mere khyal se vo chouthi surang theek rahegi....uska rasta bhi saf dikh raha hai..

Divya—lekin mujhe to lagta hai ki inme se teen surang kewal gumrah karne ke liye hi hain..inme se ek surang hi sahi honi chahiye.

Raj—tumhara kahna bilkul sahi hai.

Neha—kyo na hum thoda thoda sab surang me ghus kar dekhe ki kisme jana theek rahega….?

Raj—ok, chalo ye bhi dekh lete hain

Hum sabse pahle pahli wali surang me jaise hi main ghusa to vaise hi pani me doob gaya...sabne jaldi se mujhe bahar khich liya.

Raj—isme bahut bahut jyada pani hai.

Dusri me jaise hi pair rakha to usme gale tak kichad me ghus gaya...phir sabne bahar khicha mujhe...usko bhi cancle karna pada.....

Paridhi—ye dusri wali bhi bekar hai

Phir third surang me jaise hi ghusne ke liye pair rakha to ek bada kaanta mere pairo me ghus kar upar aar paar nikal aaya....jaldi se piche ho kar main niche baith gaya....divya ne khich kar kaanta bahar nikala.

Priyadarshini—ab to yahi ek bachi hai...

Divya—lekin mujhe to lagta hai ki sabse jyada khatra bhi issi surang me hoga…

Mrinal—mere paas ek idea hai..

Payal—kyaaa….? Vaise bhi tere idea se bahut darr lagta hai.

Raj—kya idea hai mrinal…?

Mrinal—kyo na pahle ek patthar utha kar uss surang me phenk kar dekhe ki kya hota hai….?

Divya—hmmm…ye bhi theek hai.

Mrinal ne niche se ek chota patthar utha kar jaise hi uss chouthi surang ke andar phenka vaise hi…….

 

[anandsngh12]

Ha bhai yeh baat bhi sahi hai ....

Thanks for Reading & Supporting.
Stay with us.
Today's update is on page.....1196

 

[anandsngh12]

Behad hi shandar or jabardast update bhai.
Bahut khoob superb.

To vo anjaan shakhsh ek anamol vastu lekar gayab hua tha.
Ajib situation ho gyi h.
Kya khatarnaak ya yun kah le ki vibhats scene create kiya h aapne.
Bada hi dilchasp mod par roka h is kahani ko .

Or isiliye ,
Aage ka intjaar

Thanks for Reading & Supporting.
Shukriya Rishabh bhai for liking the update
Stay with us.
Today's update is on page.....1196

 

[anandsngh12]

Excellent update bhai bahut hi shandar aur lajawab mind blowing_____

Keep posting_____

Waiting for next update_____

Thanks for Reading & Supporting.
Stay with us.
Today's update is on page.....1196